جس (پرماتما) توں (جگت) پیدا ہندا ہے (جدوں) اس وچ ہی لین ہو جاندا ہے، تاں اہ سارا جگت-کھلارا مکّ جاندا ہے ۔۔4۔۔1۔۔
ملار مہلا 3 ۔۔
جنھاں منکھاں نے پرماتما دی رزا نوں مٹھا کر کے منیا ہے، پربھو نے گرو دے شبد دی راہیں (اہناں دے اندروں) ہؤمے ساڑ کے اہناں نوں (آپنے چرناں وچ) جوڑ لیا ہے۔
اہ منکھّ دن رات سدا-تھر پربھو دی بھگتی کردے ہن، اہ لو لا کے سدا-تھر ہری وچ ٹکے رہندے ہن۔
اہ منکھّ گرو دے شبد دی راہیں پربھو-پریم وچ (ٹک کے) سدا-تھر ہری نوں ہر تھاں وسدا ویکھدے ہن ۔۔1۔۔
ہے من! (پرماتما دی) رزا وچ تریا کر، (اس تراں) آتمک آنند بنیا رہندا ہے۔
ہے من! پربھو نوں آپنے مرزی پیاری لگدی ہے۔ جس منکھّ اتے مہر کردا ہے (اہ اس دی رزا وچ تردا ہے)، اس دے جیون-راہن وچ کوئی رکاوٹ نہیں پیندی ۔۔1۔۔ رہاؤ ۔۔
ترگنی (مایا وچ سدا جڑے رہنا) نری بھٹکنا ہی ہے (اس وچ پھسے رہاں) ناہ پربھو دی بھگتی ہو سکدی ہے، ناہ اس دے پیار وچ لین ہو سکیدا ہے۔
(ترگنی مایا دے موہ دے کارن) اچی آتمک اوستھا نہیں ہو سکدی، وکاراں توں خلاسی کدے نہیں ہو سکدی۔ منکھّ ہؤمے (ودھان والے) کمّ (ہی) کردے رہندے ہن۔
(پر جیواں دے کیہ وسّ؟) جو کجھ مالک-ہریک نوں چنگا لگدا ہے اہی ہندا ہے، پچھلے کیتے کرماں دے سنسکاراں انوسار جیو بھٹکدے پھردے ہن ۔۔2۔۔
جے گرو مل پئے، تاں منکھّ دا من (اندروں) آپا-بھاو دور کر لیندا ہے، اس دے من وچ ہرِ-نام آ وسدا ہے،
(پھر اس دا جیون اتنا اچا ہو جاندا ہے کِ) اس دا ملّ نہیں پے سکدا، اس دا بیان نہیں ہو سکدا۔
اہ منکھّ اس اوستھا وچ ٹکّ جاندا ہے جتھے مایا دے تنّ گناں دا زور نہیں پے سکدا، اہ سدا کائم رہن والے پربھو وچ لین ہویا رہندا ہے ۔۔3۔۔
میرا ہری پربھو اپہنچ ہے گیان-اندریاں دی پہنچ توں پرے ہے، کسے دنیاوی پدارتھ دے وٹے توں نہیں مل سکدا۔
گرو دی مہر نال ہی اس دی جان-پچھان ہندی ہے (جس نوں جان-پچھان ہو جاندی ہے، اہ منکھّ) گرو دے شبد انوسار (ہریک) کار کردا ہے۔
ہے نانک! توں سدا ہرِ-نام سمردا رہُ۔ (جہڑا سمردا ہے) اہ پربھو دے در تے سوبھا پاندا ہے ۔۔4۔۔2۔۔
ملار مہلا 3 ۔۔
جس منکھّ اتے پربھو مہر دی نگاہ کردا ہے، اہ کوئی ورلا گرو دے سنمکھ ہو کے (اہ) سمجھدا ہے،
(کِ) گرو توں بنا ہور کوئی (نام دی) دات دین والا نہیں ہے، جس اتے مہر دی نگاہ کردا ہے، اس نوں (نام) بخشدا ہے۔
جے گرو مل پئے، تاں (من وچ) شانتی پیدا ہو جاندی ہے (اتے منکھّ) ہر ویلے پرماتما دا نام سمردا رہندا ہے ۔۔1۔۔
ہے میرے من! پرماتما دا آتمک جیون دین والا نام چیتے کریا کر۔
جدوں گرو مرد مل پیندا ہے، تدوں ہرِ-نام پراپت ہندا ہے (جس نوں گرو ملدا ہے) اہ سدا ہرِ-نام وچ ہی لین رہندا ہے ۔۔1۔۔ رہاؤ ۔۔
آپنے من دے پچھے ترن والے منکھّ (پرماتما توں) وچھڑ کے سدا بھٹکدے پھردے ہن (اہ اہ نہیں سمجھدے کِ جنھاں نال موہ ہے، اہناں وچوں) کوئی بھی کسے دے نال سدا دا ساتھ نہیں نباہ سکدا۔
اہناں دے اندر ہؤمے دا وڈا روگ ٹکیا رہندا ہے، آتمک موت نے اہناں نوں سر-پرنے سٹیا ہندا ہے۔
جہڑے منکھّ گرو دی متّ لیندے ہن، اہ ہر ویلے پرماتما دا نام (ہردے وچ) وسا کے سادھ سنگت توں کدے نہیں وچھڑدے ۔۔2۔۔
ہے پربھو! سبھ جیواں دا پیدا کرن والا سرف توں ہی ہیں، اتے وچار کر کے توں سدا سمبھال بھی کردا ہیں۔
کئی جیواں نوں گرو دی راہیں توں آپ (آپنے نال) جوڑیا ہویا ہے، (گرو اہناں نوں تیری) بھگتی دے خزانے بخشدا ہے۔
ہے پربھو! میں ہور کس اگے کوئی فریاد کراں؟ توں آپ ہی (ساڈے دلاں دی) ہریک منگ جاندا ہیں ۔۔3۔۔
پرماتما دا نام آتمک جیون دین والا ہے، پر اس دی مہر دی نگاہ نال ہی ملدا ہے۔
(جس اتے مہر دی نگاہ ہندی ہے، اہ منکھّ) گرو دی راہیں آتمک اڈولتا وچ ٹکّ کے پیار وچ ٹکّ کے ہر ویلے پرماتما دا نام اچاردا ہے۔
ہے نانک! (اس منکھّ واستے) ہرِ-نام ہی خزانا ہے، اہ نام وچ ہی چتّ جوڑی رکھدا ہے ۔۔4۔۔3۔۔
ملار مہلا 3 ۔۔
میں تاں سدا (آپنے) گرو نوں ہی سلاہندا ہاں، اہ سارے سکھ دین والا ہے (میرے واستے) اہ نارائن پربھو ہے۔
(جس منکھّ نے) گرو دی کرپا نال سبھ توں اچا آتمک درجا ہاسل کر لیا، اس دی (لوک پرلوک وچّ) بڑی ازت بن گئی،
اہ منکھّ سدا-تھر پربھو دے سدا گن گاندا ہے، اہ منکھّ سدا-تھر پربھو وچ لین رہندا ہے ۔۔1۔۔
ہے (میرے) من! گرو دی سرن پے کے ہردے وچ (پرماتما دے گناں نوں) وچاریا کر۔
جھوٹھ چھڈّ، کٹمب (دا موہ) چھڈّ، ہؤمے تیاگ، آتمک موت لیاؤن والی ترشنا چھڈّ۔ ہردے وچ سدا یاد رکھّ (کِ اتھوں) کوچ کرنا (ہے) ॥1۔۔ رہاؤ ۔۔