(ہے بھائی!) آپنے من وچ وچار کر کے ویکھ لوو۔ ستگورو (دی سرن) توں بنا کسے نے پرماتما نوں نہیں لبھا،
(کیونکِ) آپنے من دے پچھے ترن والا منکھّ جد تک گرو دے شبد وچ پیار نہیں پاندا، اس دے من دی (وکاراں دی) میل نہیں اتردی ۔۔1۔۔
ہے میرے من! ستگورو دی رزا وچ تر،
(گرو دی رزا وچ تر کے) آپنے انتر آتمے ٹکیا رہینگا (بھاو، بھٹکنا توں بچ جاوینگا)، آتمک جیون دین والا نام-جل پیوینگا، اس دی برکتِ نال سکھ دا ٹکانا لبھّ لوینگا ۔۔1۔۔ رہاؤ ۔۔
جس جیو-استری دے اندر اؤگن ہی اؤگن ہن تے گن کوئی بھی نہیں، اس نوں پرماتما دی ہزوری وچ بیٹھنا نہیں ملدا۔
آپنے من دے پچھے ترن والی جیو-استری گرو دے شبد دی کدر نہیں جاندی، اؤگن دے کارن اہ پرماتما اس نوں کتے دور ہی جاپدا ہے۔
جنھاں منکھاں نے سدا-تھر پرماتما نوں ہر تھاں وسدا پچھان لیا ہے، اہ اس سدا-تھر پربھو (دے پیار-رنگر) وچ رنگے رہندے ہن،
اہناں دا من گرو دے شبد وچ پروتا رہندا ہے، اہناں نوں پرماتما مل پیندا ہے تے انگ-سنگ وسدا دسدا ہے ۔۔2۔۔
(پر جیواں دے کی وسّ؟) جنھاں جیواں نوں پربھو نے آپ ہی سادھ سنگتِ وچ (رکھّ کے نام رنگ نال) رنگیا ہے، گر-شبد وچ جوڑ کے اہناں نوں آپنے (چرناں) وچ ملا لیا ہے۔
جیہڑے بندے سدا-تھر پربھو وچ سرت جوڑ کے (نام-رنگ نال) رنگے جاندے ہن، اہناں دا اہ سدا-تھر رہن والا رنگ کدے بھی نہیں اتردا۔
آپنے من دے پچھے ترن والے بندے (مایا دی خاتر) چوہیں پاسیں، بھٹک بھٹک کے تھکّ جاندے ہن (بھاو، آتمک جیون کمزور کر لیندے ہن) اہناں نوں (سہیہ جیون-راہن دی) سوجھ نہی پیندی۔
جس منکھّ نوں گرو ملاندا ہے اہ پربھو پریتم نوں مل پیندا ہے، اہ سدا-تھر پربھو دی سفت-سالاہ دی بانی وچ لین رہندا ہے ۔۔3۔۔
(دنیا دے) بتھیرے (سمبندھیاں نوں) متر بنا بنا کے میں تھکّ چکی ہاں (مے سمجھدی رہی کِ کوئی ساک-سمبندھی) میرا دکھّ کٹّ سکیگا۔
پریتم-پربھو نوں مل کے ہی دکھّ کٹیا جاندا ہے، گرو دے شبد دی راہیں ہی اس نال ملاپ ہندا ہے۔
جیہڑا منکھّ سدا-تھر پربھو دا روپ ہو جاندا ہے سدا-تھر پربھو دا نام ہی اس دی کھٹی کمائی ہو جاندا ہے، نام ہی اس دا سرمایا بن جاندا ہے تے اس نوں سدا کائم رہن والی سوبھا ملدی ہے۔
ہے نانک! گرو دے سنمکھ ہو کے جیہڑے منکھّ سدا-تھر پربھو وچ مل جاندے ہن اہ (مڑ اس توں) جدا نہیں ہندے ۔۔4۔۔26۔۔59۔۔
سریراگُ مہلا 3 ۔۔
کرتار آپ ہی (جگت دا) مول رچدا ہے تے پھر جگت پیدا کر کے آپ (ہی) اس دی سمبھال کردا ہے۔
(اس جگت وچ) ہر تھاں کرتار آپ ہی آپ ویاپک ہے (پھر بھی) اہ (جیواں دی) سمجھ وچ نہیں آ سکدا، اس دا سروپ بیان نہیں کیتا جا سکدا۔
اہ پربھو آپ ہی (جدوں) دیال ہندا ہے (تدوں) آپ ہی (سہیہ جیون دی) سمجھ بخشدا ہے۔
جنھاں منکھاں دے من وچ گرو دی متِ دی برکتِ نال پرماتما وسّ پیندا ہے، اہ منکھّ اس سدا-تھر پربھو وچ سدا سرت جوڑی رکھدے ہن ۔۔1۔۔
ہے میرے من! گرو دے ہکم وچ تر۔
(جیہڑا منکھّ گرو دا ہکم مندا ہے اس دا) من (اس دا سریر) شانت ہو جاندا ہے، (اس دے) من وچ پرماتما دا نام آ وسدا ہے ۔۔1۔۔ رہاؤ ۔۔
جس کرتار نے جگت دا مول رچ کے جگت پیدا کیتا ہے، اہی اس دی سمبھال کردا ہے۔
پر اس دی کدر گرو دے شبد دی راہیں ہی تدوں پیندی ہے، جدوں اہ آپ ہی مہر دی نگاہ کردا ہے۔
(جنھاں اتے مہر دی نگاہ کردا ہے) اہ منکھّ گرو دے شبد وچ جڑ کے اس سدا-تھر پربھو دے دربار وچ سوبھا پاندے ہن۔
جنھاں نوں کرتار نے آپ ہی (گرو-چرناں وچ) جوڑیا ہے اہ گرو دے سنمکھ رہِ کے سدا-تھر پربھو دی سفت-سالاہ دے شبد وچ رنگے رہندے ہن ۔۔2۔۔
(ہے بھائی!) گرو دی متِ لے کے اس سدا-تھر پرماتما دی سفت-سالاہ کرنی چاہیدی ہے جس (دے گناں) دا انت نہیں پے سکدا، ارلا پارلا بنا نہیں لبھّ سکدا۔
(اہ سدا-تھر پربھو) آپ ہی آپنے ہکم انوسار ہریک سریر وچ وسدا ہے، تے آپنے ہکم وچ ہی (جیواں دی سمبھال دی) وچار کردا ہے۔
(ہے بھائی!) گرو دے شبد وچ جڑ کے آپنے اندروں ہؤمے دور کرکے پرماتما دی سفت-سالاہ کرنی چاہیدی ہے۔
جیہڑی جیو-استری پربھو دے نام توں سکھنی رہندی ہے اہ اؤگناں نال بھر جاندی ہے تے دکھی ہندی ہے ۔۔3۔۔
ہے نانک! (آکھ-میری اہی ارداس ہے کِ) میں سدا-تھر پربھو دی سفت-سالاہ کردا رہاں، سدا-تھر پربھو (دی یاد) وچ جڑیا رہاں، سدا-تھر پربھو دے نام وچ ٹکے رہاں ہی ترشنا مکدی ہے۔
(میری ارداس ہے کِ) میں پرماتما دے گناں نوں وچاردا رہاں، اہناں گناں نوں (آپنے ہردے وچ) اکٹھے کردا رہاں تے (اس تراں آپنے اندروں) اؤگن دھو کے کڈھّ دیاں۔
جس منکھّ نوں پربھو آپ ہی آپنے چرناں وچ جوڑدا ہے، اس نوں مڑ کدے پربھو توں وچھوڑا نہیں ہندا۔
(میری ارداس ہے کِ) میں آپنے گرو دی سفتِ کردا رہاں، کیونکِ گرو دی راہیں ہی اہ پربھو مل سکدا ہے ۔۔4۔۔27۔۔60۔۔
سریراگُ مہلا 3 ۔۔
ہے سوارتھ وچ پھسی ہوئی جیو-استریئے! دھیان نال سن! کیوں اتنی لا-پرواہی نال (جیون-پندھن وچ) تر رہی ہیں؟
(سوارتھ وچ پھس کے) توں آپنے پرربھو-پتیبھ نوں (ہن) پچھاندی نہیں، پرلوک وچ جا کے کیہ مونہ وکھاوینگی؟
جنھاں ستسنگی جیو-استریاں نے آپنے کھسم-پربھو نال جان-پچھان پا رکھی ہے (اہ بھاگاں والیاں ہن) میں اہناں دے چرنیں لگدا ہاں۔
(میرا چتّ کردا ہے کِ) میں اہناں دے ستسنگ دے اکٹھّ وچ مل کے اہناں جہی بن جاواں ۔۔1۔۔