شری گرو گرنتھ صاحب جی

انگ - 909

ਏਹੁ ਜੋਗੁ ਨ ਹੋਵੈ ਜੋਗੀ ਜਿ ਕੁਟੰਬੁ ਛੋਡਿ ਪਰਭਵਣੁ ਕਰਹਿ ॥

ehu jog na hovai jogee ji kuttanb chhodd parabhavan kareh |

ہے جوگی! توں اہ جہڑا آپنا پروار چھڈّ کے دیس-رٹن کردا پھردا ہیں، اس نوں جوگ نہیں آکھیدا۔

ਗ੍ਰਿਹ ਸਰੀਰ ਮਹਿ ਹਰਿ ਹਰਿ ਨਾਮੁ ਗੁਰਪਰਸਾਦੀ ਅਪਣਾ ਹਰਿ ਪ੍ਰਭੁ ਲਹਹਿ ॥੮॥

grih sareer meh har har naam guraparasaadee apanaa har prabh laheh |8|

اس سریر-گھر وچ ہی پرماتما دا نام (وسّ رہا ہے۔ ہے جوگی! آپنے اندروں ہی) گرو دی کرپا نال توں آپنے پرماتما نوں لبھّ سکینگا ۔۔8۔۔

ਇਹੁ ਜਗਤੁ ਮਿਟੀ ਕਾ ਪੁਤਲਾ ਜੋਗੀ ਇਸੁ ਮਹਿ ਰੋਗੁ ਵਡਾ ਤ੍ਰਿਸਨਾ ਮਾਇਆ ॥

eihu jagat mittee kaa putalaa jogee is meh rog vaddaa trisanaa maaeaa |

ہے جوگی! اہ سنسار (مانو) مٹی دا بتّ ہے، اس وچ مایا دی ترشنا دا وڈا روگ لگا ہویا ہے۔

ਅਨੇਕ ਜਤਨ ਭੇਖ ਕਰੇ ਜੋਗੀ ਰੋਗੁ ਨ ਜਾਇ ਗਵਾਇਆ ॥੯॥

anek jatan bhekh kare jogee rog na jaae gavaaeaa |9|

ہے جوگی! جے کوئی منکھّ (تیاگیاں والے) بھیکھ آدکاں دے انیکاں جتن کردا رہے، تاں بھی اہ روگ دور نہیں کیتا جا سکدا ۔۔9۔۔

ਹਰਿ ਕਾ ਨਾਮੁ ਅਉਖਧੁ ਹੈ ਜੋਗੀ ਜਿਸ ਨੋ ਮੰਨਿ ਵਸਾਏ ॥

har kaa naam aaukhadh hai jogee jis no man vasaae |

ہے جوگی! (اس روگ نوں دور کرن لئی) پرماتما دا نام (ہی) دوائی ہے (پر اہ دوائی اہی منکھّ ورتدا ہے) جس اتے (مہر کر کے اس دے) من وچ (اہ دوائی) وساندا ہے۔

ਗੁਰਮੁਖਿ ਹੋਵੈ ਸੋਈ ਬੂਝੈ ਜੋਗ ਜੁਗਤਿ ਸੋ ਪਾਏ ॥੧੦॥

guramukh hovai soee boojhai jog jugat so paae |10|

(اس بھیت نوں) اہی منکھّ سمجھدا ہے جو گرو دے سنمکھ رہندا ہے، اہی منکھّ پربھو-ملاپ دا ڈھنگ سکھدا ہے ۔۔10۔۔

ਜੋਗੈ ਕਾ ਮਾਰਗੁ ਬਿਖਮੁ ਹੈ ਜੋਗੀ ਜਿਸ ਨੋ ਨਦਰਿ ਕਰੇ ਸੋ ਪਾਏ ॥

jogai kaa maarag bikham hai jogee jis no nadar kare so paae |

ہے جوگی! (جس جوگ دا اسیں زکر کر رہے ہاں اس) جوگ دا رستا اؤکھا ہے، اہ رستا اس منکھّ نوں لبھدا ہے جس اتے (پربھو) مہر دی نگاہ کردا ہے۔

ਅੰਤਰਿ ਬਾਹਰਿ ਏਕੋ ਵੇਖੈ ਵਿਚਹੁ ਭਰਮੁ ਚੁਕਾਏ ॥੧੧॥

antar baahar eko vekhai vichahu bharam chukaae |11|

اہ منکھّ آپنے اندروں میر-تیر دور کر لیندا ہے، آپنے اندر اتے سارے سنسار وچ سرف اک پرماتما نوں ہی ویکھدا ہے ۔۔11۔۔

ਵਿਣੁ ਵਜਾਈ ਕਿੰਗੁਰੀ ਵਾਜੈ ਜੋਗੀ ਸਾ ਕਿੰਗੁਰੀ ਵਜਾਇ ॥

vin vajaaee kinguree vaajai jogee saa kinguree vajaae |

ہے جوگی! توں (امرت نام دی) اہ وینا وجایا کر جو (انتر آتمے) بنا وجایاں وجدی ہے۔

ਕਹੈ ਨਾਨਕੁ ਮੁਕਤਿ ਹੋਵਹਿ ਜੋਗੀ ਸਾਚੇ ਰਹਹਿ ਸਮਾਇ ॥੧੨॥੧॥੧੦॥

kahai naanak mukat hoveh jogee saache raheh samaae |12|1|10|

نانک آکھدا ہے کِ ہے جوگی! (جے توں ہرِ-نام سمرن دی وینا وجائینگا، تاں) توں وکاراں توں خلاسی (دا مالک) ہو جاہنگا، اتے سدا کائم رہن والے پرماتما وچ ٹکیا رہینگا ۔۔12۔۔1۔۔10۔۔

ਰਾਮਕਲੀ ਮਹਲਾ ੩ ॥

raamakalee mahalaa 3 |

رامکلی مہلا 3 ۔۔

ਭਗਤਿ ਖਜਾਨਾ ਗੁਰਮੁਖਿ ਜਾਤਾ ਸਤਿਗੁਰਿ ਬੂਝਿ ਬੁਝਾਈ ॥੧॥

bhagat khajaanaa guramukh jaataa satigur boojh bujhaaee |1|

ہے سنت جنو! گرو دے سنمکھ رہن والے نے ہی پرماتما دی بھگتی دے خزانے دی کدر سمجھی ہے۔ گرو نے (آپ اہ کدر) سمجھ (سکھّ نوں) بخشی ہے ۔۔1۔۔

ਸੰਤਹੁ ਗੁਰਮੁਖਿ ਦੇਇ ਵਡਿਆਈ ॥੧॥ ਰਹਾਉ ॥

santahu guramukh dee vaddiaaee |1| rahaau |

ہے سنت جنو! (پرماتما لوک پرلوک وچ) اس منکھّ نوں ازت دیندا ہے جو سدا گرو دے سنمکھ رہندا ہے ۔۔1۔۔ رہاؤ ۔۔

ਸਚਿ ਰਹਹੁ ਸਦਾ ਸਹਜੁ ਸੁਖੁ ਉਪਜੈ ਕਾਮੁ ਕ੍ਰੋਧੁ ਵਿਚਹੁ ਜਾਈ ॥੨॥

sach rahahu sadaa sahaj sukh upajai kaam krodh vichahu jaaee |2|

(ہے سنت جنو! گرو دے سنمکھ رہِ کے ہی) تسی سدا-تھر پربھو وچ لین رہِ سکدے ہو، (تہاڈے اندر) آتمک اڈولتا والا سکھ پیدا ہو سکدا ہے اتے (تہاڈے) اندروں کام کرودھ دور ہو سکدا ہے ۔۔2۔۔

ਆਪੁ ਛੋਡਿ ਨਾਮ ਲਿਵ ਲਾਗੀ ਮਮਤਾ ਸਬਦਿ ਜਲਾਈ ॥੩॥

aap chhodd naam liv laagee mamataa sabad jalaaee |3|

(ہے سنت جنو! گرو دے سنمکھ منکھّ نے ہی) آپا-بھاو چھڈّ کے (آپنے اندر پرماتما دے) نام دی لگن بنائی ہے اتے (آپنے اندروں) میں-میری دی آدت گرو دے شبد دی راہیں ساڑی ہے ۔۔3۔۔

ਜਿਸ ਤੇ ਉਪਜੈ ਤਿਸ ਤੇ ਬਿਨਸੈ ਅੰਤੇ ਨਾਮੁ ਸਖਾਈ ॥੪॥

jis te upajai tis te binasai ante naam sakhaaee |4|

(ہے سنت جنو! گرمکھِ نوں ہی اہ سمجھ آؤندی ہے کِ) جیو جس پرماتما توں پیدا ہندا ہے اسے دے ہکم انوسار ہی ناس ہو جاندا ہے، اتے اخیر سمے سرف پربھو-نامو ہی ساتھی بندا ہے ۔۔4۔۔

ਸਦਾ ਹਜੂਰਿ ਦੂਰਿ ਨਹ ਦੇਖਹੁ ਰਚਨਾ ਜਿਨਿ ਰਚਾਈ ॥੫॥

sadaa hajoor door nah dekhahu rachanaa jin rachaaee |5|

(ہے سنت جنو!) جس پرماتما نے اہ جگت دی کھیڈ بنائی ہے اس نوں اس وچ ہر تھاں ہازر-نازر ویکھو، اس وچوں لامبھے دور ناہ سمجھو ۔۔5۔۔

ਸਚਾ ਸਬਦੁ ਰਵੈ ਘਟ ਅੰਤਰਿ ਸਚੇ ਸਿਉ ਲਿਵ ਲਾਈ ॥੬॥

sachaa sabad ravai ghatt antar sache siau liv laaee |6|

(ہے سنت جنو! گرو دے سنمکھ ہویاں ہی) سدا-تھر پربھو دی سفت-سالاہ دا شبد منکھّ دے ہردے وچ وسّ سکدا ہے اتے سدا-تھر پربھو نال لگن لگّ سکدی ہے ۔۔6۔۔

ਸਤਸੰਗਤਿ ਮਹਿ ਨਾਮੁ ਨਿਰਮੋਲਕੁ ਵਡੈ ਭਾਗਿ ਪਾਇਆ ਜਾਈ ॥੭॥

satasangat meh naam niramolak vaddai bhaag paaeaa jaaee |7|

(ہے سنت جنو! جہڑا) ہرِ-نام کسے دنیاوی پدارتھ دے وٹے نہیں مل سکدا اہ گرو دی سادھ سنگت وچ وڈی کسمت نال مل جاندا ہے ۔۔7۔۔

ਭਰਮਿ ਨ ਭੂਲਹੁ ਸਤਿਗੁਰੁ ਸੇਵਹੁ ਮਨੁ ਰਾਖਹੁ ਇਕ ਠਾਈ ॥੮॥

bharam na bhoolahu satigur sevahu man raakhahu ik tthaaee |8|

(ہے سنت جنو!) بھٹکنا وچ پے کے کراہے ناہ پئے رہو، گرو دا در ملی رکھو، (آپنے من نوں پربھو-چرناں وچ ہی) اکو تھاں ٹکائی رکھو ۔۔8۔۔

ਬਿਨੁ ਨਾਵੈ ਸਭ ਭੂਲੀ ਫਿਰਦੀ ਬਿਰਥਾ ਜਨਮੁ ਗਵਾਈ ॥੯॥

bin naavai sabh bhoolee firadee birathaa janam gavaaee |9|

(ہے سنت جنو! پرماتما دے) نام توں بناں ساری لکائی کراہے پئی ہوئی ہے، اتے آپنا منکھا جنم وئرتھ گوا رہی ہے ۔۔9۔۔

ਜੋਗੀ ਜੁਗਤਿ ਗਵਾਈ ਹੰਢੈ ਪਾਖੰਡਿ ਜੋਗੁ ਨ ਪਾਈ ॥੧੦॥

jogee jugat gavaaee handtai paakhandd jog na paaee |10|

(ہے سنت جنو! دھارمک بھیکھ دے) پکھنڈ نال پربھو دا ملاپ ہاسل نہیں ہندا؛ (جہڑا جوگی نرا اس پکھنڈ وچ پیا ہویا ہے، اس) جوگی نے پربھو-ملاپ دی جگتی (ہتھوں) گوا لئی ہے، اہ (وئرتھ) بھٹکدا پھردا ہے ۔۔10۔۔

ਸਿਵ ਨਗਰੀ ਮਹਿ ਆਸਣਿ ਬੈਸੈ ਗੁਰਸਬਦੀ ਜੋਗੁ ਪਾਈ ॥੧੧॥

siv nagaree meh aasan baisai gurasabadee jog paaee |11|

(ہے سنت جنو! جہڑا جوگی گرو دے شبد وچ جڑدا ہے، اس نے) گر-شبد دی برکت نال پربھو-ملاپ ہاسل کر لیا ہے، اہ جوگی سادھ سنگت وچ ٹکیا ہویا (مانو) آسن اتے بیٹھا ہویا ہے ۔۔11۔۔

ਧਾਤੁਰ ਬਾਜੀ ਸਬਦਿ ਨਿਵਾਰੇ ਨਾਮੁ ਵਸੈ ਮਨਿ ਆਈ ॥੧੨॥

dhaatur baajee sabad nivaare naam vasai man aaee |12|

(ہے سنت جنو! جس منکھّ دے) من وچ پرماتما دا نام آ وسدا ہے، اہ گرو دے شبد دی راہیں آپنے من دی، مایا پچھے بھٹکن دی کھیڈ مکا لیندا ہے ۔۔12۔۔

ਏਹੁ ਸਰੀਰੁ ਸਰਵਰੁ ਹੈ ਸੰਤਹੁ ਇਸਨਾਨੁ ਕਰੇ ਲਿਵ ਲਾਈ ॥੧੩॥

ehu sareer saravar hai santahu isanaan kare liv laaee |13|

(ہے سنت جنو!) اہ منکھّ سریر سوہنا تلاب ہے، جہڑا منکھّ پربھو-چرناں وچ سرت جوڑی رکھدا ہے، (اہ، مانو، اس تلاب وچ) اشنان کر رہا ہے ۔۔13۔۔

ਨਾਮਿ ਇਸਨਾਨੁ ਕਰਹਿ ਸੇ ਜਨ ਨਿਰਮਲ ਸਬਦੇ ਮੈਲੁ ਗਵਾਈ ॥੧੪॥

naam isanaan kareh se jan niramal sabade mail gavaaee |14|

(ہے سنت جنو!) جہڑے منکھّ پربھو دے نام وچ اشنان کردے ہن اہ پوتر جیون والے ہن، اہناں نے گرو دے شبد دی راہیں (آپنے من دی وکاراں والی) میل دور کر لئی ہے ۔۔14۔۔

ਤ੍ਰੈ ਗੁਣ ਅਚੇਤ ਨਾਮੁ ਚੇਤਹਿ ਨਾਹੀ ਬਿਨੁ ਨਾਵੈ ਬਿਨਸਿ ਜਾਈ ॥੧੫॥

trai gun achet naam cheteh naahee bin naavai binas jaaee |15|

(ہے سنت جنو! پربھو دی مایا بڑی پربل ہے) مایا دے تنّ گناں دے کارن (جیو پربھو دی یاد ولوں) بے-پرواہ رہندے ہن، (پربھو دا) نام یاد نہیں کردے۔ (ہے سنت جنو! پرماتما دے) نام توں بنا ہریک جیو آتمک موت سہیڑ لیندا ہے ۔۔15۔۔

ਬ੍ਰਹਮਾ ਬਿਸਨੁ ਮਹੇਸੁ ਤ੍ਰੈ ਮੂਰਤਿ ਤ੍ਰਿਗੁਣਿ ਭਰਮਿ ਭੁਲਾਈ ॥੧੬॥

brahamaa bisan mahes trai moorat trigun bharam bhulaaee |16|

(ہے سنت جنو! کوئی وڈے توں وڈا بھی ہووے) برہما (ہووے) وشنوں (ہووے) شو (ہووے) (پرماتما دے نام توں بنا ہریک جیو مایا دے) تنّ گناں دے پورن پربھاو ہیٹھ رہندا ہے۔ مایا دے تنّ گناں دے پربھاو کارن (پربھو-چرناں توں کھنجھیا ہویا ہریک جیو) بھٹکنا وچ پے کے کراہے پے جاندا ہے ۔۔16۔۔

ਗੁਰਪਰਸਾਦੀ ਤ੍ਰਿਕੁਟੀ ਛੂਟੈ ਚਉਥੈ ਪਦਿ ਲਿਵ ਲਾਈ ॥੧੭॥

guraparasaadee trikuttee chhoottai chauthai pad liv laaee |17|

(ہے سنت جنو!) گرو دی کرپا نال (پربھو-نامو دی راہیں جس منکھّ دی) تریوڑی (بھاو، من دی کھجھّ) دور ہندی ہے، (اہ مایا دے تنّ گناں دے پربھاو توں اتانہ رہِ کے) چوتھی آتمک اوستھا وچ ٹک کے پربھو-چرناں وچ سرت جوڑدا ہے ۔۔17۔۔

ਪੰਡਿਤ ਪੜਹਿ ਪੜਿ ਵਾਦੁ ਵਖਾਣਹਿ ਤਿੰਨਾ ਬੂਝ ਨ ਪਾਈ ॥੧੮॥

panddit parreh parr vaad vakhaaneh tinaa boojh na paaee |18|

(ہے سنت جنو!) پنڈت لوک (پران آدک پستکاں) پڑھدے ہن، اہناں نوں پڑھ کے (سروتیاں نوں دیوتیاں آدک دا پرسپر) لڑائی-جھگڑا سناندے ہن، (پر اس تراں) اہناں نوں (آپ نوں اچے آتمک جیون دی سوجھ نہیں پیندی ۔۔18۔۔

ਬਿਖਿਆ ਮਾਤੇ ਭਰਮਿ ਭੁਲਾਏ ਉਪਦੇਸੁ ਕਹਹਿ ਕਿਸੁ ਭਾਈ ॥੧੯॥

bikhiaa maate bharam bhulaae upades kaheh kis bhaaee |19|

مایا دے موہ وچ پھسے ہوئے (اہ پنڈت لوک) بھٹکنا دے کارن (آپ) کراہے پئے رہندے ہن۔ پھر ہے بھائی! اہ ہور کس نوں سکھیا دیندے ہن؟ (اہناں دی سکھیا دا کسے ہور نوں کوئی لابھ نہیں ہو سکدا) ॥19۔۔