ہے نانک! پربھو نے جس سیوک اتے مہر کیتی، اس نوں آتمک موت لیاؤن والے (مایا دے موہ دے) زہر-سمندر وچ ڈبدے نوں باہر کڈھّ لیا ۔۔4۔۔6۔۔
ملار مہلا 4 ۔۔
(جس منکھّ نے) گرو دی مہر نال آتمک جیون دین والا نام-جل (کدے) نہیں پیتا، اس دی (مایا والی) بھکھّ ترہ دور نہیں ہندی۔
آپنے من دے پچھے ترن والا مورکھ منکھّ اہنکار وچ سڑدا رہندا ہے، ہؤمے وچ پھسیا ہویا دکھّ سہاردا رہندا ہے۔
جنم مرن دے گیڑ وچ پیا اہ منکھّ آپنا جیون وئرتھ گواندا ہے، دکھی ہندا ہے تے ہتھ ملدا ہے۔
(اجہے منکھّ) جس (پربھو) توں پیدا ہوئے ہن اس نوں (کدے) یاد نہیں کردے، اہناں دی زندگی پھٹکار-جوگا رہندی ہے، اہناں دا کھادھا-پیتا بھی اہناں واستے پھٹکار ہی کھٹدا ہے ۔۔1۔۔
ہے پرانی! گرو دی سرن پے کے پرماتما دا نام سمریا کر۔
جس منکھّ اتے ہری کرپا کردا ہے، اس نوں اہ گرو ملاندا ہے، تے، اہ منکھّ پرماتما دے نام وچ لین رہندا ہے ۔۔1۔۔ رہاؤ ۔۔
آپنے من دے پچھے ترن والے منکھاں دا جیون وئرتھ جاندا ہے، جنم مرن دے گیڑ وچ پھسے ہوئے ہی اہ شرم-سار ہندے رہندے ہن۔
اہ منکھّ کام وچ کرودھ وچ اہنکار وچ ہی ڈبے رہندے ہن۔ ہؤمے وچ پھسیاں دا آتمک جیون سڑ (کے سواہ ہو) جاندا ہے۔
(آپنے من دے پچھے ترن والے) اہناں منکھاں نوں (جیون وچ) سپھلتا ہاسل نہیں ہندی، (سپھلتا والی) اکل اہناں نوں نہیں پراپت ہندی، اہناں دی متّ نیویں ہی رہندی ہے۔ آپنے من دے پچھے ترن والا منکھّ لوبھ دیاں لہراں وچ (پھسیا) دکھّ پاندا ہے۔
گرو دی سرن آؤن توں بنا منمکھ منکھّ بہت دکھّ پاندا ہے، جدوں اس نوں جم آ پھڑدے ہن تاں اہ ولکدا ہے ۔۔2۔۔
جہڑا منکھّ گرو دی سرن پیندا ہے، اہ آتمک اڈولتا وچ (ٹکّ کے) پریم وچ (لین ہو کے) اس پرماتما دا نام (-خزانا) ہاسل کر لیندا ہے جس تک گیان-اندریاں دی پہنچ نہیں ہو سکدی۔
اس منکھّ دے ہردے وچ نام-خزانا آ وسدا ہے، اہ منکھّ (آپنی) جیبھ نال پرماتما دے گن گاندا رہندا ہے۔
اک پرماتما دی سفت-سالاہ دے شبد وچ سرت جوڑ کے اہ منکھّ دن رات سدا آنند وچ رہندا ہے۔
آتمک اڈولتا دی راہیں اہ منکھّ کیمتی ہرِ-نام پراپت کر لیندا ہے۔ اہ ساری گرو دی ہی برکتِ ہے ۔۔3۔۔
میں گرو توں سدا کربان جاندا ہاں، گرو دی راہیں ہی پرماتما (دا نام میرے) من وچ آ وسیا ہے۔
میں آپنا من آپنا تن سبھ کجھ گرو دے اگے بھیٹا رکھدا ہاں، میں گرو دے چرناں وچ آپنا چتّ جوڑی رکھدا ہاں۔
ہے نانک! ہے پورے گرو! (میرے اتے) آپنی مہر کرو، مینوں آپ ہی (آپنے چرناں وچ) ملائی رکھّ۔
اسیں جیو (وکاراں نال بھارے ہو چکے) لوہا ہاں، گرو بیڑی ہے گرو جہاز ہے جو (سنسار-سمندر توں) پار لنگھاندا ہے ۔۔4۔۔7۔۔
راگ ملار، گھر 3 وچّ گرو رامداس جی دی بانی 'پڑتال'۔
اکال پرکھ اکّ ہے اتے ستگورو دی کرپا نال ملدا ہے۔
ہے ہری! تیرے بھگت تیری سادھ سنگت وچ مل کے تیرا نام جپدے ہن ۔۔1۔۔ رہاؤ ۔۔
(تسیں بھی سادھ سنگت وچ) پرماتما دا نام-دھن ونجو، پربھو دا نام-دھن اکٹھا کرو، (اہ دھن ایسا ہے) کِ اس نوں چور چرا نہیں سکدے ۔۔1۔۔
(جویں) پپیہے تے مور بدلاں دی گڑگجّ سن کے دن رات بولدے ہن، (تویں تسیں بھی سادھ سنگت وچ مل کے ہری دا نام جپیا کرو) ॥2۔۔
(اہ پرماتما ایسا ہے کِ) پشو پنچھی مچھیاں آدک (دھرتی اتے ترن پھرن والے، پانی وچ رہن والے، آکاش وچ اڈن والے سارے ہی) جو بولدے ہن، پرماتما (دی دتی ستیا) توں بنا (کسے) ہور (دی ستیا نال) نہیں بولدے ۔۔3۔۔
ہے نانک! جنھاں بھی ہرِ-سیوکاں نے پرماتما دی سفت-سالاہ دا گیت گانا شرو کر دتا، (اہناں واستے) جمدوتاں دا سارا رولا مکّ گیا (اہناں نوں جمدوتاں دا کوئی ڈر ناہ رہِ گیا) ॥4۔۔1۔۔8۔۔
ملار مہلا 4 ۔۔
پرماتما دا نام سدا اچاریا کر۔ وڈے بھاگاں والے ہن اہ منکھّ جو (پرماتما دا درسن کرن لئی) بھال کردے ہن۔
میں (تاں) اس منکھّ دے چرنیں لگدا ہاں جہڑا مینوں پرماتما دا راہ دسّ دیوے ۔۔1۔۔ رہاؤ ۔۔
پرماتما ہی میرا متر ہے میرا مددگار ہے، پرماتما نال (ہی) میرا پیار بنیا ہویا ہے۔