ہریک جیو اسے پاسے ہی لگا ہویا ہے جس پاسے پرماتما نے اس نوں لایا ہویا ہے۔
ہے نانک! (پرماتما دی مہر نال) جس دی کسمت جاگ پیندی ہے، اہی اس دا سیوک بندا ہے ۔۔8۔۔6۔۔
گؤڑی مہلا 5 ۔۔
(ہے بھائی!) پرماتما نالوں ٹٹے ہوئے منکھّ اویں ہی ہے، جویں سپّ دی امر ہے (امر تاں لمی ہے، پر سپّ سدا دوجیاں نوں ڈنگ ہی ماردا رہندا ہے۔)
اسے تراں پرماتما نالوں ٹٹے ہوئے منکھّ پرماتما دا نام بھلا کے سمرن توں بنا (وئرتھ جیون ہی) جیؤندے ہن (موکا بنن تے دوجیاں نوں ڈنگ ہی ماردے ہن) ॥1۔۔
(ہے بھائی!) جیہڑا اک اکھّ جھمکن جتنا سما بھی پرماتما دے سمرن وچ گزاریا جائے،
اہ، مانو، لکھاں کروڑاں دن (جیؤ لیا، کیونکِ سمرن دی برکتِ نال منکھّ دا آتمک جیون) سدا لئی اڈول ہو جاندا ہے ۔۔1۔۔ رہاؤ ۔۔
(ہے بھائی!) پربھو-سمرن توں کھنجھ کے ہور ہور کمّ کرنے پھٹکار-جوگا ہی ہن،
جویں کاں دی چنجھ گند وچ ہی رہندی ہے، تویں سمرن-ہینن منکھاں دے مونہ (نندا آدک دے) گند وچ ہی رہندے ہن ۔۔2۔۔
(ہے بھائی!) پربھو دی یاد توں کھنجھ کے منکھّ (لوبھ تے کامادک وچ پھس کے) کتیاں ورگے کماں وچ پرورت رہندے ہن۔
پرماتما نالوں ٹٹے ہوئے منکھّ ویسوا استریاں دے پتراں وانگ (نلجّ) ہو جاندے ہن جنھاں دے پیو دا نام نہیں دسیا جا سکدا ۔۔3۔۔
(ہے بھائی!) پرماتما دی یاد توں کھنجھ کے اہ (دھرتی اتے بھار ہی ہن، جویں) چھتریاں دے سر تے سنگ؛
پرماتما نالوں ٹٹے ہوئے منکھّ (سدا) جھوٹھ بولدے ہن، ہر تھاں مکالکھ ہی کھٹدے ہن ۔۔4۔۔
(ہے بھائی!) سمرن توں کھنجھ کے اہ کھوتے وانگ ہی (ملین جیون گزاردے ہن، جویں کھوتا سدا سواہ مٹی وچ لیٹ کے خش ہندا ہے)
پرماتما نالوں ٹٹے ہوئے منکھّ (ککرماں والے) گندے تھائیں ہی پھردے رہندے ہن ۔۔5۔۔
(ہے بھائی!) سمرن توں کھنجھ کے اہ، مانو، ہلکے کتے بن جاندے ہن (جس نال بھی سنگ کردے ہن، اس نوں لوبھ دا ہلک چمبوڑ دیندے ہن)
ربّ نالوں ٹٹے ہوئے منکھّ لوبھ وچ گرسے رہندے ہن (اہناں دے راہ وچ، لکھاں رپئے کما کے بھی) روک نہیں پے سکدی ۔۔6۔۔
(ہے بھائی!) ربّ نالوں ٹٹا ہویا منکھّ سمرن توں کھنجھا رہِ کے آتمک موت سہیڑ لیندا ہے،
اہ سدا نیویں کماں ول رچی رکھدا ہے، اس دی ناہ اچی کل رہِ جاندی ہے ناہ اچی جاتِ ۔۔7۔۔
جس منکھّ اتے پرماتما دیاوان ہو جاندا ہے، اس نوں سادھ سنگتِ وچ لیا رلاندا ہے۔
نانک آکھدا ہے- اس تراں جگت نوں گرو دی راہیں (سنسار-سمندر دے وکاراں توں) پار لنگھاندا ہے ۔۔8۔۔7۔۔
گؤڑی مہلا 5 ۔۔
گرو دے اپدیش اتے تر کے میں سبھ توں اچی آتمک اوستھا ہاسل کر لئی ہے،
(دنیا دے وکاراں دے مکابلے تے) پورے گرو نے میری ازت رکھّ لئی ہے ۔۔1۔۔
(ہے بھائی!) گرو دے اپدیش دی برکتِ نال میں پرماتما دا نام سمریا ہے،
تے گرو دی کرپا نال مینوں (پرماتما دے چرناں وچ) تھاں مل گیا ہے (میرا من پربھو-چرناں وچ ٹکیا رہندا ہے) ॥1۔۔ رہاؤ ۔۔
(ہے بھائی!) گرو دے اپدیش دی راہیں (پرماتما دی سفت-سالاہ) سن کے میں آپنی جیبھ نال بھی سفت-سالاہ اچاردا رہندا ہاں،
گرو دی کرپا نال آتمک جیون دین والی سفت-سالاہ دی بانی میری (راس-پونجی بن گئی ہے) ॥2۔۔
گرو دے اپدیش دی برکتِ نال (میرے اندروں) میرا آپا-بھاو مٹ گیا ہے،
گرو دی دیا نال میرا بڑا تیج-پرتاپ بن گیا ہے (کِ کوئی وکار ہن میرے نیڑے نہیں ڈھکدا) ॥3۔۔
گرو دے اپدیش تے تر کے میرے من دی بھٹکنا دور ہو گئی ہے،
تے ہن میں ہر-تھاں-وسدا پرماتما ویکھ لیا ہے ۔۔4۔۔
گرو دے اپدیش دی برکتِ نال گرہست وچ رہِ کے ہی میں پربھو-چرناں دا ملاپ مان رہا ہاں۔
(ہے بھائی!) گرو دی سنگتِ وچ (رہِ کے) سارا جگت ہی (سنسار-سمندر توں) پار لنگھ جاندا ہے ۔۔5۔۔
(ہے بھائی!) گرو دے اپدیش تے تر کے میرے سارے کماں وچ سپھلتا ہو رہی ہے،
گرو دے اپدیش دی راہیں میں پرماتما دا نام ہاسل کر لیا ہے (جو میرے واستے سبھ کامیابیاں دا) خزانا ہے ۔۔6۔۔
(ہے بھائی!) جس جس منکھّ نے میرے گرو دی آس (آپنے من وچ) دھار لئی ہے،
اس دی جم دی پھاہی کٹی گئی ہے ۔۔7۔۔
گرو دے اپدیش دی برکتِ نال میری کسمتِ جاگ پئی ہے،
مینوں گرو ملیا ہے (تے گرو دی مہر نال) ہے نانک! (آکھ-) مینوں پرماتما مل پیا ہے ۔۔8۔۔8۔۔
گؤڑی مہلا 5 ۔۔
(ہے بھائی!) اس گرو نوں میں (آپنے) ہریک ساہ دے نال نال چیتے کردا رہندا ہاں،
جیہڑا گرو میری جند دا آسرا ہے میری (آتمک جیون دی) راسِ-پونجی (دا راکھا) ہے ۔۔1۔۔ رہاؤ ۔۔
(ہے بھائی!) جیوں جیوں میں گرو دا درسن کردا ہاں، مینوں آتمک جیون ملدا ہے۔
جیوں جیوں میں گرو دے چرن دھوندا ہاں، مینوں (آتمک جیون دین والا) نام-جل (پین نوں، جپن نوں) ملدا ہے ۔۔1۔۔
گرو دے چرناں دی دھوڑ (میرے واستے تیرتھ دا جل ہے اس) وچ میں سدا اشنان کردا ہاں،
تے انیکاں جنماں دی (اکٹھی ہوئی ہوئی) ہؤمے دی میل (آپنے من وچوں) دور کردا ہاں ۔۔2۔۔
(ہے بھائی!) اس گرو نوں میں پکھا جھلدا ہاں،
جس گرو نے مینوں (وکاراں دی) وڈی اگّ توں (آپنا) ہتھ دے کے بچایا ہویا ہے ۔۔3۔۔
(ہے بھائی!) میں اس گرو دے گھر وچ (سدا) پانی ڈھوندا ہاں،
جس گرو پاسوں میں اس پرماتما دی سوجھ-بوجھ ہاسل کیتی ہے جیہڑا کدے گھٹدا ودھدا نہیں ۔۔4۔۔
(ہے بھائی!) اس گرو دے گھر وچ میں سدا چکی پینہدا ہاں،
جس گرو دی کرپا نال (پہلاں) ویری (دسّ رہے بندے ہن) سارے متر جاپ رہے ہن ۔۔5۔۔