ہے نانک! گرو دے منمکھ رہن والے منکھّ سدا-تھر پربھو دا نام ہردے وچ سامبھ کے آتمک موت توں بچے رہندے ہن ۔۔1۔۔
م 1 ۔۔
اسیں گلاں وچ سچجیاں (ہاں، پر) آچرن دیاں ماڑیاں ہاں۔
منوں کھوٹیاں تے کالیاں (ہاں، پر) باہروں ساف ستھریاں۔
(پھر بھی) اسیں ریساں اہناں دیاں کردیاں ہاں جو ساودھان ہو کے مالک دی سیوا کردیاں ہن۔
خسم دے پیار وچ بھجیاں ہوئیاں ہن، تے آنند وچ رلیاں ماندیاں ہن۔
جو تان ہندیاں بھی نرمان رہندیاں ہن۔
ہے نانک! (ساڈا) جنم سپھل (تاں ہی ہو سکدا ہے) جے اہناں دی سنگتِ وچ رہیئے ۔۔2۔۔
پؤڑی ۔۔
(ہے پربھو!) توں آپ ہی (مچھی دا جیون-روپن) جل ہیں، آپ ہی (جل وچ) مچھی ہیں، تے آپ ہی جال ہیں۔
توں آپ ہی جال وچھاندا ہیں اتے آپ ہی جل وچ جالا ہیں۔
توں آپ ہی سینکڑے ہتھ ڈونگھے جل وچ سندر نرلیپ کنول ہیں۔
(ہے ہری!) جو (جیو) اک پلک ماتر (تیرا) دھیان دھرے، (اس نوں) توں آپ ہی (اس جال وچوں) چھڈاؤندا ہیں۔
ہے ہری! تیتھوں پرے ہور کجھ نہیں ہے، ستگورو دے شبد دی راہیں (تینوں ہر تھاں) ویکھ کے (کؤل پھلّ وانگ) چڑھدی کلا وچ رہِ سکیدا ہے ۔۔7۔۔
سلوک م 3 ۔۔
(جس منکھّ نوں پربھو دے) بھانے دی سمجھ نہیں پیندی، اس نوں بہت کلپنا لگی رہندی ہے؛
اس دے من وچ چنتا ہندی ہے، (اس کرکے سکھ دی) نیند نہیں سوں سکدا (بھاو، کدے شانتی نہیں ہندی)۔
جے (جیو-) استری (پربھو) خسم دے بھانے وچ ترے،
تاں درگاہ وچ تے اس سنسار وچ اس دی سوبھا ہندی ہے اتے (پربھو دی) ہزوری وچ اس نوں آدر ملدا ہے۔
(پر، ہے نانک!) پربھو مہر کرے تاں (بھانا منن والی اہ) سمجھ ملدی ہے،
تے گرو دی کرپا دی راہیں (بھانے دے مالک) سدا-تھر سانئی وچ جیو لین ہو جاندا ہے ۔۔1۔۔
م 3 ۔۔
ہے نام توں سکھنے منمکھ! کسمبھے دا (مایا دا) رنگ ویکھ کے مہت ناہ ہو جا،
اس دا رنگ (آنند) تھوڑے دن ہی رہندا ہے، تے اس دا ملّ بھی تچھّ جہا ہندا ہے۔
مورکھ (اکلوں) انھے تے متِ-ہین جیو مایا دے موہ وچ پھس کے مڑ مڑ دکھی ہندے ہن،
جویں بشٹے وچ پئے ہوئے کیڑے ولوں ولوں کردے ہن۔
ہے نانک! جو جیو گرو دے گیان تے سبھاؤ وچ (آپنی متِ تے سبھاؤ لین کر دیندے ہن)، اہ نام وچ بھجے ہوئے تے سندر ہن۔
سہج اوستھا وچ لین رہن کرکے اہناں دا بھگتی دا رنگ کدے نہیں اتردا ۔۔2۔۔
پؤڑی ۔۔
(ہے ہری!) توں آپے (سارا) سنسار رچیا ہے، اتے (سبھ نوں) رزک اپڑا رہا ہیں۔
(پھر بھی) کئی جیو (تینوں رازک ناہ سمجھدے ہوئے) ول-چھل کر کے ڈھڈّ بھردے ہن، تے مونہوں کوڑ کستّ بولدے ہن۔
(ہے ہری!) جو تیری رزا ہے سوئی اہ کردے ہن، توں اہناں نوں اہو جہے کمّ (ول-چھل) وچ ہی لا رکھیا ہے۔
جنھاں نوں ہری نے آپنے سچے نام دی سوجھ بخشی ہے، اہناں نوں اتنے خزانے (سنتوکھ دے) اس نے دتے ہن کِ توٹ ہی نہیں آؤندی۔
(اسلی گلّ اہ ہے کِ) جو جیو پربھو نوں یاد کر کے مایا ورتدے ہن، اہناں نوں پھلدی ہے (بھاو، اہ ترشناتر نہیں ہندے) تے ربّ دی یاد توں سکھنیاں دے ہتھ (سدا) اڈے رہندے ہن (بھاو، اہناں دی ترشنا نہیں مٹدی) ॥8۔۔
سلوک م 3 ۔۔
(جیبھ نال) پڑھ پڑھ کے (پر) مایا دے موہ دے سواد وچ پنڈت لوک ویداں دی ویاکھیا کردے ہن۔
(وید-پاٹھی ہندیاں بھی) جو منکھّ مایا دے پیار وچ ہری دا نام وساردا ہے، اس من دے مورکھ نوں دنڈ ملدا ہے،
(کیونکِ) جس ہری نے جند تے سریر (بھاو، منکھا جنم) بخشیا ہے تے جو رزک پچاؤندا ہے اس نوں اہ کدے یاد بھی نہیں کردا۔
جم دی پھاہی اس دے گلوں کدے کٹی نہیں جاندی تے مڑ مڑ اہ جمدا مردا ہے۔
انھے منمکھ نوں کجھ سمجھ نہیں آؤندی، تے (پہلے کیتے کماں دے انوسار جو سنسکار آپنے ہردے تے) لکھدا رہا ہے، (اہناں دے انوسار ہی ہن بھی) ویسے کمّ کری جاندا ہے۔
(جس منکھّ نوں) پورے بھاگاں نال سکھ-داتا ستگورو مل پیندا ہے، نام اس دے من وچ آ وسدا ہے۔
(گرو دی سرن پین والے منکھّ) آتمک آنند ماندے ہن (دنیا دا کھان) ہنڈھان (اہناں واستے) آتمک آنند ہی ہے، تے (اہناں دی امر) نرول سکھ وچ ہی بیتدی ہے۔
ہے نانک! اہو جہا (سکھدائی) نام منوں وسارنا چنگا نہیں، جس دی راہیں سچی درگاہ وچ سوبھا ملدی ہے ۔۔1۔۔
م 3 ۔۔
(جس نے) ستگورو دی دسی سیوا کیتی ہے (اس نوں) گناں دا خزانا سچا نام (روپی) سکھ پراپت ہندا ہے۔