ہے نانک! جس جیو-استری نے پرماتما نال آپنا من جوڑ لیا، اہ اس دے پریم-رنگم وچ رنگی ہوئی اس دے پریم وچ اس دا سمرن کردی ہے ۔۔3۔۔
جس جیو-استری نوں پیارے سجن پربھو جی مل پیندے ہن، اس دے من وچ آنند بنیا رہندا ہے۔
گرو دی متِ اتے تر کے اس دا من پوتر ہو جاندا ہے، اہ آپنے ہردے وچ ہرِ-پربھو نوں ٹکا رکھدی ہے۔
اہ جیو-استری پرماتما نوں آپنے ہردے وچ وسائی رکھدی ہے، اس تراں آپنا جیون-منورتھ سنوار لیندی ہے، گرو دی سکھیا دی برکتِ نال اہ پرماتما نال ڈونگھی سانجھ پا لیندی ہے۔
اس دا من جو پہلاں ممتا وچ پھسیا ہویا سی، پریتم-پربھو نے آپنے وسّ وچ کر لیا، تے، اس جیو-استری نے سرجن ہار پربھو نال ملاپ پراپت کر لیا۔
گرو دی سرن پے کے اس جیو-استری نے سدا-آتمک آنند مانیا ہے، مراری-پربھو اس دے من وچ آ وسیا ہے۔
ہے نانک! گرو دے شبد دی برکتِ نال اس جیو-استری نے آپنا جیون سوہنا بنا لیا ہے، پیارے گرو نے اس نوں پربھو-چرناں وچ جوڑ دتا ہے ۔۔4۔۔5۔۔6۔۔
سوہی مہلا 3 ۔۔
جیہڑا منکھّ گرو دے شبد وچ جڑ کے پرماتما دے نام نوں وچاردا ہے، اس دے اندر آنند دی لہر چلی رہندی ہے۔
گرو دے سنمکھ رہن والا اس دا من اس دا ہردا پرماتما (دے پیار-رس) وچ بھجّ جاندا ہے، اہ منکھّ پرماتما دے نام نوں پیار کردا ہے۔
اہ منکھّ پرماتما دے نام نال پیار کردا ہے۔ پرماتما دا نام، پرماتما دی سفتِ-سالاہ دی بانی اہ آپنے مونہ نال اچاردا ہے، تے، آپنیاں ساریاں کلاں نوں (وکاراں توں) بچا لیندا ہے۔
اس دے جنم مرن دے گیڑ مکّ جاندے ہن، اہ آپنے ہردے-گھر وچ اک-رس آنند ماندا رہندا ہے، اس دی سرت (پربھو-چرناں وچ) لین رہندی ہے۔
ہے نانک! پرماتما اس منکھّ اتے میہر کردا ہے، اہ منکھّ پرماتما نال ملاپ ہاسل کر لیندا ہے۔
ہے بھائی! جیہڑا منکھّ گرو دے شبد دی راہیں پربھو دے نام نوں وچاردا ہے، اس دے اندر آتمک آنند دی رو چلّ پیندی ہے ۔۔1۔۔
ہے بھائی! اسیں جیو-استریاں (آتمک جیون دی) نیویں پدھر تے ہاں، پربھو (اس پدھر نالوں) بہت اچا ہے، پھر ساڈا اس نال ملاپ کویں ہو سکے؟
(اتر) جس اتے گرو نے کرپا کر دتی، اس نوں (پربھو-چرناں وچ) جوڑ دتا۔ گرو دے شبد دی راہیں اہ جیو-استری پربھو دے پیار وچ لین ہو جاندی ہے۔
گرو دے شبد دی راہیں اہ جیو-استری پربھو وچ مل کے پربھو دے پریم وچ ٹک کے (آپنے اندروں) آپا-بھاو دور کر لیندی ہے، اتے پریم وچ پربھو دا ملاپ ماندی ہے۔
جدوں اس نوں پرماتما پیارا لگن لگّ پیندا ہے، تدوں اس دے ہردے دی سیج آنند-بھرپور ہو جاندی ہے، اہ پربھو دے نام وچ ہی لین رہندی ہے۔
ہے نانک! سہاگ-بھاگگ والی جیو-استری جدوں گرو دی رزا انوسار تردی ہے تاں اہ وڈی کسمت والی بن جاندی ہے۔
(اننج تاں) اسیں جیو-استریاں (آتمک جیون دی) نیویں پدھر تے ہاں پربھو (اس پدھر نالوں) بہت اچا ہے، اس نال ساڈا میل نہیں ہو سکدا ۔۔2۔۔
ہے بھائی! ہریک سریر وچ، سبھ جیواں وچ اک پربھو-کھسمو ہی وسّ رہا ہے۔
پر، کئی جیواں نوں اہ پربھو کتے دور وسدا جاپدا ہے، تے، کئی جیواں دے من وچ اس پربھو دا ہی آسرا ہے۔
سبھ نوں پیدا کرن والا پربھو ہی کئی جیواں دے من دا سہارا ہے (کیونکِ اہناں نے) وڈے بھاگاں نال گرو لبھّ لیا ہے۔
ہے بھائی! ہریک سریر وچ اک مالک-پربھو ہی وسدا ہے، گرو دی سرن رہن والے منکھّ نے اس ادرشٹ پربھو نوں (ہریک سریر وچ وسدا) ویکھ لیا ہے۔
ہے نانک! اہ منکھّ آتمک اڈولتا وچ ٹکیا رہندا ہے، اس دے اندر آنند بنیا رہندا ہے، اس دا من پرماتما دے گناں دی وچار کرن وچ پتیجیا رہندا ہے۔
ہریک سریر وچ سبھ جیواں وچ اک پربھو-کھسمو ہی وسّ رہا ہے ۔۔3۔۔
ہے بھائی! جیہڑے منکھّ ہرِ-نام دی دات دین والے گرو دی سرن پیندے ہن، اہ پرماتما دے نام وچ لین رہندے ہن۔
ہے ہری! مینوں بھی پورے گرو دے چرناں دی دھوڑ بخش! گرو اساں پاپی جیواں نوں (وکاراں توں) آزاد کر دیندا ہے۔
گرو وکاری جیواں نوں وکاراں توں ستنتر کر دیندا ہے، (اہناں دے اندروں) آپا-بھاو دور کر دیندا ہے۔ (گرو دی سرن آئے منکھّ) پربھو-چرناں وچ ٹکانا پراپت کر لیندے ہن۔
(گرو پاسوں) چنگے مندے کمّ دی پرکھ کر سکن والی اکل پراپت کر کے اہناں دی (زندگی دی) رات آنند وچ بیتدی ہے۔ گرو دی متِ دا سدکا ہرِ-نام دی راہیں (اہناں دے اندر آتمک جیون دا) چانن ہو جاندا ہے۔
ہے نانک! اہناں نوں ہرِ-نام پیارا لگن لگّ پیندا ہے، دن رات اہناں دے اندر آتمک آنند بنیا رہندا ہے،
جیہڑے منکھّ گرو دی سرن پیندے ہن۔ اہ منکھّ پرماتما دے نام وچ لین ہوئے رہندے ہن ۔۔4۔۔6۔۔7۔۔5۔۔7۔۔12۔۔