ਰਾਮ ਦੀ ਸੈਨਾ ਦੇ ਕ੍ਰੋਧਵਾਨ ਸੂਰਮੇ
ਯੁੱਧ ਵਿੱਚ ਜੂਝਦੇ ਸਨ।
ਸੈਨਾ ਨੇ ਨਵੇਂ ਧੌਂਸੇ ਵਜਾ ਕੇ 'ਮਕਰਾਛ' (ਨਾਂ ਦੇ)
ਮੂਰਖ ਰਣ-ਭੂਮੀ ਵਿੱਚ ਗੱਜਣ ਲੱਗਾ ॥੪੮੫॥
'ਇਕ ਅਤਕਾਇ' (ਨਾਮ ਦੇ) ਸੂਰਮੇ ਨੇ
ਗੰਭੀਰ ਰੂਪ ਵਿੱਚ ਗੁੱਸਾ ਕੀਤਾ।
ਉਸ ਇਕ ਨਾਲ ਅਨੇਕਾਂ (ਸੂਰਵੀਰ) ਲਲਕਾਰੇ।
(ਰਣ-ਭੂਮੀ) ਸਮੁੰਦਰ ਦੇ ਕੰਢੇ ਤੇ ਵਿਸਥਾਪਿਤ ਹੈ ॥੪੮੬॥
ਅਪਾਰ ਤੀਰ ਛੁੱਟਦੇ ਹਨ
ਜੋ ਬੂੰਦਾਂ ਜਾਂ ਬਣ ਦੇ ਪੱਤਿਆਂ ਅਨੁਸਾਰ (ਸਮਝਣੇ ਚਾਹੀਦੇ ਹਨ),
ਬਿਨਾਂ ਰਥਾਂ ਦੇ (ਪੈਦਲ ਸੈਨਾ) ਟਿੱਡੀਦਲ ਜਿਹੀ
ਜਾਂ ਕੀੜੀਆਂ ਦੇ ਦਲ ਵਰਗੀ ਸਮਝਣੀ ਚਾਹੀਦੀ ਹੈ ॥੪੮੭॥
ਅਨੇਕ ਸੂਰਮੇ ਨੇੜੇ ਪਹੁੰਚ ਗਏ ਹਨ
ਅਤੇ 'ਅਤਕਾਇ' ਦਾ ਯੁੱਧ ਵੇਖ ਰਹੇ ਹਨ।
ਦੇਵਤੇ ਜੈ ਜੈ ਕਾਰ ਕਰ ਰਹੇ ਹਨ
ਅਤੇ ਰਾਜੇ ਧੰਨ-ਧੰਨ ਕਹਿੰਦੇ ਸਨ ॥੪੮੮॥
ਕਾਲੀ ਪ੍ਰਚੰਡ ਠਹਾਕਾ ਮਾਰਕੇ ਹੱਸ ਰਹੀ ਹੈ।
ਜੋਗਣਾਂ ਦੇ ਵਿਸ਼ਾਲ ਟੋਲੇ
ਅਤੇ ਅਨੰਤ ਭੈਰੋ ਤੇ ਭੂਤ
ਲਹੂ ਪੀ ਰਹੇ ਸਨ ॥੪੮੯॥
ਡਾਕਣੀਆਂ ਡਗ-ਡਗ ਡੌਰੂ ਵਜਾਉਂਦੀਆਂ ਸਨ।
ਭਿਆਨਕ ਕਾਂ ਕੂਕਦੇ ਸਨ।
ਚੌਹਾਂ ਪਾਸੇ ਚੁੜੇਲਾਂ ਚੀਖਦੀਆਂ ਸਨ
ਅਤੇ ਭੂਤ ਧਮਾਰ ਪਾ ਰਹੇ ਸਨ ॥੪੯੦॥
ਹੋਹਾ ਛੰਦ
(ਯੋਧੇ) ਟੋਟੇ ਹੋ ਕੇ ਡਿੱਗ ਪਏ
ਪਰ ਮੁੜੇ ਨਹੀਂ।
(ਉਨ੍ਹਾਂ ਨੇ) ਤਲਵਾਰਾਂ ਫੜੀਆਂ ਹੋਈਆਂ ਸਨ
ਅਤੇ ਕ੍ਰੋਧ ਨਾਲ ਭਰੇ ਹੋਏ ਸਨ ॥੪੯੧॥
(ਸੂਰਮੇ) ਤੀਰ ਚਲਾਉਂਦੇ ਹਨ,
ਜਿਨ੍ਹਾਂ ਨੂੰ ਵੇਖ ਕੇ ਸ਼ਿਵ ਹੈਰਾਨ ਹੇ ਰਿਹਾ ਹੈ।
ਸਭ ਦਿਸ਼ਾਵਾਂ ਰੁਕ ਗਈਆਂ ਹਨ।
ਬੰਦਰ ਖਿੱਝ ਗਏ ਹਨ ॥੪੯੨॥
ਕ੍ਰੋਧ ਦੇ ਭਰੇ ਹੋਏ
ਤੀਰ ਚਲਾਉਂਦੇ ਹਨ
ਅਤੇ ਅਟਾਰੀਆਂ ਵਾਂਗ
ਯੋਧੇ ਡਿੱਗਦੇ ਹਨ ॥੪੯੩॥
ਡਰ ਦੇ ਭਰੇ ਹੋਏ ਘਾਇਲ
ਘੇਰਨੀ ਖਾਂਦੇ ਹਨ।
ਕਈ ਸ੍ਰੇਸ਼ਠ ਸੂਰਮੇ
ਮੁਕਾਬਲਾ ਕਰਦੇ ਚਲੇ ਜਾ ਰਹੇ ਹਨ ॥੪੯੪॥
ਕ੍ਰੋਧ ਨਾਲ ਸੜੇ ਹੋਏ
ਸ਼ਿਵ ਬੋਲਦੇ ਹਨ।
ਜ਼ਖ਼ਮੀ ਸੂਰਮੇ ਘੁੰਮਦੇ ਫਿਰਦੇ
ਯੁੱਧ ਵਿੱਚ ਜੁੱਟੇ ਹੋਏ ਹਨ ॥੪੯੫॥
ਸੂਰਮੇ ਧਰਤੀ ਤੇ ਡਿੱਗਦੇ ਹਨ,
ਸੈਨਿਕਾਂ ਨੂੰ ਧੱਕੇ ਵੱਜਦੇ ਹਨ।
ਤੀਰਾਂ ਨਾਲ ਪੱਛੇ ਹੋਏ ਹਨ।