اس مان-اہنکار توں (بھائیچارک جیون وچ) کئی وگاڑ چلّ پیندے ہن ۔۔1۔۔ رہاؤ ۔۔
ہریک منکھّ اہی آکھدا ہے کِ (براہمن، کھتری، ویش، شودر، اہ) چار ہی (وکھ وکھ) ورن ہن۔
(پر اہ لوک اہ نہیں سمجھدے کِ) پرماتما دی جوتِ-روپِ اسلے توں ہی ساری سرشٹی پیدا ہندی ہے ۔۔2۔۔
اہ سارا سنسار ہے (پرماتما نے آپنی ہی جوتِ توں بنایا ہویا ہے)،
(جویں کوئی) گھمیار اکو مٹی توں کئی کسماں دے بھانڈے گھڑ لیندا ہے ۔۔3۔۔
پنج تتّ مل کے سریر دی شکل بندی ہے۔
کوئی اہ نہیں آکھ سکدا کِ کسے (ورن والے) وچ بہتے تتّ ہن، تے، کسے (ورن والے) وچ تھوڑھے تتّ ہن ۔۔4۔۔
نانک آکھدا ہے کِ (بھاویں کوئی براہمن ہے، بھاویں کوئی شودر ہے) ہریک جیو آپو آپنے کیتے کرماں (دے سنسکاراں) دا بجھا ہویا ہے۔
گرو نوں ملن توں بنا (کیتے کرماں دے سنسکاراں دے بندھناں توں) خلاسی نہیں ہندی ۔۔5۔۔1۔۔
بھیرؤ مہلا 3 ۔۔
جوگی، گرہستی، پنڈت، بھیکھاں دے سادھو-
اہ سارے آپو آپنے (کسے) اہنکار وچ (پے کے پربھو دی یاد ولوں) غافل ہوئے رہندے ہن ۔۔1۔۔
جیو مایا دے (موہ دے) نشے وچ مست ہو کے پربھو دی یاد ولوں غافل ہویا رہندا ہے (تے، اس دے آتمک جیون دی راس-پونجی نوں کامادک لٹدے رہندے ہن)۔
پر جہڑا منکھّ (پربھو دی یاد دی برکتِ نال) سچیت رہندا ہے، اس نوں کوئی وکار لٹّ نہیں سکدا ۔۔1۔۔ رہاؤ ۔۔
سرف اہ منکھّ سچیت رہندا ہے جس نوں گرو مل پیندا ہے۔
اہ منکھّ (سمرن دی برکتِ نال) کامادک پنجے ویریاں نوں آپنے وسّ وچ کری رکھدا ہے ۔۔2۔۔
اہ منکھّ (وکاراں ولوں) آپنے آپ نوں بچائی رکھدا ہے، اہ منکھّ ہورناں اتے دھکا-ودھیکی نہیں کردا
جو پرماتما دے گناں نوں آپنے من وچ وساندا ہے۔ سرف اہ منکھّ سچیت رہندا ہے ۔۔3۔۔
سرف اہ منکھّ (مایا دے موہ دی نیند ولوں) سچیت رہندا ہے جہڑا سرف پرماتما نال ڈونگھی سانجھ پاندا ہے،
جہڑا مایا (دے موہ) نوں تیاگدا ہے، اتے آپنے اسلے-پربھو نال جان-پچھان بناندا ہے ۔۔4۔۔
(کوئی براہمن ہووے کھتری ہووے ویش ہووے شودر ہووے) چوہاں ورناں وچوں کوئی ورلا (مایا دے موہ دی نیند توں) سچیت رہندا ہے (کسے خاس ورن دا کوئی لہاز نہیں)۔
(جہڑا جاگدا ہے، اہ) آتمک موت توں بچیا رہندا ہے ۔۔5۔۔
نانک آکھدا ہے کِ اہ منکھّ مایا دے موہ دی نیند توں جاگدا ہے،
جس دیاں اکھاں وچ آتمک جیون دی سوجھ دا سرما پیا ہندا ہے ۔۔6۔۔2۔۔
بھیرؤ مہلا 3 ۔۔
پرماتما جس منکھّ نوں آپنے چرناں وچ جوڑی رکھدا ہے،
اہ منکھّ سدا-تھر ہرِ-نام وچ جڑیا رہندا ہے، اہ منکھّ سدا کائم رہن والا ہرِ-نام ہاسل کردا ہے ۔۔1۔۔
ہے بھائی! (کوئی اؤکڑ آؤن تے تسیں پرماتما نوں چھڈّ کے) کسے ہور اگے ترلے ناہ کردے پھرو۔
پرماتما دے ہکم وچ ہی اہ جگت بنیا ہے، اس دے ہکم وچ ہی ہریک گھٹنا واپر رہی ہے ۔۔1۔۔ رہاؤ ۔۔
ہے پربھو! اہ سارا جگت تیرے ہی آسرے ہے۔
(جدوں توں چاہیں) اہ اک چھن وچ ناس ہو جاندا ہے، اس نوں پیدا کردیاں بھی (تینوں) چر نہیں لگدا ۔۔2۔۔
(پرماتما نے) مہر کر کے (جس منکھّ نوں اہ سنسار) اک تماشا جہا ہی وکھال دتا ہے،
اہ منکھّ گرو دی کرپا نال سبھ توں اچا آتمک درجا ہاسل کر لیندا ہے ۔۔3۔۔
نانک آکھدا ہے کِ اہ (پرماتما) ہی (جیواں نوں) ماردا ہے تے جوالدا ہے۔
اس تراں (اسلیئت نوں) سمجھو، تے، کوئی دھر بھٹکنا وچ پے کے کراہے ناہ پوو ۔۔4۔۔3۔۔
بھیرؤ مہلا 3 ۔۔
ہے سخی! میں (جیو-) استری ہاں، کرتار میرا پتی ہے،
میں اہو جہا ہی سنگار کردی ہاں جہو جہا آپ کراندا ہے (میں آپنے جیون نوں اتنا کُ سوہنا ہی بنا سکدی ہاں، جتنا اہ بنواندا ہے) ॥1۔۔
ہے سخی! جدوں اس دی رزا ہندی ہے مینوں آپنے چرناں وچ جوڑ لیندا ہے۔
میں آپنا تن آپنا من سدا کائم رہن والے مالک-پربھو دے ہوالے کر چکی ہاں ۔۔1۔۔ رہاؤ ۔۔
ہے سخی! (ہن) کسے دی کیتی استتِ جاں نندا دا ہن میرے اتے کوئی اسر نہیں پیندا۔
(مینوں نسچا ہو گیا کِ) اک پرماتما ہی سبھ وچ بیٹھا پریرنا کر رہا ہے (استتِ کرن والیاں وچ بھی اہی، نندا کرن والیاں وچ بھی اہی) ॥2۔۔
ہے سخی! گرو دی کرپا نال (میرے اندر پربھو-پتیو واستے) پیار دی کھچّ بن گئی ہے،
ہن میں اس دیا دے سومے پربھو نوں پورن کھڑاؤ-آنند نال ملدی ہاں ۔۔3۔۔
نانک آکھدا ہے کِ (ہے سخی!) کوئی بھی ہور جیو اس دا کجھ وگاڑ نہیں سکدا،
جس جیو نوں اہ پربھو آپ ہی آپنے چرناں وچ جوڑ لیندا ہے ۔۔4۔۔4۔۔
بھیرؤ مہلا 3 ۔۔
اسل مون-دھاری سادھو اہ ہے جہڑا (آپنے) من دی میر-تیر مکا دیندا ہے،
اتے میر-تیر مکا کے (اس میر-تیر دے تھاں) پرماتما نوں (آپنے) من وچ وساندا ہے ۔۔1۔۔
ہے بھائی! آپنے اس من نوں کھوجدے رہا کرو۔
من (دی دوڑ-بھجّ) دی پڑتال کردیاں پرماتما دا نام مل جاندا ہے، اس نام ہی (مانو) دھرتی دے سارے نوں خزانے ہے ۔۔1۔۔ رہاؤ ۔۔
(جگت-رچنا دے) مڈھّ موہ نوں بنا کے کرتار نے جگت پیدا کیتا۔
جیواں نوں اپنتّ چمبوڑ کے (مایا دی خاتر) بھٹکنا وچ پا کے (اس نے آپ ہی) کراہے پا دتا ۔۔2۔۔
اہ من (دے میر-تیر اپنتّ آدک دے سنسکاراں) توں ہی سارا جنم مرن دا سلسلا بندا ہے۔
من دے (سچجے) ویچار دی راہیں پرماتما دی رزا نوں سمجھ کے جیو پرماتما وچ لین ہو جاندا ہے ۔۔3۔۔