شری گرو گرنتھ صاحب جی

انگ - 5

ਨਾਨਕ ਆਖਣਿ ਸਭੁ ਕੋ ਆਖੈ ਇਕ ਦੂ ਇਕੁ ਸਿਆਣਾ ॥

naanak aakhan sabh ko aakhai ik doo ik siaanaa |

ہے نانک! ہریک جیو آپنے آپ نوں دوجے نالوں سیانا سمجھ کے (اکال پرکھ دی وڈیائی) دسن دا جتن کردا ہے، (پر دسّ نہیں سکدا)۔

ਵਡਾ ਸਾਹਿਬੁ ਵਡੀ ਨਾਈ ਕੀਤਾ ਜਾ ਕਾ ਹੋਵੈ ॥

vaddaa saahib vaddee naaee keetaa jaa kaa hovai |

اکال پرکھ (سبھ توں) وڈا ہے، اس دی وڈیائی اچی ہے۔ جو کجھ جگت وچ ہو رہا ہے، اسے دا کیتا ہو رہا ہے۔

ਨਾਨਕ ਜੇ ਕੋ ਆਪੌ ਜਾਣੈ ਅਗੈ ਗਇਆ ਨ ਸੋਹੈ ॥੨੧॥

naanak je ko aapau jaanai agai geaa na sohai |21|

ہے نانک! جے کوئی منکھّ آپنی اکل دے آسرے (پربھو دی وڈیائی دا انت پان دا) جتن کرے، اہ اکال پرکھ دے در 'تے جا کے آدر نہیں پاندا ۔۔21۔۔

ਪਾਤਾਲਾ ਪਾਤਾਲ ਲਖ ਆਗਾਸਾ ਆਗਾਸ ॥

paataalaa paataal lakh aagaasaa aagaas |

(سارے وید اکّ-زبان ہو کے آکھدے ہن) "پاتالاں دے ہیٹھ ہور لکھاں پاتال ہن اتے آکاشاں دے اتے ہور لکھاں آکاش ہن،

ਓੜਕ ਓੜਕ ਭਾਲਿ ਥਕੇ ਵੇਦ ਕਹਨਿ ਇਕ ਵਾਤ ॥

orrak orrak bhaal thake ved kahan ik vaat |

(بیئنت رشی منی اہناں دے) اخیرلے بنیاں دی بھال کرکے تھکّ گئے ہن، (پر لبھّ نہیں سکے)۔"

ਸਹਸ ਅਠਾਰਹ ਕਹਨਿ ਕਤੇਬਾ ਅਸੁਲੂ ਇਕੁ ਧਾਤੁ ॥

sahas atthaarah kahan katebaa asuloo ik dhaat |

(مسلمان تے ایسائی آدک دیاں چارے) کتیباں آکھدیاں ہن، "کلّ اٹھارہ ہزار شاہالمب شاہ ہن، جنھاں دا مڈھّ اک اکال پرکھ ہے۔" (پر سچی گلّ تاں اہ ہے کِ شبد) 'ہزاراں' تے 'لکھاں' بھی کدرت دی گنتی وچ ورتے نہیں جا سکدے۔

ਲੇਖਾ ਹੋਇ ਤ ਲਿਖੀਐ ਲੇਖੈ ਹੋਇ ਵਿਣਾਸੁ ॥

lekhaa hoe ta likheeai lekhai hoe vinaas |

اکال پرکھ دی کدرت دا) لیکھا تدوں ہی لکھّ سکیدا ہے، جے لیکھا ہو ہی سکے۔ (اہ لیکھا تاں ہو ہی نہیں سکدا، لیکھا کردیاں کردیاں) لیکھے دا ہی خاتما ہو جاندا ہے (گنتی دے ہندسے ہی مکّ جاندے ہن)۔

ਨਾਨਕ ਵਡਾ ਆਖੀਐ ਆਪੇ ਜਾਣੈ ਆਪੁ ॥੨੨॥

naanak vaddaa aakheeai aape jaanai aap |22|

ہے نانک! جس اکال پرکھ نوں (سارے جگت وچ) وڈا آکھیا جا رہا ہے، اہ آپ ہی آپنے آپ نوں جاندا ہے۔ (اہ آپنی وڈیائی آپ ہی جاندا ہے ۔۔22۔۔

ਸਾਲਾਹੀ ਸਾਲਾਹਿ ਏਤੀ ਸੁਰਤਿ ਨ ਪਾਈਆ ॥

saalaahee saalaeh etee surat na paaeea |

سلاہن-جوگہ اکال پرکھ دیاں وڈیائیاں آکھ آکھ کے کسے منکھّ نے اتنی سمجھ نہیں پائی کِ اکال پرکھ کیڈا وڈا ہے۔ (سفت-سالاہ کرن والے منکھّ اس اکال پرکھ دے وچے ہی لین ہو جاندے ہن)۔

ਨਦੀਆ ਅਤੈ ਵਾਹ ਪਵਹਿ ਸਮੁੰਦਿ ਨ ਜਾਣੀਅਹਿ ॥

nadeea atai vaah paveh samund na jaaneeeh |

ندیاں تے نالے سمندر وچ پیندے ہن، (پر پھر وکھرے) اہ پچھانے نہیں جا سکدے (وچے ہی لین ہو جاندے ہن، تے سمندر دی تھاہ نہیں پا سکدے)۔

ਸਮੁੰਦ ਸਾਹ ਸੁਲਤਾਨ ਗਿਰਹਾ ਸੇਤੀ ਮਾਲੁ ਧਨੁ ॥

samund saah sulataan girahaa setee maal dhan |

سمندراں دے پاتشاہ تے سلتان (جنھاں دے خزانیاں وچّ) پہاڑ جیڈے دھن پدارتھاں (دے ڈھیر ہون)

ਕੀੜੀ ਤੁਲਿ ਨ ਹੋਵਨੀ ਜੇ ਤਿਸੁ ਮਨਹੁ ਨ ਵੀਸਰਹਿ ॥੨੩॥

keerree tul na hovanee je tis manahu na veesareh |23|

(پربھو دی سفت-سالاہ کرن والے دیاں نزراں وچ) اک کیڑی دے بھی برابر نہیں ہندے، جے (ہے اکال پرکھ!) اس کیڑی دے من وچوں توں ناہ وسر جائیں ۔۔23۔۔

ਅੰਤੁ ਨ ਸਿਫਤੀ ਕਹਣਿ ਨ ਅੰਤੁ ॥

ant na sifatee kahan na ant |

(اکال پرکھ دے) گناں دا کوئی ہدّ-بنا نہیں ہے، گنن نال بھی (گناں دا) انت نہیں پے سکدا۔ (گنے نہیں جا سکدے)۔

ਅੰਤੁ ਨ ਕਰਣੈ ਦੇਣਿ ਨ ਅੰਤੁ ॥

ant na karanai den na ant |

اکال پرکھ دی رچنا تے داتاں دا انت نہیں پے سکدا۔

ਅੰਤੁ ਨ ਵੇਖਣਿ ਸੁਣਣਿ ਨ ਅੰਤੁ ॥

ant na vekhan sunan na ant |

ویکھن تے سنن نال بھی اس دے گناں دا پار نہیں پا سکیدا۔

ਅੰਤੁ ਨ ਜਾਪੈ ਕਿਆ ਮਨਿ ਮੰਤੁ ॥

ant na jaapai kiaa man mant |

اس اکال پرکھ دے من وچ کہڑی سلاہ ہے، اس گلّ دا بھی انت نہیں پایا جا سکدا۔

ਅੰਤੁ ਨ ਜਾਪੈ ਕੀਤਾ ਆਕਾਰੁ ॥

ant na jaapai keetaa aakaar |

اکال پرکھ نے اہ جگت (جو دسّ رہا ہے) بنایا ہے، پر اس دا ہی انت نہیں پایا جاندا۔ اخیر

ਅੰਤੁ ਨ ਜਾਪੈ ਪਾਰਾਵਾਰੁ ॥

ant na jaapai paaraavaar |

اس دا ارلا تے پارلا بنا کوئی نہیں دسدا۔

ਅੰਤ ਕਾਰਣਿ ਕੇਤੇ ਬਿਲਲਾਹਿ ॥

ant kaaran kete bilalaeh |

کئی منکھّ اکال پرکھ دا ہدّ-بنا لبھن لئی ترلے لے رہے سن،

ਤਾ ਕੇ ਅੰਤ ਨ ਪਾਏ ਜਾਹਿ ॥

taa ke ant na paae jaeh |

پر اس دے ہدّ-بنے لبھے نہیں جا سکدے۔

ਏਹੁ ਅੰਤੁ ਨ ਜਾਣੈ ਕੋਇ ॥

ehu ant na jaanai koe |

(اکال پرکھ دے گناں دا) اہ ہدّ-بنا (جس دی بیئنت جیو بھال کر رہے ہن) کوئی منکھّ نہیں پا سکدا۔

ਬਹੁਤਾ ਕਹੀਐ ਬਹੁਤਾ ਹੋਇ ॥

bahutaa kaheeai bahutaa hoe |

جیوں جیوں اہ گلّ آکھی زاویئے کِ اہ وڈا ہے، تیوں تیوں اہ ہور وڈا، ہور وڈا پرتیت ہون لگّ پیندا ہے۔

ਵਡਾ ਸਾਹਿਬੁ ਊਚਾ ਥਾਉ ॥

vaddaa saahib aoochaa thaau |

اکال پرکھّ وڈا ہے، اس دا ٹکانا اچا ہے۔

ਊਚੇ ਉਪਰਿ ਊਚਾ ਨਾਉ ॥

aooche upar aoochaa naau |

اس دا نامنا بھی اچا ہے۔

ਏਵਡੁ ਊਚਾ ਹੋਵੈ ਕੋਇ ॥

evadd aoochaa hovai koe |

جے کوئی ہور اس جیڈا وڈا ہووے،

ਤਿਸੁ ਊਚੇ ਕਉ ਜਾਣੈ ਸੋਇ ॥

tis aooche kau jaanai soe |

اہ ہی اس اچے اکال پرکھ نوں سمجھ سکدا ہے (کِ اہ کیڈا وڈا ہے)۔

ਜੇਵਡੁ ਆਪਿ ਜਾਣੈ ਆਪਿ ਆਪਿ ॥

jevadd aap jaanai aap aap |

اکال پرکھ آپ ہی جاندا ہے کِ اہ آپ کیڈا وڈا ہے۔

ਨਾਨਕ ਨਦਰੀ ਕਰਮੀ ਦਾਤਿ ॥੨੪॥

naanak nadaree karamee daat |24|

ہے نانک! (ہریک) دات مہر دی نزر کرن والے اکال پرکھ دی بخشش نال ملدی ہے ۔۔24۔۔

ਬਹੁਤਾ ਕਰਮੁ ਲਿਖਿਆ ਨਾ ਜਾਇ ॥

bahutaa karam likhiaa naa jaae |

اکال پرکھ دی بخشش ایڈی وڈی ہے کِ لکھن وچ لیاندی نہیں جا سکدی۔

ਵਡਾ ਦਾਤਾ ਤਿਲੁ ਨ ਤਮਾਇ ॥

vaddaa daataa til na tamaae |

اہ بڑیاں داتاں دین والا ہے، اس نوں رتا بھی لالچ نہیں۔

ਕੇਤੇ ਮੰਗਹਿ ਜੋਧ ਅਪਾਰ ॥

kete mangeh jodh apaar |

بیئنت سورمے (اکال پرکھ دے در 'تے) منگ رہے ہن،

ਕੇਤਿਆ ਗਣਤ ਨਹੀ ਵੀਚਾਰੁ ॥

ketiaa ganat nahee veechaar |

اتے (منگن والے) کئی ہور اجہے ہن، جنھاں دی گنتی 'تے وچار نہیں ہو سکدی۔

ਕੇਤੇ ਖਪਿ ਤੁਟਹਿ ਵੇਕਾਰ ॥

kete khap tutteh vekaar |

کئی جیو (اس دیاں داتاں ورت کے) وکاراں وچ (ہی) کھپ کھپ کے ناس ہندے ہن۔

ਕੇਤੇ ਲੈ ਲੈ ਮੁਕਰੁ ਪਾਹਿ ॥

kete lai lai mukar paeh |

بیئنت جیو (اکال پرکھ دے در توں پدارتھ) پراپت کر کے مکر پیندے ہن (بھاو، کدے شکر وچ آ کے اہ نہی آکھدے کِ سبھ پدارتھ پربھو آپ دے رہا ہے)۔

ਕੇਤੇ ਮੂਰਖ ਖਾਹੀ ਖਾਹਿ ॥

kete moorakh khaahee khaeh |

انیکاں مورکھ (پدارتھ لے کے) کھاہی ہی جاندے ہن (پر داتار نوں چیتے نہیں رکھدے)۔

ਕੇਤਿਆ ਦੂਖ ਭੂਖ ਸਦ ਮਾਰ ॥

ketiaa dookh bhookh sad maar |

انیکاں جیواں نوں سدا مار، کلیش اتے بھکھ (ہی بھاگاں وچ لکھے ہن)۔

ਏਹਿ ਭਿ ਦਾਤਿ ਤੇਰੀ ਦਾਤਾਰ ॥

ehi bhi daat teree daataar |

(پر) ہے دینہار اکال پرکھ! اہ بھی تیری بخشش ہی ہے (کیونکِ اہناں دکھاں کلیشاں دے کارن ہی منکھّ نوں رزا وچ ترن دی سمجھ پیندی ہے)۔

ਬੰਦਿ ਖਲਾਸੀ ਭਾਣੈ ਹੋਇ ॥

band khalaasee bhaanai hoe |

تے (مایا دے موہ روپ) بندھن توں چھٹکارا اکال پرکھ دی رزا وچ تریاں ہی ہندا ہے۔

ਹੋਰੁ ਆਖਿ ਨ ਸਕੈ ਕੋਇ ॥

hor aakh na sakai koe |

رزا توں بنا کوئی ہور تریکا کوئی منکھّ نہیں دسّ سکدا (بھاو، کوئی منکھّ نہیں دسّ سکدا کِ رزا وچ ترن توں بنا موہ توں چھٹکارے دا کوئی ہور وسیلا بھی ہو سکدا ہے)۔

ਜੇ ਕੋ ਖਾਇਕੁ ਆਖਣਿ ਪਾਇ ॥

je ko khaaeik aakhan paae |

(پر) جے کوئی مورکھ (مایا دے موہ توں چھٹکارے دا کوئی ہور وسیلا) دسن دا جتن کرے،

ਓਹੁ ਜਾਣੈ ਜੇਤੀਆ ਮੁਹਿ ਖਾਇ ॥

ohu jaanai jeteea muhi khaae |

تاں اہی جاندا ہے جتنیاں چوٹاں اہ (اس مورکھتا دے کارن) آپنے مونہ اتے کھاندا ہے (بھاو، 'کوڑ' توں بچن لئی اکو ہی تریکا ہے کِ منکھّ رزا وچ ترے۔ پر جے کوئی مورکھ کوئی ہور تریکا بھالدا ہے تاں اس 'کوڑ' توں بچن دے تھاں سگوں ودھیک دکھی ہندا ہے)۔