میں اس (گرو) توں سدکے جاندا ہاں جہڑا (ہریک سریر وچ پربھو نوں) ویکھ کے (ہورناں نوں بھی) وکھا دیندا ہے۔
گرو دی کرپا نال (ہی اس دا ہریک سریر وچ درسن کرن دی) اچی توں اچی پدوی میں پراپت کر سکدا ہاں ۔۔1۔۔
جگت دے مالک پرماتما دے سمرن توں بنا میں ہور کوئی بھی جاپ نہیں جپدا،
(کیونکِ) گرو دے شبد وچ جڑ کے (پرماتما دا سمرن کیتیاں پرماتما دا) در-گھر دسّ سکدا ہے (پرماتما دے چرناں وچ ٹک سکیدا ہے) ॥1۔۔ رہاؤ ۔۔
جہڑے جیو (پرماتما نوں وسار کے) کسے ہور موہ وچ پھسے رہندے ہن اہ (آخر) پچھتاندے ہن۔
اہ جمراج دے در تے بجھے رہندے ہن، اہناں دا جنم مرن دا گیڑ بنیا رہندا ہے۔
جگت وچ خالی-ہتھی آؤندے ہن، اتھوں خالی-ہتھی ہی جاندے ہن (بھاو، سمرن سیوا آدک دی آتمک راسِ-پونجی تاں اکٹھی ناہ کیتی، تے ہور جوڑیا کمایا دھن-پدارتھ جگت وچ ہی رہِ گیا)۔
اہناں دے سر اتے آتمک موت (ہر ویلے کھڑی رہندی ہے) تے اہ (نتّ اس آتمک موت دیاں) سٹاں سہاردے رہندے ہن۔
گرو دے شبد توں بنا کوئی منکھّ آتمک موت توں بچ نہیں سکدا۔
پکھنڈ کیتیاں (باہروں دھارمک بھیکھ بنایاں) وکاراں توں خلاسی نہیں مل سکدی ۔۔2۔۔
ہے بھائی! (پرماتما) آپ ہی سدا کائم رہن والا ہے، (اہ برہمانڈ اس سدا-تھر پربھو نے) ہکم کر کے (آپ ہی) پیدا کیتا ہے۔
اس برہمانڈ نوں ناس کر کے، (پھر) پیدا کر کے، (پھر) ناس کر کے (پھر آپ ہی پیدا کر دیندا ہے)۔
ہے بھائی! (اہ) دھرتی (اتے) آکاش (پرماتما نے جیواں دے) وسن واستے تھاں بنائی ہے۔
(پرماتما نے آپ ہی) دن اتے رات بنائے ہن، (جیواں دے اندر) ڈر اتے پیار (بھی پرماتما نے آپ ہی پیدا کیتے ہن)۔
ہے بھائی! جس (پرماتما) نے (سارے جیو) پیدا کیتے ہن، (اہناں نوں) پیدا کر کے (آپ ہی اہناں دی) سمبھال کرن والا ہے۔
ہے بھائی! (پرماتما توں بنا) کوئی ہور دوجا (اس برہمانڈ نوں) پیدا کرن والا نہیں ہے ۔۔3۔۔
پرماتما نے ہی برہما وشنو تے شو پیدا کیتے،
پرماتما نے ہی دیویاں دیوتے آدک انیکاں ہستیاں پیدا کیتیاں۔
دنیا نوں چانن دین والیاں اتنیاں ہستیاں اس نے پیدا کیتیاں ہن کِ اہناں دی گنتی نہیں ہو سکدی۔
جس پرماتما نے (اہ ساری سرشٹی) پیدا کیتی ہے اہ (ہی) اس دی کدر جاندا ہے۔
(بھاو، اس نال پیار کردا ہے، تے) اس وچ ہر تھاں موجود (اس دی سمبھال کردا) ہے۔
میں کیہ دساں کِ کس توں اہ پرماتما نیڑے ہے تے کس توں دور ہے؟ (بھاو، پرماتما ناہ کسے توں نیڑے تے ناہ کسے توں دور ہے، ہریک وچ اک-سمان ویاپک ہے) ॥4۔۔
پرماتما نے آپ ہی چار وید پیدا کیتے ہن،
آپ ہی (جگت-اتپتی دیاں) چار کھاناں پیدا کیتیاں ہن تے آپ ہی جیواں دیاں وکھ وکھ بولیاں بنا دتیاں ہن۔
اکال پرکھ نے آپ ہی اٹھاراں پران چھ شاستر تے (مایا دے) تنّ (گن) پیدا کیتے ہن۔
اس بھیت نوں اہ منکھّ سمجھدا ہے جس نوں پرماتما آپ سوجھ بخشے۔
جو مایا دے تنّ گناں دا پربھاو مکا کے آتمک اڈولتا وچ ٹکیا رہندا ہے،
نانک بینتی کردا ہے-میں اس منکھّ دا داس ہاں ۔۔5۔۔
اس دے پیدا کیتے ہوئے جہڑے جیو پنج تتاں وچ ہی پرورت ہن اہ جیون-جاچن توں کھنجھے ہوئے ہن۔
سرب-ویاپک (-پرکھ) پرماتما آپ گیان-اندریاں دی پہنچ توں پرے ہے تے نرلیپ ہے۔
(اجہے) انیکاں جیو بھٹکنا دے کارن ترشنا-ادھین ہن، مایا دے موہ وچ پھسے ہوئے ہن۔
پر کئی ایسے (بھاگاں والے) ہن جو (پرماتما دے نام دا) سواد چکھّ کے گرو دے شبد وچ جڑ کے مایا ولوں رجے ہوئے ہن، تے پرماتما دے نام دے رنگ وچ رنگے ہوئے ہن۔
پر اک ایسے ہن جو آتمک موت سہیڑ کے مٹی ہوئے پئے ہن (جیون اکا ہی گوا چکے ہن)۔
اک ایسے ہن جو پربھو نوں آپنے انگ-سنگ ویکھ کے اس سدا-تھر پربھو دے در تے ٹکے رہندے ہن اس دے چرناں وچ جڑے رہندے ہن ۔۔6۔۔
جہڑا منکھّ دنیا دے پدارتھاں دا ہی پریمی بنیا رہندا ہے، اس نوں (لوک پرلوک وچ کتے بھی) ازت-آدر نسیب نہیں ہندا۔
جس منکھّ دا من وکاراں نال کاں وانگ کالا ہو جائے اہ (مایا وچ پھسیا رہِ کے) کدے بھی پوتر نہیں ہو سکدا۔
کوئی پنچھی پنجرے وچ کید ہو جائے،
اہ پنجرے دیاں ورلاں وچ (بیشکّ) پیا بھٹکے، (اس تراں پنجرے دی) کید وچوں نکل نہیں سکدا۔
تدوں ہی پنجرے وچوں آزاد ہوویگا جے اس دا مالک اس نوں آزادی دیوے (تویں ہی مایا دے موہ وچ کید ہوئے جیو نوں مالک-پربھو آپ ہی خلاسی دیندا ہے)۔
پربھو اس نوں گرو دی متِ وچ جوڑدا ہے، آپنی بھگتی اس دے ہردے وچ پکی کر دیندا ہے ۔۔7۔۔
پربھو نوں ملن واستے (جوگی سنیاسی آدک) چھ بھیکھ بنائے گئے،
پر اک-رس سفتِ-سالاہ دا شبد (-واجا اہناں بھیکھاں توں) وکھرا ہی وجدا ہے (پربھاو پاندا ہے)۔
جے پربھو نوں (کوئی وڈ-بھاگی) چنگا لگّ پئے، تاں اس نوں پربھو آپنے چرناں وچ جوڑ لیندا ہے۔
جدوں کوئی منکھّ سفتِ-سالاہ دی بانی دی راہیں (آپنے من نوں پربھو دی یاد وچ) پرو لئے، تدوں اہ (پربھو دی ہزوری وچ) ازت پاندا ہے۔
(بھیکھی سادھ) دھارمک بھیکھ کر کر کے ہی کھپدے ہن تے (ترشنا-اگن وچ) سڑدے رہندے ہن۔
جہڑے منکھّ سدا-تھر پربھو-نامو دے سمرن دی راہیں سدا-تھر پربھو دا روپ ہو جاندے ہن اہ سدا-تھر پربھو وچ لین ہو جاندے ہن ۔۔8۔۔
جس منکھّ دے اندر دوجیاں دی سیوا تے سنتوکھ (پلھردے) ہن، جس منکھّ دے پنجے گیان-اندرے،
من اتے بدھی پرماتما دے پوتر نام-جل نال بھرپور ہو جاندے ہن۔
جو منکھّ سدا-تھر پربھو نوں آپنے ہردے وچ ٹکا کے (انتر آتمے) پوتر-آچرن-روپن اشنان کردا رہندا ہے،
اہ منکھّ گرو دے شبد دی برکتِ نال ساریاں نوں (بھاو، پنجے گیان-اندریاں، من تے بدھی نوں وکاراں دے پربھاو توں) پار لنگھا لیندا ہے۔
جس منکھّ دے من وچ سدا-تھر پربھو وسدا ہے، جس منکھّ دی جیبھ اتے سدا-تھر پربھو ہی وسدا ہے، جو سدا پربھو دے پریم وچ لین رہندا ہے،
سدا-تھر نام اس دے پاس (جیون-سفرن وچ) راہداری ہے، اس راہداری دے کارن (اس دے راہ وچ وکار آدکاں دی کوئی) روک نہیں پیندی ۔۔9۔۔
جہڑا منکھّ (جوگیاں والیاں) اٹھّ سدھیاں ہاسل کرن دی تانگھ رکھن والی بدھی نوں آپنے کابو وچ رکھدا ہے (بھاو، جو منکھّ سدھیاں پراپت کرن دی لالسا توں اتانہ رہندا ہے)،
جو پوتر-سروپ سدا-تھر پربھو نوں اس دی مہر نال (سدا) سمردا ہے،
جس دے ہردے وچ رجو ستو اتے تمو گن دا ابھاو رہندا ہے،
اسے ہردے وچ نرلیپ پرماتما وسدا ہے، سدا-تھر پربھو-نامو وسدا ہے۔
جس منکھّ دا من اس اکال پرکھ وچ سدا لین رہندا ہے،
نانک آکھدا ہے، اس نوں آتمک موت نہیں کھاندی (آتمک موت اس دے آتمک جیون نوں تباہ نہیں کردی) ॥10۔۔
جوگیاں دے نوں ہی ناتھ تے دھرتی دے سارے جیو جس دا نام جپدے ہن،
(اسل) ناتھ (اہ پربھو ہے جو) ہریک سریر وچ ویاپک ہے، جو مہا بلی ہے۔