شری گرو گرنتھ صاحب جی

انگ - 1010

ਧੰਧੈ ਧਾਵਤ ਜਗੁ ਬਾਧਿਆ ਨਾ ਬੂਝੈ ਵੀਚਾਰੁ ॥

dhandhai dhaavat jag baadhiaa naa boojhai veechaar |

دنیا دے کار-وہار وچ دوڑ-بھجّ کردا کردا منکھّ مایا دے موہ وچ بجھّ جاندا ہے، اہ (اس وچوں نکلن دی کوئی) سوچ سوچ ہی نہیں سکدا۔

ਜੰਮਣ ਮਰਣੁ ਵਿਸਾਰਿਆ ਮਨਮੁਖ ਮੁਗਧੁ ਗਵਾਰੁ ॥

jaman maran visaariaa manamukh mugadh gavaar |

آپنے من دے پچھے ترن والا منکھّ اجیہا مورکھ تے بدھو بن جاندا ہے کِ اہ جنم مرن دا گیڑ بھلا ہی بیٹھدا ہے۔

ਗੁਰਿ ਰਾਖੇ ਸੇ ਉਬਰੇ ਸਚਾ ਸਬਦੁ ਵੀਚਾਰਿ ॥੭॥

gur raakhe se ubare sachaa sabad veechaar |7|

جنھاں دی رکھیا گرو نے کیتی، اہ سچے شبد نوں سوچ-منڈل وچ وسا کے (موہ دی جیوڑی وچوں) بچ نکلے ۔۔7۔۔

ਸੂਹਟੁ ਪਿੰਜਰਿ ਪ੍ਰੇਮ ਕੈ ਬੋਲੈ ਬੋਲਣਹਾਰੁ ॥

soohatt pinjar prem kai bolai bolanahaar |

(توتا آپنے مالک دے پنجرے وچ پے کے اہی بولی بولدا ہے جو مالک سکھاندا ہے، مالک اہ بولی سن کے توتے اتے خش ہندا ہے) جیہڑا جیو-توتا پربھو دے پریم دے پنجرے وچ پے کے اہ بول بولدا ہے جو اس دے اندر بولنہار پربھو نوں پسند ہے،

ਸਚੁ ਚੁਗੈ ਅੰਮ੍ਰਿਤੁ ਪੀਐ ਉਡੈ ਤ ਏਕਾ ਵਾਰ ॥

sach chugai amrit peeai uddai ta ekaa vaar |

تاں اہ جیو-توتا سدا-تھر نام دی چوگ چگدا ہے نام-امرت پیندا ہے۔ (سریر-پنجرے نوں سدا لئی) اکو واری ہی تیاگ جاندا ہے (مڑ مڑ جنم مرن وچ نہیں پیدا)۔

ਗੁਰਿ ਮਿਲਿਐ ਖਸਮੁ ਪਛਾਣੀਐ ਕਹੁ ਨਾਨਕ ਮੋਖ ਦੁਆਰੁ ॥੮॥੨॥

gur miliaai khasam pachhaaneeai kahu naanak mokh duaar |8|2|

نانک آکھدا ہے- جے گرو مل پئے تاں کھسم-پرماتما نال ڈونگھی سانجھ پے جاندی ہے، تے مایا دے موہ توں خلاسی دا دروازا لبھّ پیندا ہے ۔۔8۔۔2۔۔

ਮਾਰੂ ਮਹਲਾ ੧ ॥

maaroo mahalaa 1 |

مارو مہلا 1 ۔۔

ਸਬਦਿ ਮਰੈ ਤਾ ਮਾਰਿ ਮਰੁ ਭਾਗੋ ਕਿਸੁ ਪਹਿ ਜਾਉ ॥

sabad marai taa maar mar bhaago kis peh jaau |

(جدوں منکھّ گرو دے) شبد وچ (جڑ کے) آپا-بھاو توں مردا ہے تدوں اہ موت دے ڈر نوں مار لیندا ہے۔ (اننج موت توں) بھجّ کے میں کس دے پاس جا سکدا ہاں؟

ਜਿਸ ਕੈ ਡਰਿ ਭੈ ਭਾਗੀਐ ਅੰਮ੍ਰਿਤੁ ਤਾ ਕੋ ਨਾਉ ॥

jis kai ddar bhai bhaageeai amrit taa ko naau |

جس پرماتما دے ڈر وچ رہاں ادب وچ رہاں (موت دے ڈر توں) بچ سکیدا ہے (اس دا نام جپنا چاہیدا ہے)، اس دا نام اٹلّ آتمک جیون دین والا ہے۔

ਮਾਰਹਿ ਰਾਖਹਿ ਏਕੁ ਤੂ ਬੀਜਉ ਨਾਹੀ ਥਾਉ ॥੧॥

maareh raakheh ek too beejau naahee thaau |1|

ہے پربھو! توں آپ ہی ماردا ہیں توں آپ ہی رکھیا کردا ہیں۔ تیتھوں بنا ہور کوئی تھاں نہیں (جو مار سکے جاں موت توں بچا سکے) ॥1۔۔

ਬਾਬਾ ਮੈ ਕੁਚੀਲੁ ਕਾਚਉ ਮਤਿਹੀਨ ॥

baabaa mai kucheel kaachau matiheen |

ہے پربھو! (تیرے نام توں بنا) میں گندا ہاں، کمزور-دلو ہاں، اکل توں سکھنا ہاں۔

ਨਾਮ ਬਿਨਾ ਕੋ ਕਛੁ ਨਹੀ ਗੁਰਿ ਪੂਰੈ ਪੂਰੀ ਮਤਿ ਕੀਨ ॥੧॥ ਰਹਾਉ ॥

naam binaa ko kachh nahee gur poorai pooree mat keen |1| rahaau |

تیرے نام توں بنا کوئی بھی جیو کاسے جوگا نہیں ہے (اکلوں خالی ہے)۔ (جس منکھّ نوں پورا گرو مل پیا) پورے گرو نے اس نوں اہ متّ دے دتی جس نال اہ جیون-سفرن وچ اکائی ناہ کھائے ۔۔1۔۔ رہاؤ ۔۔

ਅਵਗਣਿ ਸੁਭਰ ਗੁਣ ਨਹੀ ਬਿਨੁ ਗੁਣ ਕਿਉ ਘਰਿ ਜਾਉ ॥

avagan subhar gun nahee bin gun kiau ghar jaau |

(پربھو دے نام توں کھنجھ کے) میں اؤگن نال نکا-نک بھر جاندا ہاں، میرے وچ گن نہیں پیدا ہندے، تے گناں توں بنا میں (پرماتما دے) دیس وچ کویں پہنچ سکدا ہاں؟

ਸਹਜਿ ਸਬਦਿ ਸੁਖੁ ਊਪਜੈ ਬਿਨੁ ਭਾਗਾ ਧਨੁ ਨਾਹਿ ॥

sahaj sabad sukh aoopajai bin bhaagaa dhan naeh |

جیہڑا منکھّ اڈول آتمک اوستھا وچ ٹکدا ہے گرو دے شبد وچ جڑدا ہے اس دے اندر آتمک آنند پیدا ہندا ہے، پر اہ نام-دھن کسمت توں بنا نہیں ملدا۔

ਜਿਨ ਕੈ ਨਾਮੁ ਨ ਮਨਿ ਵਸੈ ਸੇ ਬਾਧੇ ਦੂਖ ਸਹਾਹਿ ॥੨॥

jin kai naam na man vasai se baadhe dookh sahaeh |2|

جنھاں دے من وچ پرماتما دا نام نہیں وسدا، اہ اؤگناں دے بدھے ہوئے دکھّ سہاردے ہن ۔۔2۔۔

ਜਿਨੀ ਨਾਮੁ ਵਿਸਾਰਿਆ ਸੇ ਕਿਤੁ ਆਏ ਸੰਸਾਰਿ ॥

jinee naam visaariaa se kit aae sansaar |

جنھاں بندیاں نے پرماتما دا نام بھلا دتا اہ سنسار وچ کاہدے لئی آئے؟

ਆਗੈ ਪਾਛੈ ਸੁਖੁ ਨਹੀ ਗਾਡੇ ਲਾਦੇ ਛਾਰੁ ॥

aagai paachhai sukh nahee gaadde laade chhaar |

اہناں نوں ناہ پرلوک وچ سکھ، ناہ اس لوک وچ سکھ، اہ تاں سواہ دے لدے ہوئے گڈے ہن (اہناں دے سریر وکاراں نال بھرے ہوئے ہن)۔

ਵਿਛੁੜਿਆ ਮੇਲਾ ਨਹੀ ਦੂਖੁ ਘਣੋ ਜਮ ਦੁਆਰਿ ॥੩॥

vichhurriaa melaa nahee dookh ghano jam duaar |3|

اہ پرماتما توں وچھڑے ہوئے ہن، پرماتما نال اہناں نوں ملاپ نسیب نہیں ہندا، اہ جمراج دے ڈر تے ڈاڈھا دکھّ سہاردے ہن ۔۔3۔۔

ਅਗੈ ਕਿਆ ਜਾਣਾ ਨਾਹਿ ਮੈ ਭੂਲੇ ਤੂ ਸਮਝਾਇ ॥

agai kiaa jaanaa naeh mai bhoole too samajhaae |

ہے پربھو! مینوں اہ سمجھ نہیں کِ تیرے نام توں کھنجھ کے جیون-سفرن وچ میرے نال کہی واپریگی۔

ਭੂਲੇ ਮਾਰਗੁ ਜੋ ਦਸੇ ਤਿਸ ਕੈ ਲਾਗਉ ਪਾਇ ॥

bhoole maarag jo dase tis kai laagau paae |

مینوں بھلے ہوئے نوں، ہے پربھو! توں آپ اکل دیہ۔ مینوں کراہے پئے ہوئے نوں جیہڑا کوئی رستا دسیگا، میں اس دے پیریں لگانگا۔

ਗੁਰ ਬਿਨੁ ਦਾਤਾ ਕੋ ਨਹੀ ਕੀਮਤਿ ਕਹਣੁ ਨ ਜਾਇ ॥੪॥

gur bin daataa ko nahee keemat kahan na jaae |4|

(سہیہ رستے دی) دات دین والا گرو توں بنا ہور کوئی نہیں ہے، گرو دی بخشی اس دات دا ملّ پایا نہیں جا سکدا ۔۔4۔۔

ਸਾਜਨੁ ਦੇਖਾ ਤਾ ਗਲਿ ਮਿਲਾ ਸਾਚੁ ਪਠਾਇਓ ਲੇਖੁ ॥

saajan dekhaa taa gal milaa saach patthaaeio lekh |

(گرو دی سرن پے کے) میں سدا-تھر پربھو دا سمرن کر رہی ہاں، اہ سمرن-روپن چٹھی میں (پربھو-پتیو نوں) بھیجی ہے، جدوں اس سجن-پربھو دا میں درسن کرانگی تاں میں اس دے گل نال لگّ جاوانگی۔

ਮੁਖਿ ਧਿਮਾਣੈ ਧਨ ਖੜੀ ਗੁਰਮੁਖਿ ਆਖੀ ਦੇਖੁ ॥

mukh dhimaanai dhan kharree guramukh aakhee dekh |

(پربھو دی یاد توں کھنجھ کے) ہے نمو-جھون کھلوتی جیو-استری! توں بھی گرو دی سرن پؤ، تے آپنی اکھیں اس دا درشن کر لے۔

ਤੁਧੁ ਭਾਵੈ ਤੂ ਮਨਿ ਵਸਹਿ ਨਦਰੀ ਕਰਮਿ ਵਿਸੇਖੁ ॥੫॥

tudh bhaavai too man vaseh nadaree karam visekh |5|

(پر، ہے پربھو! ساڈے جیواں دے کیہ وسّ؟) جے تینوں چنگا لگے تاں توں جیواں دے من وچ آ پرگٹدا ہیں، تیری میہر دی نگاہ نال تیری بخشش نال تیرے درسن دی وڈیائی ملدی ہے ۔۔5۔۔

ਭੂਖ ਪਿਆਸੋ ਜੇ ਭਵੈ ਕਿਆ ਤਿਸੁ ਮਾਗਉ ਦੇਇ ॥

bhookh piaaso je bhavai kiaa tis maagau dee |

جے کوئی منکھّ آپ ہی (مایا دے موہ وچ) بھکھا تہایا بھٹک رہا ہووے، میں اس پاسوں کیہ (نام دی داتِ) منگ سکدا ہاں؟ اہ مینوں کیہ دے سکدا ہے؟

ਬੀਜਉ ਸੂਝੈ ਕੋ ਨਹੀ ਮਨਿ ਤਨਿ ਪੂਰਨੁ ਦੇਇ ॥

beejau soojhai ko nahee man tan pooran dee |

مینوں تاں ہور کوئی (داتا) نہیں سجھدا، (ہاں،) اہی پرماتما دے سکدا ہے جو جیواں دے من وچ تن وچ بھرپور ہے۔

ਜਿਨਿ ਕੀਆ ਤਿਨਿ ਦੇਖਿਆ ਆਪਿ ਵਡਾਈ ਦੇਇ ॥੬॥

jin keea tin dekhiaa aap vaddaaee dee |6|

جس پرماتما نے اہ جگت رچیا ہے اس نے آپ ہی اس دی سمبھال بھی کرنی ہے۔ اہ آپ ہی آپنے (نام دی دات دی) وڈیائی دیندا ہے ۔۔6۔۔

ਨਗਰੀ ਨਾਇਕੁ ਨਵਤਨੋ ਬਾਲਕੁ ਲੀਲ ਅਨੂਪੁ ॥

nagaree naaeik navatano baalak leel anoop |

پرماتما اہناں سریراں دا مالک ہے، (جیواں نوں پیار کرن وچ اہ ہر ویلے) نواں ہے، بالک (وانگ اہ نرویر) ہے، اہ انوکھے کوتک کرنہار ہے۔

ਨਾਰਿ ਨ ਪੁਰਖੁ ਨ ਪੰਖਣੂ ਸਾਚਉ ਚਤੁਰੁ ਸਰੂਪੁ ॥

naar na purakh na pankhanoo saachau chatur saroop |

پرماتما سدا-تھر رہن والا ہے، اکل دا پنج ہے، (استری مرد پنچھی آدک سبھناں وچ موجود ہے) پر اہ کوئی خاس استری نہیں، کوئی خاس مرد نہیں، کوئی خاس پنچھی نہیں۔

ਜੋ ਤਿਸੁ ਭਾਵੈ ਸੋ ਥੀਐ ਤੂ ਦੀਪਕੁ ਤੂ ਧੂਪੁ ॥੭॥

jo tis bhaavai so theeai too deepak too dhoop |7|

جگت وچ اہی کجھ ہو رہا ہے جو اس نوں بھاؤندا ہے۔ ہے پربھو! توں سبھ جیواں نوں چانن (گیان) دین والا ہیں، توں سبھ نوں سگندھی (مٹھا سبھاؤ) دین والا ہیں ۔۔7۔۔

ਗੀਤ ਸਾਦ ਚਾਖੇ ਸੁਣੇ ਬਾਦ ਸਾਦ ਤਨਿ ਰੋਗੁ ॥

geet saad chaakhe sune baad saad tan rog |

دنیا دے گیت سن ویکھے ہن، سواد چکھّ ویکھے ہن؛ اہ گیت تے سواد سریر وچ روگ ہی پیدا کردے ہن۔

ਸਚੁ ਭਾਵੈ ਸਾਚਉ ਚਵੈ ਛੂਟੈ ਸੋਗ ਵਿਜੋਗੁ ॥

sach bhaavai saachau chavai chhoottai sog vijog |

جس منکھّ نوں سدا-تھر پربھو پیارا لگدا ہے جو منکھّ سدا-تھر پربھو دا نام سمردا ہے، اس دا (پربھو نالوں) وچھوڑا مکّ جاندا ہے، اس دی چنتا دور ہو جاندی ہے۔

ਨਾਨਕ ਨਾਮੁ ਨ ਵੀਸਰੈ ਜੋ ਤਿਸੁ ਭਾਵੈ ਸੁ ਹੋਗੁ ॥੮॥੩॥

naanak naam na veesarai jo tis bhaavai su hog |8|3|

ہے نانک! جس منکھّ نوں پربھو دا نام نہیں بھلدا، اس نوں اہ یکین بن جاندا ہے کِ جگت وچ اہی کجھ ہندا ہے جو پربھو نوں پسند آؤندا ہے ۔۔8۔۔3۔۔

ਮਾਰੂ ਮਹਲਾ ੧ ॥

maaroo mahalaa 1 |

مارو مہلا 1 ۔۔

ਸਾਚੀ ਕਾਰ ਕਮਾਵਣੀ ਹੋਰਿ ਲਾਲਚ ਬਾਦਿ ॥

saachee kaar kamaavanee hor laalach baad |

(پربھو-مالک دا غلام) سدا-تھر پربھو دی بھگتی دی کار کردا ہے، (نام-سمرن توں بنا) باکی دے لالچ اس نوں وئرتھ (دسدے) ہن۔

ਇਹੁ ਮਨੁ ਸਾਚੈ ਮੋਹਿਆ ਜਿਹਵਾ ਸਚਿ ਸਾਦਿ ॥

eihu man saachai mohiaa jihavaa sach saad |

سدا-تھر پربھو نے آپنے سیوک دا من پریم-وسم کیتا ہویا ہے (اس واستے سیوک دی) جیبھ سدا-تھر نام-سمرن دے سواد وچ (مگن رہندی) ہے۔

ਬਿਨੁ ਨਾਵੈ ਕੋ ਰਸੁ ਨਹੀ ਹੋਰਿ ਚਲਹਿ ਬਿਖੁ ਲਾਦਿ ॥੧॥

bin naavai ko ras nahee hor chaleh bikh laad |1|

(سیوک نوں) پربھو دے نام توں بنا ہور کوئی رس (کھچی) نہیں (پاندا)۔ (سیوک نوں نشچا ہے کِ نام-رس توں وانجے رہن والے) بندے اہ چیز اکٹھی کر کے لے جاندے ہن جو آتمک جیون لئی زہر ہے ۔۔1۔۔