پاپاں تے مندے کرماں دے وئرتھ تے بوجھل بھار نال لدے ہوئے جیواں لئی-
زندگی دا رستا بڑا اؤکھا تے ڈراؤنا ہو جاندا ہے (اس سنسار-سمندر وچوں) اہناں پاسوں تریا نہیں جا سکدا۔
ہے نانک! جنھاں دی سہیتا گرو نے کیتی ہے اہ بچ نکلدے ہن، پربھو دے نام نے اہناں نوں بچا لیا ہندا ہے ۔۔27۔۔
سلوک م 3 ۔۔
ستگورو دے دسے راہ اتے ترن توں بنا سکھ نہیں ملدا (گرو توں کھنجھے ہوئے جیو) مڑ مڑ جمدے مردے ہن،
موہ دی ٹھگ-بوٹی اس پربھو نے (ایسی) پائی ہے کِ (ربّ ولوں بے-سرت ہو کے) مایا دے پیار وچ (پھس کے) بتھیرے مندے کرم کردے ہن،
پر کئی (بھاگاں والے بندے) ستگورو دی کرپا نال (اس ٹھگ-بوٹی توں) بچ جاندے ہن، (جو جو بچدا ہے) اس نوں سارے لوک سر نواندے ہن۔
ہے نانک! توں بھی ہر روز (آپنے) ہردے وچ پربھو دا نام سمر، جس (سمرن دی) برکتِ نال توں (اس 'موہ-ٹھگؤلی' توں) بچن دا وسیلا ہاسل کر لئینگا ۔۔1۔۔
م 3 ۔۔
موت اٹلّ ہے، پربھو دا نام سدا-تھر رہن والا ہے-پر، اہ گلّ جس منکھّ نے مایا دے موہ وچ (پھس کے) بھلا دتی ہے۔
اس دا سارا جیون مایا دے دھندھے کردیاں ہی گزر جاندا ہے تے اہ آپنے من وچ دکھّ سہندا ہے۔
ہے نانک! مڈھّ توں جنھاں دے متھے اتے (گر-سیوا دا لیکھ) لکھیا ہویا ہے اہناں نے گرو دے ہکم وچ تر کے آتمک آنند مانیا ہے ۔۔2۔۔
پؤڑی ۔۔
جے ہرِ-نام (سمرن-روپن) لیکھا پڑھیئے تاں پھر وکار آدکاں دے سنسکاراں دا چتر من وچ نہیں بندا؛
پربھو دی ہزوری وچ سدا پہنچ بنی رہندی ہے، کسے وکار بارے کوئی پچھّ نہیں کر سکدا (بھاو کوئی بھی ایسا مندا کرم نہیں کیتا ہندا جس بارے کوئی انگل کر سکے)؛
جم کال (چوٹ کرن دے تھاں) آدر-ستکار کردا ہے تے سدا لئی سیوک بن جاندا ہے۔
پر اہ میل والی اوستھا پورے گرو توں ہاسل ہندی ہے تے جگت وچ ازت اگھی ہو جاندی ہے۔
ہے نانک! جدوں اہ پربھو مل پیندا ہے، اس دی ہزوری وچ (ٹکے رہاں، اندر، مانو) اک-رس سر والے واجے وجن لگّ پیندے ہن ۔۔28۔۔
سلوک م 3 ۔۔
جے منکھّ ستگورو دے دسے ہکم دی پالنا کرے تاں سکھاں وچوں چونواں سریشٹ سکھ ملدا ہے۔
ستگورو دی دسی ہوئی کار کیتیاں ڈر دور ہو جاندا ہے، ہے نانک! (جے توں گرو والی 'کرنی' کرینگا تاں) توں ('بھؤ' دا) پارلا کنڈھا لبھّ لئینگا (بھاو، 'بھؤ'-ساگر توں پار لنگھ جاہنگا) ॥1۔۔
م 3 ۔۔
(جے منکھّ سدا-تھر پرماتما نال پیار پا لئے تاں) پرماتما نال بنیا اہ پیار کدے کمزور نہیں ہندا۔ (جس ہردے وچ) پرماتما دا نام (وسدا ہے، اہ ہردا کدے) وکاراں نال گندا نہیں ہندا۔
جے منکھّ گرو دی رزا وچ ترے تاں مڑ اس نوں جنم (مرن دا گیڑ) نہیں ہندا۔
ہے نانک! جے نام وسار دیئیے تاں جنم مرن دوویں بنے رہندے ہن (بھاو، جنم مرن دے گیڑ وچ پئے رہیدا ہے) ॥2۔۔
پؤڑی ۔۔
ہے پربھو! میں منگتا اک خیر منگدا ہاں، آپنے ہتھ نال (اہ خیر) مینوں پا؛
مینوں، ہے ہری! تیرے دیدار دی پیاس ہے، دیدار نال ہی (میرے اندر) ٹھنڈھ پے سکدی ہے۔
ہے ماں! میں ہری دے درسن توں بنا مردا ہاں اک پل بھر، گھڑی بھر بھی جیؤ نہیں سکدا۔
جدوں مینوں گرو نے میرا پربھو میرے اندر ہی وکھا دتا تاں اہ سبھ تھائیں ویاپک دسن لگّ پیا۔
ہے نانک! (آپنے نام دی) لگن لا کے اہ آپ ہی (مایا وچ) ستیاں نوں جگا کے (نام دی داتِ) دیندا ہے ۔۔29۔۔
سلوک م 3 ۔۔
آپنے من دے پچھے ترن والے بندے ڈھکویں گلّ کرنی بھی نہیں جاندے کیونکِ اہناں دے من وچ کام کرودھ تے اہنکار (پربل) ہندا ہے؛
اہ سدا بھیڑیاں گلاں ہی سوچدے ہن، تھاں کتھاں بھی نہیں سمجھدے (بھاو، اہ سمجھ بھی اہناں نوں نہیں ہندی کِ اہ کمّ اتھے کرنا پھبدا بھی ہے جاں نہیں)؛
جدوں پربھو دی ہزوری وچ کیتے کرماں دا ہساب پچھیدا ہے تاں اوتھے اہ جھوٹھے پیندے ہن۔
پر، اس پربھو نے آپ ہی ساری سرشٹی پیدا کیتی ہے، (سبھ وچ ویاپک ہو کے) اہ آپ (ہی) ہریک وچار کر رہا ہے۔
ہے نانک! سبھ تھائیں اہ سچّ دا سوما پربھو آپ (ہی) موجود ہے، سو کسے (منمکھ) نوں (بھی مندا) نہیں آکھیا جا سکدا ۔۔1۔۔
م 3 ۔۔
گرو دے سنمکھ رہِ کے اہناں منکھاں نے پربھو نوں سمریا ہے جنھاں دے بھاگاں وچ پربھو دی مہر نال 'سمرن' لکھیا ہویا ہے۔
ہے نانک! میں اہناں بندیاں توں سدکے ہاں، جنھاں دے من وچ اہ پربھو وسدا ہے ۔۔2۔۔
پؤڑی ۔۔
لمی زندگی سمجھ کے سارا جگ (بھاو، ہریک دنیادار منکھّ) آساں بناندا ہے،
سدا جیؤن دی تانگھ (رکھدا ہے تے) کلھے ماڑیاں آدک سجاندا (رہندا) ہے،
ٹھگیاں تے ہور کئی ہیلے کر کے (دوجیاں دا) مال ٹھگّ کے لے آؤندا ہے،
(اتے) جمراج (اس دے) ساہ گندا جا رہا ہے، جیون-تالن توں کھنجھے ہوئے اس منکھّ دی امر گھٹدی چلی جا رہی ہے۔