اسیں جیو اہی کجھ کر سکدے ہاں جو کجھ پرماتما ساتھوں کراندا ہے۔
ہے نانک! (آکھ-ہے پربھو!) تیرے داس تیری ہی شرن پئے رہندے ہن ۔۔2۔۔7۔۔71۔۔
سورٹھِ مہلا 5 ۔۔
ہے بھائی! جدوں پرماتما دا نام ہردے وچ چنگی تراں وسا لیا جاندا ہے،
تدوں اساں جیواں دا سارا جیون-منورتھ سپھل ہو جاندا ہے۔
ہے بھائی! اس منکھّ دا من پرماتما دے چرناں وچ لین رہندا ہے،
جس دے بھاگ چنگی تراں جاگ پیندے ہن ۔۔1۔۔
(ہے بھائی! جس بھی منکھّ نے) سادھ سنگتِ وچ مل کے پرماتما دا نام سمریا،
اٹھے پہر (ہر ویلے) پرماتما دا نام یاد کیتا، اس نے ہریک من-منگی مراد پا لئی رہاؤ۔۔
(سادھ سنگتِ وچ مل کے جدوں کسے منکھّ دے) انیکاں پوربلے جنماں دے سنسکاراں دا بیج اگّ پیندا ہے (پوربلے سنسکار جاگ پیندے ہن)
(تدوں اس دا) من پرماتما دے نام وچ لگن لگّ پیندا ہے۔
اہ منکھّ منوں تنوں پرماتما دے دیدار وچ مست رہندا ہے،
ہے داس نانک! (آکھ-) اہ منکھّ سدا-تھر رہن والے پرماتما دے گن گاندا رہندا ہے ۔۔2۔۔8۔۔72۔۔
سورٹھِ مہلا 5 ۔۔
ہے سنت جنو! (جس منکھّ نے) گرو نوں مل کے پرماتما نوں یاد کرنا شرو کر دتا،
اس نے آپنے سارے کمّ سوار لئے۔
اہ منکھّ (کسے نوں) کوئی بھیڑے بول نہیں بولدا،
اہ ساری لکائی نوں پربھو دی سفت-سالاہ ہی سناندا رہندا ہے ۔۔1۔۔
ہے سنت جنو! مالک-پربھو دا آسرا پکا آسرا ہے،
(کیونکِ) سارے جیو اس پربھو دے ہتھ وچ ہن، اتے، اہ پربھو ہریک جیو دے دل دی جانن والا ہے رہاؤ۔۔
ہے سنت جنو! (جس منکھّ نے پربھو دا پکا آسرا لیا، پربھو نے اس دے) سارے کمّ سوار دتے۔
پربھو نے آپنا اہ مڈھّ-کدیماں دا (پیار والا) سبھاؤ سدا ہی چیتے رکھیا ہویا ہے۔
(ہے سنت جنو!) پرماتما دا نام وکاریاں نوں پوتر کرن والا ہے۔
ہے داس نانک! (آکھ-میں اس توں) سدا سدکے جاندا ہاں ۔۔2۔۔9۔۔73۔۔
سورٹھِ مہلا 5 ۔۔
ہے بھائی! پرماتما نے اس چھوٹے بچے (ہرگوبند) نوں ساجیا تے سواریا۔
(سادھ سنگتِ دی ارداس سن کے) گرو نے اس نوں بچا لیا ہے۔
(گرو پرماتما دی میہر دا سدکا اس دے) ماپے بیشک خشی منان،
پرماتما ہی جند دا داتا ہے (راکھا ہے) ॥1۔۔
ہے پربھو! تیرے سیوک سبھ دا بھلا منگدے ہن۔
(آپنے سیوکاں دی منگ انوسار) توں کمّ سوار کے آپنے سیوکاں دی ازت رکھّ لیندا ہیں رہاؤ۔۔
ہے بھائی! میرا پربھو سبھ دی بھلائی کرن والا ہے،
جس نے سارے جگت وچ آپنی شکتی ٹکائی ہوئی ہے۔
ہے نانک! (آکھ-ہے بھائی!) جیہڑا بھی منکھّ (اس پربھو دی) سرن آ پیندا ہے،
اہ من-منگی مراد پا لیندا ہے ۔۔2۔۔10۔۔74۔۔
سورٹھِ مہلا 5 ۔۔
ہے بھائی! سدا ہی (سرف) پرماتما دا نام جپیا کرو۔
پربھو جی آپ ہی بالکاں دے راکھے ہن۔
(بالک ہرگوبند توں پربھو نے آپ ہی) سیتلا (چیچک) روک لئی ہے۔
پرماتما دی سفت-سالاہ دی برکتِ نال خترے دور ہو گئے ہن ۔۔1۔۔
ہے بھائی! میرا پربھو سدا ہی دیاوان رہندا ہے۔
سارے ہی جیواں اتے دیاوان رہندا ہے۔ اہ آپنے بھگت دی ارزوئی (سدا) سندا ہے رہاؤ۔۔
ہے بھائی! پربھو جگت دا مول ہے، تے، سبھ تاکتاں دا مالک ہے۔
پربھو دا نام سمریاں ہریک دکھّ دور ہو جاندا ہے۔
پربھو نے (سدا ہی) آپنے سیوک دی بینتی سن لئی ہے۔
ہے نانک! (پربھو دی میہر نال ہی) ساری لکائی سکھی وسدی ہے ۔۔2۔۔11۔۔75۔۔
سورٹھِ مہلا 5 ۔۔
ہے سنت جنو! جیہڑا منکھّ آپنے گرو دا دھیان دھردا ہے،
اہ (گرو-چرناں وچ) جڑ کے آتمک آنند نال ہردے-گھر وچ ٹک جاندا ہے (باہر بھٹکنوں بچ جاندا ہے)۔
اہ نام دی ہی برکتِ ہے (کِ منکھّ ہور ہور آسریاں دی بھال چھڈّ دیندا ہے)۔
(پر) اس (ہرِ-نام) دا ملّ نہیں دسیا جا سکدا (کسے دنیاوی پدارتھ دے وٹے نہیں ملدا) ॥1۔۔
ہے سنت جنو! سدا ہی پرماتما دا نام ہی سمریا کرو۔
پرماتما دا نام سمر کے ہریک چیز پراپت کر لئیدی ہے۔ (تسی بھی پرماتما دا نام سمر کے آپنے) سارے کمّ سوارو رہاؤ۔۔
(ہے سنت جنو! جیہڑا منکھّ گرو دا دھیان دھردا ہے) پربھو دی پیار-بھریر بھگتی وچ اس دا من لگّ جاندا ہے۔
پر اہ داتِ اہی منکھّ ہاسل کردا ہے جس دے وڈے بھاگ ہون۔
ہے داس نانک! (آکھ-) جس منکھّ نے پرماتما دا نام سمریا ہے،
اس نے سارے سکھ دین والے (پھل پراپت کر لئے ہن ۔۔2۔۔12۔۔76۔۔
سورٹھِ مہلا 5 ۔۔
ہے سنت جنو! (جس منکھّ دے آتمک جیون واستے) پرمیسر نے (وکاراں دے راہ وچ) ڈکا مار دتا،
(اس منکھّ دے اندروں) پرمیسر نے دکھاں تے روگاں دا ڈیرا ہی مکا دتا۔
اہ سارے جیو آتمک آنند ماندے ہن،
جنھاں اتے پربھو نے (اہ) کرپا کر دتی ۔۔1۔۔