سدا پربھو دا نام جپ کے (لوک پرلوک وچ) سرخرو ہوئیدا ہے تے پردھانتا ملدی ہے۔
ہے نانک! گرو پرماتما (دا روپ) ہے؛ اس (گرو) وچ مل کے (گرو دے دسے راہ تے تر کے) پرماتما دا نام پراپت ہندا ہے ۔۔2۔۔
پؤڑی ۔۔
ہے پربھو! توں آپ ہی (جوگ-سادھناں وچ) پگا ہویا جوگی ہیں، توں آپ ہی سادھن کرن والا ہیں، توں آپ ہی جوگ وچ جڑن والا ہیں۔
توں آپ ہی (مائک پدارتھاں دے) رس چکھن والا ہیں، توں آپ ہی (مائک پدارتھاں دے) بھوگ بھوگن والا ہیں،
(کیونکِ جوگیاں وچ بھی تے گرہستیاں وچ بھی ہر تھاں) توں آپ ہی آپ موجود ہیں، جو کجھ توں کردا ہیں، اہی ہندا ہے۔
گرو دی سادھ سنگت دھنّ ہے دھنّ ہے جس وچ مل کے پرماتما دی سفت-سالاہ دے بول بولے جا سکدے ہن۔
(سادھ سنگت وچ بیٹھ کے) سارے (آپنے مونہوں سدا ہر ویلے پرماتما دا نام جپیاں سارے پچھلے کیتے) پاپ دور ہو جاندے ہن ۔۔1۔۔
سلوک م 4 ۔۔
سدا ہی پرماتما دا نام (سمرن دی داتِ) کوئی ورلا منکھّ گرو دے دسے رستے اتے تر کے ہاسل کردا ہے،
(جہڑا منکھّ اہ دات پراپت کردا ہے، اس دے اندروں) ہؤمے اتے اپنتّ دا ناس ہو جاندا ہے (اہ منکھّ آپنے اندروں نام دی برکتِ نال) بھیڑی متّ (دی میل) دھو کے کڈھّ دیندا ہے؛
ہے نانک! (اہ منکھّ) ہر ویلے (پرماتما دے) گن اچاردا ہے (پر اہی منکھّ پرماتما دے گن اچاردے ہن) جنھاں دے بھاگاں وچ دھر توں (کیتے کرماں انوسار نام سمرن دے سنسکاراں دا لیکھ) لکھیا ہندا ہے ۔۔1۔۔
م 4 ۔۔
پرماتما آپ ہی دیا دا سوما ہے (جگت وچ) اہی کجھ ہندا ہے جو اہ پرماتما آپ ہی کردا ہے۔
پرماتما آپ ہی (ہر تھاں) موجود ہے، کوئی ہور اس دے برابر دا نہیں ہے۔
جو کجھ پربھو نوں چنگا لگدا ہے اہی ہندا ہے، جو کجھ اہ پربھو کردا ہے اہی ہندا ہے۔
اس پرماتما دے گناں دا انت نہیں پے سکدا، کسے (منکھّ) نے اس دا ملّ نہیں پایا۔
ہے نانک! جس منکھّ نے گرو دے دسے رستے تے تر کے پرماتما دی سفت-سالاہ کیتی ہے، اس دا تن اس دا من (وکاراں ولوں) ٹھنڈھا-ٹھارا ہو جاندا ہے ۔۔2۔۔
پؤڑی ۔۔
ہے جگت دے جیون پربھو! ساری سرشٹی وچ تیرا ہی نور (چانن کر رہا ہے)، توں ہریک سریر وچ (موجود ہیں تے آپنے نام دی) رنگن چاڑھن والا ہیں۔
ہے میرے پریتم! سارے جیو تینوں (ہی) سمردے ہن۔ ہے سرب-ویاپک (تے پھر بھی) نرلیپ پربھو! توں سدا کائم رہن والا ہیں، توں سدا کائم رہن والا ہیں۔
ہے پربھو! توں ہی داتا دین والا ہیں، سارا جگت (تیرے در دا) منگتا ہے۔ ہے ہری! ہریک منگ (جیو تیتھوں ہی) منگدے ہن۔
توں آپ ہی مالک ہیں۔ ہے ہری! گرو دی متّ اتے تریا توں بہت پیارا لگدا ہیں۔
پرماتما (سارے) اندریاں دا مالک ہے، تسیں سارے آپنے مونہوں اس دی سفت-سالاہ کرو، اس دا نام جپو، اس دے نام دی برکتِ نال ہی (جیو) سارے پھل پراپت کردے ہن ۔۔2۔۔
سلوک م 4 ۔۔
ہے (میرے) من! سدا پرماتما دا نام سمریا کر، پرماتما دی ہزوری وچ آدر ہاسل کرینگا۔
(پرماتما پاسوں) جو توں منگینگا اہی پھل (اہ) دیویگا۔ (پر) گرو دے شبد دی راہیں ہی (پربھو وچ) سرت جڑ سکدی ہے۔
(جس منکھّ دی جڑدی ہے، اس دے) سارے پاپ وکار کٹے جاندے ہن؛ (اس دے اندروں) ہؤمے مکّ جاندی ہے اہنکار دور ہو جاندا ہے۔
ہے میرے من! گرو دے سنمکھ رہن والے منکھّ دا ہردا-کول-پھلّ کھڑ پیندا ہے، اہ تھاں پرماتما نوں وسدا پچھانن-جوگن ہو جاندا ہے۔
ہے پربھو! داس (نانک) اتے مہر کر، (میں تیرا داس بھی) نام جپدا رہاں ۔۔1۔۔
م 4 ۔۔
پرماتما دا نام (آتمک جیون نوں) سچا بنان-جوگن ہے، نام جپیاں (ہریک) دکھّ دور ہو جاندا ہے۔
(پر اہ نام) اہناں (منکھاں) دے من وچ آ کے وسدا ہے جنھاں دے بھاگاں وچ مڈھّ توں (پچھلے کیتے کرماں انوسار نام جپن دے سنسکاراں دا لیکھا) لکھیا ہندا ہے۔
جہڑا جہڑا منکھّ گرو دی رزا وچ تردا ہے اہناں دا دکھّ دردر دور ہو جاندا ہے۔
پر آپنے من وچ تسلی کر کے ویکھ لوو، آپنے من دی مرزی وچ تر کے کسے نے بھی ہرِ-نام پراپت نہیں کیتا۔
جہڑے منکھّ گرو دی چرنیں پئے رہندے ہن، داس نانک اہناں دے داساں دا داس ہے ۔۔2۔۔
پؤڑی ۔۔