ستگورو (مانو، اک) ڈونگھا (سمندر) ہے، گرو وڈے جگرے والا ہے، گرو سارے سکھاں دا سمندر ہے، گرو پاپاں دا ناس کرن والا ہے۔
جس منکھّ نے آپنے گرو دی سیوا کیتی ہے جمدوتاں دا ڈنڈا (اس دے سر اتے) نہیں وجدا۔
میں سارا سنسار بھال کے ویکھ لیا ہے، کوئی بھی گرو دے برابر دا نہیں ہے۔
ہے نانک! ستگورو نے جس منکھّ نوں پرماتما دا نام-کھزانا دتا ہے، اس نے آتمک آنند (سدا لئی) آپنے من وچ پرو لیا ہے ۔۔4۔۔20۔۔90۔۔{49-50}
سریراگُ مہلا 5 ۔۔
جیو دنیا دے پدارتھاں نوں سوادلے جان کے کھاندا ورتدا ہے، پر اہناں (بھوگاں) دا سواد (انت وچ) کوڑا (دکھدائی) سابت ہندا ہے (وکار تے روگ پیدا ہندے ہن)۔
منکھّ (جگت وچ) بھرا متر دوست (آدک) بناندا ہے، تے (اہ) مایا دا جھگڑا کھڑا کری رکھدا ہے۔
پر اسچرج گلّ (اہ) کِ پرماتما دے نام توں بنا کسے بھی چیز نوں ناس ہندیاں چر نہیں لگدا ۔۔1۔۔
ہے میرے من! گرو دی (دسی ہوئی) سیوا وچ رجھا رہُ۔
(ہے بھائی!) آپنے من دے پچھے ترنا چھڈّ دے تے (دنیا دے پدارتھاں دا موہ تیاگ، کیونکِ) جو کجھ دسّ رہا ہے سبھ ناسونت ہے ۔۔1۔۔ رہاؤ ۔۔
جویں ہلکایا کتا دوڑدا ہے تے ہر پاسے ول بھجدا ہے،
(تویں) لوبھی جیو نوں بھی کجھ نہیں سجھدا، چنگی مندی ہریک چیز کھا لیندا ہے۔
کام دے تے کرودھ دے نشے وچ پھسیا ہویا منکھّ مڑ مڑ جوناں وچ پیندا رہندا ہے ۔۔2۔۔
مایا نے وشیاں دا چوغا جال وچ تیار کر کے اہ جال کھلاریا ہویا ہے،
مایا دی ترشنا نے جیو-پنکھی نوں (اس جال وچ) پھسایا ہویا ہے۔ ہے (میری) ماں! (جیو اس جال وچوں) خلاسی پراپت نہیں کر سکدا،
(کیونکِ) جس کرتار نے (اہ سبھ کجھ) پیدا کیتا ہے اس نال سانجھ نہیں پاندا، تے مڑ مڑ جمدا مردا رہندا ہے ۔۔3۔۔
اس جگت نوں (مایا نے) انیکاں کسماں دے روپاں رنگاں وچ کئی تریکیاں نال موہ رکھیا ہے۔
اس وچوں اہی بچ سکدا ہے، جس نوں سبھ سمرتھا والا بیئنت اکال پرکھ آپ بچائے۔
(پرماتما دی مہر نال) پرماتما دے بھگت ہی پرماتما (دے چرناں) وچ سرت جوڑ کے بچدے ہن۔ ہے نانک! توں سدا اس پرماتما توں سدکے ہوہُ ۔۔4۔۔21۔۔91۔۔
سریراگُ مہلا 5 گھرُ 2 ۔۔
(اؤڑ دے سمیں تھوڑے دناں لئی) گجر (آپنا مال-ڈنگر لے کے) کسے چرن والی تھاں تے جاندا ہے، اتھے اس نوں آپنے کسے وڈپن دا وکھاوا-کھلارا سوبھدا نہیں۔
(تویں، ہے جیو! جدوں تینوں اتھے جگت وچ رہن لئی) ملیا سما مکّ جائگا، توں (اتھوں) تر پئینگا۔ (اس واستے آپنا اسلی) گھر گھاٹ سمبھال (چیتے رکھّ) ॥1۔۔
ہے میرے من! پرماتما دے گن گایا کر۔ پیار نال گرو دی (دسی) سیوا کر۔
تھوڑی جتنی گلّ پچھے (اس تھوڑے جہے جیون-سمیں واستے) کیوں مان کردا ہیں؟ ॥1۔۔ رہاؤ ۔۔
جویں رات ویلے (کسے گھر آئے ہوئے) پراہنے دن چڑھن تے (اتھوں اٹھّ کے چلّ پینگے (تویں، ہے جیو! زندگی دی رات مکن تے توں بھی اس جگت توں چلّ پئینگا)۔
توں اس گرہست نال (باغ پروار نال) کیوں مست ہویا پیا ہیں؟ اہ ساری پھلاں دی ہی باغیچی (سمان) ہے ۔۔2۔۔
اہ چیز میری ہے، اہ جائداد میری ہے-کیوں اجیہا مان کر رہا ہیں؟ جس پرماتما نے اہ سبھ کجھ دتا ہے، اس نوں لبھّ۔
اتھوں زرور کوچ کر جانا چاہیدا ہے۔ (لکھاں کروڑاں دا مالک بھی) لکھا کروڑاں رپئے چھڈّ کے چلا جائگا ۔۔3۔۔
(ہے بھائی!) چوراسی لکھّ جوناں وچ بھوں بھوں کے توں ہن اہ منکھا جنم بڑی مشکل نال لبھا ہے۔
ہے نانک! (پرماتما دا) نام ہردے وچ وسا۔ اہ دن نیڑے آ رہا ہے (جدوں اتھوں کوچ کرنا ہے) ॥4۔۔22۔۔92۔۔
سریراگُ مہلا 5 ۔۔
ہے کانیاں! توں اتنا چر ہی سکھی وسینگی، جتنا چر (جیواتما تیرا) ساتھی (تیرے) نال ہے۔
جدوں (تیرا) ساتھی (جیواتما) اٹھّ کے چلّ پئیگا، تدوں، ہے کانیاں! توں مٹی وچ رل جائنگی ۔۔1۔۔
(اہ منکھّ بھاگاں والا ہے جس دے) من وچ تیرا پیار پیدا ہو گیا ہیں، جس دے من وچ تیرے درشن دی تانگھ پیدا ہوئی ہے۔
(ہے ہری!) اہ سریر بھاگاں والا ہے جس وچ تیرا نواس ہے (جتھے تینوں یاد کیتا جا رہا ہے) ॥1۔۔ رہاؤ ۔۔
ہے کانیاں! جتنا چر تیرا خسم (جیواتما تیرے) گھر وچ وسدا ہے، سارے لوک تینوں 'جی جی' آکھدے ہن (سارے تیرا آدر کردے ہن)۔
پر جدوں نمانا کنت (جیواتما) اٹھّ کے تر پئیگا، تدوں کوئی بھی تیری وات نہیں پچھدا ۔۔2۔۔
(ہے جندے! جتنا چر توں) پیکے گھر وچ (سنسار وچ ہیں، اتنا چر) توں کھسم-پربھو نوں سمردی رہُ۔ سہرے گھر وچ (پرلوک وچ جا کے) توں سکھی وسینگی۔
(ہے جندے!) گرو نوں مل کے جیون-جاچن سکھّ، چنگا آچرن بنانا سکھّ، تینوں کدے کوئی دکھّ نہیں ویاپیگا ۔۔3۔۔
سبھ جیو-استریاں نے سہرے گھر (پرلوک وچ آپو آپنی واری) چلے جانا ہے، ساریاں نے مکلاوے جانا ہے۔