دھناسری مہلا 5 ۔۔
ہے بھائی! جنھیں کمیں توں (پرماتما دی درگاہ وچ) شرمندا ہووینگا اہناں ہی کماں دی چال چلّ رہا ہیں۔
توں سنت جناں دی نندا کردا رہندا ہیں، تے، پرماتما نالوں ٹٹے ہوئے منکھاں دا آدر-ستکار کردا ہیں۔ توں اسچرج الٹی متِ گرہن کیتی ہوئی ہے ۔۔1۔۔
ہے بھائی! مایا دے موہ (وچ پھس کے) توں کراہے پے گیا ہیں، (پرماتما نوں چھڈّ کے) ہور وچ پیار پا رہا ہیں۔
تیری آپنی پانیاں تاں اتنی ہی ہے جتنی جنگل دے ہرے پتیاں دی، جتنی آکاش وچ دسّ رہی نگری دی ۔۔1۔۔ رہاؤ ۔۔
ہے بھائی! کھوتا مٹی وچ ہی (لیٹن نال) سکھ سمجھدا ہے، بھاویں اس دے سریر اتے چندن دا لیپ پئے کریئے (اہی ہال تیرا ہے)۔
آتمک جیون دین والے نام-جل نال تیرا پیار نہیں بندا۔ توں وشیاں دی ٹھگبوٹی نال پیار کردا ہیں ۔۔2۔۔
ہے بھائی! اچے جیون والے سنت جیہڑے اس سنسار (دے وکاراں) وچ بھی پوتر ہی رہندے ہن، بھلے سنجوگاں نال ہی ملدے ہن۔
(اہناں دی سنگتِ توں وانجیاں رہِ کے) تیرا کیمتی منکھا جنم وئرتھ جا رہا ہے، کچّ دے وٹے وچ جتیا جا رہا ہے ۔۔3۔۔
(ہے بھائی!) جس منکھّ دیاں اکھاں وچ گرو نے آتمک جیون دی سوجھ والا سرما پا دتا، اس دے انیکاں جنماں دے کیتے پاپ دور ہو گئے۔
سنگتِ وچ ٹک کے اہ منکھّ اہناں دکھاں-پاپانں توں بچ نکلیا، ہے نانک! (آکھ-) اس نے اک پرماتما نال پیار پا لیا ۔۔4۔۔9۔۔
دھناسری مہلا 5 ۔۔
(ہے پربھو! میہر کر) میں (تیرے) سنتاں دی سیوا وچ (رہِ کے، اہناں واستے) پانی (ڈھوندا رہاں، اہناں نوں) پکھا (جھلدا رہاں، اہناں واستے آٹا) پینہدا رہاں، تے، ہے گوبند! تیری سفت-سالاہ تیرے گن گاندا رہاں۔
میرا من ہریک ساہ دے نال (تیرا) نام چیتے کردا رہے، میں تیرا اہ نام پراپت کر لواں جو سکھ شانتی دا خزانا ہے ۔۔1۔۔
ہے میرے کھسم-پربھو! (میرے اتے) دیا کر۔
ہے میرے ٹھاکر! مینوں اہو جہی اکل بخش کِ میں سدا ہی تیرا نام سمردا رہاں ۔۔1۔۔ رہاؤ ۔۔
ہے پربھو! تیری کرپا نال (میرا اندروں) مایا دا موہ مکّ جائے، اہنکار دور ہو جائے، میری بھٹکنا دا ناس ہو جائے،
میں جتھے کتھے جا کے ویکھاں، سبھناں وچ مینوں توں آنند-سروپ ہی وسدا دسیں ۔۔2۔۔
ہے دھرتی دے خسم! توں دیال ہیں، کرپال ہیں، توں دیا دا خزانا ہیں، توں وکاریاں نوں پوتر کرن والا ہیں۔
جدوں میں اکھّ جھمکن جتنے سمے لئی بھی مونہوں تیرا نام اچاردا ہاں، مینوں اؤں جاپدا ہے کِ میں راج-بھاگ دے کروڑاں سکھ آنند مان لئے ہن ۔۔3۔۔
اہی جاپ تاپ اہی بھگتی سرے چڑھی جانو، جیہڑی پرماتما دے من وچ پسند آؤندی ہے۔
ہے نانک! پرماتما دا نام جپیاں ساری ترشنا مکّ جاندی ہے، (مائک پدارتھاں ولوں) پورے تور تے رجّ جائیدا ہے ۔۔4۔۔10۔۔
دھناسری مہلا 5 ۔۔
ہے بھائی! جس (مایا) نے سارے ترے-گنی سنسار نوں سارے چار-کوٹ جگت نوں آپنے وسّ وچ کیتا ہویا ہے، جس نے جگّ کرن والے،
اشنان کرن والے، تپ کرن والے سارے تھاں بھنّ کے رکھّ دتے ہن، اس جیو وچارے دی کیہ پانیاں ہے (کِ اس دا ٹاکرا کر سکے)؟ ॥1۔۔
ہے بھائی! جدوں منکھّ نے پرماتما دا پلا پھڑیا، تدوں اہ (مایا دے پنجے وچوں) بچ گیا۔
جدوں گرو دی کرپا نال منکھّ نے پرماتما دی سفت-سالاہ دے گیت گانے شرو کیتے، تدوں وکاراں دا روگ (اس دے اندروں) مکّ گیا ۔۔1۔۔ رہاؤ ۔۔
ہے بھائی! اہ مایا جدوں منکھّ نوں آ کے بھرماندی ہے، تدوں ناہ اس دی آواز سنیدی ہے، ناہ اہ مونہوں بولدی ہے، ناہ اہ اکھیں دسدی ہے۔
کوئی اجیہی نشیلی چیز کھوا کے منکھّ نوں کراہے پا دیندی ہے کِ سبھناں دے من وچ اہ پیاری پئی لگدی ہے ۔۔2۔۔
ہے بھائی! ماں، پیو، پتر، متر، بھرا-اس مایا نے ہریک دے ہردے وچ وتکرا پا رکھیا ہے۔
کسے پاس (مایا) بہتی ہے، کسے پاس تھوڑی ہے (بسّ، اسے غلے) سارے (آپو وچ) لڑ لڑ کے پئے کھپدے ہن ۔۔3۔۔
ہے بھائی! میں آپنے گرو توں کربان جاندا ہاں، جس نے مینوں (مایا دا) اہ تماشا (اکھیں) وکھا دتا ہے۔
(میں ویکھ لیا ہے کِ مایا دی اس) لکی ہوئی اگّ نال سارا جگت سڑ رہا ہے۔ پرماتما دی بھگتی کرن والے منکھّ اتے مایا (آپنا) زور نہیں پا سکدی ۔۔4۔۔
اہ منکھّ بڑا آتمک آنند ماندا ہے؛ اس دے (مایا والے) سارے بندھن کٹے جاندے ہن،
گرو دی کرپا نال (جس نے) پرماتما دا نام-دھن لبھّ لیا ہے، تے ہے نانک! اہ دھن کھٹّ-کما کے آپنے ہردے-گھر وچ لے آندا ہے، ॥5۔۔11۔۔
دھناسری مہلا 5 ۔۔
ہے پربھو! توں سبھ داتاں دین والا ہیں، توں مالک ہیں، توں سبھناں نوں پالن والا ہیں، توں ساڈا آگو ہیں (جیون-اگوائی دین والا ہیں)، توں ساڈا خسم ہیں۔