سنت جناں بھراواں (دی سنگتِ کرن) توں بنا کسے منکھّ نے (کدے) ہری دا نام پراپت نہیں کیتا،
(کیونکِ سنتاں دی سنگتِ توں بنا منکھّ جیہڑے بھی متھے دھارمک کرم کردے ہن اہ) ہؤمے دے اسر ہیٹھ ہی کرم کردے ہن (تے اس واستے نکھسمے ہی رہِ جاندے ہن) جویں کسے ویسوا دا پتر (آپنے پتا دا) نام نہیں دسّ سکدا۔
پتا-پربھو دی کل دا تدوں ہی ہو سکیدا ہے، جدوں گرو پرسنّ (ہو کے جیو اتے) مہر کردا ہے۔
جس منکھّ نوں وڈے بھاگاں نال گرو مل پیا، اس دا ہری نال پریم دن رات لگا رہندا ہے۔
داس نانک نے تاں (گرو دی سرن پے کے ہی) پرماتما نال سانجھ پائی ہے، تے پرماتما دی سفت-سالاہ دے کرم دی کمائی کیتی ہے ۔۔2۔۔
(گرو دی کرپا نال جس منکھّ دے) من وچ پرماتما دے سمرن دا چاؤ پیدا ہویا۔
پورے گرو نے اس دے ہردے وچ پرماتما دا نام پکا کر دتا، اس منکھّ نوں پرماتما مل پیا، پرماتما دا نام مل پیا ۔۔1۔۔ رہاؤ ۔۔
(ہے بھائی!) جدوں تک جوانی وچ ساہ (آ رہا) ہے، تد تک پرماتما دا نام سمر (بڈھیپے وچ نام جپنا اؤکھا ہو جائیگا)۔
جیون-سفرن وچ ہرِ-نام تیرے نال ساتھ نبھاہی چلیگا، انت سمے بھی تینوں (اؤکڑاں توں) بچا لئیگا۔
میں اہناں توں کربان ہاں، جنھاں دے من وچ پرماتما دا نام آ وسدا ہے۔
جنھاں بندیاں نے پرماتما دا نام نہیں سمریا، اہ آخر نوں (اتھوں) پچھتاندے ہی چلے گئے۔
(پر اہ جیو دے وسّ دی گلّ نہیں) ہے داس نانک! ہری-پربھو نے آپنی دھر درگاہ توں جس منکھّ دے متھے اتے (سمرن کرن دا لیکھ) لکھ دتا ہے، اہی پربھو دا نام سمردا ہے ۔۔3۔۔
ہے (میرے) من! ہری (دا نام سمرن) وچ پریت جوڑ۔
جس وڈبھاگی منکھّ نوں گرو مل پیندا ہے، گرو دے شبد راہیں (پربھو اس نوں سنسار-سمندر توں) پار لنگھا لیندا ہے ۔۔1۔۔ رہاؤ ۔۔
پرماتما آپ ہی آپنے آپ نوں (جگت دے روپ وچ) پرگٹ کردا ہے، آپ ہی (جیواں نوں جند سریر) دیندا ہے، تے آپ ہی (واپس) لے لیندا ہے۔
پرماتما آپ ہی (جیواں نوں مایا دی) بھٹکنا وچ (پا کے) کراہے پا دیندا ہے، تے آپ ہی (سہیہ جیون واستے) اکل دیندا ہے۔
جیہڑے منکھّ گرو دی سرن پیندے ہن، اہناں دے من وچ (آتمک) چانن ہو جاندا ہے، پر اجیہے بندے کوئی ورلے ہندے ہن، کوئی ورلے ہندے ہن۔
میں اہناں بندیاں توں سدکے جاندا ہاں، جنھاں نے گرو دی متِ لے کے پرماتما (نال ملاپ) پراپت کر لیا ہے۔
(گرو دی مہر نال) داس نانک دے اندر (بھی) ہردا-کول-پھلّ کھڑ پیا ہے، من وچ پرماتما آ وسیا ہے ۔۔4۔۔
ہے (میری) جندے! من وچ ہری پرماتما دا جاپ کر۔
دوڑ کے پرماتما دی سرن جا پؤ، گرو دی سرن جا پؤ، آپنے سارے پاپ تے دکھّ دور کر لے ۔۔1۔۔ رہاؤ ۔۔
ہریک گھٹ وچ، ہریک من وچ سوہنا رام وسدا ہے (پر دسدا نہیں۔ اہ) کویں لبھے؟ کس تریکے نام ملے؟
جے گرو لبھّ پئے، جو پورا ستگورو مل پئے، تاں پرماتما (آپ) آ کے من وچ چتّ وچ وسّ پیندا ہے۔
میرے واستے تاں پرماتما دا نام ہی آسرا-پرنا ہے، پرماتما دے نام توں ہی اچی آتمک اوستھا ملدی ہے، تے اکل ملدی ہے۔
میرے پاس تاں پرماتما دا نام ہی راسِ-پونجی ہے، پرماتما دے نام وچ جڑنا ہی (میرے واستے) اچی جاتِ ہے، تے (لوک پرلوک دی) ازت ہے۔
ہے داس نانک! جس منکھّ نے پرماتما دا نام سمریا ہے، اہ پرماتما دے رنگ وچ رنگیا رہندا ہے، پرماتما دے نام-رنگ وچ اس دی پریتِ بنی رہندی ہے ۔۔5۔۔
(ہے بھائی!) سدا کائم رہن والے ہرِ-پربھو نوں سمردے رہو۔
جس ہری-پربھو توں اہ ساری جگت-رچنا ہوئی، اس ہری-پربھو نال ڈونگھی سانجھ گرو دے بچناں دی راہیں ہی پے سکدی ہے ۔۔1۔۔ رہاؤ ۔۔
جنھاں منکھاں نوں پہلے جنم (وچ کیتے کرماں انوسار بھلے سنسکاراں دا) لکھیا ہویا (لیکھ پراپت ہو جاندا ہے، جنھاں دے اندر پوربلے چنگے سنسکار جاگ پیندے ہن)، اہ منکھّ گرو دے کول آ کے (گرو دے چرناں وچ) مل بیٹھدے ہن۔
ہرِ-نام دا ونج کرن آئے ہے متر! سیوک-بھاوک وچ رہاں گرو (اہناں دے اندر) پرماتما دا نام پرگٹ کر دیندا ہے۔
(جیو-ونجاریاں دا اہ) ونج وڈیاؤن-جوگا ہے، اہ جیو-ونجارے بھی بھاگاں والے ہن جنھاں نے پرماتما دے نام دا سودا لدیا ہے جنھاں نے ہرِ-نام دا سرمایا اکٹھا کیتا ہے۔
گرو دے سنمکھ رہن والے بندیاں دے مونہ پرماتما دے در تے روشن رہندے ہن، اہ پرماتما دے چرناں وچ آ ملدے ہن۔
(پر) ہے داس نانک! گرو (بھی) اہناں نوں ہی ملدا ہے، جنھاں اتے سارے گناں دا خزانا پرماتما آپ پرسنّ ہندا ہے ۔۔6۔۔
(ہے بھائی!) ہریک ساہ دے نال ہریک گراہی دے نال پرماتما دا دھیان دھردے رہو۔
گرو دے سنمکھ رہن والے جنھاں منکھاں نے پربھو دے نام نوں آپنے جیون راہ دی راسِ-پونجی بنایا ہے، اہناں دے من وچ پرماتما (دے چرناں) دی پریتِ بنی رہندی ہے ۔۔1۔۔ رہاؤ ۔۔