ਪੰਜਾਬੀ 
English 
پنجابی 
Español 
Français 
Deutsch 
Português 
Bahasa Indonesia 
Türkçe 
Tiếng Việt 
Filipino 
Svenska हिंदी संस्कृत 
Nederlands 
Română 
Magyar 
Polski 
Čeština 
Afrikaans 
Italiano Català 
Shqip 
Gaeilge Cymraeg 
Slovenčina 
Slovenščina 
Dansk 
Eesti 
Latviešu 
Lietuvių 
Norsk 
Malti 
Íslenska Galego 
Kreyòl Ayisyen 
Latin 
Bahasa Melayu 
Kiswahili 
Hrvatski 
Suomi 
Русский मराठी ગુજરાતી తెలుగు ಕನ್ನಡ தமிழ் മലയാളം 
বাংলা 
Ελληνικά 
日本語 
中文 اردو سنڌي 
فارسی 
العربية 
עברית 
한국어 ਸ਼੍ਰੀ ਦਸਮ ਗ੍ਰੰਥ
ਅੰਗ - 108
ਰਸੰ ਰੁਦ੍ਰ ਰਾਚੇ ॥
ਦੋਹਾਂ ਪਾਸਿਆਂ ਤੋਂ ਰੌਦਰ ਰਸ ਵਿਚ ਰਚੇ ਹੋਏ
ਉਭੈ ਜੁਧ ਮਾਚੇ ॥
ਯੁੱਧ ਕਰ ਰਹੇ ਹਨ।
ਕਰੈ ਬਾਣ ਅਰਚਾ ॥
(ਉਹ) ਬਾਣਾਂ ਦੀ ਭੇਟਾ ਚੜ੍ਹਾ ਰਹੇ ਹਨ
ਧਨੁਰ ਬੇਦ ਚਰਚਾ ॥੨੦॥੯੭॥
ਅਤੇ ਧਨੁਰ-ਵੇਦ ਦੀ ਚਰਚਾ ਹੋ ਰਹੀ ਹੈ ॥੨੦॥੯੭॥
ਮਚੇ ਬੀਰ ਬੀਰੰ ॥
ਸੂਰਮੇ ਵੀਰਤਾ (ਦਾ ਪ੍ਰਦਰਸ਼ਨ ਕਰਨ ਵਿਚ) ਮਸਤ ਹਨ
ਉਠੀ ਝਾਰ ਤੀਰੰ ॥
ਅਤੇ ਬਾਣਾਂ ਦੀ ਝੜੀ ਲਗੀ ਹੋਈ ਹੈ।
ਗਲੋ ਗਡ ਫੋਰੈ ॥
ਚਕ੍ਰ-ਵਿਯੂਹ ਨੂੰ ਤੋੜਦੇ ਹਨ
ਨਹੀ ਨੈਨ ਮੋਰੈ ॥੨੧॥੯੮॥
(ਅਤੇ ਉਸ ਵੱਲੋਂ) ਅੱਖ ਮੋੜਦੇ ਨਹੀਂ ਹਨ ॥੨੧॥੯੮॥
ਸਮੁਹ ਸਸਤ੍ਰ ਬਰਖੇ ॥
ਸਾਹਮਣੇ ਹੋ ਕੇ ਸ਼ਸਤ੍ਰ ਚਲਾਉਂਦੇ ਹਨ
ਮਹਿਖੁਆਸੁ ਕਰਖੇ ॥
ਅਤੇ ਧਨੁਸ਼ਾਂ ('ਮਹਿਖੁਆਸ') ਉਤੇ ਚਿੱਲਾ ਚੜ੍ਹਾਉਂਦੇ ਹਨ।
ਕਰੈ ਤੀਰ ਮਾਰੰ ॥
ਤੀਰਾਂ ਦੀ ਮਾਰ ਕਰਦੇ ਹਨ
ਬਹੈ ਲੋਹ ਧਾਰੰ ॥੨੨॥੯੯॥
ਅਤੇ ਲਹੂ ਦੀ ਧਾਰਾ ਵਗਦੀ ਹੈ ॥੨੨॥੯੯॥
ਨਦੀ ਸ੍ਰੋਣ ਪੂਰੰ ॥
ਲਹੂ ਨਾਲ ਨਦੀ ਭਰ ਗਈ ਹੈ,
ਫਿਰੀ ਗੈਣ ਹੂਰੰ ॥
ਆਕਾਸ਼ ਵਿਚ ਹੂਰਾਂ ਫਿਰ ਰਹੀਆਂ ਹਨ,
ਗਜੈ ਗੈਣਿ ਕਾਲੀ ॥
ਕਾਲੀ ਆਸਮਾਨ ਵਿਚ ਗੱਜ ਰਹੀ ਹੈ
ਹਸੀ ਖਪਰਾਲੀ ॥੨੩॥੧੦੦॥
ਅਤੇ ਖੱਪਰ ਵਾਲੀਆਂ (ਜੋਗਣਾਂ) ਹਸ ਰਹੀਆਂ ਹਨ ॥੨੩॥੧੦੦॥
ਕਹੂੰ ਬਾਜ ਮਾਰੇ ॥
ਕਿਤੇ ਘੋੜੇ ਮੋਏ ਪਏ ਹਨ,
ਕਹੂੰ ਸੂਰ ਭਾਰੇ ॥
ਕਿਤੇ ਵਡੇ ਸੂਰਮੇ (ਡਿਗੇ ਪਏ ਹਨ)
ਕਹੂੰ ਚਰਮ ਟੂਟੈ ॥
ਕਿਤੇ ਢਾਲਾਂ ਟੁਟੀਆਂ ਪਈਆਂ ਹਨ
ਫਿਰੇ ਗਜ ਫੂਟੈ ॥੨੪॥੧੦੧॥
ਅਤੇ ਕਿਤੇ ਘਾਇਲ ਹਾਥੀ ਫਿਰ ਰਹੇ ਹਨ ॥੨੪॥੧੦੧॥
ਕਹੂੰ ਬਰਮ ਬੇਧੇ ॥
ਕਿਤੇ ਕਵਚ ਵਿੰਨ੍ਹੇ (ਪਏ ਹਨ)
ਕਹੂੰ ਚਰਮ ਛੇਦੇ ॥
ਕਿਤੇ ਢਾਲਾਂ ਟੁੱਟੀਆਂ ਪਈਆਂ ਹਨ,
ਕਹੂੰ ਪੀਲ ਪਰਮੰ ॥
ਕਿਤੇ ਵਡੇ ਹਾਥੀ (ਕਟੇ ਪਏ ਹਨ)
ਕਟੇ ਬਾਜ ਬਰਮੰ ॥੨੫॥੧੦੨॥
ਅਤੇ ਕਿਤੇ ਘੋੜਿਆਂ ਦੇ ਕਵਚ (ਬਰਮੰ) ਕੁਟੇ ਪਏ ਹਨ ॥੨੫॥੧੦੨॥
ਬਲੀ ਬੈਰ ਰੁਝੇ ॥
ਸੂਰਮੇ ਵੈਰ-ਭਾਵ ਨਾਲ ਰੁਝੇ ਹੋਏ ਹਨ,
ਸਮੁਹਿ ਸਾਰ ਜੁਝੇ ॥
ਸਾਰੇ ਸ਼ਸਤ੍ਰ ਨਾਲ ਝੂਝ ਰਹੇ ਹਨ।
ਲਖੇ ਬੀਰ ਖੇਤੰ ॥
ਯੋਧਿਆਂ ਨੂੰ ਯੁੱਧ-ਭੂਮੀ ਵਿਚ ਵੇਖ ਕੇ
ਨਚੇ ਭੂਤ ਪ੍ਰੇਤੰ ॥੨੬॥੧੦੩॥
ਭੂਤ ਅਤੇ ਪ੍ਰੇਤ ਨਚ ਰਹੇ ਹਨ ॥੨੬॥੧੦੩॥
ਨਚੇ ਮਾਸਹਾਰੀ ॥
ਮਾਸਾਹਾਰੀ ਨਚ ਰਹੇ ਹਨ,
ਹਸੇ ਬ੍ਰਯੋਮਚਾਰੀ ॥
ਆਕਾਸ਼ ਵਿਚ ਵਿਚਰਨ ਵਾਲੇ ਹਸ ਰਹੇ ਹਨ,
ਕਿਲਕ ਕਾਰ ਕੰਕੰ ॥
ਕਾਂ ('ਕੰਕੰ') ਕਿਲਕਾਰੀਆਂ ਮਾਰਦੇ ਹਨ
ਮਚੇ ਬੀਰ ਬੰਕੰ ॥੨੭॥੧੦੪॥
ਅਤੇ ਬਲਵਾਨ ਯੋਧੇ ਪੂਰੀ ਮਸਤੀ ਨਾਲ (ਯੁੱਧ-ਕਾਰਜ ਵਿਚ) ਮਗਨ ਹਨ ॥੨੭॥੧੦੪॥
ਛੁਭੇ ਛਤ੍ਰਧਾਰੀ ॥
ਛਤ੍ਰਧਾਰੀ (ਸੈਨਾ-ਨਾਇਕ) ਕ੍ਰੋਧ (ਨਾਲ ਭਰੇ ਹੋਏ ਹਨ)
ਮਹਿਖੁਆਸ ਚਾਰੀ ॥
ਧਨੁਸ਼ਾਂ ('ਮਹਿਖੁਆਸ') ਵਿਚੋਂ ਤੀਰ ਚਲਾਉਂਦੇ ਹਨ।
ਉਠੇ ਛਿਛ ਇਛੰ ॥
(ਸ਼ਰੀਰਾਂ ਵਿਚੋਂ ਲਹੂ ਦੀਆਂ) ਛਿੱਟਾਂ ਉਠਦੀਆਂ ਹਨ
ਚਲੇ ਤੀਰ ਤਿਛੰ ॥੨੮॥੧੦੫॥
ਤਿਖੇ ਤੀਰਾਂ ਦੇ ਲਗਣ ਨਾਲ ॥੨੮॥੧੦੫॥
ਗਣੰ ਗਾਧ੍ਰਬੇਯੰ ॥
ਗਣ, ਗੰਧਰਬ, ਦੂਤ
ਚਰੰ ਚਾਰਣੇਸੰ ॥
(ਚਰ) ਚਾਰਨ
ਹਸੇ ਸਿਧ ਸਿਧੰ ॥
ਅਤੇ ਸਿੱਧੀਆਂ ਵਾਲੇ ਸਿੱਧ ਹਸ ਰਹੇ ਹਨ
ਮਚੇ ਬੀਰ ਕ੍ਰੁਧੰ ॥੨੯॥੧੦੬॥
ਅਤੇ ਕ੍ਰੋਧਿਤ ਵੀਰ-ਯੋਧੇ (ਯੁੱਧ ਕਰਮ ਵਿਚ) ਮਗਨ ਹਨ ॥੨੯॥੧੦੬॥
ਡਕਾ ਡਕ ਡਾਕੈ ॥
ਡਾਕਣੀਆਂ ਡਕਾਰ ਰਹੀਆਂ ਹਨ,
ਹਕਾ ਹਕ ਹਾਕੈ ॥
(ਯੋਧੇ) ਲਲਕਾਰੇ ਤੇ ਲਲਕਾਰਾ ਮਾਰ ਰਹੇ ਹਨ,
ਭਕਾ ਭੁੰਕ ਭੇਰੀ ॥
ਭੇਰੀਆਂ ਭਕ-ਭਕ ਦੀ ਧੁਨੀ ਨਾਲ ਵਜ ਰਹੀਆਂ ਹਨ
ਡਮਕ ਡਾਕ ਡੇਰੀ ॥੩੦॥੧੦੭॥
ਅਤੇ ਡੁਗਡੁਗੀਆਂ ਡਮ-ਡਮ ਦੀ ਆਵਾਜ਼ (ਕਢ ਰਹੀਆਂ ਹਨ) ॥੩੦॥੧੦੭॥
ਮਹਾ ਬੀਰ ਗਾਜੇ ॥
ਸੂਰਵੀਰ ਗਜਦੇ ਹਨ,
ਨਵੰ ਨਾਦ ਬਾਜੇ ॥
ਨਵੇਂ ਨਵੇਂ ਨਗਾਰੇ ਵਜਦੇ ਹਨ,
ਧਰਾ ਗੋਮ ਗਜੇ ॥
ਰਣ-ਭੂਮੀ ਵਿਚ ਡਫਾਂ ਗੂੰਜ ਉਠ ਰਹੀ ਹੈ
ਦ੍ਰੁਗਾ ਦੈਤ ਬਜੇ ॥੩੧॥੧੦੮॥
ਅਤੇ ਦੁਰਗਾ ਨਾਲ ਦੈਂਤ ਲੜ ਰਹੇ ਹਨ ॥੩੧॥੧੦੮॥