ਪੰਜਾਬੀ 
English 
پنجابی 
Español 
Français 
Deutsch 
Português 
Bahasa Indonesia 
Türkçe 
Tiếng Việt 
Filipino 
Svenska हिंदी संस्कृत 
Nederlands 
Română 
Magyar 
Polski 
Čeština 
Afrikaans 
Italiano Català 
Shqip 
Gaeilge Cymraeg 
Slovenčina 
Slovenščina 
Dansk 
Eesti 
Latviešu 
Lietuvių 
Norsk 
Malti 
Íslenska Galego 
Kreyòl Ayisyen 
Latin 
Bahasa Melayu 
Kiswahili 
Hrvatski 
Suomi 
Русский मराठी ગુજરાતી తెలుగు ಕನ್ನಡ தமிழ் മലയാളം 
বাংলা 
Ελληνικά 
日本語 
中文 اردو سنڌي 
فارسی 
العربية 
עברית 
한국어 ਸ਼੍ਰੀ ਦਸਮ ਗ੍ਰੰਥ
ਅੰਗ - 656
ਚਤੁਰ ਬੇਦ ਚਰਚਾ ॥੨੫੭॥
ਚੌਹਾਂ ਵੇਦਾਂ ਦੀ ਚਰਚਾ ਹੁੰਦੀ ਹੈ ॥੨੫੭॥
ਸ੍ਰੁਤੰ ਸਰਬ ਪਾਠੰ ॥
ਸਾਰਿਆਂ ਵੇਦਾਂ ਦਾ ਪਾਠ ਕਰਦਾ ਹੈ,
ਸੁ ਸੰਨ੍ਯਾਸ ਰਾਠੰ ॥
ਉਹ ਸੰਨਿਆਸ ਦਾ ਰਾਠ ਹੈ,
ਮਹਾਜੋਗ ਨ੍ਯਾਸੰ ॥
ਮਹਾਨ ਯੋਗ ਦਾ ਅਭਿਆਸ ਕਰਨ ਵਾਲਾ ਹੈ
ਸਦਾਈ ਉਦਾਸੰ ॥੨੫੮॥
ਅਤੇ ਸਦਾ ਉਦਾਸ ਰਹਿਣ ਵਾਲਾ ਹੈ ॥੨੫੮॥
ਖਟੰ ਸਾਸਤ੍ਰ ਚਰਚਾ ॥
ਛੇਆਂ ਸ਼ਾਸਤ੍ਰਾਂ ਦੀ ਚਰਚਾ ਹੁੰਦੀ ਹੈ,
ਰਟੈ ਬੇਦ ਅਰਚਾ ॥
ਵੇਦਾਂ ਨੂੰ ਰਟਦੇ ਅਤੇ ਪੂਜਾ ਕਰਦਾ ਹੈ,
ਮਹਾ ਮੋਨ ਮਾਨੀ ॥
ਮਹਾਨ ਮੌਨ ਦੇ ਮਾਣ ਵਾਲਾ ਹੈ
ਕਿ ਸੰਨ੍ਯਾਸ ਧਾਨੀ ॥੨੫੯॥
ਅਤੇ ਸੰਨਿਆਸ ਨੂੰ ਧਾਰਨ ਕਰਨ ਵਾਲਾ ਹੈ ॥੨੫੯॥
ਚਲਾ ਦਤ ਆਗੈ ॥
ਦੱਤ ਅਗੇ ਤੁਰ ਪਿਆ,
ਲਖੇ ਪਾਪ ਭਾਗੈ ॥
(ਜਿਸ ਨੂੰ) ਵੇਖ ਕੇ ਪਾਪ ਭਜ ਗਏ।
ਲਖੀ ਏਕ ਕੰਨਿਆ ॥
(ਉਸ ਨੇ) ਇਕ ਕੰਨਿਆ ਨੂੰ ਵੇਖਿਆ
ਤਿਹੂੰ ਲੋਗ ਧੰਨਿਆ ॥੨੬੦॥
ਜੋ ਤਿੰਨਾਂ ਲੋਕਾਂ ਵਿਚ ਧੰਨ ਹੈ ॥੨੬੦॥
ਮਹਾ ਬ੍ਰਹਮਚਾਰੀ ॥
(ਦੱਤ) ਵੱਡਾ ਬ੍ਰਹਮਚਾਰੀ ਹੈ,
ਸੁ ਧਰਮਾਧਿਕਾਰੀ ॥
ਸ੍ਰੇਸ਼ਠ ਧਰਮ ਦਾ ਅਧਿਕਾਰੀ ਹੈ।
ਲਖੀ ਪਾਨਿ ਵਾ ਕੇ ॥
ਉਸ (ਬਾਲਿਕਾ ਦੇ) ਹੱਥ ਵਿਚ
ਗੁਡੀ ਬਾਲਿ ਤਾ ਕੇ ॥੨੬੧॥
ਇਕ ਗੁੱਡੀ ਵੇਖੀ ਹੈ ॥੨੬੧॥
ਖਿਲੈ ਖੇਲ ਤਾ ਸੋ ॥
(ਉਹ) ਉਸ ਨਾਲ ਖੇਡਦੀ ਹੈ।
ਇਸੋ ਹੇਤ ਵਾ ਸੋ ॥
(ਉਸ ਨਾਲ) ਇਸ ਤਰ੍ਹਾਂ ਦਾ ਹਿਤ ਹੈ
ਪੀਐ ਪਾਨਿ ਨ ਆਵੈ ॥
ਕਿ (ਉਹ) ਪਾਣੀ ਪੀਣ ਲਈ ਨਹੀਂ ਆਉਂਦੀ
ਇਸੋ ਖੇਲ ਭਾਵੈ ॥੨੬੨॥
ਅਤੇ ਇਸੇ (ਗੁੱਡੀ ਦੀ) ਖੇਡ (ਉਸ ਨੂੰ) ਚੰਗੀ ਲਗਦੀ ਹੈ ॥੨੬੨॥
ਗਏ ਮੋਨਿ ਮਾਨੀ ॥
ਮਹਾਨ ਮੌਨ ਵਾਲਾ (ਦੱਤ) ਉਥੇ ਗਿਆ
ਤਰੈ ਦਿਸਟ ਆਨੀ ॥
ਅਤੇ (ਉਸ ਬਾਲਕਾ ਨੂੰ) ਨਜ਼ਰ ਹੇਠ ਲਿਆਂਦਾ।
ਨ ਬਾਲਾ ਨਿਹਾਰ੍ਯੋ ॥
(ਪਰ ਉਸ) ਬਾਲਕਾ ਨੇ (ਇਸ ਵਲ) ਨਾ ਵੇਖਿਆ ਹੈ
ਨ ਖੇਲੰ ਬਿਸਾਰ੍ਯੋ ॥੨੬੩॥
ਅਤੇ ਨਾ ਹੀ ਖੇਡ ਨੂੰ ਵਿਸਾਰਿਆ ਹੈ ॥੨੬੩॥
ਲਖੀ ਦਤ ਬਾਲਾ ॥
ਦੱਤ ਨੇ (ਉਹ) ਕੁੜੀ ਵੇਖੀ,
ਮਨੋ ਰਾਗਮਾਲਾ ॥
ਮਾਨੋ ਰਾਗ ਮਾਲਾ ਹੋਵੇ।
ਰੰਗੀ ਰੰਗਿ ਖੇਲੰ ॥
ਉਹ ਖੇਡ ਵਿਚ ਪੂਰੀ ਤਰ੍ਹਾਂ ਮਗਨ ਸੀ,
ਮਨੋ ਨਾਗ੍ਰ ਬੇਲੰ ॥੨੬੪॥
ਮਾਨੋ ਪਾਨ ਦੀ ਬੇਲ (ਵਾਂਗ ਕੋਮਲ) ਹੋਵੇ ॥੨੬੪॥
ਤਬੈ ਦਤ ਰਾਯੰ ॥
ਤਦ ਦੱਤ ਰਾਜ ਨੇ ਉਸ ਨੂੰ ਜਾ ਕੇ ਵੇਖਿਆ
ਲਖੇ ਤਾਸ ਜਾਯੰ ॥
ਅਤੇ ਉਸ ਨੂੰ ਗੁਰੂ ਧਾਰਨ ਕੀਤਾ (ਅਤੇ ਕਿਹਾ ਕਿ)
ਗੁਰੂ ਤਾਸ ਕੀਨਾ ॥
ਮਹਾ ਮੰਤ੍ਰ ਵਿਚ (ਇੰਜ) ਭਿਜ ਜਾਣਾ ਚਾਹੀਦਾ ਹੈ
ਮਹਾ ਮੰਤ੍ਰ ਭੀਨਾ ॥੨੬੫॥
(ਜਿਹੋ ਜਿਹੀ ਇਹ ਬਾਲਕਾ ਖੇਡ ਵਿਚ ਭਿਜੀ ਹੋਈ ਹੈ) ॥੨੬੫॥
ਗੁਰੂ ਤਾਸ ਜਾਨ੍ਯੋ ॥
ਉਸ ਨੂੰ ਗੁਰੂ ਜਾਣ ਲਿਆ।
ਇਮੰ ਮੰਤ੍ਰ ਠਾਨ੍ਰਯੋ ॥
ਇਸ ਤਰ੍ਹਾਂ ਮੰਤ੍ਰ ਦ੍ਰਿੜ੍ਹ ਕਰ ਲਿਆ।
ਦਸੰ ਦ੍ਵੈ ਨਿਧਾਨੰ ॥
ਬਾਰ੍ਹਵਾਂ ਖ਼ਜ਼ਾਨਾ ਰੂਪ ਗੁਰੂ
ਗੁਰੂ ਦਤ ਜਾਨੰ ॥੨੬੬॥
ਦੱਤ ਨੇ (ਉਸ ਨੂੰ) ਜਾਣ ਲਿਆ ॥੨੬੬॥
ਰੁਣਝੁਣ ਛੰਦ ॥
ਰੁਣਝੁਣ ਛੰਦ:
ਲਖਿ ਛਬਿ ਬਾਲੀ ॥
ਬਾਲਕਾ ਦੀ ਛਬੀ ਨੂੰ ਵੇਖਿਆ
ਅਤਿ ਦੁਤਿ ਵਾਲੀ ॥
ਜੋ ਬਹੁਤ ਅਧਿਕ ਜੋਤਿ ਵਾਲੀ ਸੀ।
ਅਤਿਭੁਤ ਰੂਪੰ ॥
(ਉਸ ਦਾ) ਅਦਭੁਤ ਰੂਪ ਸੀ,
ਜਣੁ ਬੁਧਿ ਕੂਪੰ ॥੨੬੭॥
ਮਾਨੋ ਬੁੱਧੀ ਦਾ ਖੂਹ ਹੋਵੇ ॥੨੬੭॥
ਫਿਰ ਫਿਰ ਪੇਖਾ ॥
(ਉਸ ਨੂੰ) ਮੁੜ ਮੁੜ ਕੇ ਵੇਖਿਆ,
ਬਹੁ ਬਿਧਿ ਲੇਖਾ ॥
ਬਹੁਤ ਤਰ੍ਹਾਂ ਨਾਲ ਜਾਣਿਆ,
ਤਨ ਮਨ ਜਾਨਾ ॥
ਤਨ ਮਨ ਕਰ ਕੇ ਜਾਣਿਆ
ਗੁਨ ਗਨ ਮਾਨਾ ॥੨੬੮॥
ਅਤੇ ਗੁਣਾਂ ਦੇ ਸਮੁੱਚ ਵਜੋਂ ਮੰਨਿਆ ॥੨੬੮॥
ਤਿਹ ਗੁਰ ਕੀਨਾ ॥
ਉਸ ਨੂੰ ਗੁਰੂ ਬਣਾਇਆ,
ਅਤਿ ਜਸੁ ਲੀਨਾ ॥
ਬਹੁਤ ਅਧਿਕ ਜਸ ਪ੍ਰਾਪਤ ਕੀਤਾ।