پھر میں جدھر جدھر ویکھاں ادھر ادھر ہی پرماتما ویاپک دسّ پئے ۔۔3۔۔
ہے جیو! جتنا چر تیریاں اکھاں وچ باہرلی (دسدی) مایا دی سندرتا کھچّ پا رہی ہے،
پربھو دے سیوکاں دا سیوک نانک بینتی کردا ہے-(اتنا چر) تیرے اندر سہم بنیا رہیگا تے توں سدا دکھی رہینگا ۔۔4۔۔2۔۔
رامکلی مہلا 1 ۔۔
(سنسار-سمندر توں پار، ہے پربھو!) جس تھاں تے توں وسدا ہیں (سنسار-سمندر وچ پھسے جیواں توں) اہ تھاں بیان نہیں ہو سکدا، (مایا-ویڑھے جیواں نوں اس تھاں دی سمجھ نہیں پے سکدی)، کوئی ورلا ہی جیو اس گپت تھاں نوں لبھّ سکدا ہے۔
(جتھے پربھو وسدا ہے) اہ تھاں پراپت کرن واستے میں (چراں توں) بھال کردا پھردا ہاں، (میرا من لوچدا ہے کِ) کوئی (گرمکھِ) آ کے مینوں اہ تھاں دسے ۔۔1۔۔
(ساڈے تے پرماتما دے وچکار سنسار-سمندر وتھّ پا رہا ہے۔
جد تک سنسار-سمندر توں پار ن لنگھیئے، تد تک اس نوں ملیا نہیں جا سکدا) سنسار-سمندر توں پار کنھاں تریکیاں نال لنگھیئے؟ جیؤندیاں مریا نہیں جا سکدا (تے، جد تک جیؤندے مریئے ناہ، تد تک سمندر تریا نہیں جا سکدا) ॥1۔۔ رہاؤ ۔۔
سرب-ویاپک پربھو سہج اوستھا دے آسن اتے (منکھّ دے ہردے وچ اک ایسے گھر وچ) بیٹھا ہویا ہے (جس دے باہر) دکھّ دروازا ہے، کرودھ راکھا ہے، آسا تے سہم (اس دکھّ-دروازے نوں) دو بھتّ لگے ہوئے ہن۔
مایا دی کھچّ اس دے دوالے، مانو، کھائی (پٹی ہوئی) ہے (جس وچ وشے وکاراں دا پانی بھریا ہویا ہے، اس) پانی وچ (منکھّ دا (ہردا-) گھر بنیا ہویا ہے ۔۔2۔۔
(اک پاسے جیو مایا وچ گھرے پئے ہن، دوجے پاسے، ہے پربھو! بھاویں) تیرے کئی نام ہن، پر کسے نام دی راہیں تیرے سارے گناں دا انت نہیں لبھّ سکدا۔ ہے ہری! تیرے برابر دا ہور کوئی نہیں ہے۔
(من دے اجیہے بھاو) اچی بول کے دسن دی بھی لوڑ نہیں ہے، انتر آتمے ہی ٹکے رہنا چاہیدا ہے۔ سرب-ویاپک پربھو سبھ دے دلاں دی آپ ہی جاندا ہے، (سبھ دے اندر پریرک ہو کے) آپ ہی (سبھ کجھ) کر رہا ہے ۔۔3۔۔
جد تک (جیو دے من وچ مایا دیاں) آساں ہن، تد تک سہم-فکر ہن (سہماں فکراں وچ رہِ کے) کسے تراں بھی جیو اکّ پرماتما نوں سمر نہیں سکدا۔
پر ہے نانک! جدوں منکھّ آسا وچ رہندا ہویا ہی آساں توں نرلیپ ہو جاندا ہے تدوں (اس نوں) پرماتما مل پیندا ہے ۔۔4۔۔
(مایا وچ رہندے ہوئے ہی مایا توں نرلیپ رہنا ہے، بسّ!) اہناں تریکیاں نال ہی سنسار-سمندر توں پار لنگھ جائیدا ہے،
تے اسے تراں ہی جیوندیاں مریدا ہے۔1۔رہاؤ دوجا ۔۔1۔۔رہاؤ دوجا۔۔3۔۔
رامکلی مہلا 1 ۔۔
(جو پربھو سارے) جگت نوں سندا ہے (بھاو، سارے جگت دی سداء سندا ہے) اس دے چرناں وچ سرت جوڑنی میری سداء ہے، اس نوں آپنے اندر ساکھیات ویکھنا (اس دے در تے) میری سننی وجّ رہی ہے۔
(اس در توں بھچھیا) منگن لئی آپنے آپ نوں یوگ پاتر بنانا میں (موڈھے اتے) جھولی پائی ہوئی ہے، تا کِ مینوں نام-بھچھیا مل جائے ۔۔1۔۔
ہے جوگی! (میں بھی گورکھ دا چیلا ہاں، پر میرا) گورکھ (سدا جیؤندا) جاگدا ہے۔
(میرا) گورکھ اہ ہے جس نے سرشٹی پیدا کیتی ہے، تے پیدا کردیاں چر نہیں لگدا ۔۔1۔۔ رہاؤ ۔۔
(جس پرماتما نے) پانی پؤن (آدک تتاں) وچ (جیواں دے) پران ٹکا کے رکھّ دتے ہن، سورج تے چندرما مکھی دیوے بنائے ہن،
وسن واستے (جیواں نوں) دھرتی دتی ہے (جیواں نے اس نوں بھلا کے اس دے) اتنے اپکار وسار دتے ہن ۔۔2۔۔
جگت وچ انیکاں جنگم جوگی پیر جوگ-سادھناں وچ پگے ہوئے جوگی اتے ہور سادھن کرن والے ویکھن وچ آؤندے ہن،
پر میں تاں جے اہناں نوں ملانگا تاں (اہناں نال مل کے) پرماتما دی سفتِ-سالاہ ہی کرانگا (میرا جیون-نشانا اہی ہے) میرا من پربھو دا سمرن ہی کریگا ۔۔3۔۔
جویں لون گھیو وچ پیا گلدا نہیں، جویں کاغز گھیو وچ رکھیا گلدا نہیں، جویں کول پھلّ پانی وچ رہاں کملاندا نہیں،
اسے تراں، ہے داس نانک! بھگت جن پرماتما دے چرناں وچ ملے رہندے ہن، جم اہناں دا کجھ وگاڑ نہیں سکدا ۔۔4۔۔4۔۔
رامکلی مہلا 1 ۔۔
نانک آکھدا ہے-ہے ماچھندر! سن۔
(اسل ورکت کامادک) پنجے وکاراں نوں آپنے وسّ وچ کری رکھدا ہے (اہناں دے ساہمنے) اہ کدے ڈولدا نہیں۔
اہ ورکت اس تراں دی جیون-جگتِ نوں سمبھال رکھدا ہے، اہی ہے اس دا جوگ-سادھن۔
(اس جگتِ نال اہ) آپ (سنسار-سمندر دے وکاراں وچوں) پار لنگھ جاندا ہے، تے آپنیاں ساریاں کلاں نوں بھی پار لنگھا لیندا ہے ۔۔1۔۔
(ہے ماچھندر! اسل) ورکت اہ ہے جس نوں اجیہی سمجھ آ جاندی ہے،
کِ اہ دن رات ایسے آتمک ٹکاؤ وچ ٹکیا رہندا ہے جتھے مایا دے پھرنیاں ولوں سننج ہی سننج ہندی ہے ۔۔1۔۔ رہاؤ ۔۔
(ہے ماچھندر! اسل ورکت) پرماتما دے پیار وچ بھگتی وچ اتے ڈر-ادب وچ جیون بتیت کردا ہے، اہ ہے اس دی (آتمک) بھچھیا (جو اہ پربھو دے در توں ہاسل کردا ہے۔
اس بھچھیا نال اس دے اندر سنتوکھ پیدا ہندا ہے، تے) اس امولک سنتوکھ نال اہ رجیا رہندا ہے (بھاو، اس نوں مایا دی بھکھّ نہیں ویاپدی)۔
(پربھو دے پریم تے بھگتی دی برکتِ نال اہ ورکت) پربھو نال اکّ-روپ ہو جاندا ہے، اس لو-لینتا دا اہ (آپنے آتما واستے) آسن وچھاندا ہے۔
سدا-تھر رہن والے پربھو وچ، پرماتما دے نام وچ اہ آپنا چتّ جوڑدا ہے، اہ (اس ورکت دی) تاڑی ہے ۔۔2۔۔
نانک آتمک جیون دین والی بانی آکھدا ہے-
ہے ماچھندر! سن۔ ورکت دے لچھن اہ ہن کِ
(اسلی ورکت) دنیا دیاں آساں وچ رہندا ہویا بھی آساں توں نرلیپ جیون گزاردا ہے،
تے اس تراں ہے نانک! اہ یکینی تور تے پرماتما نوں پراپت کر لیندا ہے ۔۔3۔۔
نانک بینتی کردا ہے-(ہے ماچھندر! اسل ورکت) اپہنچ پربھو دی سفتِ-سالاہ آپ سندا ہے تے ہورناں نوں) سناندا ہے۔
(گرو دی سکھیا اتے تر کے اسل ورکت) گرو وچ آپنا آپ ملا دیندا ہے۔
گرو دی سکھیا دی آتمک خوراک کھاندا ہے، گرو دی سکھیا دی دوائی کھاندا ہے (جو اس دے آتمک روگاں دا الاج کردی ہے)۔