ہے میرے من! گرو دی سرن پیاں ہی (موہ توں) خلاسی ہو سکدی ہے۔
پورے گرو توں بنا (جیو دا) جنم مرن (دا گیڑ) نہیں مکدا، (جیو) مڑ مڑ (جگت وچ) آؤندا رہندا ہے رہاؤ۔۔
جس مانسک ہالت نوں 'بھرم بھلاوا' آکھیدا ہے، سارا جگت اہناں (بھرم بھلاویاں وچ) پھسیا پیا ہے۔
پرنتو سرب-ویاپک مالک-پربھو دا پورن بھگت (دنیا دے) سارے پدارتھاں (دے موہ) توں وکھرا رہندا ہے ۔۔2۔۔
پھر بھی، ہے بھائی! اہ سارا جگت مالک-پربھو دا پیدا کیتا ہویا ہے، میں اس نوں کسے غلے بھی ماڑا نہیں آکھ سکدا۔
ہاں، جس منکھّ اتے میرے پربھو نے میہر کر دتی، اہ سادھ سنگتِ وچ مل کے پرماتما دا نام جپدا ہے، (تے، موہ توں بچ نکلدا ہے) ॥3۔۔
(جیہڑے منکھّ گرو دی سرن پیندے ہن) پرماتما دا روپ گرو اہناں سبھناں دا پار-اتارا کر دیندا ہے۔
نانک آکھدا ہے- اساں اہ پوری اسلیئت وچار لئی ہے کِ گرو دی سرن پین توں بنا (سنسار-سمندر توں) پار نہیں لنگھ سکیدا ۔۔4۔۔9۔۔
سورٹھِ مہلا 5 ۔۔
ہے بھائی! بڑی لمی کھوج کر کے اسیں اس وچار تے پہنچے ہاں کِ پرماتما دا نام (-سمرنا ہی منکھا جیون دی) سبھ توں اچی اسلیئت ہے۔
گرو دی سرن پے کے ہرِ-نام سمریاں (اہ نام) اکھّ دے پھور وچ (سارے) پاپ کٹّ دیندا ہے، تے، (سنسار-سمندر توں) پار لنگھا دیندا ہے ۔۔1۔۔
آتمک جیون دی سوجھ والے ہے منکھّ! (سدا) پرماتما دا نام-رس پیا کر۔
(ہے بھائی!) گرو دی آتمک جیون دین والی بانی دی راہیں (پرماتما دا) نام مڑ مڑ سن کے (منکھّ دا) من سبھ توں اچا سنتوکھ ہاسل کر لیندا ہے رہاؤ۔۔
ہے بھائی! سارے سکھاں دا دین والا، سدا کائم رہن والا پرماتما جے مل پئے، تاں اہی ہے وکاراں توں خلاسی (دا مول)، اہی ہے (آتما دی) خوراک، اہی ہے جیؤن دا سچجا ڈھنگ۔
اہ سرب-ویاپک سرجن ہار پربھو بھگتی دا (اہ) دان آپنے سیوک نوں (ہی) بخشدا ہے ۔۔2۔۔
ہے بھائی! اس (پربھو دے) ہی (نام) نوں کناں نال سننا چاہیدا ہے، جیبھ نال گانا چاہیدا ہے، ہردے وچ آرادھنا چاہیدا ہے،
جس جگت دے مول سبھ تاکتاں دے مالک دے در توں کوئی جیو خالی-ہتھی نہیں جاندا ۔۔3۔۔
ہے کرپال! وڈی کسمت نال اہ سریشٹ منکھا جنم لبھا ہے (ہن) میہر کر،
ہے گوپال! (تیرا سیوک) نانک سادھ سنگتِ وچ رہِ کے تیرے گن گاندا رہے، تیرا نام سدا سمردا رہے ۔۔4۔۔10۔۔
سورٹھِ مہلا 5 ۔۔
(ہے بھائی! امرت ویلے) اشنان کر کے، آپنے پربھو دا نام سمر کے من اتے سریر نروئے ہو جاندے ہن،
(کیونکِ) پربھو دی سرن پیاں (جیون دے راہ وچ آؤن والیاں) کروڑاں رکاوٹاں دور ہو جاندیاں ہن، تے، پربھو نال ملاپ دے چنگے اوسر اگھڑ پیندے ہن ۔۔1۔۔
ہے بھائی! (گرو نے آپنا) شبد سوہنا اچاریا ہویا ہے، (اہ شبد) پربھو دی سفت-سالاہ دی بانی ہے۔
(اس شبد نوں) سدا گاندے رہو، سندے رہو، پڑھدے رہو، (جے اہ ادم کردا رہینگا، تاں یکین رکھّ) پورے گرو نے تینوں (جیون وچ آؤن والیاں رکاوٹاں توں) بچا لیا رہاؤ۔۔
ہے بھائی! مالک-پربھو سدا کائم رہن والا ہے، اس دی بزرگی منی نہیں جا سکدی، اہ بھگتی نال پیار کرن والا ہے، اہ دیا دا سوما ہے۔
آپنے سنتاں دی ازت اہ (سدا توں ہی) رکھدا آیا ہے، آپنا اہ مڈھّ-کدیماں دا سبھاؤ اہ شرو توں ہی پالدا آ رہا ہے ۔۔2۔۔
ہے بھائی! پرماتما دا نام آتمک جیون دین والا ہے، اہ (آتمک) خوراک سدا کھاندے رہو، ہر ویلے آپنے مونہ وچ پاندے رہو۔
ہے بھائی! گوبند دے گن سدا گاندے رہو (آتمک جیون نوں) ناہ بڈھیپا آویگا نا موت آویگی، ہریک دکھّ-کلیش دور ہو جائگا ۔۔3۔۔
ہے بھائی! (جس بھی منکھّ نے گرو دے شبد دا آسرا لے کے پربھو دا نام جپیا) میرے مالک نے اس دی ارداسِ سن لئی، (کروڑاں وگھناں دا ٹاکرا کرن لئی اس دے اندر) پوری تاکت پیدا ہو جاندی ہے۔
ہے نانک! گرو دی اہ ازمت سارے جگاں وچ ہی پرتکھّ اگھڑ رہندی ہے ۔۔4۔۔11۔۔
راگ سورٹھِ، گھر 2 وچّ گرو ارجندیو جی دی چار-بنداں والی بانی۔
اکال پرکھ اکّ ہے اتے ستگورو دی کرپا نال ملدا ہے۔
(ساڈا) اکو ہی پربھو-پتا ہے، اسیں اکو پربھو-پتا دے بچے ہاں، (پھر،) توں میرا گربھائی (بھی) ہیں۔
ہے متر! مینوں پرماتما دا درسن کرا دیہ۔ میری جند تیتھوں مڑ مڑ سدکے جایا کریگی ۔۔1۔۔