(پر جیو دے کیہ وسّ؟) پربھو آپ ہی آپنی پریت دی دات دیندا ہے۔ گرو دی سرن پے کے اس نوں سمردے رہنا چاہیدا ہے۔
نانک آکھدا ہے کِ (جے آتمک آنند دی لوڑ ہے تاں) اتنے وڈے داتار پربھو نوں کدے بھی بھلانا نہیں چاہیدا ۔۔28۔۔
جویں ماں دے پیٹ وچ اگّ ہے تویں باہر جگت وچ مایا (دکھدائی) ہے۔
مایا تے اگّ اکو جہیاں ہی ہن، کرتار نے ایسی ہی کھیڈ رچ دتی ہے۔
جدوں پرماتما دی رزا ہندی ہے جیو پیدا ہندا ہے پروار وچ پیارا لگدا ہے۔
(پروار دے جیو اس نویں جمے بال نوں پیار کردے ہن، اس پیار وچ پھس کے اس دی پربھو-چرناں نالوں) پریت دی تار ٹٹّ جاندی ہے، مایا دی ترشنا آ چمبڑدی ہے، مایا (اس اتے) آپنا زور پا لیندی ہے۔
مایا ہے ہی ایسی کِ اس دی راہیں ربّ بھلّ جاندا ہے، (دنیا دا) موہ پیدا ہو جاندا ہے، (ربّ توں بنا) ہور ہور پیار اپج پیندا ہے (پھر اجیہی ہالت وچ آتمک آنند کتھوں ملے؟)
نانک آکھدا ہے کِ گرو دی کرپا نال جنھاں بندیاں دی پریت دی ڈور پربھو-چرناں وچ جڑی رہندی ہے، اہناں نوں مایا وچ ورتدیاں ہی (آتمک آنند) مل پیندا ہے ۔۔29۔۔
(جد تک پرماتما دا ملاپ نا ہووے تد تک آنند نہیں مانیا جا سکدا، پر) پربھو دا ملّ نہیں پے سکدا، پرماتما (دھن آدک) کسے کیمت توں نہیں مل سکدا۔
جیو کھپ کھپ کے ہار گئے، کسے نوں (دھن آدک) کیمت دے کے پرماتما نہیں ملیا۔
(ہاں،) جے اجیہا گرو مل پئے (جس دے ملیاں منکھّ دے اندروں آپا-بھاو نکل جائے) تاں اس گرو دے اگے آپنا سر بھیٹ کر دینا چاہیدا ہے (آپنا آپ ارپن کر دینا چاہیدا ہے)،
(تے جس گرو دے ملیاں) جیو اس ہری دے چرناں وچ جڑیا رہے اہ ہری اس دے من وچ وسّ پئے جس دا اہ پیدا کیتا ہویا ہے۔
ہے نانک! پرماتما دا ملّ نہیں پے سکدا (کسے کیمت توں نہیں ملدا، پر) پرماتما جنھاں نوں (گرو دے) لڑ لا دیندا ہے اہناں دے بھاگ جاگ پیندے ہن (اہ آتمک آنند ماندے ہن) ॥30۔۔
پرماتما دا نام میری راسِ-پونجی ہے تے میرا من وپاری ہو گیا ہے۔
آپنے گرو توں مینوں سمجھ آئی ہے کِ (آتمک آنند دی کھٹی کھٹن لئی) پرماتما دا نام ہی میری راسِ-پونجی (ہو سکدی ہے)، میرا من (اس ونج دا) وپاری بن گیا ہے۔
تسی بھی پریم نال سدا ہری دا نام جپیا کرو، تے ہر روز (آتمک آنند دا) لابھ کھٹو۔
(ہری-نام دا، آتمک آنند دا) اہ دھن اہناں نوں ہی ملدا ہے، جنھاں نوں دینا پربھو نوں آپ ہی چنگا لگدا ہے۔
نانک آکھدا ہے کِ پرماتما دا نام میری پونجی بن گئی ہے (ہن گرو دی کرپا نال میں آتمک آنند دی کھٹی کھٹدا ہاں) ॥31۔۔
ہے (میری) جیبھ! توں ہور ہور سواد وچ مست ہو رہی ہیں، (اس تراں) تیرا سواداں دا چسکا دور نہیں ہو سکدا۔
جتنا چر پرماتما دے سمرن دا آنند پراپت نا ہووے، (اتنا چر) کسے ہور تھاں توں سواداں دا چسکا مٹ نہیں سکدا۔
جس منکھّ نوں پرماتما دے نام دا آنند مل جائے، جو منکھّ ہری-سمرن دا سواد مانن لگّ پئے، اس نوں مایا دی ترشنا نہیں پوہ سکدی۔
پر اہ ہری-نام دا آنند پربھو دی میہر نال ملدا ہے (اس نوں ملدا ہے) جس نوں گرو ملے۔
نانک آکھدا ہے کِ جدوں ہری-سمرن دا آنند من وچ وسّ پئے، تدوں ہور ہور سارے چسکے بھلّ جاندے ہن ۔۔32۔۔
میرے سریر! (توں دنیا دے پدارتھاں وچوں انند ڈھونڈھدا ہیں، پر آنند دا سوما تاں پرماتما ہے جو تیرے اندر وسدا ہے) توں جگت وچ آیا ہی تدوں، جدوں ہری نے آپنی جوتِ تیرے اندر رکھّ دتی۔
(اہ یکین جان کِ) جدوں پرماتما نے تیرے اندر آپنی جوتِ رکھی، تدوں توں جگت وچ جمیا۔
جیہڑا پرماتما جیو پیدا کرکے اس نوں جگت وچ بھیجدا ہے اہ آپ ہی اس دی ماں ہے آپ ہی اس دا پتا ہے (پربھو آپ ہی ماپیاں وانگ جیو نوں ہر تراں دا سکھ دیندا ہے، سکھ آنند دا داتا ہے ہی پربھو آپ۔ پر جیو جگت وچوں مائک پدارتھاں وچوں آنند بھالدا ہے)۔
جدوں گرو دی میہر نال جیو نوں گیان ہندا ہے تاں اس نوں سمجھ آؤندی ہے کِ اہ جگت تاں اک کھیڈ ہی ہے، پھر جیو نوں اہ جگت (مداری دا) اک تماشا ہی دسّ پیندا ہے (سدا-تھر رہن والا آتمک آنند اس وچ نہیں ہو سکدا)۔
نانک آکھدا ہے کِ ہے میرے سریر! جدوں پربھو نے جگت-رچنا دا مڈھّ بدھا، تیرے اندر آپنی جوتِ پائی، تدوں توں جگت وچ جنمیا ۔۔33۔۔
آپنی ہردے-سیجے اتے پربھو-پتیو دا آؤنا میں سن لیا ہے (میں انبھو کر لیا ہے کِ پربھو میرے ہردے وچ آ وسیا ہے ہن) میرے من وچ آنند بن گیا ہے۔
ہے میری جندے! میرا اہ ہردا-گھر پربھو-پتیو دا نواس-استھان بن گیا ہے، ہن توں پربھو دی سفت-سالاہ دا گیت گا۔
ہے جندے! سدا پربھو دی وڈیائی دا گیت گاندی رہُ، (اہ تراں) کوئی فکر کوئی دکھّ (آپنا) زور نہیں پا سکدا۔
اہ دن بھاگاں والے ہندے ہن جدوں (متھا) گرو دے چرناں اتے ٹکے، پیارا پتی-پربھو (ہردے وچ) دسّ پیندا ہے۔
گرو دے شبد دی راہیں اک-رس سفت-سالاہ دی رو نال سانجھ بن جاندی ہے، پربھو دا نام پراپت ہو جاندا ہے، پربھو-ملاپ دا آنند مانیدا ہے۔