(ہے اننجان جیو!) کیوں آکڑ آکڑ کے تردا ہیں؟
ہیں تاں توں ہڈیاں، چمڑی تے وشٹے نال ہی بھریا ہویا، تے درگندھ نال ہی لبڑیا ہویا ۔۔1۔۔ رہاؤ ۔۔
(ہے اننجان!) توں پربھو نوں نہیں سمردا، کہڑے بھلیکھیاں وچ بھلیا ہیں؟ (کی تیرا اہ خیال ہے کِ موت نہیں آویگی؟) موت تیتھوں دور نہیں۔
جس سریر نوں انیکاں جتن کر کے پال رہا ہیں، اہ امر پوری ہون تے ڈھہِ پئیگا ۔۔2۔۔
(پر) جیو دے بھی کیہ وسّ؟ جیو دا آپنا کیتا کجھ نہیں ہو سکدا۔
جدوں پربھو دی رزا ہندی ہے (جیو نوں) گرو ملدا ہے (تے، گرو دی مہر نال) اہ پربھو دے نام نوں ہی سمردا ہے ۔۔3۔۔
ہے اننجان! (اہ تیرا سریر ریت دے گھر سمان ہے) توں ریت دے گھر وچ وسدا ہیں، تے اس سریر اتے مان کردا ہیں۔
کبیر آکھدا ہے- جنھاں بندیاں نے پربھو دا سمرن نہیں کیتا، اہ بڑے بڑے سیانے بھی (سنسار-سمندر) وچ ڈبّ گئے ۔۔4۔۔4۔۔
(اہنکار وچ) ونگی پگّ بنھدا ہے، آکڑ کے تردا ہے، پان دے بیڑے کھاندا ہے،
(تے آکھدا ہے کِ) میرا کمّ ہے ہکومت کرنی، پرماتما نال پیار جاں پربھو دی بھگتی دی مینوں کوئی لوڑ نہیں ۔۔1۔۔
منکھّ اہنکار وچ (آ کے) پرماتما نوں بھلا دیندا ہے۔
سونا تے بڑی سوہنی استری ویکھ ویکھ کے اہ منّ بیٹھدا ہے کِ اہ سدا رہن والے ہن ۔۔1۔۔ رہاؤ ۔۔
(مایا دا) لالچ، جھوٹھ، وکار، بڑا اہنکار-اہنینر گلیں ہی (ساری) امر گزر جاندی ہے۔
کبیر آکھدا ہے کِ آخر امر مکن تے موت (سر تے) آ ہی اپڑدی ہے ۔۔2۔۔5۔۔
منکھّ (جے راجا بھی بن جائے تاں بھی) تھوڑھے ہی دن راج مان کے اتھوں) تر پیندا ہے۔
جے اتنا دھن بھی جوڑ لئے کِ گنڈھاں بنھ لئے، زمین وچ دبّ رکھے، تاں بھی کوئی چیز (انت ویلے جیو دے) نال نہیں جاندی ۔۔1۔۔ رہاؤ ۔۔
(جدوں مر جاندا ہے تاں) گھر دی دلیز اتے بیٹھی وہٹی روندی ہے، باہرلے بوہے تک اس دی ماں (اس دے مردا سریر دا) ساتھ کردی ہے،
مساناں تک ہور لوک تے پروار دے بندے جاندے ہن۔ پر جند اکلی ہی جاندی ہے ۔۔1۔۔
اہ (آپنے) پتر، دھن، نگر شہر مڑ کدے آ کے نہیں ویکھ سکدا۔
کبیر آکھدا ہے کِ پرماتما دا سمرن کیوں نہیں کردا؟ (سمرن توں بنا) جیون وئرتھ چلا جاندا ہے ۔۔2۔۔6۔۔
راگ کیدارا وچّ بھگت روداس جی دی بانی۔
اکال پرکھ اکّ ہے اتے ستگورو دی کرپا نال ملدا ہے۔
جے کوئی منکھّ اچی براہمن کل دا ہووے، تے، نتّ چھ کرم کردا ہووے؛ پر جے اس دے ہردے وچ پرماتما دی بھگتی نہیں،
جے اس نوں پربھو دے سوہنے چرناں دیاں گلاں چنگیاں نہیں لگدیاں، تاں اہ چنڈال دے برابر ہے، چنڈال ورگا ہے ۔۔1۔۔
ہے میرے غافل من! پربھو نوں سمر۔
ہے من! توں بالمیک ول کیوں نہیں ویکھدا؟
اک نیویں جات توں بڑے وڈے درجے اتے اپڑ گیا-اہ وڈیائی پرماتما دی بھگتی دے کارن ہی سی ۔۔1۔۔ رہاؤ ۔۔
(بالمیک) کتیاں دا ویری سی، سبھ لوکاں نالوں چنڈال سی، پر اس نے پربھو نال پیار کیتا۔
وچارا جگت اس دی کیہ وڈیائی کر سکدا ہے؟ اس دی سوبھا ترلوکی وچ کھلر گئی ۔۔2۔۔
اجامل، پنگلا، شکاری، کنچر-اہ سارے (مکت ہو کے) پربھو-چرناں وچ جا اپڑے۔
ہے روداس! جے اجہی بھیڑی متّ والے تر گئے تاں توں (اس سنسار-ساگر توں) کیوں ن پار لنگھینگا؟ ॥3۔۔1۔۔