جدوں تک (سریر وچ) جند ہے تے سواس ہن (تد تک) سدا کائم رہن والے پرماتما نوں سمرنا چاہیدا ہے۔
جہڑا سمردا ہے اس نوں پربھو دے گن گا کے (سفت-سالاہ کر کے) آتمک آنند-روپد لابھ ملدا ہے ۔۔1۔۔ رہاؤ ۔۔
ہے دیال پربھو! توں مینوں آپنی (بھگتی دی) کار بخش (اہ کار ایسی ہے کِ) اس وچ کوئی اکائی نہیں ہے۔
جیوں جیوں میں تیری سفت-سالاہ کردا ہاں، میرا آتمک جیون پلردا ہے۔ ہے پربھو! توں میرے جیون دی ٹیک ہیں، توں میرا آسرا ہیں ۔۔2۔۔
ہے پربھو! جو منکھّ تیرے در تے سیوک بندا ہے جو تیرا در ملدا ہے، توں اس (دے دل) دا دکھ-درد جاندا ہیں۔
جگت ویکھ کے ہیران ہندا ہے کِ جیہڑا تیری بھگتی کردا ہے توں اس دا دکھ-درد دور کر دیندا ہیں ۔۔3۔۔
جیہڑا منکھّ گرو دے سنمکھ ہندا ہے اس نوں سمجھ آ جاندی ہے کِ پرماتما دی درگاہ وچ ہزوری وچ اس دا نام (-سمرن) ہی پروان ہندا ہے۔
جیہڑا منکھّ گرو دے شبد نوں پچھاندا ہے (شبد نال سانجھ پاندا ہے) اس دا جیون-سمان سپھل ہے، کبول ہے ۔۔4۔۔
جو منکھ ست سنتوکھ تے پربھو پریم نوں آپنے جیون دے رستے دا خرچ بنا کے ہرِ-نام جپدے ہن،
تے اہ آپنے من وچوں وکار چھڈّ دندے ہن، اہناں نوں پربھو آپنا سدا-تھر نام دیندا ہے ۔۔5۔۔
(جے کسے جیو نوں) سدا-تھر پربھو دا سدا-تھر پریم لگا ہے (تاں اہ پریم) سدا-تھر پربھو نے آپ ہی لایا ہے۔
اہ آپ ہی نیاں کردا ہے (کِ کس نوں پریم دی دات دینی ہے)، جو اس نوں پسند آؤندا ہے (اہی نیاں ہے) ॥6۔۔
میں (بھی) دن رات اس پربھو دا سمرن کردا ہاں جس دا نام امولک ہے جو سدا جیواں اتے دیا کردا ہے۔
(میں اس دے در تے ارداس کردا ہاں-) ہے سدا-تھر رہن والے پربھو! مینوں آپنے نام دی دات دیہ، اہ دات سدا کائم رہن والی ہے ۔۔7۔۔
توں اتم ہیں، میں نیچ ہاں (پر پھر بھی میں تیرا) سیوک اکھواندا ہاں۔
ہے نانک! (پربھو-در تے سدا اؤں ارداس کر-ہے پربھو!) میرے اتے میہر دی نزر کر، (تاں کِ) مینوں (تیرے چرناں توں) وچھڑے ہوئے نوں تیرا سدا-تھر نام مل جائے ۔۔8۔۔21۔۔
آسا مہلا 1 ۔۔
(پرماتما دا نام سمرن توں بنا) جنم مرن دا گیڑ نہیں مکدا، پرماتما نال ملاپ نہیں ہندا،
جنم مرن دا بھارا کلیش بنیا رہندا ہے تے مایا دے موہ وچ پھسے رہن دے کارن (جند نوں) نتّ سہم (کھاندا رہندا) ہے ۔۔1۔۔
جو (ساری امر) پرماتما دے نام توں وانجیا رہا، اس دا جیؤنا اسل جیؤن نہیں ہے، (جے اہ منکھّ دنیاداری والی کوئی سیانپ وکھا رہا ہے تاں اس دی) ایسی سیانپ پھٹکارجوگ ہے،
جے منکھّ نے سادھو گرو دی (دسی) سیوا نہیں کیتی، تے جس نوں پرماتما دی بھگتی چنگی نہیں لگی ۔۔1۔۔ رہاؤ ۔۔
جنم مرن دا چکر تدوں ہی مکدا ہے جدوں پورا ستگورو ملدا ہے۔
گرو پرماتما دا نام-دھن (روپ) سرمایا دیندا ہے (جس دی برکتِ نال) جھوٹھی مایا دی خاتر بھٹکنا مکّ جاندی ہے ۔۔2۔۔
جو گرو دی سرن پے کے، سادھ سنگتِ وچ پرماتما دا شکر شکر کر کے اس دی سفت-سالاہ کردا ہے،
اہ جگت دے مول سرب ویاپک بیئنت پرماتما نوں لبھّ لیندا ہے ۔۔3۔۔
اہ سنسار مداری دے ناٹک وانگ اک کھیڈ (ہی) ہے،
جس وچّ جیون گھڑی پل ہی ہے تے اس دے اجڑدیاں چر نہیں لگدا ۔۔4۔۔
منکھّ (میں وڈا، میں وڈا بن جاواں-اس) ہؤمے دی کھیڈ، جھوٹھ تے اہنکار (دیاں نرداں) نال کھیڈ رہا ہے،
تے انج سارا سنسار (منکھا جیون دی بازی) ہار رہا ہے؛ سرف اہ منکھّ جتدا ہے جو گرو دے شبد نوں آپنے وچار-منڈل وچ ٹکاندا ہے ۔۔5۔۔
جویں کسے انھے منکھّ دے ہتھ وچ ڈنگوری ہندی ہے، (جس نال ٹوہ ٹوہ کے اہ راہ-کھہڑا لبھدا ہے)، اس تراں جیواں پاس پرماتما دا نام ہی ہے (جو سانوں سہیہ جیون راہ وکھاندا ہے)۔
پرماتما دا نام (اک ایسا) سہارا ہے جو جیون-راتن (آتمک اگیانتا) لئی سویر دا چانن بندا ہے (ہر ویلے ساڈی سہائتا کردا ہے) ॥6۔۔
ہے پربھو! نام دے آسرے نال میں اسے ہالت وچ ہی رہِ سکدا ہا، جس ہالت وچ توں مینوں رکھیں۔
جنھاں نے انت ویلے تک نال نبھن والا اہ ساتھی لبھّ لیا، اہناں نوں مایا دے موہ توں خلاسی ہاسل کرن دا راہ مل جاندا ہے ۔۔7۔۔
پرماتما دا نام جپ کے جنم مرن دے گیڑ دا کلیش مٹایا جا سکدا ہے۔
ہے نانک! جنھاں نوں (گرو دی کرپا نال پرماتما دا) نام نہیں بھلدا، اہناں نوں پورا گرو سنسار-سمندر توں پار لنگھا لیندا ہے ۔۔8۔۔22۔۔
راگ آسا، گھر 2 وچّ گرو امرداس جی دی اٹھّ-بنداں والی بانی۔
اکال پرکھ اکّ ہے اتے ستگورو دی کرپا نال ملدا ہے۔
ہے پربھو! تیرا نام-سروور (میرے واستے) شاستر وید سمرتیاں (دی وچار) ہے، تیرے چرناں وچ لینتا (میرے واستے) گنگا (آدک تیرتھ دا اشنان) ہے۔
ہے پربھو! توں اس سارے اسچرج جگت دا مالک ہیں، توں ترگنی مایا دا کرتا ہیں۔ میری بدھی (تیری یاد دے انند نوں ہی) ماندی رہندی ہے ۔۔1۔۔
(پربھو دا) داس نانک اس پرماتما دے چرناں دا دھیان دھری رکھدا ہے، آتمک جیون دین والی اس دی سفت-سالاہ دی بانی نوں اچاردا رہندا ہے ۔۔1۔۔ رہاؤ ۔۔
(ہے پربھو! لوکاں دے متھے ہوئے) تیتی کروڑ دیوتے وی تیرے داس ہن تے ردھیاں سدھیاں تے پراناں دا وی توں ہی آسرا ہیں۔