(مایا دی) ترشنا دی اگّ پرماتما دے نام دی راہیں ہی بجھدی ہے، تے اہ نام اس مالک دی رزا انوسار ملدا ہے (گرو دی راہیں) ॥1۔۔ رہاؤ ۔۔
اس جگت وچ پرماتما دی سفت-سالاہ کردا رہُ، تے گرو دے شبد نال جان-پچھان پائی رکھّ۔
اہ پرماتما دی بھگتی ہی ہے جس نال من وچوں اہنکار دور ہندا ہے،
تے گرو دی دسی سیوا کیتیاں منکھّ پرماتما دی ہزوری وچ کبول ہو جاندا ہے۔
اس پرماتما نال ڈونگھی سانجھ بنا جس نے آسا (منکھّ دے من وچ) پیدا کیتی ہے ۔۔2۔۔
اس نوں کیہڑی بھیٹا دینی چاہیدی ہے، جیہڑا (گرو) آپنا شبد سناندا ہے،
تے میہر کر کے پرماتما دا نام (ساڈے) من وچ وساندا ہے؟
اس (گرو) اگے اہ سر بھیٹا کرکے (ہنکار نوں مار کے) آپا-بھاو دور کرنا چاہدا ہے۔
تے جو اس تراں ہنکار نوں ماردا ہے اہ پرماتما دی رزا نوں سمجھ کے سدا آتمک آنند ماندا ہے ۔۔3۔۔
پرماتما سبھ کجھ آپ ہی کر رہا ہے، اتے آپ ہی جیواں پاسوں کراندا ہے۔
اہ آپ ہی گرو دی راہیں (منکھّ دے من وچ آپنا) نام وساندا ہے۔
پرماتما آپ ہی کراہے پاندا ہے آپ ہی سہیہ رستے پاندا ہے۔
(جس منکھّ نوں سہیہ رستے پاندا ہے اہ منکھّ) سدا-تھر پربھو دی سفت-سالاہ دے شبد وچ جڑ کے سدا-تھر ہرِ-نام وچ لین رہندا ہے ۔۔4۔۔
سدا-تھر پربھو دی سفت-سالاہ دا شبد ہی سدا-تھر پربھو دی سفت-سالاہ دی بانی ہے،
جو ہریک جگ وچ لکائی گرو دی راہیں اچاردی آئی ہے (تے مایا دے موہ بھرم توں بچدی آئی ہے)۔
پر آپنے من دے پچھے ترن والا منکھّ (ہریک جگ وچ ہی) مایا دے موہ وچ پھسیا رہا، مایا دی بھٹکنا وچ پے کے کراہے پیا رہا۔
پرماتما دے نام توں کھنجھ کے (ہریک جگ وچ ہی) جھلی لکائی بھٹکدی رہی ہے ۔۔5۔۔
تناں ہی بھوناں وچ اک مایا دا ہی پربھاو چلیا آ رہا ہے۔
مورکھ منکھّ نے (گرو توں کھنجھ کے سمرتیاں شاستر آدک) پڑھ پڑھ کے (آپنے اندر سگوں) مایا دا پیار ہی پکا کیتا۔
مورکھ منکھّ (گرو توں کھنجھ کے شاستراں انوسار متھے) انیکاں دھارمک کمّ کردا ہے تے نرا دکھّ ہی سہیڑدا ہے۔
گرو دی دسی سیوا کر کے ہی منکھّ سدا ٹکے رہن والا آتمک آنند ماندا ہے ۔۔6۔۔
گرو دا شبد (مت) مٹھا امرت ہے جس نوں وچار کے،
تے ہؤمے دور کر کے (وڈ-بھاگی منکھّ) آتمک جیون دین والا سوادلا نام-رس ہر ویلے مان سکدا ہے۔
انج (گرو) دی کرپا نال منکھّ آتمک اڈولتا وچ آتمک آنند لیندا ہے۔
پرماتما دے نام-رنگ وچ رنگے ہوئے منکھّ سدا پربھو-پیار وچ مگن رہندے ہن سدا-تھر ہرِ-نام وچ لین رہندے ہن ۔۔7۔۔
گرو دے شبد نوں آپنے سوچ-منڈل وچ ٹکا کے (تے اندروں) پرماتما دے نام دا ہی جاپ کرنا چاہیدا ہے۔
ہؤمے دور کر کے پرماتما دا نام ہی پڑھنا چاہیدا ہے۔
پرماتما دے ڈر-ادب وچ رہِ کے سدا-تھر ہری دے پریم وچ مست ہو کے ہری-نام دا جاپ ہی کرنا چاہیدا ہے۔
ہے نانک! (آکھ-ہے بھائی!) گرو دی متِ لے کے پرماتما دا نام آپنے ہردے وچ ٹکائی رکھّ ۔۔8۔۔3۔۔25۔۔
اکال پرکھ اکّ ہے اتے ستگورو دی کرپا نال ملدا ہے۔
راگ آسا، گھر 8 وچّ گرو امرداس جی دی اٹھّ-بنداں والی بانی 'کاپھی'۔
گرو پاسوں ہی آتمک ٹھنڈھ پراپت ہندی ہے تے اس دے ہی کارن ترشنا دی اگّ بجھدی ہے۔
گرو پاسوں پرماتما دا نام ملدا ہے تے (جس دی برکتِ نال لوک پرلوک وچ) وڈا آدر پراپت ہندا ہے ۔۔1۔۔
ہے میرے بھائی! (جے توں وکاراں دی اگّ توں بچنا چاہندا ہیں تاں) اک پرماتما دا نام سمردا رہُ۔
جگت نوں (وکاراں وچ) سڑدا ویکھ کے میں تاں (گرو دی) سرن دوڑ کے آ پیا ہاں ۔۔1۔۔ رہاؤ ۔۔
گرو پاسوں آتمک جیون دی سوجھ پیدا ہندی ہے، تے اس توں ہی سبھ توں وڈی اسلیئت دا سریشٹ وچار ملدا ہے۔
گرو پاسوں ہی پرماتما دا ٹکانا لبھدا ہے تے پرماتما دی بھگتی دے خزانے بھر جاندے ہن ۔۔2۔۔
گرو دی سرن پیاں ہی پربھو دا نام سمریا جا سکدا ہے تے اس وچار نوں سمجھیا جا سکدا ہے۔
گرو دی سرن آیاں پرماتما دی بھگتی سفت-سالاہ پراپت ہندی ہے، ہردے وچ بیئنت پربھو دی سفت-سالاہ دا شبد آ وسدا ہے ۔۔3۔۔
گرو دی سرن پیاں اندر آتمک آنند پیدا ہو جاندا ہے، تے کوئی دکھّ پوہ نہیں سکدا۔
گرو دی سرن پیاں (اندروں) ہؤمے دور کر سکیدی ہے، من پوتر ہو جاندا ہے ۔۔4۔۔
جے گرو مل پئے تاں ہؤمے اہنکار ناس ہو جاندا ہے، اہ سمجھ آ جاندی ہے کِ پرماتما تناں ہی بھوناں وچ ویاپک ہے،
ہر تھاں پرماتما دی ہی پوتر جوتِ پرکاش کر رہی ہے، (اس تراں) پرماتما دی جوتِ وچ سرتِ جڑ جاندی ہے ۔۔5۔۔
پورے گرو دے (آتمک جیون دی سوجھ) سمجھاؤن نال اکل سریشٹ ہو جاندی ہے،
ہردا (وکاراں دی سڑن توں بچ کے) ٹھنڈھا-ٹھارا ہویا رہندا ہے تے ہرِ-نام دی راہیں آنند پراپت ہندا ہے ۔۔6۔۔
(پر) پورا گرو بھی تدوں ہی ملدا ہے، جدوں پرماتما آپ میہر دی نگاہ کردا ہے،
اس تراں سارے پاپ وکار کٹے جاندے ہن، مڑ کوئی دکھّ پوہ نہیں سکدا، تے جیون-سفرن وچ کوئی رکاوٹ نہیں پیندی ۔۔7۔۔