شری گرو گرنتھ صاحب جی

انگ - 462

ਜਨਮ ਮਰਣ ਅਨੇਕ ਬੀਤੇ ਪ੍ਰਿਅ ਸੰਗ ਬਿਨੁ ਕਛੁ ਨਹ ਗਤੇ ॥

janam maran anek beete pria sang bin kachh nah gate |

جنم مرن دے انیکاں گیڑ لنگھ گئے ہن، پر پیارے پربھو دی سنگتِ توں بنا میرا کوئی چنگا ہال نہیں ہے۔

ਕੁਲ ਰੂਪ ਧੂਪ ਗਿਆਨਹੀਨੀ ਤੁਝ ਬਿਨਾ ਮੋਹਿ ਕਵਨ ਮਾਤ ॥

kul roop dhoop giaanaheenee tujh binaa mohi kavan maat |

(ہے پیارے پربھو!) میری کوئی چنگی کل نہیں، میرا سندر روپ نہیں، اندر (گناں دی) سگندھی نہیں، مینوں آتمک جیون دی کوئی سوجھ-بوجھ نہیں (ہے پیارے!) تیتھوں بنا میرا ہور کوئی راکھا نہیں۔

ਕਰ ਜੋੜਿ ਨਾਨਕੁ ਸਰਣਿ ਆਇਓ ਪ੍ਰਿਅ ਨਾਥ ਨਰਹਰ ਕਰਹੁ ਗਾਤ ॥੧॥

kar jorr naanak saran aaeio pria naath narahar karahu gaat |1|

(تیرا سیوک) نانک (دوویں) ہتھ جوڑ کے تیری سرن پیا ہے، ہے پیارے! ہے ناتھ! ہے پربھو! میری آتمک اوستھا اچی بنا ۔۔1۔۔

ਮੀਨਾ ਜਲਹੀਨ ਮੀਨਾ ਜਲਹੀਨ ਹੇ ਓਹੁ ਬਿਛੁਰਤ ਮਨ ਤਨ ਖੀਨ ਹੇ ਕਤ ਜੀਵਨੁ ਪ੍ਰਿਅ ਬਿਨੁ ਹੋਤ ॥

meenaa jalaheen meenaa jalaheen he ohu bichhurat man tan kheen he kat jeevan pria bin hot |

جدوں مچھی پانی توں وچھڑ جاندی ہے، جدوں مچھی پانی توں وچھڑ جاندی ہے، پانی توں وچھڑیاں اس دا من اس دا سریر لسا ہو جاندا ہے۔ پیارے (پانی) توں بنا اہ کویں جیؤ سکدی ہے؟

ਸਨਮੁਖ ਸਹਿ ਬਾਨ ਸਨਮੁਖ ਸਹਿ ਬਾਨ ਹੇ ਮ੍ਰਿਗ ਅਰਪੇ ਮਨ ਤਨ ਪ੍ਰਾਨ ਹੇ ਓਹੁ ਬੇਧਿਓ ਸਹਜ ਸਰੋਤ ॥

sanamukh seh baan sanamukh seh baan he mrig arape man tan praan he ohu bedhio sahaj sarot |

ہرن آتمک جیون دین والی (گھنڈے ہیڑے دی آواز) سن کے آپنا من آپنا سریر آپنی جند (سبھ کجھ اس مٹھی سر توں) سدکے کر دیندا ہے، سدھا مونہ اتے اہ (شکاری دا) تیر سہاردا ہے، ساہمنے مونہ رکھّ کے تیر سہاردا ہے۔

ਪ੍ਰਿਅ ਪ੍ਰੀਤਿ ਲਾਗੀ ਮਿਲੁ ਬੈਰਾਗੀ ਖਿਨੁ ਰਹਨੁ ਧ੍ਰਿਗੁ ਤਨੁ ਤਿਸੁ ਬਿਨਾ ॥

pria preet laagee mil bairaagee khin rahan dhrig tan tis binaa |

ہے پیارے! میری پریتِ (تیرے چرناں وچ) لگّ گئی ہے۔ (ہے پربھو! مینوں) مل، میرا چتّ (دنیا ولوں) اداس ہے۔ اس پیارے دے ملاپ توں بنا جے اہ سریر اک کھن بھی ٹکیا رہِ سکے تاں اہ سریر پھٹکار-جوگا ہے۔

ਪਲਕਾ ਨ ਲਾਗੈ ਪ੍ਰਿਅ ਪ੍ਰੇਮ ਪਾਗੈ ਚਿਤਵੰਤਿ ਅਨਦਿਨੁ ਪ੍ਰਭ ਮਨਾ ॥

palakaa na laagai pria prem paagai chitavant anadin prabh manaa |

ہے پیارے پربھو! مینوں نیند نہیں پیندی، تیرے چرناں وچ میری پریت لگی ہوئی ہے، میرا من ہر ویلے تینوں ہی چتار رہا ہے۔

ਸ੍ਰੀਰੰਗ ਰਾਤੇ ਨਾਮ ਮਾਤੇ ਭੈ ਭਰਮ ਦੁਤੀਆ ਸਗਲ ਖੋਤ ॥

sreerang raate naam maate bhai bharam duteea sagal khot |

جیہڑے وڈ-بھاگی پرماتما دے پریم-رنگم وچ رنگے جاندے ہن جیہڑے اس دے نام وچ مست ہو جاندے ہن، اہ دنیا دے سارے ڈر مایا دی بھٹکنا اہ سبھ کجھ دور کر لیندے ہن۔

ਕਰਿ ਮਇਆ ਦਇਆ ਦਇਆਲ ਪੂਰਨ ਹਰਿ ਪ੍ਰੇਮ ਨਾਨਕ ਮਗਨ ਹੋਤ ॥੨॥

kar meaa deaa deaal pooran har prem naanak magan hot |2|

ہے نانک! (آکھ-) ہے سرب-ویاپک دیال ہری! میرے اتے میہر کر، ترس کر، میں سدا تیرے پیار وچ مست رہاں ۔۔2۔۔

ਅਲੀਅਲ ਗੁੰਜਾਤ ਅਲੀਅਲ ਗੁੰਜਾਤ ਹੇ ਮਕਰੰਦ ਰਸ ਬਾਸਨ ਮਾਤ ਹੇ ਪ੍ਰੀਤਿ ਕਮਲ ਬੰਧਾਵਤ ਆਪ ॥

aleeal gunjaat aleeal gunjaat he makarand ras baasan maat he preet kamal bandhaavat aap |

(کول-پھلاں دے دوالے) بھورے گنجار پاندے ہن، بھورے نتّ گنجار پاندے ہن، کول-پھلاں دی دھوڑی دے رس دی سگندھی وچ مست ہندے ہن، پریتی دے کھچے ہوئے اہ آپنے آپ نوں کول-پھلاں وچ بنھا لیندے ہن۔

ਚਾਤ੍ਰਿਕ ਚਿਤ ਪਿਆਸ ਚਾਤ੍ਰਿਕ ਚਿਤ ਪਿਆਸ ਹੇ ਘਨ ਬੂੰਦ ਬਚਿਤ੍ਰਿ ਮਨਿ ਆਸ ਹੇ ਅਲ ਪੀਵਤ ਬਿਨਸਤ ਤਾਪ ॥

chaatrik chit piaas chaatrik chit piaas he ghan boond bachitr man aas he al peevat binasat taap |

(بھاویں سر تے ٹوبھے پانی نال بھرے پئے ہن، پر) پپیہے دے چتّ نوں (بدلاں دی بوند دی) پیاس ہے، پپیہے دے چتّ نوں (سرف بدلاں دی بوند دی) تریہ ہے، اس دے من وچ بدلاں دی بوند دی ہی تانگھ ہے۔ جدوں پپیہا اس مست کرا دین والی بوند نوں پیندا ہے، تاں اس دی تپش مٹدی ہے۔

ਤਾਪਾ ਬਿਨਾਸਨ ਦੂਖ ਨਾਸਨ ਮਿਲੁ ਪ੍ਰੇਮੁ ਮਨਿ ਤਨਿ ਅਤਿ ਘਨਾ ॥

taapaa binaasan dookh naasan mil prem man tan at ghanaa |

ہے جیواں دے دکھّ-کلیش ناس کرن والے! تاپ ناس کرن والے! (میری تیرے در تے بینتی ہے، مینوں) مل، میرے من وچ میرے ہردے وچ (تیرے چرناں دا) بہت ڈونگھا پریم ہے۔

ਸੁੰਦਰੁ ਚਤੁਰੁ ਸੁਜਾਨ ਸੁਆਮੀ ਕਵਨ ਰਸਨਾ ਗੁਣ ਭਨਾ ॥

sundar chatur sujaan suaamee kavan rasanaa gun bhanaa |

توں میرا سوہنا چتر سیانا مالک ہیں۔ میں (آپنی) جیبھ نال تیرے کیہڑے کیہڑے گن بیان کراں؟

ਗਹਿ ਭੁਜਾ ਲੇਵਹੁ ਨਾਮੁ ਦੇਵਹੁ ਦ੍ਰਿਸਟਿ ਧਾਰਤ ਮਿਟਤ ਪਾਪ ॥

geh bhujaa levahu naam devahu drisatt dhaarat mittat paap |

ہے وکاراں وچ ڈگے ہویاں نوں پوتر کرن والے ہری! مینوں باہوں پھڑ کے آپنی چرنیں لا لوو، مینوں آپنا نام بخشو، تیری نگاہ میرے اتے پیندیاں ہی میرے سارے پاپ مٹ جاندے ہن۔

ਨਾਨਕੁ ਜੰਪੈ ਪਤਿਤ ਪਾਵਨ ਹਰਿ ਦਰਸੁ ਪੇਖਤ ਨਹ ਸੰਤਾਪ ॥੩॥

naanak janpai patit paavan har daras pekhat nah santaap |3|

نانک بینتی کردا ہے-ہے ہری! تیرا درسن کیتیاں کوئی دکھّ-کلیش پوہ نہیں سکدا ۔۔3۔۔

ਚਿਤਵਉ ਚਿਤ ਨਾਥ ਚਿਤਵਉ ਚਿਤ ਨਾਥ ਹੇ ਰਖਿ ਲੇਵਹੁ ਸਰਣਿ ਅਨਾਥ ਹੇ ਮਿਲੁ ਚਾਉ ਚਾਈਲੇ ਪ੍ਰਾਨ ॥

chitvau chit naath chitvau chit naath he rakh levahu saran anaath he mil chaau chaaeele praan |

ہے میرے کھسم-پربھو! میں چتّ (وچ تینوں ہی) چتاردا ہاں، ہے ناتھ! میں چتّ وچ تینوں ہی یاد کردا ہاں۔ مینوں اناتھ نوں آپنی سرن وچ رکھّ لے۔ (ہے ناتھ! مینوں) مل (تینوں ملن لئی میرے اندر) چاؤ ہے، میری جند تیرے درسن لئی اتشاہ وچ آئی ہوئی ہے۔

ਸੁੰਦਰ ਤਨ ਧਿਆਨ ਸੁੰਦਰ ਤਨ ਧਿਆਨ ਹੇ ਮਨੁ ਲੁਬਧ ਗੋਪਾਲ ਗਿਆਨ ਹੇ ਜਾਚਿਕ ਜਨ ਰਾਖਤ ਮਾਨ ॥

sundar tan dhiaan sundar tan dhiaan he man lubadh gopaal giaan he jaachik jan raakhat maan |

ہے پربھو! تیرے سوہنے سروپ وچ میری سرتِ جڑی ہوئی ہے، تیرے سوہنے سریر ول میرا دھیان لگا ہویا ہے۔ ہے گوپال! میرا من تیرے نال ڈونگھی سانجھ پان واستے للچا رہا ہے۔ توں اہناں (وڈ-بھاگیاں) دا مان رکھدا ہیں جیہڑے تیرے در دے منگتے بندے ہن۔

ਪ੍ਰਭ ਮਾਨ ਪੂਰਨ ਦੁਖ ਬਿਦੀਰਨ ਸਗਲ ਇਛ ਪੁਜੰਤੀਆ ॥

prabh maan pooran dukh bideeran sagal ichh pujanteea |

ہے پربھو! آپنے در دے منگتیاں دا آدر-مان کردا ہیں، توں اہناں دے دکھاں دا ناس کردا ہیں، (تیری میہر نال اہناں دیاں) ساریاں منوکامنا پوریاں ہو جاندیاں ہن۔

ਹਰਿ ਕੰਠਿ ਲਾਗੇ ਦਿਨ ਸਭਾਗੇ ਮਿਲਿ ਨਾਹ ਸੇਜ ਸੋਹੰਤੀਆ ॥

har kantth laage din sabhaage mil naah sej sohanteea |

جیہڑے (وڈ-بھاگی منکھّ) پربھو-پتیو دے گل نال لگدے ہن، اہناں (دی زندگی) دے دن بھاگاں والے ہو جاندے ہن، کھسم-پربھو نوں مل کے اہناں دے ہردے دی سیج سوہنی بن جاندی ہے۔

ਪ੍ਰਭ ਦ੍ਰਿਸਟਿ ਧਾਰੀ ਮਿਲੇ ਮੁਰਾਰੀ ਸਗਲ ਕਲਮਲ ਭਏ ਹਾਨ ॥

prabh drisatt dhaaree mile muraaree sagal kalamal bhe haan |

جنھاں اتے پربھو میہر دی نگاہ کردا ہے، جنھاں نوں پرماتما مل پیندا ہے، اہناں دے (پچھلے کیتے) سارے پاپ ناس ہو جاندے ہن۔

ਬਿਨਵੰਤਿ ਨਾਨਕ ਮੇਰੀ ਆਸ ਪੂਰਨ ਮਿਲੇ ਸ੍ਰੀਧਰ ਗੁਣ ਨਿਧਾਨ ॥੪॥੧॥੧੪॥

binavant naanak meree aas pooran mile sreedhar gun nidhaan |4|1|14|

نانک بینتی کردا ہے (-ہے بھائی!) لچھمی-پتیی پربھو سارے گناں دا خزانا-پربھو مینوں مل پیا ہے، میری من دی مراد پوری ہو گئی ہے ۔۔4۔۔1۔۔14۔۔

ੴ ਸਤਿ ਨਾਮੁ ਕਰਤਾ ਪੁਰਖੁ ਨਿਰਭਉ ਨਿਰਵੈਰੁ ਅਕਾਲ ਮੂਰਤਿ ਅਜੂਨੀ ਸੈਭੰ ਗੁਰਪ੍ਰਸਾਦਿ ॥

ik oankaar sat naam karataa purakh nirbhau niravair akaal moorat ajoonee saibhan guraprasaad |

اکال پرکھ اکّ ہے؛ جس دا نام 'ہوند والا' ہے، جو سرشٹی دا رچنہار ہے، جو سبھ وچ ویاپک ہے، بھے توں رہت ہے، ویر-رہت ہے، جس دا سروپ کال توں پرے ہے، (بھاو، جس دا سریر ناس-رہت ہے) جو جوناں وچ نہیں آؤندا، جس دا پرکاش آپنے آپ توں ہویا ہے اتے جو ستگورو دی کرپا نال ملدا ہے۔