ਪੰਜਾਬੀ 
English 
پنجابی 
Español 
Français 
Deutsch 
Português 
Bahasa Indonesia 
Türkçe 
Tiếng Việt 
Filipino 
Svenska हिंदी संस्कृत 
Nederlands 
Română 
Magyar 
Polski 
Čeština 
Afrikaans 
Italiano Català 
Shqip 
Gaeilge Cymraeg 
Slovenčina 
Slovenščina 
Dansk 
Eesti 
Latviešu 
Lietuvių 
Norsk 
Malti 
Íslenska Galego 
Kreyòl Ayisyen 
Latin 
Bahasa Melayu 
Kiswahili 
Hrvatski 
Suomi 
Русский मराठी ગુજરાતી తెలుగు ಕನ್ನಡ தமிழ் മലയാളം 
বাংলা 
Ελληνικά 
日本語 
中文 اردو سنڌي 
فارسی 
العربية 
עברית 
한국어 ਸ਼੍ਰੀ ਦਸਮ ਗ੍ਰੰਥ
ਅੰਗ - 668
ਅਨਭਿਖ ਅਜੇਵ ॥੪੦੭॥
ਅਤੇ ਭੇਖ ਤੋਂ ਰਹਿਤ ਅਤੇ ਅਜਿਤ ਸੀ ॥੪੦੭॥
ਸੰਨਿਆਸ ਨਾਥ ॥
ਸੰਨਿਆਸ ਦਾ ਸੁਆਮੀ,
ਅਨਧਰ ਪ੍ਰਮਾਥ ॥
ਆਧਾਰ ਰਹਿਤ ਅਤੇ ਮਿਧਣ ਵਾਲਾ ਸੀ।
ਇਕ ਰਟਤ ਗਾਥ ॥
ਇਕੋ ਵਾਰਤਾ ਰਟਦਾ ਸੀ,
ਟਕ ਏਕ ਸਾਥ ॥੪੦੮॥
ਇਕ ਟਕ ਵੇਖਦਾ ਸੀ ॥੪੦੮॥
ਗੁਨ ਗਨਿ ਅਪਾਰ ॥
ਉਦਾਰ ਮਨ ਵਾਲਾ ਮੁਨੀ
ਮੁਨਿ ਮਨਿ ਉਦਾਰ ॥
ਗੁਣਾਂ ਦੇ ਸਮੂਹ ਵਾਲਾ ਸੀ।
ਸੁਭ ਮਤਿ ਸੁਢਾਰ ॥
(ਉਸ ਦੀ) ਬੁੱਧੀ ਸੁੰਦਰ ਸਰੂਪ ਵਾਲੀ ਸੀ,
ਬੁਧਿ ਕੋ ਪਹਾਰ ॥੪੦੯॥
(ਮਾਨੋ) ਬੁੱਧੀ ਦਾ ਪਹਾੜ ਹੋਵੇ ॥੪੦੯॥
ਸੰਨਿਆਸ ਭੇਖ ॥
ਸੰਨਿਆਸ ਭੇਖ ਵਾਲਾ,
ਅਨਿਬਿਖ ਅਦ੍ਵੈਖ ॥
ਵਿਸ਼ਿਆਂ ਤੋਂ ਰਹਿਤ ਅਤੇ ਦ੍ਵੈਸ਼ਭਾਵ ਤੋਂ ਮੁਕਤ ਸੀ।
ਜਾਪਤ ਅਭੇਖ ॥
ਭੇਖ ਤੋਂ ਰਹਿਤ ਪ੍ਰਤੀਤ ਹੁੰਦਾ ਸੀ।
ਬ੍ਰਿਧ ਬੁਧਿ ਅਲੇਖ ॥੪੧੦॥
ਵੱਡੀ ਬੁੱਧੀ ਵਾਲਾ ਲੇਖੇ ਤੋਂ ਬਾਹਰ ਸੀ ॥੪੧੦॥
ਕੁਲਕ ਛੰਦ ॥
ਕੁਲਕ ਛੰਦ:
ਧੰ ਧਕਿਤ ਇੰਦ ॥
ਇੰਦਰ (ਦਾ ਹਿਰਦਾ) ਧੜਕਦਾ ਹੈ,
ਚੰ ਚਕਿਤ ਚੰਦ ॥
ਚੰਦ੍ਰਮਾ ਹੈਰਾਨ ਹੁੰਦਾ ਹੈ,
ਥੰ ਥਕਤ ਪਉਨ ॥
ਹਵਾ ਥਕ ਰਹੀ ਹੈ,
ਭੰ ਭਜਤ ਮਉਨ ॥੪੧੧॥
(ਇਸ ਲਈ) ਚੁਪ ਕਰ ਰਹੀ ਹੈ ॥੪੧੧॥
ਜੰ ਜਕਿਤ ਜਛ ॥
ਯਕਸ਼ ਠਠੰਬਰ ਗਏ ਹਨ,
ਪੰ ਪਚਤ ਪਛ ॥
ਪੰਛੀ ਖਪਤ ('ਪਚਤ') ਹੋ ਰਹੇ ਹਨ,
ਧੰ ਧਕਤ ਸਿੰਧੁ ॥
ਸਮੁੰਦਰ ਧੜਕ ਰਿਹਾ ਹੈ,
ਬੰ ਬਕਤ ਬਿੰਧ ॥੪੧੨॥
ਵਿੰਧਿਆਚਲ ਸ਼ੋਰ ਪਾ ਰਿਹਾ ਹੈ ॥੪੧੨॥
ਸੰ ਸਕਤ ਸਿੰਧੁ ॥
ਸਮੁੰਦਰ ਸੁਕੜ ਗਿਆ ਹੈ (ਅਥਵਾ ਸੰਸੇ ਵਿਚ ਪੈ ਗਿਆ ਹੈ)
ਗੰ ਗਕਤ ਗਿੰਧ ॥
ਦਿਗਜ ਹਾਥੀ ('ਗਿੰਧ') ਚਿੰਘਾੜਦੇ ਹਨ,
ਤੰ ਤਕਤ ਦੇਵ ॥
ਦੇਵਤੇ ਇਕ-ਟਕ ਵੇਖਦੇ ਹਨ,
ਅੰ ਅਕਤ ਭੇਵ ॥੪੧੩॥
ਭੇਦ ਨਾ ਮਿਲਣ ਕਾਰਨ ਅਕ ਗਏ ਹਨ ॥੪੧੩॥
ਲੰ ਲਖਤ ਜੋਗਿ ॥
ਯੋਗ ਨੂੰ ਵੇਖ ਕੇ ਭੋਗ ਕਰਨ ਵਾਲੇ (ਸੰਸਾਰੀ ਲੋਗ)
ਭੰ ਭ੍ਰਮਤ ਭੋਗਿ ॥
ਹੈਰਾਨ ਹੋ ਰਹੇ ਹਨ।
ਬੰ ਬਕਤ ਬੈਨ ॥
ਬਚਨ ਬੋਲਦੇ ਹਨ,
ਚੰ ਚਕਤ ਨੈਨ ॥੪੧੪॥
ਅੱਖਾਂ ਚਕ੍ਰਿਤ ਹੋ ਰਹੀਆਂ ਹਨ ॥੪੧੪॥
ਤੰ ਤਜਤ ਅਤ੍ਰ ॥
(ਯੋਧੇ) ਅਸਤ੍ਰ ਛਡਦੇ ਹਨ,
ਛੰ ਛਕਤ ਛਤ੍ਰ ॥
ਛਤ੍ਰੀ ਪ੍ਰਸੰਨ ਹੋ ਰਹੇ ਹਨ,
ਪੰ ਪਰਤ ਪਾਨ ॥
ਪੈਰੀਂ ਪੈ ਰਹੇ ਹਨ,
ਭੰ ਭਰਤ ਭਾਨ ॥੪੧੫॥
ਸੂਰਜ ਭੈ ਨਾਲ ਭਰ ਰਿਹਾ ਹੈ ॥੪੧੫॥
ਬੰ ਬਜਤ ਬਾਦ ॥
ਵਾਜੇ ਵਜ ਰਹੇ ਹਨ,
ਨੰ ਨਜਤ ਨਾਦ ॥
ਨਾਦ ਹੋ ਰਹੇ ਹਨ,
ਅੰ ਉਠਤ ਰਾਗ ॥
ਰਾਗ ਉਠ ਰਹੇ ਹਨ,
ਉਫਟਤ ਸੁਹਾਗ ॥੪੧੬॥
ਖੁਸ਼ੀ ਦੀ ਅਵਸਥਾ ਪ੍ਰਗਟ ਹੁੰਦੀ ਹੈ ॥੪੧੬॥
ਛੰ ਸਕਤ ਸੂਰ ॥
ਸੂਰਮੇ ਪ੍ਰਸੰਨ ਹੁੰਦੇ ਹਨ,
ਭੰ ਭ੍ਰਮਤ ਹੂਰ ॥
ਹੂਰਾਂ ਘੁੰਮਦੀਆਂ ਹਨ,
ਰੰ ਰਿਝਤ ਚਿਤ ॥
ਚਿਤ ਪ੍ਰਸੰਨ ਹੁੰਦਾ ਹੈ,
ਤੰ ਤਜਤ ਬਿਤ ॥੪੧੭॥
ਧਨ ਵਾਰਿਆ ਜਾ ਰਿਹਾ ਹੈ ॥੪੧੭॥
ਛੰ ਛਕਤ ਜਛ ॥
ਯਕਸ਼ ਮੋਹਿਤ ਹੋ ਰਹੇ ਹਨ,
ਭੰ ਭ੍ਰਮਤ ਪਛ ॥
ਪੰਛੀ (ਆਕਾਸ਼ ਵਿਚ) ਘੁੰਮ ਫਿਰ ਰਹੇ ਹਨ,
ਭੰ ਭਿਰਤ ਭੂਪ ॥
ਰਾਜੇ (ਇਕ ਦੂਜੇ ਨਾਲ) ਭਿੜ ਰਹੇ ਹਨ,
ਨਵ ਨਿਰਖ ਰੂਪ ॥੪੧੮॥
ਰਿਸ਼ੀ ਦੇ ਨਵੇਂ ਸਰੂਪ ਨੂੰ ਵੇਖ ਕੇ (ਇਹ ਦਸ਼ਾ ਹੋ ਰਹੀ ਹੈ।) ॥੪੧੮॥
ਚਰਪਟ ਛੰਦ ॥
ਚਰਪਟ ਛੰਦ:
ਗਲਿਤੰ ਜੋਗੰ ॥
(ਦੱਤ) ਯੋਗ ਵਿਚ ਗ਼ਲਤਾਨ ਹੈ;