راگ پربھاتی/ببھاگ وچّ گرو امرداس جی دی بانی۔
اکال پرکھ اکّ ہے اتے ستگورو دی کرپا نال ملدا ہے۔
توں گرو دی کرپا نال ویکھ، پرماتما دا گھر تیرے نال ہے (تیرے اندر ہی ہے۔
اس) 'ہرِ مندر' نوں گرو دے شبد دی راہیں ہی لبھیا جا سکدا ہے (گرو دے شبد وچ جڑ، اتے) پرماتما دا نام آپنے اندر سامبھ کے رکھّ ۔۔1۔۔
ہے میرے من! (جہڑا منکھّ گرو دے) شبد وچ رنگیا جاندا ہے (اس دے من نوں پرماتما دی بھگتی دا) رنگ چڑھ جاندا ہے۔
اس نوں سدا-تھر پربھو دی بھگتی پراپت ہو جاندی ہے، اس دی سوبھا سدا لئی (لوک پرلوک وچ) کھلر جاندی ہے۔ (اس منکھّ دا سریر) پرماتما دا کدے ناہ ڈولن والا گھر بن جاندا ہے (اس دا سریر اجہا 'ہرِ مندر' بن جاندا ہے جس نوں وکاراں دا جھکھڑ ہلا نہیں سکدا) ॥1۔۔ رہاؤ ۔۔
(منکھّ دا) اہ سریر 'ہرِ-مندر' ہے (پر اہ بھیت ستگورو دی بخشی) آتمک جیون دی کیمتی سوجھ دی راہیں کھلھدا ہے۔
آپنے من دے پچھے ترن والے (جگت دے) مول (پرماتما) نال سانجھ نہیں پاندے (اس واستے اہ سمجھدے ہن کِ) منکھّ دے اندر 'ہرِ-مندر' نہیں ہو سکدا ۔۔2۔۔
(اہ منکھا سریر) 'ہرِ-مندر' پربھو جی نے آپ بنایا ہے (اتے آپنے) ہکم نال سزا رکھیا ہے۔
دھر درگاہ توں (ہریک منکھّ دے کیتے کرماں انوسار جہڑا) لیکھ (ہریک سریر-ہرِ-مندر وچ) لکھیا جاندا ہے اس لیکھ انوسار ہریک پرانی نوں ترنا پیندا ہے۔ کوئی منکھّ (آپنے کسے ادم نال اس لیکھ نوں) مٹان جوگا نہیں ہے ۔۔3۔۔
(گرو دے شبد دی راہیں) سدا-تھر ہرِ-نام وچ (جس منکھّ نے) پیار پایا، اس نے گرو دے شبد نال سانجھ پا کے آتمک آنند پراپت کیتا۔
(اس منکھّ دا سریر-) ہرِ-مندر گرو دے شبد دی برکتِ نال سوہنا بن گیا، (اہ ہرِ-مندر) بیئنت پربھو (دے نواس) واستے (مانو) سونے دا کلھا بن گیا ۔۔4۔۔
اہ سارا سنسار بھی 'ہرِ-مندر' ہی ہے (پرماتما دے رہن دا گھر ہے)۔ پر گرو (دی سرن) توں بنا (آتمک جیون ولوں) گھپّ ہنیرا بنیا رہندا ہے (تے، جیواں نوں اس بھیت دی سمجھ نہیں پیندی)۔
آپنے من دے پچھے ترن والے منکھّ، آتمک جیون ولوں انھے ہوئے ہوئے مورکھ منکھّ (پرماتما توں بنا) ہور نال پیار پا کے اس نوں پوجدے-ستکاردے رہندے ہن ۔۔5۔۔
جتھے (پرماتما دی درگاہ وچ منکھّ پاسوں اس دے کیتے کرماں دا) ہساب منگیا جاندا ہے اتھے (منکھّ دے نال) ناہ (اہ) سریر جاندا ہے ناہ (اچی نیویں) جاتِ جاندی ہے۔
(جہڑے منکھّ) سدا-تھر ہرِ-نام وچ رنگے رہندے ہن، اہ (اتھے لیکھا ہون سمے) سرخرو ہو جاندے ہن، (جہڑے) مایا دے پیار وچ (ہی زندگی دے دن گزار جاندے ہن، اہ اتھے) دکھی ہندے ہن ۔۔6۔۔
(اس سریر-) 'ہرِ-مندر' وچ پرماتما دا نام (منکھّ واستے) خزانا ہے، پر مورکھ بندے (اہ گلّ) نہیں سمجھدے۔
جنھاں نے گرو دی کرپا نال (اہ بھیت) سمجھ لیا، اہناں نے پرماتما دا نام آپنے ہردے وچ سامبھ کے رکھّ لیا ۔۔7۔۔
جہڑے منکھّ (گرو دی راہیں پرماتما نال) پیار بنا کے گرو دے شبد وچ رنگے رہندے ہن، اہ منکھّ گرو پاسوں گرو دی بانی (دی کدر) سمجھ لیندے ہن۔
اہ منکھّ پرماتما دے نام وچ لین رہِ کے سچے پوتر جیون والے بن جاندے ہن ۔۔8۔۔
(اہ منکھا سریر) 'ہرِ-مندر' پرماتما (دے نام-وکھر) دا ہٹّ ہے، اس (ہٹّ) نوں گرو دے شبد دی برکتِ نال سزا کے رکھیا جا سکدا ہے۔
اس (سریر ہٹّ) وچ پرماتما دا نام-سودا (مل سکدا) ہے۔ (پر سرف) گرو دے سنمکھ رہن والے منکھّ (ہی آپنے جیون نوں) سوہنا بنا کے (اہ سودا) لیندے ہن ۔۔9۔۔
(جہڑا منکھّ) مایا دے موہ وچ (پھس کے آتمک جیون دی راسِ-پونجی) لٹا بیٹھدا ہے، (اس دا) من (اس سریر-) ہرِ-مندر وچ لوہا (ہی بنیا رہندا) ہے۔
(پر، ہاں) جے گرو-پارس مل پئے (تاں لوہے ورگا نکما بنیا اس دا من) سونا ہو جاندا ہے (پھر اہ اتنے اچے جیون والا ہو جاندا ہے کِ اس دا) ملّ نہیں دسیا جا سکدا ۔۔10۔۔
(اس سریر-) 'ہرِ-مندر' وچ پرماتما (آپ) وسدا ہے، اہ پرماتما سبھ جیواں وچ ہی اک-رس وسّ رہا ہے۔
ہے نانک! (سرب-نواسی پربھو دے نام دا سودا) گرو دی راہیں ونجیا جا سکدا ہے۔ اہ سودا سدا کائم رہن والا سودا ہے ۔۔11۔۔1۔۔
پربھاتی مہلا 3 ۔۔
جہڑے منکھّ پرماتما دے ڈر-ادب وچ رہِ کے پرماتما دے پیار وچ ٹک کے (کامادک وکاراں دے ہلیاں ولوں) سچیت رہندے ہن، اہ بندے ہی (آپنے من توں) ہؤمے دی میل لاہ کے (اسل) جاگرے کردے ہن۔
(اجہے منکھّ) سدا سچیت رہندے ہن، آپنا ہردا-گھر (وکار دی مار توں) بچا رکھدے ہن (اہناں کامادکِ) پنج چوراں نوں (آپنے اندروں) مار کے کڈھّ دیندے ہن ۔۔1۔۔
ہے میرے من! گرو دی سرن پے کے پرماتما دا نام سمریا کر۔
ہے من! (ہور ہور پوجا دے کرم چھڈّ کے) اہی کرم کریا کر، جس رستے پیاں پرماتما دا ملاپ ہو سکے ۔۔1۔۔ رہاؤ ۔۔
گرو دی سرن پیاں (منکھّ دے اندر) آتمک اڈولتا دی رو چلّ پیندی ہے (منکھّ دے اندروں) ہؤمے دا دکھّ دور ہو جاندا ہے۔
آتمک اڈولتا وچ پرماتما دے گن گا گا کے پرماتما دا نام سدا لئی (منکھّ دے) من وچ آ وسدا ہے ۔۔2۔۔
گرو دی متّ اتے تر کے (جنھاں منکھاں نے) پرماتما نوں آپنے ہردے وچ وسا لیا، اہناں دے مونہ (لوک پرلوک وچ) سوہنے ہو جاندے ہن۔
(اہناں نوں) اس لوک اتے پرلوک وچ بہت آنند ملدا ہے، پرماتما دا نام سدا جپ کے اہ منکھّ سنسار-سمندر توں پار لنگھ جاندے ہن ۔۔3۔۔