ہے نانک! اہ منکھّ سواد نال پرماتما دی سفتِ-سالاہ دے گیتاں دا رس آپنی جیبھ نال ماندا ہے، (اس دے اندر پرماتما دا) نام (آتمک جیون دا) چانن پیدا کر دیندا ہے ۔۔2۔۔
ہے بھائی! جہڑا منکھّ آپنے اندر پربھو دی امولک سفتِ-سالاہ نوں پرو رکھدا ہے،
گرو دے سنمکھ رہِ کے پرماتما دے نام نوں پیاردا ہے،
ہرِ-نام نال پیار پائی رکھدا ہے، (گرو آپنے) شبد دی راہیں (اس نوں سنسار-سمندر توں) پار لنگھا دیندا ہے، (اس دے اندروں) آتمک جیون ولوں بے-سمجھی (دا) ہنیرا دور کر دیندا ہے۔
(اس منکھّ دے) ہردے وچ آتمک جیون دی سوجھ والا تیز چانن مگھ پیندا ہے، اس دے سارے گیان-اندرے سوہنے آتمک جیون والے بن جاندے ہن۔
(اہ منکھّ آپنا) سریر بھیٹ کر کے، (آپنا) من بھیٹ کر کے آتمک جیون دا سہج پیدا کر لیندا ہے، اہ سدا-تھر پربھو نوں پیارا لگن لگّ پیندا ہے۔
ہے نانک! (اہ منکھّ سدا پربھو دی) گود وچ لین رہندا ہے (اس دی اہ سردھا بنی رہندی ہے کِ) جو کجھ پربھو ہکم کردا ہے، اہی دھیان نال کرنا چاہیدا ہے (پربھو دی رزا وچ پورن تور تے رازی رہنا چاہیدا ہے) ॥3۔۔
ہے بھائی! ہری پربھو نے (جس جیو-استری دے ویاہ دا) کمّ رچ دتا،
اس نوں اہ گرو دی راہیں ویاہن لئی آ پہنچیا (جہڑی جیو-استری نوں پرماتما آپنے چرناں وچ جوڑنا چاہندا ہے، اس نوں گرو دی سرن وچ ٹکاندا ہے)۔
ہے بھائی! (جس جیو-استری نوں) پربھو آپنے نال جوڑن دی مہر کردا ہے، اس نوں گرو دی راہیں مل پیندا ہے، اہ جیو-استری پربھو-پتیو نوں پیاری لگن لگّ پیندی ہے۔
اہ جیو-استری سنت جناں نال مل کے پربھو-پتیو دی سفتِ-سالاہ دے گیت گاندی ہے، پربھو آپ اس دا جیون سوہنا بنا دیندا ہے۔
(جویں ویاہ دے سمے جاننجی رل کے آؤندے ہن، تویں اس جیو-استری نوں پربھو-پتیو نال ملان واستے) دیوی گناں والے سنت جن، پربھو دی سفتِ-سالاہ کرن والے بھگت-جن مل کے آؤندے ہن (اس جیو-استری دا پربھو-پتیو نال ویاہ کرن لئی) اک ادتی جننج بناندے ہن۔
ہے نانک (ست سنگیاں دی اس جننج دی برکتِ نال، بھاو، اس ستسنگ دی کرپا نال اس جیو-استری نوں) اہ پیارا پربھو مل پیندا ہے، جو سدا کائم رہن والا ہے، جو کدے جمدا مردا نہیں ۔۔4۔۔1۔۔3۔۔
راگ سوہی، گھر 3 وچّ گرو رامداس جی دی بانی 'چھنت' (چھند)۔
اکال پرکھ اکّ ہے اتے ستگورو دی کرپا نال ملدا ہے۔
ہے سنت جنو! آؤ، (سادھ سنگتِ وچ مل کے) پرماتما دے گن گاندے رہیئے۔
(ہے سنت جنو!) گرو دی سرن پے کے (پربھو-چرناں وچ) جڑے رہنا چاہیدا ہے (پربھو-چرناں وچ جڑن دی برکت نال) ہردے-گھر وچ پربھو دی سفتِ-سالاہ دے شبد آپنا پربھاو پائی رکھدے ہن۔
ہے پربھو! (جیوں جیوں) تیری سفتِ-سالاہ دے شبد (منکھّ دے ہردے وچ) پربھاو پاندے ہن، (تیوں تیوں توں) اس نوں سبھ تھائیں وسدا دسدا ہیں۔
(ہے پربھو! میرے اتے بھی مہر کر) میں دن رات تیرا نام جپدا رہاں، میں سدا تیری سفتِ-سالاہ کردا رہاں، میں تیری سدا-تھر سفتِ-سالاہ وچ سرت جوڑی رکھاں۔
جہڑا منکھّ پرماتما دے نام نوں آپنے ہردے دی پوجا بناندا ہے (بھاو، ہر ویلے ہردے وچ وسائی رکھدا ہے) اہ منکھّ ہر ویلے آتمک اڈولتا وچ ٹکیا رہندا ہے، اہ منکھّ پرماتما دے پریم-رنگم وچ رنگیا رہندا ہے۔
ہے نانک! گرو دی سرن پے کے اہ اک پربھو نال ہی سانجھ پائی رکھدا ہے، کسے ہور دوجے نال ڈونگھی سانجھ نہیں پاندا ۔۔1۔۔
ہے بھائی! اہ پرماتما ہریک دے دل دی جانن والا ہے، اتے سبھ جیواں وچ ویاپک ہے۔
(پر جہڑا منکھّ) گرو دے شبد دی راہیں (اس نوں) سمردا ہے، اس نوں ہی اہ مالک-پربھو (سبھ تھائیں) ویاپک دسدا ہے۔
(اس منکھّ نوں ہی اہ نشچا بندا ہے کِ) مالک-پربھو ہریک دے دل دی جانن والا ہے، اتے ہریک سریر وچ موجود ہے۔
ہے بھائی! گرو دی متِ اتے تریاں سدا-تھر پربھو مل پیندا ہے، (گرو دی متِ دی برکتِ نال) آتمک اڈولتا وچ لین رہِ سکیدا ہے (اتے اہ نشچا بندا ہے کِ کتے بھی) اس پرماتما توں بنا ہور کوئی نہیں۔
ہے بھائی! (پربھو دی آپنی ہی مہر نال) جے میں اس پربھو نوں چنگا لگّ پواں، تاں آتمک اڈولتا وچ ٹک کے میں اس دے گن گا سکدا ہاں، اہ آپ ہی (جیو نوں آپنے نال) ملاندا ہے۔
ہے نانک! گرو دے شبد دی راہیں ہی اس پربھو نال ڈونگھی سانجھ پے سکدی ہے (جہڑا منکھّ شبد وچ) جڑدا ہے، (اہ) دن رات پرماتما دا نام سمردا رہندا ہے ۔۔2۔۔
ہے بھائی! اہ جگت (اک اجہا سمندر ہے، جس توں) پار لنگھنا اؤکھا ہے۔ آپنے من دے پچھے ترن والا منکھّ (اس دے) پارلے پاسے نہیں پہنچ سکدا،
(کیونکِ اس دے) اندر ہی اہنکار، اسلیئت دی لالسا، کام، کرودھ، چترائی (آدک بھیڑ) ٹکے رہندے ہن۔
ہے بھائی! (جس منکھّ دے) اندر آپنی سیانپ دا مان ٹکیا رہندا ہے اہ منکھّ (پربھو-در تے) پروان نہیں ہندا، اہ آپنا منکھا جنم وئرتھ گوا لیندا ہے۔
(اہ منکھّ ساری امر) جمراج دے رستے اتے تردا ہے، دکھّ سہاردا ہے، (آتمک موت دیاں) چوٹاں کھاندا رہندا ہے، انت ویلے اتھوں ہتھ ملدا جاندا ہے۔
ہے بھائی! (جیون-سفرن وچ اتھے) پتر، پروار، بھرا-اہناں وچوں کوئی بھی مددگار نہیں، پرماتما دے نام توں بنا کوئی بیلی نہیں بندا۔
ہے نانک! اہ سارا مایا دے موہ دا (ہی) کھلارا ہے، پرلوک وچ (بھی منکھّ دے) نال نہیں جاندا ۔۔3۔۔
ہے بھائی! (جدوں) میں (نام دی) دات دین والے آپنے گرو نوں پچھدا ہاں کِ اہ دتر سنسار-سمندر کس تریکے نال لنگھیا جا سکدا ہے؟
(تاں اگوں اتر ملدا ہے کِ) گرو دی رزا وچ (جیون-تورن) تردے رہو، اس تراں دنیا دی کرت-کار کردیاں ہی وکاراں ولوں بچے رہیدا ہے۔
(گرو دی رزا وچ تریاں) دنیا دی کار کردیاں وکاراں ولوں مرے رہیدا ہے، سنسار-سمندر توں پار لنگھ جائیدا ہے۔ (کیونکِ) جہڑا منکھّ گرو دے سنمکھ رہندا ہے، اہ پرماتما دے نام وچ لین رہندا ہے۔