ਪੰਜਾਬੀ 
English 
پنجابی 
Español 
Français 
Deutsch 
Português 
Bahasa Indonesia 
Türkçe 
Tiếng Việt 
Filipino 
Svenska हिंदी संस्कृत 
Nederlands 
Română 
Magyar 
Polski 
Čeština 
Afrikaans 
Italiano Català 
Shqip 
Gaeilge Cymraeg 
Slovenčina 
Slovenščina 
Dansk 
Eesti 
Latviešu 
Lietuvių 
Norsk 
Malti 
Íslenska Galego 
Kreyòl Ayisyen 
Latin 
Bahasa Melayu 
Kiswahili 
Hrvatski 
Suomi 
Русский मराठी ગુજરાતી తెలుగు ಕನ್ನಡ தமிழ் മലയാളം 
বাংলা 
Ελληνικά 
日本語 
中文 اردو سنڌي 
فارسی 
العربية 
עברית 
한국어 ਸ਼੍ਰੀ ਦਸਮ ਗ੍ਰੰਥ
ਅੰਗ - 586
ਸਮ ਮੋਰਨ ਹੈਂ ॥੩੪੭॥
ਮੋਰਾਂ ਵਾਂਗ (ਬਦਲ ਦੀ ਗਰਜ ਸੁਣ ਕੇ ਪ੍ਰਸੰਨ ਹੋਣ ਵਾਲੇ) ਹਨ ॥੩੪੭॥
ਜਗਤੇਸ੍ਵਰ ਹੈਂ ॥
ਜਗਤ ਦੇ ਈਸ਼ਵਰ (ਸੁਆਮੀ) ਹਨ।
ਕਰੁਨਾਕਰ ਹੈਂ ॥
ਕਰੁਣਾ ਦੀ ਖਾਣ ਹਨ।
ਭਵ ਭੂਖਨ ਹੈਂ ॥
ਸੰਸਾਰ ਦੇ ਭੂਸ਼ਣ (ਗਹਿਣੇ) ਹਨ।
ਅਰਿ ਦੂਖਨ ਹੈਂ ॥੩੪੮॥
ਵੈਰੀ ਨੂੰ ਦੁਖ ਦੇਣ ਵਾਲੇ ਹਨ ॥੩੪੮॥
ਛਬਿ ਸੋਭਿਤ ਹੈਂ ॥
(ਉਨ੍ਹਾਂ ਦੀ) ਛਬੀ ਸ਼ੋਭਦੀ ਹੈ।
ਤ੍ਰੀਅ ਲੋਭਿਤ ਹੈਂ ॥
ਇਸਤਰੀਆਂ ਮੋਹਿਤ ਹੁੰਦੀਆਂ ਹਨ।
ਦ੍ਰਿਗ ਛਾਜਤ ਹੈਂ ॥
ਅੱਖਾਂ ਸ਼ੋਭ ਰਹੀਆਂ ਹਨ।
ਮ੍ਰਿਗ ਲਾਜਤ ਹੈਂ ॥੩੪੯॥
(ਜਿਨ੍ਹਾਂ ਨੂੰ ਵੇਖ ਕੇ) ਹਿਰਨ ਸ਼ਰਮਿੰਦੇ ਹੁੰਦੇ ਹਨ ॥੩੪੯॥
ਹਰਣੀ ਪਤਿ ਸੇ ॥
ਹਿਰਨੀ ਦੇ ਪਤੀ (ਹੀਰੇ ਹਿਰਨ) ਵਰਗੇ ਹਨ।
ਨਲਣੀ ਧਰ ਸੇ ॥
ਕੰਵਲ ਦੇ ਫੁਲ ਨੂੰ ਧਾਰਨ ਕਰਨ ਵਾਲੇ (ਸਰੋਵਰ ਵਰਗੇ ਗੰਭੀਰ ਹਨ)।
ਕਰੁਨਾਬੁਦ ਹੈਂ ॥
ਕਰੁਣਾ ਦਾ ਸਮੁੰਦਰ ਹਨ।
ਸੁ ਪ੍ਰਭਾ ਧਰ ਹੈਂ ॥੩੫੦॥
ਸੁੰਦਰ ਪ੍ਰਭਾ ਨੂੰ ਧਾਰਨ ਕਰਨ ਵਾਲੇ ਹਨ ॥੩੫੦॥
ਕਲਿ ਕਾਰਣ ਹੈ ॥
ਕਲਿਯੁਗ ਦੇ ਕਾਰਨ ਸਰੂਪ ਹਨ।
ਭਵ ਉਧਾਰਣ ਹੈ ॥
ਸੰਸਾਰ ਦਾ ਪਾਰ ਉਤਾਰਾ ਕਰਨ ਵਾਲੇ ਹਨ।
ਛਬਿ ਛਾਜਤ ਹੈ ॥
ਸੁਸ਼ੋਭਿਤ ਛਬੀ ਵਾਲੇ ਹਨ।
ਸੁਰ ਲਾਜਤ ਹੈ ॥੩੫੧॥
ਦੇਵਤੇ (ਛਬੀ ਨੂੰ ਵੇਖ ਕੇ) ਸ਼ਰਮਿੰਦੇ ਹੁੰਦੇ ਹਨ ॥੩੫੧॥
ਅਸਯੁਪਾਸਕ ਹੈ ॥
ਤਲਵਾਰ ਦੇ ਉਪਾਸ਼ਕ ਹਨ।
ਅਰਿ ਨਾਸਕ ਹੈ ॥
ਵੈਰੀ ਦੇ ਨਾਸ਼ਕ ਹਨ।
ਅਰਿ ਘਾਇਕ ਹੈ ॥
ਵੈਰੀ ਨੂੰ ਘਾਇਲ ਕਰਨ ਵਾਲੇ ਹਨ।
ਸੁਖਦਾਇਕ ਹੈ ॥੩੫੨॥
ਸੁਖ ਦੇਣ ਵਾਲੇ ਹਨ ॥੩੫੨॥
ਜਲਜੇਛਣ ਹੈ ॥
ਕਮਲ ਫੁਲ ਵਰਗੀਆਂ ਅੱਖਾਂ ਵਾਲੇ ਹਨ।
ਪ੍ਰਣ ਪੇਛਣ ਹੈ ॥
ਪ੍ਰਣ ਨੂੰ ਪੂਰਾ ਕਰਨ ਵਾਲੇ ਹਨ।
ਅਰਿ ਮਰਦਨ ਹੈ ॥
ਵੈਰੀ ਨੂੰ ਮਿਧਣ ਵਾਲੇ ਹਨ
ਮ੍ਰਿਤ ਕਰਦਨ ਹੈ ॥੩੫੩॥
ਅਤੇ ਮੁਰਦਾ ਕਰ ਦੇਣ ਵਾਲੇ ਹਨ ॥੩੫੩॥
ਧਰਣੀਧਰ ਹੈ ॥
ਧਰਤੀ ਨੂੰ ਧਾਰਨ ਕਰਨ ਵਾਲੇ ਹਨ।
ਕਰਣੀਕਰ ਹੈ ॥
ਕਰਣੀ ਦੇ ਕਰਨ ਵਾਲੇ ਹਨ।
ਧਨੁ ਕਰਖਨ ਹੈ ॥
ਧਨੁਸ਼ ਨੂੰ ਖਿਚਣ ਵਾਲੇ ਹਨ।
ਸਰ ਬਰਖਣ ਹੈ ॥੩੫੪॥
ਤੀਰਾਂ ਦੀ ਬਰਖਾ ਕਰਨ ਵਾਲੇ ਹਨ ॥੩੫੪॥
ਛਟਿ ਛੈਲ ਪ੍ਰਭਾ ॥
(ਕਲਕੀ ਅਵਤਾਰ ਦੀ) ਸੁੰਦਰ ਜੁਆਨੀ ਦੀ ਪ੍ਰਭਾ (ਚਮਕ ਰਹੀ ਹੈ,
ਲਖਿ ਚੰਦ ਲਭਾ ॥
ਮਾਨੋ) ਲੱਖਾਂ ਚੰਦ੍ਰਮੇ ਲਭ ਪਏ ਹੋਣ।
ਛਬਿ ਸੋਹਤ ਹੈ ॥
ਛਬੀ ਸੋਭ ਰਹੀ ਹੈ।
ਤ੍ਰੀਯ ਮੋਹਤ ਹੈ ॥੩੫੫॥
ਇਸਤਰੀਆਂ ਨੂੰ ਮੋਹਿਤ ਕਰ ਰਹੀ ਹੈ ॥੩੫੫॥
ਅਰਣੰ ਬਰਣੰ ॥
ਲਾਲ ਰੰਗ ਵਾਲਾ ਹੈ।
ਧਰਣੰ ਧਰਣੰ ॥
ਧਰਤੀ ਨੂੰ ਧਾਰਨ ਕਰਨ ਵਾਲਾ ਹੈ।
ਹਰਿ ਸੀ ਕਰਿ ਭਾ ॥
ਸੂਰਜ ਦੀਆਂ ਕਿਰਨਾਂ ਵਰਗਾ ਤੇਜ ਹੈ।
ਸੁ ਸੁਭੰਤ ਪ੍ਰਭਾ ॥੩੫੬॥
(ਉਸ ਦੀ) ਸੁੰਦਰ ਪ੍ਰਭਾ ਸ਼ੋਭ ਰਹੀ ਹੈ ॥੩੫੬॥
ਸਰਣਾਲਯ ਹੈ ॥
ਸ਼ਰਨਾਗਤਾਂ ਦਾ ਆਸਰਾ ਹੈ।
ਅਰਿ ਘਾਲਯ ਹੈ ॥
ਵੈਰੀ ਨੂੰ ਨਸ਼ਟ ਕਰਨ ਵਾਲਾ ਹੈ।
ਛਟਿ ਛੈਲ ਘਨੇ ॥
ਬਹੁਤ ਸੁੰਦਰ ਸੂਰਮਾ ਹੈ।
ਅਤਿ ਰੂਪ ਸਨੇ ॥੩੫੭॥
ਬਹੁਤ ਸੁੰਦਰ ਰੂਪ ਨਾਲ ਯੁਕਤ ਹੈ ॥੩੫੭॥
ਮਨ ਮੋਹਤ ਹੈ ॥
ਮਨ ਨੂੰ ਮੋਂਹਦਾ ਹੈ।
ਛਬਿ ਸੋਹਤ ਹੈ ॥
ਸੁੰਦਰਤਾ ਨਾਲ ਸ਼ੋਭਦਾ ਹੈ।
ਕਲ ਕਾਰਨ ਹੈ ॥
ਕਲਿਯੁਗ ਦਾ ਕਾਰਨ ਸਰੂਪ ਹੈ।
ਕਰਣਾਧਰ ਹੈ ॥੩੫੮॥
ਕਰੁਣਾ ਨੂੰ ਧਾਰਨ ਕਰਨ ਵਾਲਾ ਹੈ ॥੩੫੮॥
ਅਤਿ ਰੂਪ ਸਨੇ ॥
ਬਹੁਤ ਸੁੰਦਰ ਰੂਪ ਨਾਲ ਯੁਕਤ ਹੈ।
ਜਨੁ ਮੈਨੁ ਬਨੇ ॥
(ਇੰਜ ਪ੍ਰਤੀਤ ਹੁੰਦਾ ਹੈ) ਮਾਨੋ ਕਾਮ ਦੇਵ ਹੀ ਬਣਿਆ ਹੋਇਆ ਹੋਵੇ।
ਅਤਿ ਕ੍ਰਾਤਿ ਧਰੇ ॥
ਬਹੁਤ ਕਾਂਤੀ (ਸੁੰਦਰਤਾ) ਧਾਰਨ ਕੀਤੇ ਹੋਏ ਹੈ।