(گرو رامداس جی نے) مایا دے مد وچ موہے ہوئے سنسار نوں تاریا ہے، (آپ نے جیاں نوں) سمرتھا والا امرت-نامت بخشیا ہے،
آپ سدا سکھ، دھن اتے سوبھا دے مالک ہن، ردھی اتے سدھی آپ دا ساتھ نہیں چھڈدی۔
(گرو رامداس) بڑا دانی ہے اتے اتئنت مہابلی ہے، سیوک داس (متھرا) نے اہ سچّ آکھیا ہے۔
جس دے سر اتے گرو (رامداس جی) نے ہتھ دھریا ہے، اس نوں کسے دی کی پرواہ ہے؟ ॥7۔۔49۔۔
(جہڑا) اکال پرکھ آپ ہی تناں بھوناں وچ ویاپک ہے،
جگت دا کوئی دوجا جیو (جس نے) آپنے ورگا پیدا نہیں کیتا،
آپنا آپ (جس نے) آپ ہی پیدا کیتا ہے،
دیوتے، منکھّ، دینت، کسے نے (جس دا) انت نہیں پایا؛
دیوتے، دینت، منکھّ، گن گندھرب-سبھ جس نوں کھوجدے پھردے ہن، (کسے نے جس دا) انت نہیں پایا،
جہڑا اکال پرکھ ابناشی ہے، اڈول ہے، جوناں توں رہت ہے، آپنے آپ توں پرگٹ ہویا ہے، اتم پرکھ ہے تے بہت بیئنت ہے۔
(جہڑا) ہری سرشٹی دا مول ہے، (جو) آپ ہی سدا سمرتھّ ہے، سارے جیاں نے (جس نوں) من وچ سمریا ہے،
ہے گرو رامداس جی! (آپ دی) جگت وچ جے-جیکار ہو رہی ہے کِ آپ نے اس ہری دی اچی پدوی پا لئی ہے ۔۔1۔۔
گرو نانک دیو جی نے اک-من ہو کے بھگتی کیتی، تے (آپنا) تن من دھن گوبند نوں ارپن کر دتا۔
(گرو) انگد (ساہب جی) نے 'اننت مورتِ' ہری نوں آپنے اندر ٹکایا، اپہنچ ہری دے گیان دی برکتِ نال آپ دا ہردا پریم وچ بھجّ گیا۔
گرو امرداس جی نے کرتار نوں آپنے وسّ وچ کیتا۔ 'توں دھنّ ہیں، توں دھنّ ہیں'- اہ آکھ کے آپ نے کرتار نوں سمریا۔
ہے گرو رامداس جی! آپ دی بھی جگت وچ جے-جیکار ہو رہی ہے؛ آپ نے اکال پرکھ دے ملاپ دا سبھ توں اچا درجا ہاسل کر لیا ہے ۔۔2۔۔
نارد، دھرو پرہلاد، سداما- جو ہری دے پوربلے جگاں دے بھگت گنے جاندے ہن؛
امبریک، جیدیو، ترلوچن، ناما اتے کبیر،
جنھاں دا جنم کلجگ وچ ہویا ہے- اہناں ساریاں دا جس جگت اتے (ہری دے بھگت ہون دے کارن ہی) کھلریا ہویا ہے۔
ہے گرو رامداس جی! آپ دی بھی جے-جیکار جگت وچ ہو رہی ہے، کِ آپ نے ہری (دے ملاپ) دی پرم پدوی پائی ہے ۔۔3۔۔
جو منکھّ، (ہے ستگورو!) تینوں من جوڑ کے سمردے ہن، اہناں دا کام اتے کرودھ مٹ جاندا ہے۔
جو جیو آپ نوں بچناں دوارا (بھاو، جیبھ نال) سمردے ہن، اہناں دا دکھّ تے دردر کھن وچ دور ہو جاندا ہے۔
ہے گرو رامداس جی! بلیی بھٹّ (آپ دا) جس گاندا ہے (تے آکھدا ہے کِ) جو منکھّ آپ دا درشن سریرک اندریاں نال پرسدے ہن، اہ پارس سمان ہو جاندے ہن۔
ہے گرو رامداس جی! آپ دی جے-جیکار جگت وچ ہو رہی ہے کِ آپ نے ہری دی اچی پدوی پا لئی ہے ۔۔4۔۔
جس گرو دا سمرن کیتیاں، اکھاں دے چھوڑ کھن وچ کٹے جاندے ہن،
جس گرو دا سمرن کیتیاں ہردے وچ ہری دا نام دنو دن (ودھیک جمدا ہے)؛
جس گرو نوں سمریاں (جیو) ہردے دی تپت مٹاؤندا ہے،
جس گرو نوں یاد کر کے (جیو) ردھیاں سدھیاں تے نوں ندھیاں پا لیندا ہے؛
بلیی (کوی) آکھدا ہے- سنگت وچ مل کے اس (گرو) نوں آکھو-'توں دھنّ ہیں، توں دھنّ ہیں'،
جس گرو رامداس جی دی چرنیں لگّ کے پربھو نوں ملیدا ہے، ہے جنو! اس گرو نوں سمرو ۔۔5۔۔54۔۔
جس (گرو رامداس جی) نے شبد نوں کما کے اچی پدوی پائی، اتے (گرو امرداس جی دی) سیوا کردیاں ساتھ نا چھڈیا،
اس (گرو) توں موتی-وت اجل گیان دا چاننا پرگٹ ہویا، اتے دردر تے ہنیرے دا ناس ہو گیا۔