ਸ਼੍ਰੀ ਦਸਮ ਗ੍ਰੰਥ
ਅੰਗ - 585
ਗਣ ਲਾਜਹਿਗੇ ॥੩੩੫॥
(ਉਨ੍ਹਾਂ ਨੂੰ ਵੇਖ ਕੇ) ਗਣ ਲਜਾਉਣਗੇ ॥੩੩੫॥
ਰਿਸ ਮੰਡਹਿਗੇ ॥
ਕ੍ਰੋਧ ਨਾਲ ਮੰਡੇ ਹੋਏ ਹੋਣਗੇ।
ਸਰ ਛੰਡਹਿਗੇ ॥
ਬਾਣਾਂ ਨੂੰ ਛਡਣਗੇ।
ਰਣ ਜੂਟਹਿਗੇ ॥
ਰਣ ਵਿਚ ਜੁਟਣਗੇ।
ਅਸਿ ਟੂਟਹਿਗੇ ॥੩੩੬॥
ਤਲਵਾਰਾਂ ਟੁਟਣਗੀਆਂ ॥੩੩੬॥
ਗਲ ਗਾਜਹਿਗੇ ॥
(ਯੋਧੇ) ਗਲੇ ਤੋਂ ਗਜਣਗੇ।
ਨਹੀ ਭਾਜਹਿਗੇ ॥
(ਰਣ-ਭੂਮੀ) ਤੋਂ ਨਹੀਂ ਭਜਣਗੇ।
ਅਸਿ ਝਾਰਹਿਗੇ ॥
ਤਲਵਾਰਾਂ ਦੇ ਵਾਰ ਕਰਨਗੇ।
ਅਰਿ ਮਾਰਹਿਗੇ ॥੩੩੭॥
ਵੈਰੀਆਂ ਨੂੰ ਮਾਰਨਗੇ ॥੩੩੭॥
ਗਜ ਜੂਝਹਿਗੇ ॥
ਹਾਥੀ ਜੂਝਣਗੇ।
ਹਯ ਲੂਝਹਿਗੇ ॥
ਘੋੜੇ ਲੁਝਣਗੇ।
ਭਟ ਮਾਰੀਅਹਿਗੇ ॥
ਸੂਰਮੇ ਮਾਰੇ ਜਾਣਗੇ।
ਭਵ ਤਾਰੀਅਹਿਗੇ ॥੩੩੮॥
ਭਵ ਸਾਗਰ ਨੂੰ ਤਰ ਜਾਣਗੇ ॥੩੩੮॥
ਦਿਵ ਦੇਖਹਿਗੇ ॥
ਦੇਵਤੇ ਵੇਖਣਗੇ।
ਜਯ ਲੇਖਹਿਗੇ ॥
ਜਿਤ ਨੂੰ ਜਾਣਨਗੇ।
ਧਨਿ ਭਾਖਹਿਗੇ ॥
ਧੰਨ ਧੰਨ ਆਖਣਗੇ।
ਚਿਤਿ ਰਾਖਹਿਗੇ ॥੩੩੯॥
ਮਨ ਵਿਚ (ਕਲਕੀ ਦਾ ਯਸ਼) ਰਖਣਗੇ ॥੩੩੯॥
ਜਯ ਕਾਰਣ ਹੈਂ ॥
(ਕਿ ਕਲਕੀ) ਜਿਤ ਦਾ ਕਾਰਨ ਹਨ।
ਅਰਿ ਹਾਰਣ ਹੈਂ ॥
ਵੈਰੀਆਂ ਨੂੰ ਹਰਾਉਣ ਵਾਲੇ ਹਨ।
ਖਲ ਖੰਡਨੁ ਹੈਂ ॥
ਦੁਸ਼ਟਾਂ ਨੂੰ ਖ਼ਤਮ ਕਰਨ ਵਾਲੇ ਹਨ।
ਮਹਿ ਮੰਡਨੁ ਹੈਂ ॥੩੪੦॥
ਧਰਤੀ ਦਾ ਸ਼ਿੰਗਾਰ ਹਨ ॥੩੪੦॥
ਅਰਿ ਦੂਖਨ ਹੈਂ ॥
ਵੈਰੀ ਨੂੰ ਦੁਖ ਦੇਣ ਵਾਲੇ ਹਨ।
ਭਵ ਭੂਖਨ ਹੈਂ ॥
ਸੰਸਾਰ ਨੂੰ (ਸ਼ਿੰਗਾਰਨ ਵਾਲੇ) ਗਹਿਣੇ ਹਨ।
ਮਹਿ ਮੰਡਨੁ ਹੈਂ ॥
ਧਰਤੀ ਨੂੰ ਸੁਸ਼ੋਭਿਤ ਕਰਨ ਵਾਲੇ ਹਨ।
ਅਰਿ ਡੰਡਨੁ ਹੈਂ ॥੩੪੧॥
ਵੈਰੀ ਨੂੰ ਦੰਗ ਦੇਣ ਵਾਲੇ ਹਨ ॥੩੪੧॥
ਦਲ ਗਾਹਨ ਹੈਂ ॥
(ਵੈਰੀ) ਦਲ ਨੂੰ ਗਾਹਣ ਵਾਲੇ ਹਨ।
ਅਸਿ ਬਾਹਨ ਹੈਂ ॥
ਤਲਵਾਰ ਚਲਾਉਣ ਵਾਲੇ ਹਨ।
ਜਗ ਕਾਰਨ ਹੈਂ ॥
ਜਗਤ ਦਾ ਕਾਰਨ ਰੂਪ ਹਨ।
ਅਯ ਧਾਰਨ ਹੈਂ ॥੩੪੨॥
ਸ਼ਸਤ੍ਰ ('ਅਯ') ਧਾਰਨ ਕਰਨ ਵਾਲੇ ਹਨ ॥੩੪੨॥
ਮਨ ਮੋਹਨ ਹੈਂ ॥
ਮਨ ਨੂੰ ਮੋਹਣ ਵਾਲੇ ਹਨ।
ਸੁਭ ਸੋਹਨ ਹੈਂ ॥
ਸ਼ੋਭਾਸ਼ਾਲੀ ਸੁੰਦਰ ਹਨ।
ਅਰਿ ਤਾਪਨ ਹੈਂ ॥
ਵੈਰੀ ਨੂੰ ਦੁਖ ਦੇਣ ਵਾਲੇ ਹਨ।
ਜਗ ਜਾਪਨ ਹੈਂ ॥੩੪੩॥
ਜਗਤ ਦੁਆਰਾ ਜਪੇ ਜਾਣ ਵਾਲੇ ਹਨ ॥੩੪੩॥
ਪ੍ਰਣ ਪੂਰਣ ਹੈਂ ॥
ਪ੍ਰਣ ਨੂੰ ਪੂਰਾ ਕਰਨ ਵਾਲੇ ਹਨ।
ਅਰਿ ਚੂਰਣ ਹੈਂ ॥
ਵੈਰੀ ਨੂੰ ਚੂਰ ਚੂਰ ਕਰ ਦੇਣ ਵਾਲੇ ਹਨ।
ਸਰ ਬਰਖਨ ਹੈਂ ॥
ਬਾਣਾਂ ਦੀ ਬਰਖਾ ਕਰਨ ਵਾਲੇ ਹਨ।
ਧਨੁ ਕਰਖਨ ਹੈਂ ॥੩੪੪॥
ਧਨੁਸ਼ ਨੂੰ ਖਿਚਣ ਵਾਲੇ ਹਨ ॥੩੪੪॥
ਤੀਅ ਮੋਹਨ ਹੈਂ ॥
ਇਸਤਰੀਆਂ ਨੂੰ ਮੋਹਣ ਵਾਲੇ ਹਨ।
ਛਬਿ ਸੋਹਨ ਹੈਂ ॥
ਸੁੰਦਰ ਛਬੀ ਵਾਲੇ ਹਨ।
ਮਨ ਭਾਵਨ ਹੈਂ ॥
ਮਨ ਨੂੰ ਚੰਗੇ ਲਗਣ ਵਾਲੇ ਹਨ।
ਘਨ ਸਾਵਨ ਹੈਂ ॥੩੪੫॥
ਸਾਵਣ ਦੇ ਬਦਲ ਵਾਂਗ ਹਨ ॥੩੪੫॥
ਭਵ ਭੂਖਨ ਹੈਂ ॥
ਸੰਸਾਰ ਦੇ ਭੂਸ਼ਣ ਹਨ।
ਭ੍ਰਿਤ ਪੂਖਨ ਹੈਂ ॥
ਦਾਸਾਂ ਨੂੰ ਪਾਲਣ ਵਾਲੇ ਹਨ।
ਸਸਿ ਆਨਨ ਹੈਂ ॥
ਚੰਦ੍ਰਮਾ ਵਰਗੇ ਮੁਖ ਵਾਲੇ ਹਨ।
ਸਮ ਭਾਨਨ ਹੈਂ ॥੩੪੬॥
ਸੂਰਜ ਵਰਗੇ (ਤੇਜ ਵਾਲੇ) ਹਨ ॥੩੪੬॥
ਅਰਿ ਘਾਵਨ ਹੈ ॥
ਵੈਰੀਆਂ ਨੂੰ ਮਾਰਨ ਵਾਲੇ ਹਨ।
ਸੁਖ ਦਾਵਨ ਹੈਂ ॥
ਸੁਖ ਦੇਣ ਵਾਲੇ ਹਨ।
ਘਨ ਘੋਰਨ ਹੈਂ ॥
ਬਦਲ ਵਾਂਗ ਗਜਣ ਵਾਲੇ ਹਨ।