پر بھاویں کتنی ہی لالسا کرن پربھو دی مہر توں بنا نام نہیں ملدا۔
(سو، اس موہ وچ ہی) جگت جمدا ہے مردا ہے جمدا ہے مردا ہے۔ (اس گیڑ وچوں) جیو گرو دے شبد دی راہیں ہی بچ سکدے ہن۔
پر اہ ساری کھیڈ پربھو آپ کر رہا ہے، کسے ہور پاس پکار نہیں کیتی جا سکدی، کیونکِ پربھو توں بنا ہور ہے ہی کوئی نہیں ۔۔16۔۔
سلوکُ م 3 ۔۔
اس جگت وچ سنتاں نے (ہی) نام-دھن کمایا ہے جنھاں نوں گرو ملیا ہے (تے گرو دی راہیں) پربھو ملیا ہے،
(کیونکِ) گرو نے اہناں دے من وچ سمرن پکا کر دتا ہے (بھاو، سمرن دی پکی گنڈھ بنھ دتی ہے)۔ اہ نام-دھن اتنا امولک ہے کِ اس دا ملّ نہیں پے سکدا۔
جے اہ نام-دھن مل جائے تاں (مایا دی) بھکھّ لہِ جاندی ہے، من وچ سکھ آ وسدا ہے،
پر ملدا اہناں نوں ہے جنھاں دے بھاگاں وچ دھر درگاہوں لکھیا ہووے (بھاو، جنھاں اتے میہر ہووے)۔
من دے پچھے ترن والا جگت سدا کنگال ہے مایا لئی ہی ولکدا ہے،
ہر روز سدا بھٹکدا پھردا ہے، اس دی (مایا والی) بھکھّ مٹدی نہیں،
کدے اس دے اندر ٹھنڈھ نہیں پیندی، کدے اس دے من وچ سکھ نہیں ہندا،
کدے اس دا توخلا دور نہیں ہندا، سدا سوچاں سوچدا رہندا ہے؛
ہے نانک! گرو توں وانجے رہن کرکے اس دی بدھی نوں چکر آیا ہویا ہے۔ جے منمکھ بھی گرو نوں مل پئے تاں شبد دی کمائی کردا ہے،
(شبد دی برکتِ نال) پھر سدا ہی سکھ ٹکیا رہندا ہے، پربھو وچ جڑیا رہندا ہے ۔۔1۔۔
م 3 ۔۔
جس پرماتما نے سرشٹی پیدا کیتی ہے اہی اس دی سمبھال کردا ہے۔
ہے بھراوو! اس اک نوں سمرو، اس توں بنا ہور کوئی (سمبھال کرن والا) نہیں ہے۔
(ہے بھراوو!) پربھو دے گناں نوں گرو دے شبد نوں بھوجن بناؤ (بھاو، جیون دا آسرا بناؤ)، اہ بھوجن کھادھیاں سدا رجے رہیدا ہے (من وچ سدا سنتوکھ رہندا ہے)۔
پربھو دی سفت-سالاہ نوں وڈیائیاں نوں (آپنا) پشاکا بناؤ، اہ پشاکا سدا ساف رہندا ہے تے کدے میلا نہیں ہندا۔
آتمک اڈولتا وچ (رہِ کے) کھٹیا ہویا نام-دھن کدے گھٹدا نہیں۔
منکھا سریر لئی گرو دا شبد (مانو) گہنا ہے، اس (گہنے دی برکتِ) نال سدا ہی سکھ ملدا ہے۔
ہے نانک! جس منکھّ نوں پربھو آپ سوجھی پائے اہ گرو دی راہیں اہ (جیون-بھیتن) سمجھدا ہے ۔۔2۔۔
پؤڑی ۔۔
('دوجے بھرم' ولوں ہٹ کے) من دے اندر ہی ٹکنا-اہیا جپ ہے اہی تپ ہے اہی اندریاں نوں وکاراں ولوں روکن دا سادھن ہے؛ پر اہ سمجھ ستگورو دے شبد دی راہیں آؤندی ہے۔
جے ('دوجے بھرم' نوں چھڈّ کے) پربھو دا نام سمریئے تاں ہؤمے تے آتمک جیون ولوں بے-سمجھی دور ہو جاندی ہے۔
(اننج تاں سدا ہی) ہردا نام-امرت نال نکا-نک بھریا ہویا ہے (بھاو، پرماتما اندر ہی روم روم وچ وسدا ہے)، (گر-شبد دی راہیں نام-رس) چکھیاں سواد آؤندا ہے۔
جنھاں نے اہ نام-رس چکھیا ہے اہ نربھؤ (پربھو دا روپ) ہو جاندے ہن، اہ نام دے رس نال رجّ جاندے ہن۔
جنھاں نوں پربھو نے مہر کر کے اہ رس پلایا ہے اہناں نوں مڑ موت دا ڈر دبا نہیں سکدا (آتمک موت اہناں دے نیڑے نہیں آؤندی) ॥17۔۔
سلوکُ م 3 ۔۔
جگت اؤگناں دی پوٹلی بنھی جا رہا ہے، کوئی بندا گناں دا سودا نہیں کردا۔
ہے نانک! گن خریدن والا کوئی ورلا ہی ہندا ہے۔
گرو دی کرپا نال ہی گن ملدے ہن، (پر ملدے اس نوں ہن) جس اتے پربھو مہر دی نزر کردا ہے ۔۔1۔۔
م 3 ۔۔
(جس نے ہکم منیا ہے اس نوں لوکاں ولوں کیتے) گن تے اؤگن (بھاو، نیکی تے بدی دا سلوک) اکو جہے جاپدے ہن (کیونکِ 'ہکم' وچ ترن دے کارن سمجھدا ہے کِ) اہ (گن تے اؤگن) کرتار نے آپ پیدا کیتے ہن۔
ہے نانک! گرو دے شبد دی راہیں وچاروان ہو کے پربھو دا ہکم منیاں سکھ ملدا ہے ۔۔2۔۔
پؤڑی ۔۔
(جیو دے) اندر ہی (جیاں دا) مالک (بیٹھا) ہے، (جیو دے) اندر ہی (اس دا) تخت ہے، اہ آپ ہی (اندر بیٹھا ہویا، جیو دے کیتے کرماں دا) نیاں کری جاندا ہے۔
(جیو دے) اندر ہی (اس دا) مہل ہے، (جیو دے) اندر ہی (بیٹھا جیو نوں) آسرا (دیئی جا رہا) ہے، پر اس دے مہل دا بوہا گرو دے شبد دی راہیں لبھدا ہے۔
(جیو دے اندر ہی بیٹھے ہوئے دی ہزوری وچ) کھرے جیو پرکھ کے خزانے وچ رکھے جاندے ہن (بھاو، اندر بیٹھا ہویا ہی کھرے جیواں دی آپ سمبھال کری جاندا ہے)، کھوٹیاں نوں تھاں نہیں ملدی۔
اہ سدا-تھر رہن والا پربھو ہر تھاں موجود ہے، اس دا نیاں سدا اٹلّ ہے؛
انھاں نوں اس دے نام-امرت دا سواد آؤندا ہے جنھاں دے من وچ نام وسدا ہے ۔۔18۔۔
سلوک م 1 ۔۔
ہے پربھو! جدوں میں 'ہؤں، ہؤں' کردا ہاں تدوں توں (میرے اندر پرگٹ) نہیں ہندا، پر جدوں توں آ وسدا ہیں میری 'ہؤں' مک جاندی ہے۔