شری گرو گرنتھ صاحب جی

انگ - 442

ਸਚੇ ਮੇਰੇ ਸਾਹਿਬਾ ਸਚੀ ਤੇਰੀ ਵਡਿਆਈ ॥

sache mere saahibaa sachee teree vaddiaaee |

ہے میرے سدا-تھر مالک! تیرا وڈپن بھی سدا کائم رہن والا ہے۔

ਤੂੰ ਪਾਰਬ੍ਰਹਮੁ ਬੇਅੰਤੁ ਸੁਆਮੀ ਤੇਰੀ ਕੁਦਰਤਿ ਕਹਣੁ ਨ ਜਾਈ ॥

toon paarabraham beant suaamee teree kudarat kahan na jaaee |

توں بیئنت مالک ہیں، توں پاربرہم ہیں تیری تاکت بیان نہیں کیتی جا سکدی۔

ਸਚੀ ਤੇਰੀ ਵਡਿਆਈ ਜਾ ਕਉ ਤੁਧੁ ਮੰਨਿ ਵਸਾਈ ਸਦਾ ਤੇਰੇ ਗੁਣ ਗਾਵਹੇ ॥

sachee teree vaddiaaee jaa kau tudh man vasaaee sadaa tere gun gaavahe |

ہے پربھو! تیری وڈیائی سدا کائم رہن والی ہے، جنھاں منکھاں دے من وچ توں اہ وڈیائی وسا دتی ہے، اہ سدا تیری سفت-سالاہ دے گیت گاندے ہن۔

ਤੇਰੇ ਗੁਣ ਗਾਵਹਿ ਜਾ ਤੁਧੁ ਭਾਵਹਿ ਸਚੇ ਸਿਉ ਚਿਤੁ ਲਾਵਹੇ ॥

tere gun gaaveh jaa tudh bhaaveh sache siau chit laavahe |

پر تدوں ہی تیری سفت-سالاہ دے گیت گاندے ہن جدوں تینوں اہ چنگے لگدے ہن، پھر اہ تیرے سدا-تھر سروپ وچ آپنا چتّ جوڑی رکھدے ہن۔

ਜਿਸ ਨੋ ਤੂੰ ਆਪੇ ਮੇਲਹਿ ਸੁ ਗੁਰਮੁਖਿ ਰਹੈ ਸਮਾਈ ॥

jis no toon aape meleh su guramukh rahai samaaee |

ہے پربھو! جس منکھّ نوں توں آپ ہی آپنے چرناں وچ جوڑدا ہیں اہ گرو دی سرن پے کے تیری یاد وچ لین رہندا ہے۔

ਇਉ ਕਹੈ ਨਾਨਕੁ ਸਚੇ ਮੇਰੇ ਸਾਹਿਬਾ ਸਚੀ ਤੇਰੀ ਵਡਿਆਈ ॥੧੦॥੨॥੭॥੫॥੨॥੭॥

eiau kahai naanak sache mere saahibaa sachee teree vaddiaaee |10|2|7|5|2|7|

(تیرا داس) نانک اؤں آکھدا ہے-ہے میرے سدا کائم رہن والے مالک! تیری وڈیائی بھی سدا کائم رہن والی ہے ۔۔10۔۔2۔۔7۔۔5۔۔2۔۔7۔۔

ਰਾਗੁ ਆਸਾ ਛੰਤ ਮਹਲਾ ੪ ਘਰੁ ੧ ॥

raag aasaa chhant mahalaa 4 ghar 1 |

راگ آسا، گھر 1 وچّ گرو رامداس جی دی بانی 'چھنت'۔

ੴ ਸਤਿਗੁਰ ਪ੍ਰਸਾਦਿ ॥

ik oankaar satigur prasaad |

اکال پرکھ اکّ ہے اتے ستگورو دی کرپا نال ملدا ہے۔

ਜੀਵਨੋ ਮੈ ਜੀਵਨੁ ਪਾਇਆ ਗੁਰਮੁਖਿ ਭਾਏ ਰਾਮ ॥

jeevano mai jeevan paaeaa guramukh bhaae raam |

مینوں آتمک جیون لبھّ پیا مینوں آتمک جیون لبھّ پیا، جدوں گرو دی سرن پیاں مینوں پربھو جی پیارے لگن لگّ پئے۔

ਹਰਿ ਨਾਮੋ ਹਰਿ ਨਾਮੁ ਦੇਵੈ ਮੇਰੈ ਪ੍ਰਾਨਿ ਵਸਾਏ ਰਾਮ ॥

har naamo har naam devai merai praan vasaae raam |

ہن گرو مینوں ہر ویلے ہری دا نام ہی دیئی جاندا ہے، گرو نے میرے ہریک ساہ وچ ہرِ-نام وسا دتا ہے۔

ਹਰਿ ਹਰਿ ਨਾਮੁ ਮੇਰੈ ਪ੍ਰਾਨਿ ਵਸਾਏ ਸਭੁ ਸੰਸਾ ਦੂਖੁ ਗਵਾਇਆ ॥

har har naam merai praan vasaae sabh sansaa dookh gavaaeaa |

(جدوں دا گرو نے) میرے ہریک ساہ وچ ہرِ-نام وسا دتا ہے میں آپنا ہریک سہم ہریک دکھّ مکا بیٹھا ہاں۔

ਅਦਿਸਟੁ ਅਗੋਚਰੁ ਗੁਰ ਬਚਨਿ ਧਿਆਇਆ ਪਵਿਤ੍ਰ ਪਰਮ ਪਦੁ ਪਾਇਆ ॥

adisatt agochar gur bachan dhiaaeaa pavitr param pad paaeaa |

گرو دے شبد دی برکتِ نال میں اس پرماتما نوں سمریا ہے جیہڑا (اہناں اکھاں نال) نہیں دسدا جیہڑا منکھی گیان-اندریاں دی پہنچ توں پرے ہے، (سمرن دا سدکا) میں سبھ توں اچا تے پوتر آتمک مرتبا ہاسل کر لیا ہے،

ਅਨਹਦ ਧੁਨਿ ਵਾਜਹਿ ਨਿਤ ਵਾਜੇ ਗਾਈ ਸਤਿਗੁਰ ਬਾਣੀ ॥

anahad dhun vaajeh nit vaaje gaaee satigur baanee |

جدوں توں میں ستگورو دی بانی گانی شرو کیتی ہے (میرے اندر آتمک آنند دی اک اتٹّ لہر چلّ پئی ہے، اؤں جاپدا ہے جویں میرے اندر) کدے ناہ مکن والی سر نال سنگیتک ساز سدا وجدے رہندے ہن۔

ਨਾਨਕ ਦਾਤਿ ਕਰੀ ਪ੍ਰਭਿ ਦਾਤੈ ਜੋਤੀ ਜੋਤਿ ਸਮਾਣੀ ॥੧॥

naanak daat karee prabh daatai jotee jot samaanee |1|

ہے نانک! داتار پربھو نے اہ بخشش کیتی ہے، ہن میری جند پربھو دی جوتِ وچ ٹکی رہندی ہے ۔۔1۔۔

ਮਨਮੁਖਾ ਮਨਮੁਖਿ ਮੁਏ ਮੇਰੀ ਕਰਿ ਮਾਇਆ ਰਾਮ ॥

manamukhaa manamukh mue meree kar maaeaa raam |

آپنے من دے پچھے ترن والے منکھّ آپ-ہدرے منکھّ 'میری مایا، میری مایا' آکھ آکھ کے ہی آتمک موتے مر گئے،

ਖਿਨੁ ਆਵੈ ਖਿਨੁ ਜਾਵੈ ਦੁਰਗੰਧ ਮੜੈ ਚਿਤੁ ਲਾਇਆ ਰਾਮ ॥

khin aavai khin jaavai duragandh marrai chit laaeaa raam |

اہناں دا من (مایا دے لابھ ویلے) اک کھن وچ مچّ پیندا ہے (مایا دی ہانی ویلے) اک کھن وچ ہی ڈھہِ پیندا ہے، اہ آپنے من نوں سدا اس بد-بو بھرے سریر دے موہ وچ جوڑی رکھدے ہن۔

ਲਾਇਆ ਦੁਰਗੰਧ ਮੜੈ ਚਿਤੁ ਲਾਗਾ ਜਿਉ ਰੰਗੁ ਕਸੁੰਭ ਦਿਖਾਇਆ ॥

laaeaa duragandh marrai chit laagaa jiau rang kasunbh dikhaaeaa |

آپنے من دے پچھے ترن والے منکھّ سدا درگندھ-بھریں سریر دے موہ وچ ہی آپنے چتّ نوں لائی رکھدے ہن۔ اہناں دا چتّ سریرک موہ وچ لگا رہندا ہے (پر اہ سریرک سکھ دکھّ اؤں ہے) جویں کسمبھے دے پھلّ دا رنگ ویکھیدا ہے (ویکھن نوں شوخ، پر جھبدے ہی فکا پے جان والا)،

ਖਿਨੁ ਪੂਰਬਿ ਖਿਨੁ ਪਛਮਿ ਛਾਏ ਜਿਉ ਚਕੁ ਕੁਮਿੑਆਰਿ ਭਵਾਇਆ ॥

khin poorab khin pachham chhaae jiau chak kumiaar bhavaaeaa |

جویں پرچھاواں (سورج دے چڑھن ڈھلن دے آسرے) کدے چڑھدے پاسے ہو جاندا ہے کدے لہندے پاسے ہو جاندا ہے، جویں اہ چکّ ہے، جس نوں کمھیار نے چکر دتا ہویا ہے۔

ਦੁਖੁ ਖਾਵਹਿ ਦੁਖੁ ਸੰਚਹਿ ਭੋਗਹਿ ਦੁਖ ਕੀ ਬਿਰਧਿ ਵਧਾਈ ॥

dukh khaaveh dukh sancheh bhogeh dukh kee biradh vadhaaee |

آپنے من دے پچھے ترن والے منکھّ دکھّ سہاردے ہن دکھّ اکٹھے کردے رہندے ہن دکھّ بھوگدے رہندے ہن، اہناں نے آپنے جیون وچ دکھاں دا ہی وادھا ودھایا ہندا ہے۔

ਨਾਨਕ ਬਿਖਮੁ ਸੁਹੇਲਾ ਤਰੀਐ ਜਾ ਆਵੈ ਗੁਰ ਸਰਣਾਈ ॥੨॥

naanak bikham suhelaa tareeai jaa aavai gur saranaaee |2|

پر، ہے نانک! جدوں منکھّ گرو دی سرن آ پیندا ہے، تدوں اہ اؤکھا تریا جان والا سنسار-سمندر سوکھا تریا جا سکدا ہے ۔۔2۔۔

ਮੇਰਾ ਠਾਕੁਰੋ ਠਾਕੁਰੁ ਨੀਕਾ ਅਗਮ ਅਥਾਹਾ ਰਾਮ ॥

meraa tthaakuro tthaakur neekaa agam athaahaa raam |

میرا مالک سوہنا ہے، میرا مالک-پربھو سوہنا ہے، (پر میری سمجھ-سیانپ دی) پہنچ توں پرے ہے، اہ اک ایسا سمندر ہے جس دی ہاتھ نہیں لبھدی۔

ਹਰਿ ਪੂਜੀ ਹਰਿ ਪੂਜੀ ਚਾਹੀ ਮੇਰੇ ਸਤਿਗੁਰ ਸਾਹਾ ਰਾਮ ॥

har poojee har poojee chaahee mere satigur saahaa raam |

(تانہیئیں) ہے میرے شاہ! ہے میرے ستگورو! میں (تیرے پاسوں) ہرِ-نام دی پونجی منگدا ہاں۔

ਹਰਿ ਪੂਜੀ ਚਾਹੀ ਨਾਮੁ ਬਿਸਾਹੀ ਗੁਣ ਗਾਵੈ ਗੁਣ ਭਾਵੈ ॥

har poojee chaahee naam bisaahee gun gaavai gun bhaavai |

جیہڑا منکھّ ہرِ-نام-سرمائے دی بھال کردا ہے، ہرِ-نام دا ونج کردا ہے اہ سدا ہری دے گن گاندا رہندا ہے، گناں دے کارن اہ ہری نوں پیارا لگدا ہے۔

ਨੀਦ ਭੂਖ ਸਭ ਪਰਹਰਿ ਤਿਆਗੀ ਸੁੰਨੇ ਸੁੰਨਿ ਸਮਾਵੈ ॥

need bhookh sabh parahar tiaagee sune sun samaavai |

اہ منکھّ مایا دے موہ دی نیند مایا دی بھکھّ اکا ہی تیاگ دیندا ہے، اہ تاں سدا اس پرماتما وچ لین رہندا ہے جس دے اندر کدے مایا دے پھرنے اٹھدے ہی نہیں۔

ਵਣਜਾਰੇ ਇਕ ਭਾਤੀ ਆਵਹਿ ਲਾਹਾ ਹਰਿ ਨਾਮੁ ਲੈ ਜਾਹੇ ॥

vanajaare ik bhaatee aaveh laahaa har naam lai jaahe |

جدوں اک ہرِ-نام دا ونج کرن والے ستسنگی رل بیٹھدے ہن، تاں اہ پرماتما دے نام دی کھٹی کھٹّ کے (جگت توں) لے جاندے ہن۔

ਨਾਨਕ ਮਨੁ ਤਨੁ ਅਰਪਿ ਗੁਰ ਆਗੈ ਜਿਸੁ ਪ੍ਰਾਪਤਿ ਸੋ ਪਾਏ ॥੩॥

naanak man tan arap gur aagai jis praapat so paae |3|

ہے نانک! توں بھی آپنا من آپنا سریر گرو دے ہوالے کر دیہ (تے ہرِ-نام دا سودا گرو پاسوں ہاسل کر) پر اہ ہرِ-نام دا سودا اہی منکھّ ہاسل کردا ہے جس دے بھاگاں وچ دھروں لکھیا ہندا ہے ۔۔3۔۔

ਰਤਨਾ ਰਤਨ ਪਦਾਰਥ ਬਹੁ ਸਾਗਰੁ ਭਰਿਆ ਰਾਮ ॥

ratanaa ratan padaarath bahu saagar bhariaa raam |

(اہ منکھا سریر، مانو، اک) سمندر (ہے، جو آتمک جیون دے سریشٹ گناں-روپں) انیکاں رتناں نال نکا-نکّ بھریا پیا ہے۔

ਬਾਣੀ ਗੁਰਬਾਣੀ ਲਾਗੇ ਤਿਨੑ ਹਥਿ ਚੜਿਆ ਰਾਮ ॥

baanee gurabaanee laage tina hath charriaa raam |

جیہڑے منکھّ ہر ویلے ستگورو دی بانی وچ آپنا من جوڑی رکھدے ہن، اہناں نوں اہ رتن مل جاندے ہن۔

ਗੁਰਬਾਣੀ ਲਾਗੇ ਤਿਨੑ ਹਥਿ ਚੜਿਆ ਨਿਰਮੋਲਕੁ ਰਤਨੁ ਅਪਾਰਾ ॥

gurabaanee laage tina hath charriaa niramolak ratan apaaraa |

جیہڑے منکھّ ہر ویلے ستگورو دی بانی وچ جڑے رہندے ہن اہناں نوں بیئنت پرماتما دا اہ نام-رتن مل جاندا ہے جس دے برابر دی کیمتِ دا ہور کوئی پدارتھ نہیں ہے۔

ਹਰਿ ਹਰਿ ਨਾਮੁ ਅਤੋਲਕੁ ਪਾਇਆ ਤੇਰੀ ਭਗਤਿ ਭਰੇ ਭੰਡਾਰਾ ॥

har har naam atolak paaeaa teree bhagat bhare bhanddaaraa |

ہے پربھو! اہناں منکھاں دے ہردے وچ تیری بھگتی دے خزانے بھر جاندے ہن اہ منکھّ تیرا اہ نام-رتن پراپت کر لیندے ہن جس دے برابر دی ہور کوئی چیز نہیں ہے۔

ਸਮੁੰਦੁ ਵਿਰੋਲਿ ਸਰੀਰੁ ਹਮ ਦੇਖਿਆ ਇਕ ਵਸਤੁ ਅਨੂਪ ਦਿਖਾਈ ॥

samund virol sareer ham dekhiaa ik vasat anoop dikhaaee |

ہے بھائی! گرو دی کرپا نال جدوں میں آپنے سریر-سمندر نوں پڑتال کے ویکھیا تاں گرو نے مینوں (سریر دے اندر وسدا ہی پرماتما دا نام-روپ) سوہنا کیمتی پدارتھ وکھا دتا۔

ਗੁਰ ਗੋਵਿੰਦੁ ਗੁੋਵਿੰਦੁ ਗੁਰੂ ਹੈ ਨਾਨਕ ਭੇਦੁ ਨ ਭਾਈ ॥੪॥੧॥੮॥

gur govind guovind guroo hai naanak bhed na bhaaee |4|1|8|

ہے نانک! گرو پرماتما ہے پرماتما گرو ہے، دوہاں وچ کوئی فرک نہیں ہے، ہے بھائی! ॥4۔۔1۔۔8۔۔

ਆਸਾ ਮਹਲਾ ੪ ॥

aasaa mahalaa 4 |

آسا مہلا 4 ۔۔

ਝਿਮਿ ਝਿਮੇ ਝਿਮਿ ਝਿਮਿ ਵਰਸੈ ਅੰਮ੍ਰਿਤ ਧਾਰਾ ਰਾਮ ॥

jhim jhime jhim jhim varasai amrit dhaaraa raam |

(جویں ورکھا رتے جدوں مٹھی مٹھی پھہار پیندی ہے تاں بڑی سہاونی ٹھنڈ مہسوس کریدی ہے، تویں جس منکھّ نوں گرو مل پئے اس دے ہردے دی دھرتی اتے) آتمک جیون دین والے نام-جل دی دھار مٹھی مٹھی ورکھا کردی ہے اتے آتمک شانتی بخشدی ہے۔