شری گرو گرنتھ صاحب جی

انگ - 1111

ਨਾਨਕ ਹਉਮੈ ਮਾਰਿ ਪਤੀਣੇ ਤਾਰਾ ਚੜਿਆ ਲੰਮਾ ॥੧॥

naanak haumai maar pateene taaraa charriaa lamaa |1|

ہے نانک! (جنھاں منکھاں دے اندر) سرب-ویاپک پربھو دی جوتِ جگ پیندی ہے، اہ (آپنے اندروں) ہؤمے نوں مار کے (پرماتما دے چرناں وچ) سدا ٹکے رہندے ہن ۔۔1۔۔

ਗੁਰਮੁਖਿ ਜਾਗਿ ਰਹੇ ਚੂਕੀ ਅਭਿਮਾਨੀ ਰਾਮ ॥

guramukh jaag rahe chookee abhimaanee raam |

گرو دے سنمکھ رہن والے منکھّ (مایا دے ہلیاں ولوں) سچیت رہندے ہن، (اہناں دے اندروں) اہنکار والی دشا مکّ جاندی ہے۔

ਅਨਦਿਨੁ ਭੋਰੁ ਭਇਆ ਸਾਚਿ ਸਮਾਨੀ ਰਾਮ ॥

anadin bhor bheaa saach samaanee raam |

(اہناں دے اندر) ہر ویلے آتمک جیون دی سوجھ دا چانن ہویا رہندا ہے، (اہناں دی سرت) سدا کائم رہن والے پرماتما وچ ٹکی رہندی ہے۔

ਸਾਚਿ ਸਮਾਨੀ ਗੁਰਮੁਖਿ ਮਨਿ ਭਾਨੀ ਗੁਰਮੁਖਿ ਸਾਬਤੁ ਜਾਗੇ ॥

saach samaanee guramukh man bhaanee guramukh saabat jaage |

گرو دے سنمکھ رہن والے منکھاں دی سرت سدا-تھر پربھو وچ لین رہندی ہے، (اہناں نوں اہ دشا آپنے) من وچ پیاری لگدی ہے۔ گرو دے سنمکھ رہن والے منکھّ سدا ہی سچیت رہندے ہن۔

ਸਾਚੁ ਨਾਮੁ ਅੰਮ੍ਰਿਤੁ ਗੁਰਿ ਦੀਆ ਹਰਿ ਚਰਨੀ ਲਿਵ ਲਾਗੇ ॥

saach naam amrit gur deea har charanee liv laage |

گرو نے اہناں نوں آتمک جیون دین والا سدا-تھر ہرِ-نام بخشیا ہندا ہے، اہناں دی لو پرماتما دے چرناں وچ لگی رہندی ہے۔

ਪ੍ਰਗਟੀ ਜੋਤਿ ਜੋਤਿ ਮਹਿ ਜਾਤਾ ਮਨਮੁਖਿ ਭਰਮਿ ਭੁਲਾਣੀ ॥

pragattee jot jot meh jaataa manamukh bharam bhulaanee |

گرمکھاں دے اندر پرماتما دی جوتِ دا چانن ہو جاندا ہے، اہ ہریک جیو وچ اسے ربی جوتِ نوں وسدی سمجھدے ہن۔ پر آپنے من دے پچھے ترن والی جیو-استری بھٹکنا دے کارن کراہے پئی رہندی ہے۔

ਨਾਨਕ ਭੋਰੁ ਭਇਆ ਮਨੁ ਮਾਨਿਆ ਜਾਗਤ ਰੈਣਿ ਵਿਹਾਣੀ ॥੨॥

naanak bhor bheaa man maaniaa jaagat rain vihaanee |2|

ہے نانک! گرو دے سنمکھ رہن والے منکھاں دے اندر آتمک جیون دی سوجھ دا چانن ہویا رہندا ہے، اہناں دا من (اس چانن وچ) پرچیا رہندا ہے۔ (مایا دے ہلیاں ولوں) سچیت رہندیاں ہی اہناں دی جیون-راتن بیتدی ہے ۔۔2۔۔

ਅਉਗਣ ਵੀਸਰਿਆ ਗੁਣੀ ਘਰੁ ਕੀਆ ਰਾਮ ॥

aaugan veesariaa gunee ghar keea raam |

(جس منکھّ دے ہردے-آکاش وچ 'تارا چڑیا لما'، اس دے اندروں) سارے اؤگن مکّ جاندے ہن، (اس دے اندر) گن آپنا ٹکانا آ بناندے ہن۔

ਏਕੋ ਰਵਿ ਰਹਿਆ ਅਵਰੁ ਨ ਬੀਆ ਰਾਮ ॥

eko rav rahiaa avar na beea raam |

اس منکھّ نوں اک پرماتما ہی ہر تھاں موجود دسدا ہے، اس توں بنا کوئی ہور دوجا نہیں دسدا۔

ਰਵਿ ਰਹਿਆ ਸੋਈ ਅਵਰੁ ਨ ਕੋਈ ਮਨ ਹੀ ਤੇ ਮਨੁ ਮਾਨਿਆ ॥

rav rahiaa soee avar na koee man hee te man maaniaa |

(جس منکھّ دے اندر 'تارا چڑیا لما'، اس نوں) ہر تھاں اک پرماتما ہی وسدا دسدا ہے، اس توں بنا کوئی ہور اس نوں نہیں دسدا، اس منکھّ دا من انتر-آتمے (ہرِ-نام وچ) پرچیا رہندا ہے۔

ਜਿਨਿ ਜਲ ਥਲ ਤ੍ਰਿਭਵਣ ਘਟੁ ਘਟੁ ਥਾਪਿਆ ਸੋ ਪ੍ਰਭੁ ਗੁਰਮੁਖਿ ਜਾਨਿਆ ॥

jin jal thal tribhavan ghatt ghatt thaapiaa so prabh guramukh jaaniaa |

جس (پرماتما) نے جل تھل تنے بھون ہریک سریر بنایا ہے، اہ منکھّ اس پرماتما نال گرو دی راہیں ڈونگھی سانجھ بنائی رکھدا ہے۔

ਕਰਣ ਕਾਰਣ ਸਮਰਥ ਅਪਾਰਾ ਤ੍ਰਿਬਿਧਿ ਮੇਟਿ ਸਮਾਈ ॥

karan kaaran samarath apaaraa tribidh mett samaaee |

(جس منکھّ دے ہردے-آکاش وچ 'تارا چڑیا لما'، اہ آپنے اندروں) ترگنی مایا دا پربھاو مٹا کے اس پرماتما وچ سمایا رہندا ہے جو سارے جگت دا مول ہے جو ساریاں تاکتاں دا مالک ہے اتے جو بیئنت ہے۔

ਨਾਨਕ ਅਵਗਣ ਗੁਣਹ ਸਮਾਣੇ ਐਸੀ ਗੁਰਮਤਿ ਪਾਈ ॥੩॥

naanak avagan gunah samaane aaisee guramat paaee |3|

ہے نانک! گرو پاسوں اہ منکھّ اجہی متّ ہاسل کر لیندا ہے کِ اس دے سارے اؤگن گناں وچ سما جاندے ہن ۔۔3۔۔

ਆਵਣ ਜਾਣ ਰਹੇ ਚੂਕਾ ਭੋਲਾ ਰਾਮ ॥

aavan jaan rahe chookaa bholaa raam |

(جنھاں دے ہردے-آکاش وچ 'تارا چڑیا لما'، اہناں دے) جنم مرن دے گیڑ مکّ گئے، اہناں دی کوجھی جیون-چالن ختم ہو گئی۔

ਹਉਮੈ ਮਾਰਿ ਮਿਲੇ ਸਾਚਾ ਚੋਲਾ ਰਾਮ ॥

haumai maar mile saachaa cholaa raam |

اہ (آپنے اندروں) ہؤمے دور کر کے (پربھو-چرناں وچ) جڑ گئے، اہناں دا سریر (وکاراں دے ہلیاں دے ٹاکرے تے) اڈول ہو گیا۔

ਹਉਮੈ ਗੁਰਿ ਖੋਈ ਪਰਗਟੁ ਹੋਈ ਚੂਕੇ ਸੋਗ ਸੰਤਾਪੈ ॥

haumai gur khoee paragatt hoee chooke sog santaapai |

گرو نے جس جیو-استری دی ہؤمے دور کر دتی، اہ (لوک پرلوک وچ) سوبھا والی ہو گئی، اس دے سارے غم سارے دکھّ-کلیش مکّ گئے۔

ਜੋਤੀ ਅੰਦਰਿ ਜੋਤਿ ਸਮਾਣੀ ਆਪੁ ਪਛਾਤਾ ਆਪੈ ॥

jotee andar jot samaanee aap pachhaataa aapai |

اس دی جند پرماتما دی جوتِ وچ ملی رہندی ہے، اہ آپنے آتمک جیون دی سدا پڑتال کردی رہندی ہے۔

ਪੇਈਅੜੈ ਘਰਿ ਸਬਦਿ ਪਤੀਣੀ ਸਾਹੁਰੜੈ ਪਿਰ ਭਾਣੀ ॥

peeearrai ghar sabad pateenee saahurarrai pir bhaanee |

جہڑی جیو-استری اس لوک وچ گرو دے شبد وچ پرچی رہندی ہے، اہ پرلوک وچ (جا کے) پربھو-پتیو نوں بھا جاندی ہے۔

ਨਾਨਕ ਸਤਿਗੁਰਿ ਮੇਲਿ ਮਿਲਾਈ ਚੂਕੀ ਕਾਣਿ ਲੋਕਾਣੀ ॥੪॥੩॥

naanak satigur mel milaaee chookee kaan lokaanee |4|3|

ہے نانک! جس جیو-استری نوں گرو نے (آپنے شبد وچ) جوڑ کے پربھو نال ملا دتا، اس نوں دنیا دی متھاجی نہیں رہِ جاندی ۔۔4۔۔3۔۔

ਤੁਖਾਰੀ ਮਹਲਾ ੧ ॥

tukhaaree mahalaa 1 |

تکھاری مہلا 1 ۔۔

ਭੋਲਾਵੜੈ ਭੁਲੀ ਭੁਲਿ ਭੁਲਿ ਪਛੋਤਾਣੀ ॥

bholaavarrai bhulee bhul bhul pachhotaanee |

(جہڑی جیو-استری پرماتما دے نام توں وانجی رہندی ہے، اہ) کوجھے بھلیکھے وچ پے کے جیون-راہن توں کھنجھ جاندی ہے، مڑ مڑ غلتیاں کر کے پچھتاندی رہندی ہے۔

ਪਿਰਿ ਛੋਡਿਅੜੀ ਸੁਤੀ ਪਿਰ ਕੀ ਸਾਰ ਨ ਜਾਣੀ ॥

pir chhoddiarree sutee pir kee saar na jaanee |

(اجہی جیو-استری) پربھو-پتیو دی کدر نہیں سمجھدی۔ (مایا دے موہ دی نیند وچ) غافل ہو رہی (اجہی جیو-استری) نوں پربھو-پتیو نے بھی منوں لاہ دتا ہندا ہے۔

ਪਿਰਿ ਛੋਡੀ ਸੁਤੀ ਅਵਗਣਿ ਮੁਤੀ ਤਿਸੁ ਧਨ ਵਿਧਣ ਰਾਤੇ ॥

pir chhoddee sutee avagan mutee tis dhan vidhan raate |

مایا دے موہ دی نیند وچ ستی ہوئی جس جیو-استری نوں پربھو-پتیو نے پیار کرنا چھڈّ دتا، (مایا دے موہ دی نیند وچ ستی رہن دے اس) اؤگن دے کارن تیاگ دتا، اس جیو-استری دی زندگی دی رات دکھدائی ہو جاندی ہے (اس دی ساری امر دکھاں وچ بیتدی ہے)۔

ਕਾਮਿ ਕ੍ਰੋਧਿ ਅਹੰਕਾਰਿ ਵਿਗੁਤੀ ਹਉਮੈ ਲਗੀ ਤਾਤੇ ॥

kaam krodh ahankaar vigutee haumai lagee taate |

اہ استری کام وچ کرودھ وچ اہنکار وچ (سدا) خوار ہندی رہندی ہے، اس نوں ہؤمے چمبڑی رہندی ہے اس نوں ایرکھا چمبڑی رہندی ہے۔

ਉਡਰਿ ਹੰਸੁ ਚਲਿਆ ਫੁਰਮਾਇਆ ਭਸਮੈ ਭਸਮ ਸਮਾਣੀ ॥

auddar hans chaliaa furamaaeaa bhasamai bhasam samaanee |

پرماتما دے ہکم انوسار جیواتما (تاں آخر سریر نوں چھڈّ کے) تر پیندا ہے، تے، سریر مٹی دی ڈھیری ہو کے مٹی نال مل جاندا ہے۔

ਨਾਨਕ ਸਚੇ ਨਾਮ ਵਿਹੂਣੀ ਭੁਲਿ ਭੁਲਿ ਪਛੋਤਾਣੀ ॥੧॥

naanak sache naam vihoonee bhul bhul pachhotaanee |1|

پر، ہے نانک! پرماتما دے نام توں بھلی ہوئی جیو-استری ساری امر بھلاں کر کر کے (انیکاں دکھّ سہیڑ کے) پچھتاندی رہندی ہے ۔۔1۔۔

ਸੁਣਿ ਨਾਹ ਪਿਆਰੇ ਇਕ ਬੇਨੰਤੀ ਮੇਰੀ ॥

sun naah piaare ik benantee meree |

ہے پیارے (پربھو-) پتی! میری اک بینتی سن-

ਤੂ ਨਿਜ ਘਰਿ ਵਸਿਅੜਾ ਹਉ ਰੁਲਿ ਭਸਮੈ ਢੇਰੀ ॥

too nij ghar vasiarraa hau rul bhasamai dteree |

توں آپنے گھر وچ وسّ رہا ہیں، پر میں (تیتھوں وچھڑ کے وکاراں وچ) خوار ہو کے سواہ دی ڈھیری ہو رہی ہاں۔

ਬਿਨੁ ਅਪਨੇ ਨਾਹੈ ਕੋਇ ਨ ਚਾਹੈ ਕਿਆ ਕਹੀਐ ਕਿਆ ਕੀਜੈ ॥

bin apane naahai koe na chaahai kiaa kaheeai kiaa keejai |

آپنے (پربھو-) پتی توں بنا (پربھو-پتیو توں وچھڑی جیو-استری نوں) کوئی پیار نہیں کردا۔ (اس ہالت وچ پھر) کیہ آکھنا چاہیدا ہے؟ کیہ کرنا چاہیدا ہے؟

ਅੰਮ੍ਰਿਤ ਨਾਮੁ ਰਸਨ ਰਸੁ ਰਸਨਾ ਗੁਰਸਬਦੀ ਰਸੁ ਪੀਜੈ ॥

amrit naam rasan ras rasanaa gurasabadee ras peejai |

(ہے جیو-استری!) پرماتما دا آتمک جیون دین والا نام (دنیا دے) سبھ رساں توں سریشٹ رس ہے؛ گرو دے شبد دی راہیں اہ نام-رس جیبھ نال پیندے رہنا چاہیدا ہے۔

ਵਿਣੁ ਨਾਵੈ ਕੋ ਸੰਗਿ ਨ ਸਾਥੀ ਆਵੈ ਜਾਇ ਘਨੇਰੀ ॥

vin naavai ko sang na saathee aavai jaae ghaneree |

پرماتما دے نام توں بنا (جند دا ہور) کوئی سنگی نہیں کوئی ساتھی نہیں۔ (نام توں کھنجھ کے) بہت لوکائی جنم مرن دے گیڑ وچ پئی رہندی ہے۔

ਨਾਨਕ ਲਾਹਾ ਲੈ ਘਰਿ ਜਾਈਐ ਸਾਚੀ ਸਚੁ ਮਤਿ ਤੇਰੀ ॥੨॥

naanak laahaa lai ghar jaaeeai saachee sach mat teree |2|

ہے نانک! (آکھ-ہے بھائی!) پرماتما دا نام-لابھ کھٹّ کے پربھو دی ہزوری وچ اپڑ جائیدا ہے۔ پرماتما دا سدا-تھر نام (جپیا کر۔ اس دی برکت نال) تیری متّ (وکاراں دے ہلیاں توں) اڈول ہو جائگی ۔۔2۔۔

ਸਾਜਨ ਦੇਸਿ ਵਿਦੇਸੀਅੜੇ ਸਾਨੇਹੜੇ ਦੇਦੀ ॥

saajan des videseearre saaneharre dedee |

سجن-پربھو جی (ہریک جیو-استری دے) ہردے-دیسے وچ وسّ رہے ہن، (پر نام-ہین جیو-استری دکھاں وچ گھر کے اس نوں) پردیس وچ وسدا جان کے (دکھاں توں بچن لئی) ترلے-بھریے سنیہے بھیجدی ہے۔

ਸਾਰਿ ਸਮਾਲੇ ਤਿਨ ਸਜਣਾ ਮੁੰਧ ਨੈਣ ਭਰੇਦੀ ॥

saar samaale tin sajanaa mundh nain bharedee |

(نام توں وانجی ہوئی) اننجان جیو-استری (سہیڑے ہوئے دکھاں دے کارن) روندی ہے، ورلاپ کردی ہے تے اس سجن-پربھو جی نوں مڑ مڑ یاد کردی ہے۔

ਮੁੰਧ ਨੈਣ ਭਰੇਦੀ ਗੁਣ ਸਾਰੇਦੀ ਕਿਉ ਪ੍ਰਭ ਮਿਲਾ ਪਿਆਰੇ ॥

mundh nain bharedee gun saaredee kiau prabh milaa piaare |

(نام توں وانجی ہوئی) اننجان جیو-استری (سہیڑے دکھاں دے کارن) ورلاپ کردی ہے، پربھو-پتیو دے گن چیتے کردی ہے، (تے، ترلے لیندی ہے کِ) پیارے پربھو نوں کویں ملاں۔

ਮਾਰਗੁ ਪੰਥੁ ਨ ਜਾਣਉ ਵਿਖੜਾ ਕਿਉ ਪਾਈਐ ਪਿਰੁ ਪਾਰੇ ॥

maarag panth na jaanau vikharraa kiau paaeeai pir paare |

(جس دیس وچ اہ وسدا ہے، اس دا) رستا (انیکاں وکاراں دیاں) اؤکڑاں نال بھریا ہویا ہے، میں اہ رستا جاندی بھی نہیں ہاں، میں اس پتی نوں کویں ملاں، اہ تاں (اہناں وکاراں دیاں رکاوٹاں توں) پارلے پاسے رہندا ہے۔

ਸਤਿਗੁਰਸਬਦੀ ਮਿਲੈ ਵਿਛੁੰਨੀ ਤਨੁ ਮਨੁ ਆਗੈ ਰਾਖੈ ॥

satigurasabadee milai vichhunee tan man aagai raakhai |

(ہے بھائی!) جہڑی وچھڑی ہوئی جیو-استری گرو دے شبد دی راہیں آپنا تن آپنا من اس دے ہوالے کر دیندی ہے، اہ اس نوں مل پیندی ہے۔

ਨਾਨਕ ਅੰਮ੍ਰਿਤ ਬਿਰਖੁ ਮਹਾ ਰਸ ਫਲਿਆ ਮਿਲਿ ਪ੍ਰੀਤਮ ਰਸੁ ਚਾਖੈ ॥੩॥

naanak amrit birakh mahaa ras faliaa mil preetam ras chaakhai |3|

ہے نانک! پرماتما دا نام آتمک جیون دین والا اک ایسا رکھّ ہے جس نوں اچے آتمک گناں دے پھل لگے رہندے ہن، (گرو دے شبد دی راہیں آپنا تن من بھیٹا کرن والی جیو-استری) پریتم-پربھو نوں مل کے (اس رکھّ دے پھلاں دا) سواد چکھدی رہندی ہے ۔۔3۔۔