ਸ਼੍ਰੀ ਦਸਮ ਗ੍ਰੰਥ
ਅੰਗ - 247
ਰਣ ਗਜੈ ਸਜੈ ਸਸਤ੍ਰਾਣੰ ॥
ਸ਼ਸਤ੍ਰਾਂ ਨਾਲ ਸਜੇ ਹੋਏ (ਯੋਧੇ) ਰਣ ਵਿੱਚ ਗੱਜਦੇ ਹਨ।
ਧਨੁ ਕਰਖੈਂ ਬਰਖੈਂ ਅਸਤ੍ਰਾਣੰ ॥
ਧਨੁਸ਼ਾਂ ਨੂੰ ਖਿੱਚਦੇ ਹਨ ਅਤੇ ਤੀਰਾਂ ਦੀ ਬਰਖਾ ਕਰਦੇ ਹਨ।
ਦਲ ਗਾਹੈ ਬਾਹੈ ਹਥਿਯਾਰੰ ॥
(ਸੂਰਮੇ) ਦਲਾਂ ਨੂੰ ਗਾਹੁੰਦੇ ਹੋਏ ਸ਼ਸਤ੍ਰਾਂ ਨੂੰ ਚਲਾਉਂਦੇ ਹਨ।
ਰਣ ਰੁਝੈ ਲੁੰਝੈ ਲੁਝਾਰੰ ॥੪੫੧॥
ਲੜਾਕੇ ਯੋਧੇ ਰਣ ਵਿੱਚ ਰੁੱਝੇ ਹੋਏ ਹਨ ॥੪੫੧॥
ਭਟ ਭੇਦੇ ਛੇਦੇ ਬਰਮਾਯੰ ॥
ਕਵਚਾਂ ਵਿੱਚ ਛੇਕ ਹੋ ਜਾਣ ਨਾਲ ਸੂਰਮੇ ਵਿੰਨ੍ਹੇ ਗਏ ਹਨ,
ਭੂਅ ਡਿਗੇ ਚਉਰੰ ਚਰਮਾਯੰ ॥
ਚੌੜੀਆਂ ਢਾਲਾਂ ਡਿੱਗੀਆਂ ਪਈਆਂ ਹਨ।
ਉਘੇ ਜਣ ਨੇਜੇ ਮਤਵਾਲੇ ॥
ਹੱਥਾਂ ਨਾਲ ਉਲਰੇ ਹੋਏ ਨੇਜ਼ੇ ਲੈ ਕੇ ਮਤਵਾਲੇ ਸੂਰਮੇ
ਚਲੇ ਜਯੋਂ ਰਾਵਲ ਜਟਾਲੇ ॥੪੫੨॥
(ਇਉਂ) ਫਿਰਦੇ ਹਨ, (ਜਿਉਂ) ਜਟਾਵਾਂ ਵਾਲੇ ਯੋਗੀ ਚਲੇ ਜਾ ਰਹੇ ਹੋਣ ॥੪੫੨॥
ਹਠੇ ਤਰਵਰੀਏ ਹੰਕਾਰੰ ॥
ਹੰਕਾਰ ਦੇ ਭਰੇ ਹੋਏ ਤਲਵਾਰ ਧਾਰੀ ਹਠੀਲੇ ਸੂਰਮੇ
ਮੰਚੇ ਪਖਰੀਏ ਸੂਰਾਰੰ ॥
ਘੋੜਿਆਂ ਉੱਤੇ ਸਵਾਰ ਹੋ ਕੇ ਯੁੱਧ ਵਿੱਚ ਰੁਝੇ ਹੋਏ ਹਨ।
ਅਕੁੜਿਯੰ ਵੀਰੰ ਐਠਾਲੇ ॥
ਘਮੰਡੀ ਯੋਧੇ ਆਕੜਦੇ ਹਨ,
ਤਨ ਸੋਹੇ ਪਤ੍ਰੀ ਪਤ੍ਰਾਲੇ ॥੪੫੩॥
ਜਿਨ੍ਹਾਂ ਦੇ ਸਰੀਰ ਉੱਤੇ ਖੰਭਾਂ ਵਾਲੇ ਤੀਰ ਵੱਜੇ ਹੋਏ ਸ਼ੋਭਾ ਪਾ ਰਹੇ ਹਨ ॥੪੫੩॥
ਨਵ ਨਾਮਕ ਛੰਦ ॥
ਨਵ ਨਾਮਕ ਛੰਦ:
ਤਰਭਰ ਪਰ ਸਰ ॥
ਤੜ ਤੜ ਤੀਰ ਵੱਜ ਰਹੇ ਹਨ।
ਨਿਰਖਤ ਸੁਰ ਨਰ ॥
ਦੇਵਤੇ ਅਤੇ ਮਨੁੱਖ ਵੇਖ ਰਹੇ ਹਨ।
ਹਰ ਪੁਰ ਪੁਰ ਸੁਰ ॥
ਸੂਰਜ ਦਾ ਨਗਰ (ਆਕਾਸ਼) ਤੀਰਾਂ ਨਾਲ ਭਰ ਦਿੱਤਾ ਗਿਆ ਹੈ।
ਨਿਰਖਤ ਬਰ ਨਰ ॥੪੫੪॥
ਭਲੇ ਪੁਰਸ਼ ਵੇਖ ਰਹੇ ਹਨ ॥੪੫੪॥
ਬਰਖਤ ਸਰ ਬਰ ॥
ਬਲ ਪੂਰਵਕ ਤੀਰਾਂ ਦੀ ਬਰਖਾ ਕਰਦੇ ਹਨ।
ਕਰਖਤ ਧਨੁ ਕਰਿ ॥
ਹੱਥ ਨਾਲ ਧਨੁਸ਼ ਨੂੰ ਖਿੱਚਦੇ ਹਨ।
ਪਰਹਰ ਪੁਰ ਕਰ ॥
ਫਿਰ ਧਨੁਸ਼ ਨਾਲ ਤੀਰ ਜੋੜ ਕੇ ਛੱਡ ਦਿੰਦੇ ਹਨ।
ਨਿਰਖਤ ਬਰ ਨਰ ॥੪੫੫॥
ਸ੍ਰੇਸ਼ਠ ਪੁਰਸ਼ ਵੇਖ ਰਹੇ ਹਨ ॥੪੫੫॥
ਸਰ ਬਰ ਧਰ ਕਰ ॥
ਚੰਗਾ ਤੀਰ ਹੱਥ ਵਿੱਚ ਧਾਰਨ ਕਰਦੇ ਹਨ
ਪਰਹਰ ਪੁਰ ਸਰ ॥
ਅਤੇ ਕੱਸੇ ਹੋਏ ਤੀਰਾਂ ਨੂੰ ਚਲਾ ਦਿੰਦੇ ਹਨ।
ਪਰਖਤ ਉਰ ਨਰ ॥
(ਉਹ) ਤੀਰ ਸੂਰਮੇ ਦੀ ਛਾਤੀ ਨੂੰ ਪਰਖਦੇ ਹਨ