جنھاں نے، جنھاں نے گرو مہاپرکھ دا درسن نہیں کیتا،
اہناں دا جنم بے-فائدا، بے-فائدا گیا، تے اہناں نے جیون وئرتھ گوا لیا۔
اہناں نے آپنا جنم وئرتھ اکارتھ گوا لیا، پرماتما نالوں ٹٹے ہوئے اہ منکھّ آتمک موتے مر گئے۔
ہردے-گھر وچ کیمتی نام-رتن ہندیاں بھی اہ بد-نسیب مروں-مروں کردے رہے، تے، پرماتما توں وچھڑے رہے۔
ربّ کر کے تساں اہناں دا درسن ناہ کرنا جنھاں منکھاں نے پرماتما دا نام نہیں سمریا،
تے جنھاں نے گرو مہاپرکھ دا درسن، درسن نہیں کیتا ۔۔3۔۔
میں نمانا پپیہا، نمانا پپیہا ہاں تے میں پرماتما پاس بینتی کردا ہاں،
کِ مینوں میرا پیارا گرو ملا، گرو ستگورو نوں مل کے میں پرماتما دی بھگتی کرانگا۔
گرو نوں مل کے پرماتما دی بھگتی اسیں تدوں ہی کر سکدے ہاں جدوں پرماتما کرپا کردا ہے۔
گرو توں بنا مینوں کوئی ہور مددگار نہیں دسدا، گرو ہی میری زندگی (دا آسرا) ہے۔
نانک آکھدا ہے- کِ گرو نے میرے ہردے ہرِ-نام پکا کیتا ہے جو سدا کائم رہن والا ہے۔
میں نمانا پپیہا، نمانا پپیہا ہاں تے میں پرماتما پاس بینتی کردا ہاں ۔۔4۔۔3۔۔
وڈہنسُ مہلا 4 ۔۔
ہے ہری، میہر کر! ہے ہری، میہر کر! مینوں آتمک آنند دین والا گرو ملا،
میں گرو پاسوں پرماتما دی سفت-سالاہ دیاں گلاں پچھیا کرانگا۔
اس گرو پاسوں میں پرماتما دی سفت-سالاہ دیاں گلاں پچھیا کرانگا، جس نے پرماتما دا امولک نام-رتن ہاسل کیتا ہویا ہے۔
جس گرو نے جیون دا سہیہ رستا دسیا ہے، میں اس گرو دی سدا چرنیں لگانگا تے اس گرو اگے بینتی کرانگا۔
اہ (گرو) ہی (اسل) بھگت ہے، گرو دکھ تے سکھ نوں اکو جہا کر کے جاندا ہے، گرو سدا پرماتما دے نام-رنگ وچ رنگیا رہندا ہے۔
ہے ہری، میہر کر! ہے ہری، میہر کر! مینوں آتمک آنند دین والا گرو ملا ۔۔1۔۔
جو گرو دی سرن پے کے گرمت سندا ہے، اس دے نام دی راہیں ہؤمے آدک سارے پاپ ناس ہو جاندے ہن۔
ہرِ-نام جپ کے، ہرِ-نام جپ کے جگت وچ (جتنے بھی) دکھّ-کلیش (ہن اہ سارے) لہِ جاندے ہن۔
جنھاں نے پرماتما دا نام سمریا ہے، اہناں دے سارے دکھّ پاپ دور ہو جاندے ہن۔
جنھاں نوں گرو نے ہتھ وچ آتمک جیون دی سوجھ دا کھنڈا پھڑا دتا انھاں دے جمراج دے دوت مر مکا گئے۔
سکھاں دے داتے ہری-پربھو نے جس منکھّ اتے میہر کیتی، اس دے سارے دکھّ پاپ کلیش لہِ گئے۔
گرو دی سرن پے کے پرماتما دا نام سنیا کر انج ہؤمے آدک سارے پاپ ناس ہو جاندے ہن ۔۔2۔۔
ہرِ-نام جپ کے، ہرِ-نام جپ کے میرے من وچ پرماتما دا نام پیارا لگّ رہا ہے۔
گرو دی سرن پے کے مونہ نال ہرِ-نام جپن نال سارے روگ دور ہو جاندے ہن۔
گرو دی سرن پے کے مونہ نال ہرِ-نام جپن نال سارے روگ دور ہو جاندے ہن تے سریر نروآ ہو جاندا ہے۔
ڈونگھے تے وڈے جگرے والے ہری دا نام جپیاں ہر ویلے آتمک اڈولتا وچ سرت جڑی رہندی ہے۔
اچی جاتِ دے ہون چاہے نیویں جاتِ دے، جنھاں نے ہری-نام سمریا ہے اہناں نے اہ سبھ توں سریشٹ (نام-) پدارتھ ہاسل کر لیا ہے۔
ہرِ-نام جپ کے، ہرِ-نام جپ کے میرے من وچ پرماتما دا نام پیارا لگّ رہا ہے ۔۔3۔۔