شری گرو گرنتھ صاحب جی

انگ - 989

ਰਾਗੁ ਮਾਰੂ ਮਹਲਾ ੧ ਘਰੁ ੧ ਚਉਪਦੇ ॥

raag maaroo mahalaa 1 ghar 1 chaupade |

راگ مارو، گھر 1 وچّ گرو نانکدیو جی دی چار-بنداں والی بانی۔

ੴ ਸਤਿ ਨਾਮੁ ਕਰਤਾ ਪੁਰਖੁ ਨਿਰਭਉ ਨਿਰਵੈਰੁ ਅਕਾਲ ਮੂਰਤਿ ਅਜੂਨੀ ਸੈਭੰ ਗੁਰਪ੍ਰਸਾਦਿ ॥

ik oankaar sat naam karataa purakh nirbhau niravair akaal moorat ajoonee saibhan guraprasaad |

اکال پرکھ اکّ ہے، جس دا نام 'ہوند والا' ہے جو سرشٹی دا رچنہار ہے، جو سبھ وچ ویاپک ہے، بھے توں رہت ہے، ویر-رہت ہے، جس دا سروپ کال توں پرے ہے، (بھاو، جس دا سریر ناس-رہت ہے)، جو جوناں وچ نہیں آؤندا، جس دا پرکاش آپنے آپ توں ہویا ہے اتے جو ستگورو دی کرپا نال ملدا ہے۔

ਸਲੋਕੁ ॥

salok |

سلوکُ ۔۔

ਸਾਜਨ ਤੇਰੇ ਚਰਨ ਕੀ ਹੋਇ ਰਹਾ ਸਦ ਧੂਰਿ ॥

saajan tere charan kee hoe rahaa sad dhoor |

ہے متر-پربھو! (میری ارداس ہے کِ) میں سدا تیرے چرناں دی دھوڑ بنیا رہاں۔

ਨਾਨਕ ਸਰਣਿ ਤੁਹਾਰੀਆ ਪੇਖਉ ਸਦਾ ਹਜੂਰਿ ॥੧॥

naanak saran tuhaareea pekhau sadaa hajoor |1|

میں نانک تیری شرن آیا ہاں۔ (میہر کر، سمرتھا بخش کِ) میں سدا تینوں آپنے انگ سنگ ویکھدا رہاں ۔۔1۔۔

ਸਬਦ ॥

sabad |

سبد ۔۔

ਪਿਛਹੁ ਰਾਤੀ ਸਦੜਾ ਨਾਮੁ ਖਸਮ ਕਾ ਲੇਹਿ ॥

pichhahu raatee sadarraa naam khasam kaa lehi |

جنھاں (وڈ-بھاگی) بندیاں نوں امرت ویلے پرماتما آپ پیار-بھریا سدا بھیجدا ہے (پریرنا کردا ہے) اہ اس ویلے اٹھّ کے کھسم-پربھو دا نام لیندے ہن۔

ਖੇਮੇ ਛਤ੍ਰ ਸਰਾਇਚੇ ਦਿਸਨਿ ਰਥ ਪੀੜੇ ॥

kheme chhatr saraaeiche disan rath peerre |

تمبو، چھتر، کناتاں رتھ (اہناں دے در تے ہر ویلے) تیار دسدے ہن۔

ਜਿਨੀ ਤੇਰਾ ਨਾਮੁ ਧਿਆਇਆ ਤਿਨ ਕਉ ਸਦਿ ਮਿਲੇ ॥੧॥

jinee teraa naam dhiaaeaa tin kau sad mile |1|

اہ سارے (دنیا دی مان-وڈیائی دے پدارتھ) اہناں نوں آپنے آپ آ ملدے ہن، جنھاں نے (ہے پربھو!) تیرا نام سمریا ہے ۔۔1۔۔

ਬਾਬਾ ਮੈ ਕਰਮਹੀਣ ਕੂੜਿਆਰ ॥

baabaa mai karamaheen koorriaar |

(پر) ہے پربھو! میں مند-بھاگی (ہی رہا)، میں کوڑے پدارتھاں دے ونج ہی کردا رہا۔

ਨਾਮੁ ਨ ਪਾਇਆ ਤੇਰਾ ਅੰਧਾ ਭਰਮਿ ਭੂਲਾ ਮਨੁ ਮੇਰਾ ॥੧॥ ਰਹਾਉ ॥

naam na paaeaa teraa andhaa bharam bhoolaa man meraa |1| rahaau |

(مایا دے موہ وچ) انھا ہویا ہویا میرا من (مایا دی خاتر) بھٹکنا وچ ہی کراہے پیا رہا، تے میں تیرا نام پراپت ناہ کر سکیا ۔۔1۔۔ رہاؤ ۔۔

ਸਾਦ ਕੀਤੇ ਦੁਖ ਪਰਫੁੜੇ ਪੂਰਬਿ ਲਿਖੇ ਮਾਇ ॥

saad keete dukh parafurre poorab likhe maae |

ہے ماں! میں دنیا دے انیکاں پدارتھاں دے سواد ماندا رہا، ہن توں پہلے سارے بیئنت لمے جیون-سفرن وچ کیتے کرماں دے سنسکار میرے من وچ اکردے گئے (تے اہناں بھوگاں دے اوز وچ میرے واستے) دکھّ ودھدے گئے۔

ਸੁਖ ਥੋੜੇ ਦੁਖ ਅਗਲੇ ਦੂਖੇ ਦੂਖਿ ਵਿਹਾਇ ॥੨॥

sukh thorre dukh agale dookhe dookh vihaae |2|

سکھ تاں تھوڑے ہی مانے، پر دکھّ بیئنت اگم پئے، ہن میری امر دکھّ وچ ہی گزر رہی ہے ۔۔2۔۔

ਵਿਛੁੜਿਆ ਕਾ ਕਿਆ ਵੀਛੁੜੈ ਮਿਲਿਆ ਕਾ ਕਿਆ ਮੇਲੁ ॥

vichhurriaa kaa kiaa veechhurrai miliaa kaa kiaa mel |

اہناں بندیاں دا جو پرماتما نالوں وچھڑے ہوئے ہن ہور کس پیارے پدارتھ نالوں وچھوڑا ہے؟ (سبھ توں کیمتی پدارتھ تاں ہرِ-نام ہی سی جس توں اہ وچھڑ گئے)۔ اہناں جیواں دا جو پربھو-چرناں وچ جڑے ہوئے ہن ہور کس سریشٹ پدارتھ نال میل باکی رہِ گیا؟ (اہناں نوں ہور کسے پدارتھ، لوڑ ہی ناہ رہِ گئی)۔

ਸਾਹਿਬੁ ਸੋ ਸਾਲਾਹੀਐ ਜਿਨਿ ਕਰਿ ਦੇਖਿਆ ਖੇਲੁ ॥੩॥

saahib so saalaaheeai jin kar dekhiaa khel |3|

سدا اس مالک دی سفت-سالاہ کرنی چاہیدی ہے جس نے اہ جگت-تماشا رچیا ہے تے رچ کے اس دی سمبھال کر رہا ہے ۔۔3۔۔

ਸੰਜੋਗੀ ਮੇਲਾਵੜਾ ਇਨਿ ਤਨਿ ਕੀਤੇ ਭੋਗ ॥

sanjogee melaavarraa in tan keete bhog |

پرماتما دی بخشش دے سنجوگ نال اس منکھا سریر نال سوہنا ملاپ ہویا سی، پر اس سریر وچ آ کے مائک پدارتھاں دے رس ہی ماندے رہے۔

ਵਿਜੋਗੀ ਮਿਲਿ ਵਿਛੁੜੇ ਨਾਨਕ ਭੀ ਸੰਜੋਗ ॥੪॥੧॥

vijogee mil vichhurre naanak bhee sanjog |4|1|

ہے نانک! جدوں اس دی رزا وچ موت آئی، منکھا سریر نالوں وچھوڑا ہو گیا، (پر مائک پدارتھاں دے ہی بھوگاں دے کارن) مڑ مڑ انیکاں جنماں دے گیڑ لنگھنے پئے ۔۔4۔۔1۔۔