ہے سخی! جدوں توں پیارے پربھو جی میرے ہردے-گھر وچ آ وسے ہن، میرے ہردے-تختے اتے آ بیٹھے ہن، تدوں توں میں اسے دی سفت-سالاہ دے گیت گاندی ہاں۔
گرو نے مینوں پورن پربھو ملا دتا ہے، میرے اندرے سوکھے (شانت) ہو گئے ہن ۔۔3۔۔
گرو نے میرے سارے کمّ سوار دتے ہن، میریاں ساریاں اندریاں نوں آنند پراپت ہو گیا ہے۔
نانک آکھدا ہے- (ہے سخی!) سارے سکھ دین والا پربھو-پتیو مینوں مل پیا ہے۔ ہن اہ مینوں چھڈّ کے کتے دور نہیں جاندا ۔۔4۔۔3۔۔
ملار مہلا 5 ۔۔
راجیاں توں لے کے کیڑیاں تک، کیڑیاں توں لے کے اندر دیوتے تک (کوئی بھی ہووے) پاپ کر کے (سارے) گربھ-جون وچ پیندے ہن (کسے دا لہاز نہیں ہو سکدا)۔
جہڑے بھی پرانی دیا-دے-سمندر پربھو نوں چھڈّ کے ہور ہور نوں پوجدے ہن، اہ ربّ دے چور ہن اہ آپنے آتما دا گھات کردے ہن ۔۔1۔۔
جہڑے منکھّ پرماتما نوں بھلاندے ہن اہ دکھی ہو ہو کے آتمک موت سہیڑدے رہندے ہن۔
اہ منکھّ انیکاں واری کئی جوناں وچ بھٹکدے پھردے ہن، (اس گیڑ وچوں بچن لئی) اہ کسے دا بھی آسرا پراپت نہیں کر سکدے ۔۔1۔۔ رہاؤ ۔۔
مالک پربھو نوں چھڈّ کے جہڑے کسے ہور نوں من وچ وساندے ہن اہ مورکھ ہن اہ کھوتے ہن۔
(پربھو توں بنا ہور ہور دی پوجا کاغز دی بیڑی وچ چڑھ کے سمندروں پار لنگھن دے جتن سمان ہن) کاغز دی بیڑی تے (چڑھ کے) کویں سمندر توں پار لنگھ سکدے ہن؟ اہ وئرتھ ہی آکھدے ہن کِ اسیں پار لنگھ رہے ہاں ۔۔2۔۔
شو، برہما، دینت، دیوتے-اہ جتنے بھی ہن (پرماتما دا نام بھلا کے سبھ) آتمک موت دی اگّ وچ سڑدے ہن (کسے دا بھی لہاز نہیں ہندا)۔
پربھو-در تے ارداس کردے رہو-ہے پربھو! تیرے کول پھلّ ورگے سوہنے چرناں دی سرن وچّ پئے نانک نوں پرے ناہ ہٹاوو ۔۔3۔۔4۔۔
راگ ملار، گھر 1 وچّ گرو ارجندیو جی دی دو-بنداں والی بانی۔
اکال پرکھ اکّ ہے اتے ستگورو دی کرپا نال ملدا ہے۔
جہڑے منکھّ میرے پربھو دے پریتوان ہندے ہن اہ مایا دے موہ توں بچے رہندے ہن۔
(اہناں دی کرپا نال) میں (بھی) اس پربھو (دی یاد) توں بنا اک کھن بھر بھی نہیں رہِ سکدا۔ میری (بھی اس پربھو نال) پریت لگی ہوئی ہے ۔۔1۔۔ رہاؤ ۔۔
(پربھو دے پریتوان) اہناں (سنت جناں) دی سنگت وچ (رہِ کے) میرے چتّ وچ پرماتما آ وسدا ہے۔ سنت جناں دی کرپا نال مینوں (مایا دے موہ دی نیند وچوں) جاگ آ گئی ہے۔
(اہناں دا) اپدیش سن کے من پوتر ہو جاندے ہن (پربھو دے پریم) رنگ وچ رنگیج کے (منکھّ پربھو دے) گن گان لگّ پیندے ہن ۔۔1۔۔
(آپنا) اہ من ہوالے کر کے سنت جناں نوں متر بنا سکیدا ہے، (سنت جن) وڈے بھاگاں والیاں اتے دیاوان ہو جاندے ہن۔
ہے نانک! میں سنت جناں دے چرناں دی دھوڑ (سدا منگدا ہاں۔ سنت جناں دی کرپا نال) میں اتنا مہان انند پراپت کیتا ہے کِ میں اس نوں بیان نہیں کر سکدا ۔۔2۔۔1۔۔5۔۔
ملار مہلا 5 ۔۔
ہے ماں! مینوں (بھی) پریتم پربھو ملا دے۔
جنھاں (سنت-جن-سہیلیاں) دے (ہردے) گھر وچ سوہنا پربھو آ وسدا ہے اہ ساریاں سہیلیاں آتمک آنند وچ مگن رہندیاں ہن ۔۔1۔۔ رہاؤ ۔۔
ہے ماں! میرے وچ نرے اؤگن ہن (پھر بھی اہ) پربھو سدا دیاوان (رہندا) ہے۔ میں گن-ہین وچ کوئی اجہی سیانپ نہیں (کِ اس پربھو نوں مل سکاں،
پر زبانی پھڑاں مار کے) میں اہناں دی برابری کردی ہاں، جہڑیاں پیارے (پربھو) نال رتیاں ہوئیاں ہن-اہ تاں میری ہؤمے دی ڈھیٹھتا ہی ہے ۔۔1۔۔
نانک آکھدا ہے (ہے ماں! ہن) میں مان چھڈّ دتا ہے، میں سرف سکھداتے گرو ستگر پرکھ دی شرن تکّ لئی ہے۔
(اس گرو نے) اکھّ جھمکن جتنے سمے وچ ہی میرا سارا دکھّ کٹّ دتا ہے، (ہن) میری (زندگی دی) رات آنند وچ بیت رہی ہے ۔۔2۔۔2۔۔6۔۔
ملار مہلا 5 ۔۔
ہے نام-جل دے بھنڈار ستگورو جی! (میرے ہردے وچ نام-جل دی) ورکھا کر۔ رتا بھی ڈھلّ ناہ کر۔
ہے پیارے گرو! ہے میرے من نوں سہارا دین والے گرو! (نام-جل دی) ورکھا کر۔ (اس ورکھا نال) میرے من وچ سدا خشی ہندی ہے سدا آنند پیدا ہندا ہے ۔۔1۔۔ رہاؤ ۔۔
ہے میرے سوامی پربھو! مینوں تیرا ہی آسرا ہے، توں مینوں آپنے من توں ناہ وسار۔