شری گرو گرنتھ صاحب جی

انگ - 1411

ਕੀਚੜਿ ਹਾਥੁ ਨ ਬੂਡਈ ਏਕਾ ਨਦਰਿ ਨਿਹਾਲਿ ॥

keecharr haath na booddee ekaa nadar nihaal |

پرماتما (اس منکھّ نوں) مہر دی نگاہ نال ویکھدا ہے (اس واستے اس دا) ہتھ چکڑ وچ نہیں ڈبدا (اس دا من وکاراں وچ نہیں پھسدا)۔

ਨਾਨਕ ਗੁਰਮੁਖਿ ਉਬਰੇ ਗੁਰੁ ਸਰਵਰੁ ਸਚੀ ਪਾਲਿ ॥੮॥

naanak guramukh ubare gur saravar sachee paal |8|

ہے نانک! گرو دی سرن پین والے منکھّ (ہی وکاراں دے چکڑ وچ ڈبنوں) بچ نکلدے ہن۔ گرو ہی (نام دا) سروور ہے، گرو ہی سدا-تھر رہن والی کندھ ہے (جو وکاراں دے چکڑ وچ لبڑن توں بچاندا ہے) ॥8۔۔

ਅਗਨਿ ਮਰੈ ਜਲੁ ਲੋੜਿ ਲਹੁ ਵਿਣੁ ਗੁਰ ਨਿਧਿ ਜਲੁ ਨਾਹਿ ॥

agan marai jal lorr lahu vin gur nidh jal naeh |

(گرو دی سرن پے کے نام-) جل ڈھونڈھ لے (اس نام-جل دی برکتِ نال) ترشنا دی اگّ بجھّ جاندی ہے۔ (پر) گرو (دی سرن) توں بنا نام-سروور دا اہ جل ملدا نہیں۔

ਜਨਮਿ ਮਰੈ ਭਰਮਾਈਐ ਜੇ ਲਖ ਕਰਮ ਕਮਾਹਿ ॥

janam marai bharamaaeeai je lakh karam kamaeh |

(اس جل توں بنا) منکھّ جنم مرن دے گیڑ وچ پیا رہندا ہے، انیکاں جوناں وچ بھوایا جاندا ہے۔ ہے بھائی جے منکھّ (نام نوں بھلا کے ہور) لکھاں کرم کماندے رہن (تاں بھی اہ اندرلی اگّ نہیں مردی)۔

ਜਮੁ ਜਾਗਾਤਿ ਨ ਲਗਈ ਜੇ ਚਲੈ ਸਤਿਗੁਰ ਭਾਇ ॥

jam jaagaat na lagee je chalai satigur bhaae |

جے منکھّ گرو دی رزا وچ تردا رہے، تاں جمراج مسولیا (اس اتے) آپنا وار نہیں کر سکدا۔

ਨਾਨਕ ਨਿਰਮਲੁ ਅਮਰ ਪਦੁ ਗੁਰੁ ਹਰਿ ਮੇਲੈ ਮੇਲਾਇ ॥੯॥

naanak niramal amar pad gur har melai melaae |9|

ہے نانک! گرو (منکھّ) نوں پوتر اچا آتمک درجا بخشدا ہے، گرو (منکھّ نوں) پرماتما نال ملا دیندا ہے ۔۔9۔۔

ਕਲਰ ਕੇਰੀ ਛਪੜੀ ਕਊਆ ਮਲਿ ਮਲਿ ਨਾਇ ॥

kalar keree chhaparree kaooaa mal mal naae |

(وکاراں دی کالکھ نال) کالے ہوئے من والا منکھّ (وکاراں دے) کلر دی چھپڑی وچ بڑے شوک نال اشنان کردا رہندا ہے۔

ਮਨੁ ਤਨੁ ਮੈਲਾ ਅਵਗੁਣੀ ਚਿੰਜੁ ਭਰੀ ਗੰਧੀ ਆਇ ॥

man tan mailaa avagunee chinj bharee gandhee aae |

(اس کرکے اس دا) من (اس دا) تن وکاراں (دی میل) نال میلا ہویا رہندا ہے (جویں کاں دی) چنجھ گند نال ہی بھری رہندی ہے (تویں وکاری منکھّ دا مونہ بھی نندا آدک گند نال ہی بھریا رہندا ہے)۔

ਸਰਵਰੁ ਹੰਸਿ ਨ ਜਾਣਿਆ ਕਾਗ ਕੁਪੰਖੀ ਸੰਗਿ ॥

saravar hans na jaaniaa kaag kupankhee sang |

بھیڑے پنچھی کاواں دی سنگت وچ (وکاری بندیاں دی سہبت وچ پرماتما دی انش جیو-) ہنس نے (گرو-) سروور (دی کدر) ناہ سمجھی۔

ਸਾਕਤ ਸਿਉ ਐਸੀ ਪ੍ਰੀਤਿ ਹੈ ਬੂਝਹੁ ਗਿਆਨੀ ਰੰਗਿ ॥

saakat siau aaisee preet hai boojhahu giaanee rang |

پرماتما نالوں ٹٹے ہوئے منکھاں نال جوڑی ہوئی پریت اہو جہی ہی ہندی ہے۔ ہے آتمک جیون دی سوجھ ہاسل کرن دے چاہوان منکھّ! پرماتما دے پریم وچ ٹک کے (جیون-راہن نوں) سمجھ۔

ਸੰਤ ਸਭਾ ਜੈਕਾਰੁ ਕਰਿ ਗੁਰਮੁਖਿ ਕਰਮ ਕਮਾਉ ॥

sant sabhaa jaikaar kar guramukh karam kamaau |

سادھ سنگت وچ ٹک کے پرماتما دی سفت-سالاہ کریا کر، گرو دے سنمکھ رکھن والے کرم کمایا کر-اہی ہے پوتر اشنان۔

ਨਿਰਮਲੁ ਨੑਾਵਣੁ ਨਾਨਕਾ ਗੁਰੁ ਤੀਰਥੁ ਦਰੀਆਉ ॥੧੦॥

niramal naavan naanakaa gur teerath dareeaau |10|

ہے نانک! گرو ہی تیرتھ ہے گرو ہی دریاؤ ہے (گرو وچ چبھی لائی رکھنی ہی پوتر اشنان ہے) ॥10۔۔

ਜਨਮੇ ਕਾ ਫਲੁ ਕਿਆ ਗਣੀ ਜਾਂ ਹਰਿ ਭਗਤਿ ਨ ਭਾਉ ॥

janame kaa fal kiaa ganee jaan har bhagat na bhaau |

جد تک (منکھّ دے ہردے وچ) پرماتما دی بھگتی نہیں، پرماتما دا پریم نہیں، تد تک اس دے منکھا جنم ہاسل کیتے دا کوئی بھی لابھ نہیں۔

ਪੈਧਾ ਖਾਧਾ ਬਾਦਿ ਹੈ ਜਾਂ ਮਨਿ ਦੂਜਾ ਭਾਉ ॥

paidhaa khaadhaa baad hai jaan man doojaa bhaau |

جد تک (منکھّ دے) من وچ پرماتما توں بنا ہور ہور موہ پیار وسدا ہے، تد تک اس دا پہنیا (کیمتی کپڑا اس دا) کھادھا ہویا (کیمتی بھوجن سبھ) وئرتھ جاندا ہے کیونکِ اہ)

ਵੇਖਣੁ ਸੁਨਣਾ ਝੂਠੁ ਹੈ ਮੁਖਿ ਝੂਠਾ ਆਲਾਉ ॥

vekhan sunanaa jhootth hai mukh jhootthaa aalaau |

ناسونت جگت نوں ہی تکّ وچ رکھدا ہے، ناسونت جگت نوں ہی کناں وچ وسائی رکھدا ہے، ناسونت جگت دیاں گلاں ہی مونہ نال کردا رہندا ہے۔

ਨਾਨਕ ਨਾਮੁ ਸਲਾਹਿ ਤੂ ਹੋਰੁ ਹਉਮੈ ਆਵਉ ਜਾਉ ॥੧੧॥

naanak naam salaeh too hor haumai aavau jaau |11|

ہے نانک! توں (سدا پرماتما دی) سفت-سالاہ کردا رہُ۔ (سفت-سالاہ نوں بھلا کے) ہور (سارا ادم) ہؤمے دے کارن جنم مرن دا گیڑ بنائی رکھدا ہے ۔۔11۔۔

ਹੈਨਿ ਵਿਰਲੇ ਨਾਹੀ ਘਣੇ ਫੈਲ ਫਕੜੁ ਸੰਸਾਰੁ ॥੧੨॥

hain virale naahee ghane fail fakarr sansaar |12|

(پرماتما دی سفت-سالاہ کرن والے منکھّ) کوئی ورلے ورلے ہن، بہتے نہیں ہن۔ (آم تور تے) جگت وکھاوے دے کمّ ہی (کردا رہندا ہے، آتمک جیون نوں) نیواں کرن والا بول ہی (بولدا رہندا ہے) ॥12۔۔

ਨਾਨਕ ਲਗੀ ਤੁਰਿ ਮਰੈ ਜੀਵਣ ਨਾਹੀ ਤਾਣੁ ॥

naanak lagee tur marai jeevan naahee taan |

ہے نانک! (جس منکھّ دے ہردے وچ پریم دی چوٹ) لگدی ہے (اہ منکھّ) ترت آپا-بھاو ولوں مر جاندا ہے (اس دے اندروں سوارتھ ختم ہو جاندا ہے)، (اس دے اندر سوارتھ دے) جیون دا زور نہیں رہِ جاندا۔

ਚੋਟੈ ਸੇਤੀ ਜੋ ਮਰੈ ਲਗੀ ਸਾ ਪਰਵਾਣੁ ॥

chottai setee jo marai lagee saa paravaan |

جہڑا منکھّ (پربھو-چرناں دی پریت دی) چوٹ نال آپا-بھاو ولوں مر جاندا ہے (اس دا جیون پربھو-در تے کبول ہو جاندا ہے) اہی لگی ہوئی چوٹ (پربھو-در تے) پروان ہندی ہے۔

ਜਿਸ ਨੋ ਲਾਏ ਤਿਸੁ ਲਗੈ ਲਗੀ ਤਾ ਪਰਵਾਣੁ ॥

jis no laae tis lagai lagee taa paravaan |

پر (اہ پریم دی چوٹ) اس منکھّ نوں ہی لگدی ہے جس نوں (پرماتما آپ) لاندا ہے (جدوں اہ چوٹ پرماتما ولوں لگدی ہے) تدوں ہی اہ لگی ہوئی (چوٹ) کبول ہندی ہے (سپھل ہندی ہے)۔

ਪਿਰਮ ਪੈਕਾਮੁ ਨ ਨਿਕਲੈ ਲਾਇਆ ਤਿਨਿ ਸੁਜਾਣਿ ॥੧੩॥

piram paikaam na nikalai laaeaa tin sujaan |13|

اس سیانے (تیرنداز-پربھوا) نے (جس منکھّ دے ہردے وچ پریم دا تیر) ونھ دتا؛ (اس ہردے وچوں اہ) پریم دا تیر پھر نہیں نکلدا ۔۔13۔۔

ਭਾਂਡਾ ਧੋਵੈ ਕਉਣੁ ਜਿ ਕਚਾ ਸਾਜਿਆ ॥

bhaanddaa dhovai kaun ji kachaa saajiaa |

(تیرتھ-اشنان آدک نال) کوئی بھی منکھّ سریر گھڑے نوں پوتر نہیں کر سکدا، کیونکِ اہ بنایا ہی اجہا ہے کِ اس نوں وکاراں دا چکڑ سدا لگدا رہندا ہے۔

ਧਾਤੂ ਪੰਜਿ ਰਲਾਇ ਕੂੜਾ ਪਾਜਿਆ ॥

dhaatoo panj ralaae koorraa paajiaa |

(ہوا، پانی، مٹی، اگّ، آکاش) پنج تتّ اکٹھے کر کے اہ سریر-بھانڈا اک ناسونت کھڈونا جہا بنایا گیا ہے۔

ਭਾਂਡਾ ਆਣਗੁ ਰਾਸਿ ਜਾਂ ਤਿਸੁ ਭਾਵਸੀ ॥

bhaanddaa aanag raas jaan tis bhaavasee |

ہاں، جدوں اس پرماتما دی رزا ہندی ہے (منکھّ نوں گرو ملدا ہے، گرو منکھّ دے) سریر-بھانڈے نوں پوتر کر دیندا ہے۔

ਪਰਮ ਜੋਤਿ ਜਾਗਾਇ ਵਾਜਾ ਵਾਵਸੀ ॥੧੪॥

param jot jaagaae vaajaa vaavasee |14|

(گرو منکھّ دے اندر) سبھ توں اچی ربی جوتِ جگا کے (ربی جوتِ دا) واجا وجا دیندا ہے۔ (ربی جوتِ دا ربی سفت-سالاہ دا اتنا پربل پربھاو بنا دیندا ہے کِ منکھّ دے اندر وکاراں دا رولا سنیا ہی نہیں جاندا۔ وکاراں دی کوئی پیش ہی نہیں جاندی کِ ککرماں دا کوئی چکڑ کھلار سکن) ॥14۔۔

ਮਨਹੁ ਜਿ ਅੰਧੇ ਘੂਪ ਕਹਿਆ ਬਿਰਦੁ ਨ ਜਾਣਨੀ ॥

manahu ji andhe ghoop kahiaa birad na jaananee |

جہڑے منکھّ منوں گھپّ انھے ہن (پجّ کے مورکھ ہن) اہ دسیاں بھی (انسانی) فرز نہیں جاندے۔

ਮਨਿ ਅੰਧੈ ਊਂਧੈ ਕਵਲ ਦਿਸਨਿ ਖਰੇ ਕਰੂਪ ॥

man andhai aoondhai kaval disan khare karoop |

من انھا ہون کرکے، ہردا کیول (دھرم ولوں) الٹیا ہویا ہون دے کارن اہ بندے بہت کوجھے (کوجھے جیون والے) لگدے ہن۔

ਇਕਿ ਕਹਿ ਜਾਣਨਿ ਕਹਿਆ ਬੁਝਨਿ ਤੇ ਨਰ ਸੁਘੜ ਸਰੂਪ ॥

eik keh jaanan kahiaa bujhan te nar sugharr saroop |

کئی منکھّ ایسے ہندے ہن جو (آپ) گلّ کرنی بھی جاندے ہن، تے، کسے دی آکھی بھی سمجھدے ہن، اہ منکھّ سچجے تے سوہنے جاپدے ہن۔

ਇਕਨਾ ਨਾਦੁ ਨ ਬੇਦੁ ਨ ਗੀਅ ਰਸੁ ਰਸੁ ਕਸੁ ਨ ਜਾਣੰਤਿ ॥

eikanaa naad na bed na geea ras ras kas na jaanant |

کئی بندیاں نوں ناہ جوگیاں دے ناد دا رس، ناہ وید دا شوک، ناہ راگ دی کھچّ-کسے تراں دے کومل انر ولّ رچی نہیں ہے،

ਇਕਨਾ ਸਿਧਿ ਨ ਬੁਧਿ ਨ ਅਕਲਿ ਸਰ ਅਖਰ ਕਾ ਭੇਉ ਨ ਲਹੰਤਿ ॥

eikanaa sidh na budh na akal sar akhar kaa bheo na lahant |

کئی بندیاں نوں ناہ (وچار وچ) سپھلتا، ناہ سچجی بدھی، ناہ اکل دی سار ہے، تے، اک اکھر بھی پڑھنا نہیں جاندے (پھر بھی، آکڑ ہی آکڑ وکھالدے ہن)۔

ਨਾਨਕ ਤੇ ਨਰ ਅਸਲਿ ਖਰ ਜਿ ਬਿਨੁ ਗੁਣ ਗਰਬੁ ਕਰੰਤ ॥੧੫॥

naanak te nar asal khar ji bin gun garab karant |15|

ہے نانک! جنھاں وچ کوئی گن ناہ ہووے، تے، اہنکار کری جان، اہ منکھّ نرے کھوتے ہن ۔۔15۔۔

ਸੋ ਬ੍ਰਹਮਣੁ ਜੋ ਬਿੰਦੈ ਬ੍ਰਹਮੁ ॥

so brahaman jo bindai braham |

(ساڈیاں نزراں وچ) اہ (منکھّ اسل) براہمن ہے جو پرماتما نال ڈونگھی سانجھ پائی رکھدا ہے،

ਜਪੁ ਤਪੁ ਸੰਜਮੁ ਕਮਾਵੈ ਕਰਮੁ ॥

jap tap sanjam kamaavai karam |

جو اہی جپ-کرم کردا ہے، اہی تپ-کرم کردا ہے، اہی سنجم-کرمم کردا ہے (جو پرماتما دی بھگتی نوں ہی جپ تپ سنجم سمجھدا ہے)

ਸੀਲ ਸੰਤੋਖ ਕਾ ਰਖੈ ਧਰਮੁ ॥

seel santokh kaa rakhai dharam |

جو مٹھے سبھاء اتے سنتوکھ دا فرز نباہندا ہے،

ਬੰਧਨ ਤੋੜੈ ਹੋਵੈ ਮੁਕਤੁ ॥

bandhan torrai hovai mukat |

جو مایا دے موہ دیاں پھاہیاں توڑ لیندا ہے اتے مایا دے موہ توں آزاد ہو جاندا ہے۔

ਸੋਈ ਬ੍ਰਹਮਣੁ ਪੂਜਣ ਜੁਗਤੁ ॥੧੬॥

soee brahaman poojan jugat |16|

اہی براہمن آدر-ستکار دا ہکدار ہے ۔۔16۔۔

ਖਤ੍ਰੀ ਸੋ ਜੁ ਕਰਮਾ ਕਾ ਸੂਰੁ ॥

khatree so ju karamaa kaa soor |

(ساڈیاں نزراں وچ) اہ منکھّ کھتری ہے جو (کامادک ویریاں نوں مار-مکان لئی) نیک کرم کرن والا سورما بندا ہے،

ਪੁੰਨ ਦਾਨ ਕਾ ਕਰੈ ਸਰੀਰੁ ॥

pun daan kaa karai sareer |

جو آپنے سریر نوں (آپنے جیون نوں، ہورناں وچ) بھلے کرم ونڈن لئی وسیلا بناندا ہے،

ਖੇਤੁ ਪਛਾਣੈ ਬੀਜੈ ਦਾਨੁ ॥

khet pachhaanai beejai daan |

جو (آپنے سریر نوں کسان دے کھیت وانگ) کھیت سمجھدا ہے (تے، اس کھیت وچ پرماتما دے نام دی) دات (نام-بیج) بیجدا ہے۔

ਸੋ ਖਤ੍ਰੀ ਦਰਗਹ ਪਰਵਾਣੁ ॥

so khatree daragah paravaan |

اجہا کھتری پرماتما دی ہزوری وچ کبول ہندا ہے۔

ਲਬੁ ਲੋਭੁ ਜੇ ਕੂੜੁ ਕਮਾਵੈ ॥

lab lobh je koorr kamaavai |

پر جہڑا منکھّ لبّ لوبھ اتے ہور ٹھگی آدک کردا رہندا ہے،

ਅਪਣਾ ਕੀਤਾ ਆਪੇ ਪਾਵੈ ॥੧੭॥

apanaa keetaa aape paavai |17|

(اہ جنم دا چاہے کھتری ہی ہووے) اہ منکھّ (لبّ آدک) کیتے کرماں دا پھل آپ ہی بھگتدا ہے (اہ منکھّ کامادک وکاراں دا شکار ہویا ہی رہندا ہے، اہ نہیں ہے سورما) ॥17۔۔

ਤਨੁ ਨ ਤਪਾਇ ਤਨੂਰ ਜਿਉ ਬਾਲਣੁ ਹਡ ਨ ਬਾਲਿ ॥

tan na tapaae tanoor jiau baalan hadd na baal |

(آپنے) سریر نوں (دھونیاں نال) تنور وانگ ناہ ساڑ، تے، ہڈاں نوں (دھونیاں نال) اؤں ناہ بلا جویں اہ بالن ہے۔

ਸਿਰਿ ਪੈਰੀ ਕਿਆ ਫੇੜਿਆ ਅੰਦਰਿ ਪਿਰੀ ਸਮੑਾਲਿ ॥੧੮॥

sir pairee kiaa ferriaa andar piree samaal |18|

(تیرے) سر نے (تیرے) پیراں نے کجھ نہیں وگاڑیا (اہناں نوں دھونیاں نال کیوں دکھی کردا ہیں؟ اہناں نوں دکھی ناہ کر) پرماتما (دی یاد) نوں آپنے ہردے وچ سامبھ کے رکھّ ۔۔18۔۔