جدوں جیو گرو دی شرن پیندا ہے، تدوں اس دی ساری کوجھی متِ ناس ہو جاندی ہے۔
تدوں، ہے نانک! اہ ساریاں منو-کامنا پوریاں کرن والے پرماتما نوں سمردا ہے؛ تے، اس دی جم دی پھاہی (بھی) کٹی جاندی ہے ۔۔3۔۔7۔۔
سورٹھِ مہلا 9 ۔۔
ہے منکھّ! آپنے دل وچ اہ پکی گلّ ٹکا لے،
(کِ) سارا سنسار سپنے ورگا ہے، (اس دے) ناس ہندیاں چر نہیں لگدا ۔۔1۔۔ رہاؤ ۔۔
ہے بھائی! (جویں کسے نے) ریت دی کندھ اسار کے پوچ کے تیار کیتی ہووے؛ پر اہ کندھ چار دن بھی (ٹکی) نہیں رہندی۔
اس مایا دے سکھ بھی اس (ریت دی کندھ) ورگے ہی ہن۔ ہے مورکھ! توں اہناں سکھاں وچ کیوں مست ہو رہا ہیں؟ ॥1۔۔
ہے بھائی! اجے بھی سمجھ جا (اجے) کجھ وگڑیا نہیں؛ تے پرماتما دا نام سمریا کر۔
نانک آکھدا ہے- (ہے بھائی!) میں تینوں گرمکھاں دا اہ نجی خیال پکار کے سنا رہا ہاں ۔۔2۔۔8۔۔
سورٹھِ مہلا 9 ۔۔
ہے بھائی! اس جگت وچ کوئی (توڑ ساتھ نباہن والا) متر (میں) نہیں ویکھیا۔
سارا سنسار آپنے سکھ وچ ہی جٹا پیا ہے۔ دکھّ وچ (کوئی کسے دے) نال (ساتھی) نہیں بندا ۔۔1۔۔ رہاؤ ۔۔
ہے بھائی! استری، متر، پتر، رشتیدار-اہ سارے دھن نال (ہی) پیار کردے ہن۔
جدوں ہی اہناں نے منکھّ نوں کنگال ویکھیا، (تدوں) ساتھ چھڈّ کے نسّ جاندے ہن ۔۔1۔۔
ہے بھائی! میں اس جھلے من نوں کیہ سمجھاواں؟ (اس نے) اہناں (کچے ساتھیاں) نال پیار پایا ہویا ہے۔
(جیہڑا پرماتما) غریباں دا راکھا تے سارے ڈر ناس کرن والا ہے اس دی سفت-سالاہ (اس نے) بھلائی ہوئی ہے ۔۔2۔۔
ہے بھائی! جویں کتے دی پوچھل سدھی نہیں ہندی (اسے تراں اس من دی پرماتما دی یاد ولوں لا-پرواہی ہٹدی نہیں) میں بہت جتن کیتا ہے۔
ہے نانک! (آکھ-ہے پربھو! آپنے) مڈھّ-کدیماں دے (پیار والے) سبھاء دی لاج رکھّ (میری مدد کر، تاں ہی) میں تیرا نام جپ سکدا ہاں ۔۔3۔۔9۔۔
سورٹھِ مہلا 9 ۔۔
ہے من! توں گرو دی سکھیا گرہن نہیں کردا۔
(ہے بھائی! گرو دا اپدیش بھلا کے) جے سر بھی منا لیا، تے، بھگوے رنگ دے کپڑے پا لئے، تاں بھی کیہ بنیا؟ (آتمک جیون دا کجھ بھی ناہ سوریا) ॥1۔۔ رہاؤ ۔۔
(ہے بھائی! بھگوا بھیکھ تاں دھار لیا، پر) سدا-تھر پربھو دا نام چھڈّ کے ناسونت پدارتھاں وچ ہی سرتِ جوڑی رکھی،
(لوکاں نال) چھل کر کے آپنا پیٹ پالدا رہا، تے، پشوآں وانگ ستا رہا ۔۔1۔۔
ہے بھائی! (غافل منکھّ) پرماتما دے بھجن دی جگتِ نہیں سمجھدا، مایا دے ہتھ وچ وکیا رہندا ہے۔
کملا منکھّ مائک پدارتھاں (دے موہ) وچ مگن رہندا ہے، تے، پربھو دے (سریشٹ) رتن-نام نوں بھلائی رکھدا ہے ۔۔2۔۔
(منکھّ مایا وچ پھس کے) اویسلا ہویا رہندا ہے، پرماتما نوں یاد نہیں کردا، ساری امر وئرتھ گزار لیندا ہے۔
نانک آکھدا ہے- ہے ہری! توں آپنے مڈھّ-کدیماں دے (پیار والے) سبھاء نوں چیتے رکھّ۔ اہ جیو تاں سدا بھلے ہی رہندے ہن ۔۔3۔۔10۔۔
سورٹھِ مہلا 9 ۔۔
ہے بھائی! جیہڑا منکھّ دکھاں وچ گھبراندا نہیں،
جس منکھّ دے ہردے وچ سکھاں نال موہ نہیں، اتے (کسے کسم دے) ڈر نہیں، جیہڑا منکھّ سونے نوں مٹی (سمان) سمجھدا ہے (اس دے اندر پرماتما دا نواس ہو جاندا ہے) ॥1۔۔ رہاؤ ۔۔
ہے بھائی! جس منکھّ دے اندر کسے دی چغلی-برائی نہیں، کسے دی خشامد نہیں، جس دے اندر ناہ لوبھ ہے، ناہ موہ ہے، ناہ اہنکار ہے؛
جیہڑا منکھّ خشی تے غمی توں نرلیپ رہندا ہے، جس نوں ناہ آدر پوہ سکدا ہے ناہ نرادری (منکھّ دے ہردے وچ پرماتما دا نواس ہو جاندا ہے) ॥1۔۔
ہے بھائی! جیہڑا منکھاں آساں امیداں سبھ تیاگ دیندا ہے، جگت توں نرموہ رہندا ہے،
جس منکھّ نوں ناہ کام-واسنا چھوہ سکدی ہے ناہ کرودھ چھوہ سکدا ہے، اس منکھّ دے ہردے وچ پرماتما دا نواس ہو جاندا ہے ۔۔2۔۔
(پر) جس منکھّ اتے گرو نے میہر کیتی اس نے (ہی جیون دی) اہ جاچ سمجھی ہے۔
ہے نانک! (آکھ-) اہ منکھّ پرماتما نال اؤں اک-مک ہو جاندا ہے، جویں پانی نال پانی مل جاندا ہے ۔۔3۔۔11۔۔