م 3 ۔۔
(جدوں) (جیو-) پپیہا (پربھو اگے) بینتی کردا ہے کِ-(ہے پربھو!) مہر کر کے مینوں جیون- دات بخش؛
تیرے نام-امرت توں بنا (میری) ترشنا نہیں مکدی، (تیرے نام توں بنا) میری جند ویاکل ہو جاندی ہے۔
توں سکھ دین والا ہیں، توں بیئنت ہیں، توں گن بخشن والا ہے؛ تے توں سارے گناں دا خزانا ہیں-
ہے نانک! (اہ بینتی سن کے) بھگوان گرو دے سنمکھ ہوئے منکھّ اتے مہر کردا ہے تے انت سمے اس دا سہائی بندا ہے ۔۔2۔۔
پؤڑی ۔۔
(پربھو) آپ ہی جگت بنا کے (جیواں دے) گناں تے اؤگناں دا لیکھا کردا ہے۔
(مایا دے) تنّ گن (بھی جو) نرا جنجال (بھاو، وکاراں وچ پھسان والا) ہی ہے (اہ بھی پربھو نے آپ ہی رچیا ہے، اس وچ پھس کے جگت) پربھو دے نام وچ پیار نہیں پاندا؛
(اس واستے جیو) گن چھڈّ کے اؤگن کماندے ہن تے (آخر) پربھو دی ہزوری وچ شرمندے ہندے ہن۔
اجیہے جیو (مانو) جوئے وچ منکھا-جنما ہار جاندے ہن، اہناں دا جگت وچ آؤنا کسے ارتھ نہیں ہندا ہے۔
(پر) جنھاں منکھاں نے (گرو دے) سچے شبد دی راہیں آپنا من وسّ وچ لیاندا ہے، جو دن رات پربھو دے نام وچ پیار پاندے ہن،
جنھاں نے ہردے وچ سدا کائم رہن والا ادرشٹ تے بیئنت پربھو وسایا ہے،
(اہ اؤں بینتی کردے ہن)-"ہے پربھو! توں گناں دا داتا ہیں، توں گناں دا خزانا ہے، اسیں جیو اؤگنی ہاں۔"
گرو دے شبد دی راہیں (اجیہی سئچھّ) وچار اہ منکھّ پراپت کردا ہے جس اتے (پرماتما آپ) مہر کردا ہے ۔۔13۔۔
سلوک م 5 ۔۔
جو بندے پرماتما دے چرناں نالوں وچھڑے ہوئے ہن، جنھاں نوں کرتار دا نام بھلیا ہویا ہے اہناں دی راتِ بیتن وچ نہیں آؤندی (بھاو، اہناں دی زندگی-روپگ رات دکھاں وچ ہی لنگھدی ہے؛ اہ اتنے دکھی ہندے ہن کِ اہناں نوں امر بھارو ہوئی جاپدی ہے)۔
پر، ہے نانک! جہڑیاں جیو-استریاں پربھو دے گن گاندیاں ہن، اہناں دے دن رات (بھاو، ساری امر) سکھی گزردے ہن ۔۔1۔۔
م 5 ۔۔
اہناں دے متھے اتے (مانو) سارے رتن جواہر موتی تے منیاں ہن (بھاو، گناں کرکے اہناں دے متھے اتے نور ہی نور ہے)،
ہے نانک! جو جیو پربھو نوں پیارے لگّ گئے ہن۔ اہ اس سدا-تھر رہن والے دے در تے سوبھا پاندے ہن ۔۔2۔۔
پؤڑی ۔۔
جنھاں منکھاں نے سچے گرو دے ہکم وچ تر کے سدا-تھر رہن والا پربھو ارادھیا،
جو کمائی اہناں گرو دے سنمکھ ہو کے کیتی ہے اہ انت ویلے (جدوں ہور سارے ساتھ مکّ جاندے ہن) اہناں دا ساتھ آ دیندی ہے۔
سچا پربھو اہناں دے سر اتے راکھا ہندا ہے، اس لئی موت دا ڈر اہناں نوں پوہ نہیں سکدا،
گرو دی بانی-روپی جوتِ (اہناں آپنے اندر) جگائی ہوئی ہے، بانی-روپی دیوا بالیا ہویا ہے۔
پر جو منکھّ آپنے من دے پچھے تردے ہن اہ پربھو دے نام توں وانجے ہوئے ہن تے کوڑ دے وپاری ہن، بے-تھوھے بھٹکدے پھردے ہن؛
اہ (اسل وچ) پشو ہن اندروں کالے ہن (ویکھن نوں) منکھا چمّ نال ولھیٹے ہوئے ہن (بھاو، ویکھن نوں منکھّ دسدے ہن)۔
(پر اس بارے کجھ کہا نہیں جا سکدا) ہر تھاں سدا-تھر رہن والا پربھو آپ وسدا ہے-اہ گلّ گرو دے سچے شبد دی راہیں ویکھن وچ آؤندی ہے۔
ہے نانک! پربھو دا نام ہی (اسل) خزانا ہے جو پورے گرو نے (کسے بھاگاں والے نوں) وکھایا ہے ۔۔14۔۔
سلوک م 3 ۔۔
جس (جیو-) پپیہے نے آتمک اڈولتا وچ ٹک کے گرو دے انوسار تر کے پربھو دا ہکم سمجھیا ہے،
(ستگرو-) بدل مہر کر کے لمی جھڑی لا کے (اس اتے 'نام'-امرت دی) ورکھا کردا ہے،
اس (جیو-) پپیہے دی کوک پکار مکّ جاندی ہے، اس دے من وچ سکھ آ وسدا ہے۔
ہے نانک! جو پربھو سبھ جیواں نوں روزی اپڑاندا ہے، دی سفت-سالاہ کرنی چاہیدی ہے ۔۔1۔۔
م 3 ۔۔
ہے پپیہے (جیو)! تینوں نہیں پتا کِ تیرے اندر کیہڑی تریہ ہے (جو تینوں بھٹکنا وچ پا رہی ہے؛ ناہ ہی تینوں اہ پتا ہے کِ) کیہ پیتیاں اہ تریہ مٹیگی؛
توں مایا دے موہ وچ بھٹک رہا ہیں، تینوں (تریہ مٹان لئی) آتمک جیون دین والا نام-جل لبھدا نہیں۔
جے اکال پرکھ آپنی مہر دی نزر کرے تاں اس دی رزا وچ گرو مل پیندا ہے۔
ہے نانک! گرو توں آتمک جیون دین والا نام-جل ملدا ہے (تے اس دی برکتِ نال) اڈول اوستھا وچ ٹکے رہیدا ہے ۔۔2۔۔
پؤڑی ۔۔
کئی منکھّ جنگل دے گوشے وچ جا بیٹھدے ہن تے مون دھار لیندے ہن؛
کئی پالا-ککر بھنّ کے ٹھنڈھا پانی سہاردے ہن (بھاو، اس ٹھنڈھے پانی وچ بیٹھدے ہن، جس اتے ککر جمیا پیا ہے)؛
کئی منکھّ پنڈے تے سواہ ملدے ہن تے (پنڈے دی) میل کدے نہیں دھوندے (بھاو، اشنان نہیں کردے)؛
کئی منکھّ اؤکھیاں ڈراؤنیاں جٹاں ودھا لیندے ہن (فکیر بن کے آپنی) کل تے آپنا گھر گوا لیندے ہن؛