جیہڑے ہردے سبھ گناں دے خزانے ہری-نام امرت نال بھرے رہندے ہن،
ہے نانک! اہناں دے اندر اک ایسا آنند بنیا رہندا ہے جویں اک-رس سبھ کسماں دے واجے ملویں سر وچ وجّ رہے ہون ۔۔36۔۔
سلوکُ ۔۔
جس منکھّ دی ازت گرو پاربرہم نے رکھّ لئی، اس نے ٹھگی موہ وکار (آدک) تیاگ دتے۔
ہے نانک! (اس واستے) اس پاربرہم نوں سدا ارادھنا چاہیدا ہے جس دے گناں دا انت نہیں پے سکدا، جس دی ہستی دا ارلا پارلا بنا نہیں لبھّ سکدا ۔۔1۔۔
پؤڑی
ہری پربھو دی ہستی دا اندازا نہیں لگّ سکدا، انت نہیں پے سکدا۔
اہ اپہنچ ہے، وکاراں وچ ڈگے بندیاں نوں پوتر کرن والا ہے۔
کروڑاں ہی اہ اپرادھی پوتر ہو جاندے ہن،
جیہڑے گرو نوں مل کے پربھو دا آتمک جیون دین والا نام جپدے ہن۔
تیری سفت-سالاہ دی برکتِ نال اس منکھّ دے اندروں ٹھگی فریب موہ آدک وکار مٹ جاندے ہن،
ہے سرشٹی دے مالک! جس دی توں آپ رکھیا کردا ہیں۔
پربھو شاہاں دا شاہ ہے، اہی اسل چھتر-دھاری ہے،
ہے نانک! کوئی ہور دوجا اس دی برابری کرن جوگا نہیں ہے ۔۔37۔۔
سلوکُ ۔۔
جے آپنے من نوں جتّ لئیے، (وسّ وچ کر لئیے) تاں (وکاراں اتے) جتّ پراپت ہو جاندی ہے، مایا دے موہ دے بندھن کٹے جاندے ہن، تے (مایا پچھے) بھٹکنا مکّ جاندی ہے۔
ہے نانک! جس منکھّ نوں گرو پاسوں من دی اڈولتا مل جاندی ہے، اس دے جنم مرن دے گیڑ سدا لئی مکّ جاندے ہن ۔۔1۔۔
پؤڑی
(ہے بھائی!) توں انیکاں جوناں وچ بھٹکدا آیا ہیں،
ہن تینوں سنسار وچ اہ منکھا جنم ملیا ہے جو بڑی مشکل نال ہی ملیا کردا ہے۔
(جے توں ہن بھی وکاراں دے بندھناں وچ ہی پھسیا رہا، تاں) اجیہا (سوہنا) موکا پھر نہیں ملیگا۔
(ہے بھائی!) جے توں پربھو دا نام جپینگا، تاں مایا والے سارے بندھن کٹے جانگے۔
مڑ مڑ جنم مرن دا گیڑ نہیں رہِ جائگا۔
کیول اک پرماتما دا جاپ کریا کر۔
(پر) ہے سرجن ہار پربھو! (مایا-گرسے جیو دے وسّ دی گلّ نہیں)، توں آپ کرپا کر،
ہے نانک! (پربھو اگے ارداس کر تے آکھ-) اس وچارے نوں آپنے چرناں وچ جوڑ لے ۔۔38۔۔
سلوکُ ۔۔
ہے پاربرہم! ہے دیناں اتے دیا کرن والے! ہے دھرتی دے پالن ہار! میری بینتی سن۔
ہے نانک! (ارداس کر تے آکھ-) (مینوں سمتِ دیہ کِ) گرمکھاں دی چرن-دھوڑ ہی مینوں انیکاں سکھاں دھن-پدارتھ تے انیکاں رساں دے بھوگ دے برابر جاپے ۔۔1۔۔
پؤڑی
اسل براہمن اہ ہن جو برہم (پرماتما) نال سانجھ پاندے ہن،
اسل ویشنو اہ ہن جو گرو دی شرن پے کے آتمک پوترتا دے فرز نوں پالدے ہن۔
اہ منکھّ سورما جانو جیہڑا (متھے ہوئے ویریاں دا کھرا-کھوج مٹان دے تھاں) آپنے اندروں دوجیاں دا برا منگن دے سبھاء دا نشان مٹا دیوے۔
(جس نے اہ کر لیا) دوجیاں ولوں چتوی برائی اس دے نیڑے نہیں ڈھکدی۔
(پر منکھّ) آپ ہی آپنی ہؤمے دے بندھناں وچ بجھا رہندا ہے (تے دوجیاں نال کھہندا ہے، آپنی کیتی ودھیکی دا خیال تک نہیں آؤندا،
کسے وگاڑ دا) دوس اہ انھا منکھّ ہورناں تے لاندا ہے۔
(پر اجیہا سبھاء بنان لئی) نریاں گیان دیاں گلاں تے سیانپاں دی پیش نہیں جا سکدی۔
ہے نانک! (پربھو اگے ارداس کر، تے آکھ-) ہے پربھو! جس نوں توں اس سچجے جیون دی سوجھ بخشدا ہیں اہی سمجھدا ہے ۔۔39۔۔
سلوکُ ۔۔
(ہے بھائی! سبھ پاپاں دے) ہرن والے نوں آپنے من وچ یاد رکھّ۔ اہی سارے ڈراں دا دور کرن والا ہے، اہی سارے پاپاں دکھاں دا ناس کرن والا ہے۔
ہے نانک! ستسنگ وچ رہِ کے جنھاں منکھاں دے ہردے وچ اہ ہری آ ٹکدا ہے، اہ پاپاں وکاراں دی بھٹکنا وچ نہیں پیندے ۔۔1۔۔
پؤڑی
(ہے بھائی!) اس سنسار دے پچھے بھٹکن دی بان مٹا دیو۔
جویں سپنا ہے (جویں سپنے وچ کئی پدارتھاں نال واہ پیندا ہے، پر جاگدیاں ہی اہ ساتھ مکّ جاندا ہے)، تویں ہی اس سارے سنسار دا ساتھ ہے۔
(اس مایا دے چوج-تماشیاں دی خاتر) سرگی جیو، منکھّ، دیوی دیوتے خوار ہندے (سنیدے رہے)۔
وڈے وڈے سادھناں وچ پگے ہوئے جوگی، سادھن کرن والے جوگی، برہما ورگے بھی (اہناں پچھے) بھٹکدے (سنیدے) رہے،
(دھرتی دے) بندے (مائک پدارتھاں دی خاتر) بھٹک بھٹک کے دھوکھے وچ آؤندے چلے آ رہے ہن،
اہ مایا اک ایسا مہان اؤکھا (سمندر) ہے (جس وچوں) ترنا بہت ہی کٹھن ہے۔
جنھاں بندیاں نے گرو دی سرن پے کے (مایا پچھے) بھٹکنا، سہم تے موہ (آپنے اندروں) مٹا لئے،
ہے نانک! اہناں نے سبھ توں سریشٹ آتمک آنند ہاسل کر لیا ہے ۔۔40۔۔
سلوکُ ۔۔
منکھّ دا من کئی تریکیاں نال مایا دی خاتر ہی ڈولدا رہندا ہے، مایا دے نال ہی چمبڑیا رہندا ہے۔
ہے نانک! (پربھو اگے ارداس کر تے آکھ-) ہے پربھو! جس منکھّ نوں توں نری مایا ہی منگن توں ورج لیندا ہیں اہ تیرے نام وچ پیار پا لیندا ہے ۔۔1۔۔
پؤڑی
بے-سمجھ جیو ہر ویلے (مایا ہی مایا) منگدا رہندا ہے۔
(اہ نہیں سمجھدا کِ) سبھ دے دلاں دی جانن والا داتار (سبھ پدارتھ) دیئی جا رہا ہے۔
اس دیاں دتیاں داتاں تاں کدے مکن والیاں ہی نہیں ہن۔
ہے مورکھ من! توں کیوں سدا مایا واستے ہی ترلے لے رہا ہیں؟
(ہے مورکھ!) توں جدوں بھی منگدا ہیں (نام توں بنا) ہور ہور چیزاں ہی منگدا رہندا ہیں،
جنھاں توں کدے کسے نوں بھی آتمک سکھ نہیں ملیا۔
(ہے مورکھ من!) جے توں منگ منگنی ہی ہے تاں پربھو دا نام ہی منگ،
جس دی برکتِ نال ہے نانک! توں مائک پدارتھاں دی منگ توں پرلے پار لنگھ جائیں ۔۔41۔۔