ہے بھائی! ہے بھراوو! آؤ، اسیں پیار نال رل کے بیٹھیئے، تے مل کے (آپنے وچھڑے ساتھی نوں) اسیساں دیویئے۔
ہے بھائی! سدا-تھر میل سرف پرماتما نال ہی ہندا ہے تے سدا-تھر رہن والا ملاپ کدے مکدا نہیں۔ آؤ پرماتما ولوں اسیساں منگیئے (ارداساں کریئے اس نال میل لئی)۔
(وچھڑے ساتھی لئی) ارداساں کرو (اتے آپ بھی) پرماتما دی بھگتی کرو۔ جیہڑے اک واری پربھو-چرناں نال مل جاندے ہن اہناں دا پھر کدے وچھوڑا نہیں ہندا۔
پر کئی ایسے ہن جو پرماتما دے نام توں کھنجھے پھردے ہن جو سدا کائم رہن والے ٹکانے توں اکھڑے پھردے ہن۔ گرو دے شبد وچ جڑ کے نام سمرن دی کھیڈ کھیڈو۔
جیہڑے منکھّ گرو دے شبد وچ لین رہندے ہن اہ جم دے رستے تے نہیں جاندے، اہ سدا لئی ہی اس پرماتما وچ جڑے رہندے ہن جس دا سروپ سدا لئی اٹلّ ہے۔
ہے سجن متر ستسنگیؤ! ستسنگ وچ رل بیٹھو۔ جیہڑے بندے ستسنگ وچ آئے ہن اہناں نے گرو نوں مل کے مایا دے موہ دے پھاہے وڈھّ لئے ہن ۔۔2۔۔
ہے بھائی! جیو جگت وچ ننگا ہی آؤندا ہے تے (پوربلے کیتے کرماں انوسار) دکھّ اتے سکھ-روپ لیکھ لکھے ہوئے اس دے نال ہی آؤندے ہن۔
اہ مکرر کیتا ہویا سما اگانہ پچھانہ نہیں ہو سکدا، (ناہ ہی اہ دکھ سکھ واپرنوں ہٹ سکدا ہے) جو پوربلے جنم وچ کرم کر کے (کمائی وجوں) کھٹیا ہے۔
(جیو دے کیتے کرماں انوسار) سدا-تھر رہن والے پرماتما نے سوچ-وچار کے لکھ دتا ہندا ہے کِ جیو نے نویں جیون-سفرن وچ نام-امرت وہاجھنا ہے جاں مایا-زہر کھٹنا ہے۔ انج جیو نوں جدھر لایا جاندا ہے ادھر اہ لگّ پیندا ہے۔
(اسے لکھے انوسار ہی) جادو ٹونے کرن والی مایا جیو اتے جادو پا دیندی ہے، اس دے گل وچ کئی رنگاں والا دھاگا پا دیندی ہے (بھاو، کئی تریکیاں نال مایا اس نوں موہ لیندی ہے)۔
(مایا دے موہ وچ) جیو دی متّ تھوڑھ-وتی ہو جاندی ہے تے من تھوڑھ-وتا ہو جاندا ہے، جویں مکھی گڑ کھاندی ہے (تے گڑ نال چمبڑ کے ہی مر جاندی ہے)۔
جیو جگت وچ مرجادا-رہت ننگا ہی آؤندا ہے تے ننگا ہی بنھ کے اگے لا لیا جاندا ہے ۔۔3۔۔
جے کسے نے (اس موت سدے نوں ٹالن لئی) رونا ہی ہے تاں رو کے ویکھ لوو، پر جس پیارے سمبھندھی دا سدا آیا ہے اس نوں بنھ کے اگے تور لیا جاندا ہے (اس نے چلے ہی جانا ہے)۔
(پربھو دا) لکھیا ہکم مٹا نہیں سکیدا، جو اس دے در توں سدا آ جاندا ہے (اہ سدا امٹّ ہے)۔
جدوں پرماتما نوں (آپنی رزا وچ) چنگا لگدا ہے، تاں (جیو واستے کوچ دا) سدا آ جاندا ہے، رون والے سمبندھی روندے ہن۔
پتر، بھرا، بھتیجے، بڑے پیارے سمبندھی (سبھے ہی) روندے ہن۔
(مرے ہوئے دے سمبھندھی) سہم وچ روندے ہن، تے اس دے گناں (سکھاں) نوں مڑ مڑ چیتے کردے ہن، پر کدے بھی کوئی جیو مئے پرانیاں دے نال مردا نہیں ہے۔
ہے نانک! اہ بندے سدا ہی مہا سیانے ہن جو سدا-تھر-پربھو دے گن ہردے وچ وسا کے مایا دے موہ ولوں اپرام ہندے ہن ۔۔4۔۔5۔۔
راگ وڈہنس وچّ گرو امرداس جی دی بانی۔
اکال پرکھ اکّ ہے اتے ستگورو دی کرپا نال ملدا ہے۔
سدا کائم رہن والے ہرِ-پربھو دی سفت-سالاہ کرنی چاہیدی ہے، اہ سبھ کجھ ہریک کمّ کرن دی سمرتھا رکھن والا ہے۔
اہ جیو-استری کدے نِ-کھسمی نہیں ہندی، ناہ ہی کدے اس نوں کوئی چنتا ویاپدی ہے، جس نے سرجن ہار پریتم-پربھو نال ڈونگھی سانجھ پا لئی۔
ناہ ہی کدے اس نوں کوئی چنتا ویاپدی ہے، اہ ہر ویلے پرماتما دا نام-رس ماندی ہے، تے سدا پربھو دے چرناں وچ لین رہندی ہے۔
جس نے سرجن ہار پریتم-پربھو نال ڈونگھی سانجھ پا لئی، جو جیواں دے کرماں انوسار پیدا کرن والا ہے، اہ پربھو دی آتمک جیون دین والی بانی اچاردی ہے۔
گناں والیاں جیو-استریاں پرماتما دے گن چیتے کردیاں رہندیاں ہن، پربھو-کھسمو نوں آپنے ہردے وچ وسائی رکھدیاں ہن، اہناں نوں پرماتما نالوں کدے وچھوڑا نہیں ہندا۔
اس سدا-تھر رہن والے پربھو-پتیو دی سفت-سالاہ کرنی چاہیدی ہے، اہ پربھو سبھ کجھ کرن دی تاکت رکھدا ہے ۔۔1۔۔
گرو دے شبد وچ جڑ کے سدا کائم رہن والے مالک-پربھو نال سانجھ پے سکدی ہے، پربھو آپ ہی (جیو نوں) آپنے نال ملا لیندا ہے۔
جیہڑی جیو-استری آپنے اندروں آپا-بھاو دور کر لیندی ہے اہ پربھو-پتیو دے پریم-رنگم وچ رنگی جاندی ہے۔
جیہڑی جیو-استری آپنے اندروں آپا-بھاو گواندی ہے، اس نوں مڑ کدے آتمک موت نہیں واپردی تے اہ گرو دی سرن پے کے اک پرماتما نوں ہی جاندی ہے۔
اس جیو-استری دی (پربھو-ملاپ دی) اچھا پوری ہو جاندی ہے، اہ اندروں (نام-رس نال) بھجّ جاندی ہے، اس نوں جگت دا جیون داتار پربھو مل پیندا ہے۔
جیہڑی (جیو-استری) گر-شبد دے رنگ وچ رنگی جاندی ہے، اہ نام دی چڑھدی جوانی وچ مست رہندی ہے، اہ پربھو-پتیو دی گود وچ لین رہندی ہے۔
گرو دے شبد دی راہیں ہی سدا-تھر مالک-پربھو نال جان-پچھان بندی ہے تے پربھو آپ ہی آپنے نال ملا لیندا ہے ۔۔2۔۔
ہے سخی! جنھاں سنت جناں نے آپنے کھسم-پربھو نال سانجھ پا لئی ہے، میں جا کے اہناں نوں پچھدی ہاں۔