(میری اہی ارداس ہے کِ) میں آپنا من آپنا تن (گرو دے) ہوالے کر دیاں، میں (گرو دے اگے) آپنا آپا-بھاو گوا دیاں، تے میں گرو دے پریم وچ جیون گزاراں۔
جیہڑے گرو پرماتما دے نال میرا چتّ جوڑ دیندا ہے، میں آپنے اس گرو توں سدا سدکے جاندا ہاں ۔۔7۔۔
(اچی جاتِ دا مان وئرتھ ہے) اہی براہمن ہے، جیہڑا برہم (پربھو) نوں پچھاندا ہے، جیہڑا پربھو دے پریم وچ پربھو نال رنگیا رہندا ہے۔
(جاتِ دا کوئی بھنّ-بھید نہیں) پربھو سبھ سریراں وچ سبھ جیواں دے نیڑے وسدا ہے۔ پر اہ گلّ کوئی ورلا سمجھدا ہے، جو گرو دی سرن پئے۔
ہے نانک! گرو دے شبد وچ جڑیاں پربھو نال جان-پچھان پیندی ہے، پربھو دا نام ملدا ہے تے (لوک پرلوک وچ) آدر ملدا ہے ۔۔8۔۔5۔۔22۔۔{ 67-68}
سریراگُ مہلا 3 ۔۔
ساری سرشٹی من دی شانتی لئی ترسدی ہے، پر گرو دی سرن توں بنا اہ سہج اوستھا نہیں ملدی۔
پنڈت تے جوتشی (شاستر آدک دھرم-پستکاں) پڑھ-پڑھ کے تھکّ گئے (پر سہج-اوستھا پراپت ناہ کر سکے)، چھ بھیکھاں دے سادھو بھی بھٹک بھٹک کے کراہے ہی پئے رہے (اہ بھی سہج-اوستھا نا لبھّ سکے)۔
جنھاں اتے پرماتما آپنی رزا انوسار کرپا کردا ہے، اہ گرو نوں مل کے سہج-اوستھا پراپت کردے ہن ۔۔1۔۔
ہے بھائی! گرو دی سرن توں بنا (منکھّ دے اندر) آتمک اڈولتا پیدا نہیں ہندی۔
گرو دے شبد وچ جڑن توں ہی آتمک اڈولتا (من دی شانتی) پیدا ہندی ہے، تے اہ سدا-تھر رہن والا ہری ملدا ہے ۔۔1۔۔ رہاؤ ۔۔
پرماتما دے گناں دا کیرتن کرنا بھی تدوں ہی پروان ہندا ہے، جے آتمک اڈولتا وچ ٹک کے کیتا جائے۔ آتمک اڈولتا توں بنا دھارمک گلاں دا کہنا وئرتھ جاندا ہے۔
آتمک اڈولتا وچ ٹکیاں ہی (منکھّ دے اندر پرماتما دی) بھگتی (دا جزبا) پیدا ہندا ہے، آتمک اڈولتا دی راہیں ہی منکھّ پربھو دے پیار وچ ٹکدا ہے، (دنیا ولوں) ویراگ وچ رہندا ہے۔
آتمک اڈولتا توں آتمک آنند تے شانتی پیدا ہندی ہے، آتمک اڈولتا توں بنا (منکھّ دی ساری) زندگی وئرتھ جاندی ہے ۔۔2۔۔
(ہے بھائی!) توں آتمک اڈولتا وچ ٹک کے آتمک اڈولتا وچ سمادھی لا کے ہی سدا پرماتما دی سفت-سالاہ کردا رہیں۔
جیہڑا منکھّ آتمک اڈولتا وچ ٹک کے پرماتما دے گن گاندا ہے، پربھو-چرناں وچ سرت جوڑ کے بھگتی کردا ہے،
گرو دے شبد دی برکتِ نال ہی اس دے من وچ پرماتما آ وسدا ہے، اس دی جیبھ پرماتما دے نام دا سواد چکھدی رہندی ہے ۔۔3۔۔
سدا-تھر رہن والے پرماتما دی سرن پے کے آتمک اڈولتا وچ ٹک کے جنھاں نے آتمک موت نوں مار لیا،
اہ سدا نال نبھن والی کار کرن دے کارن اہناں دے اندر پرماتما دا نام آ وسدا ہے۔
تے، جنھاں نے پرماتما دا نام پراپت کر لیا، اہ بندے وڈے بھاگاں والے ہو گئے، اہ سدا آتمک اڈولتا وچ لین رہندے ہن ۔۔4۔۔
مایا (دے موہ) وچ ٹکے رہاں آتمک اڈولتا پیدا نہیں ہندی، مایا تاں (پربھو توں بنا کسے) ہور پیار وچ (پھساندی ہے)۔
اجیہے منمکھتا والے کرم کیتیاں منکھّ ہؤمے وچ ہی سڑدا ہے، (آپنے آپ نوں ساڑدا ہے۔
اس دا جنم مرن دا گیڑ کدے مکدا نہیں، اہ مڑ مڑ جمدا رہندا ہے ۔۔5۔۔
مایا (دے موہ) وچ ٹکے رہاں آتمک اڈولتا پیدا نہیں ہندی، مایا دے تنّ گناں دے کارن جیو بھٹکنا وچ پھس کے کراہے پیا رہندا ہے۔
(اس ہالت وچ) دھارمک پستکاں پڑھن دا وچارن دا تے ہورناں نوں سنان دا کوئی لابھ نہیں ہندا، کیونکِ جیو آپنے مول-پربھو توں کھنجھ کے (غلت جیون-راہن تے) تردا ہے۔
(مایا دے تنّ گناں توں لنگھ کے) چوتھی آتمک اوستھا وچ اپڑیاں من دی شانتی پیدا ہندی ہے، تے اہ آتمک اوستھا گرو دی سرن پیاں پراپت ہندی ہے ۔۔6۔۔
تنّ گناں توں نرلیپ پرماتما دا نام (سبھ پدارتھاں دا) خزانا ہے، آتمک اڈولتا وچ پہنچیاں اہ سمجھ پیندی ہے۔
گناں والے جیو ہی اس پربھو دی سفت-سالاہ کردے ہن۔ (جیہڑا منکھّ سفت-سالاہ کردا ہے اہ) سدا-تھر پربھو دا روپ ہو جاندا ہے، اس دی سوبھا بھی اٹلّ ہو جاندی ہے۔
(اہ پرماتما اتنا دیال ہے کِ اہ سرن آئے) کراہے پئے بندیاں نوں آتمک اڈولتا وچ جوڑ دیندا ہے۔ گرو دے شبد دی برکتِ نال اس (وڈبھاگی پرماتما نال) ملاپ ہو جاندا ہے ۔۔7۔۔
من دی شانتی توں بنا سارا جگت (مایا دے موہ وچ) انھا ہویا رہندا ہے، (جگت اتے) مایا دے موہ دا گھپّ ہنیرا چھایا رہندا ہے۔
سدا-تھر پربھو دی سفت-سالاہ دے شبد دی راہیں جس منکھّ نوں آتمک اڈولتا وچ جڑ کے (پرماتما دے گناں دی) سوجھ پیندی ہے، اہ اس اپار پربھو وچ (سرت جوڑی رکھدا ہے)۔
(اجیہے بھاگاں والے بندیاں نوں) پورے گرو نے کرتار نے آپ ہی مہر کر کے (آپنے چرناں وچ) ملا لیا ہندا ہے ۔۔8۔۔
آتمک اڈولتا وچ پہنچ کے اس پرماتما نال سانجھ بن جاندی ہے، جو اہناں اکھاں نال نہیں دسدا جس نوں کسے دا ڈر نہیں جو نرا چانن ہی چانن ہے تے جس دا کوئی خاس سروپ (دسیا) نہیں (جا سکدا)۔
اہی پرماتما سارے جیواں نوں سبھ داتاں دین والا ہے، تے سبھ دی جوتِ (سرتِ) نوں آپنی جوتِ وچ ملان دے سمرتھّ ہے۔
(ہے بھائی!) پورے گرو دے شبد دی راہیں اس پرماتما دی سفت-سالاہ کرنی چاہیدی ہے، جس دے گناں دا انت نہیں پایا جا سکدا، جس دے وڈپن دا ارلا تے پرلا بنا نہیں لبھّ سکدا ۔۔9۔۔
جیہڑے منکھّ پرماتما نال ڈونگھی سانجھ پا لیندے ہن، پرماتما دا نام ہی اہناں دا (اسل) دھن بن جاندا ہے، اہ آتمک اڈولتا وچ ٹک کے اس نام-دھن دا ہی وپار کردے ہن۔
اہ ہر ویلے (پرماتما دا نام سمر کے) پرماتما دا نام-لابھ ہی کھٹدے ہن، نام-دھن نال بھرے ہوئے اہناں دے خزانے کدے مکدے نہیں ہن۔
ہے نانک! اہ خزانے دیونہار داتار نے آپ اہناں نوں دتے ہوئے ہن، اہناں خزانیاں وچ کدے بھی توٹ نہیں اؤندی ۔۔10۔۔6۔۔23۔۔