شری گرو گرنتھ صاحب جی

انگ - 19

ਦਰਿ ਘਰਿ ਢੋਈ ਨ ਲਹੈ ਦਰਗਹ ਝੂਠੁ ਖੁਆਰੁ ॥੧॥ ਰਹਾਉ ॥

dar ghar dtoee na lahai daragah jhootth khuaar |1| rahaau |

(جو جیو-استری پریم توں سکھنی رہِ کے ہی دھارمک ادم کرم آدک کری جاندی ہے، پر اس دے اندر مایا-موہا پربل ہے) اہ پربھو دے در تے پربھو دے گھر وچ آسرا نہیں لے سکدی، (کیونکِ) جھوٹھ (بھاو، مایا دا موہ) پربھو دی ہزوری وچ درکاریا ہی جاندا ہے ۔۔1۔۔ رہاؤ ۔۔

ਆਪਿ ਸੁਜਾਣੁ ਨ ਭੁਲਈ ਸਚਾ ਵਡ ਕਿਰਸਾਣੁ ॥

aap sujaan na bhulee sachaa vadd kirasaan |

(کسان آپنے روزانا تجربے توں جاندا ہے کِ بی بیجن توں پہلاں دھرتی نوں کویں تیار کرنا ہے تاں کِ فسل چنگا لگّ سکے) سدا-تھر رہن والا پرماتما وڈا کسان ہے، اہ (بڑا) سیانا کسان ہے، اہ غلتی نہیں کھاندا۔

ਪਹਿਲਾ ਧਰਤੀ ਸਾਧਿ ਕੈ ਸਚੁ ਨਾਮੁ ਦੇ ਦਾਣੁ ॥

pahilaa dharatee saadh kai sach naam de daan |

(جس ہردے-دھرتی وچ نام-بیج بیجنا ہندا ہے) اہ اس ہردے دھرتی نوں پہلاں چنگی تراں تیار کردا ہے پھر اس وچ سچے نام دا بیج بیجدا ہے۔

ਨਉ ਨਿਧਿ ਉਪਜੈ ਨਾਮੁ ਏਕੁ ਕਰਮਿ ਪਵੈ ਨੀਸਾਣੁ ॥੨॥

nau nidh upajai naam ek karam pavai neesaan |2|

اتھے نام اگدا ہے، (مانو) نوں خزانے پیدا ہو جاندے ہن، پربھو دی مہر نال (اس ہردے وچ کیتی مہنت) کبول پیندی ہے ۔۔2۔۔

ਗੁਰ ਕਉ ਜਾਣਿ ਨ ਜਾਣਈ ਕਿਆ ਤਿਸੁ ਚਜੁ ਅਚਾਰੁ ॥

gur kau jaan na jaanee kiaa tis chaj achaar |

جیہڑا منکھّ جان بجھّ کے گرو (دی بزرگی) نوں نہیں سمجھدا اس دا سارا جیون-ڈھنگن کوجھا ہے۔

ਅੰਧੁਲੈ ਨਾਮੁ ਵਿਸਾਰਿਆ ਮਨਮੁਖਿ ਅੰਧ ਗੁਬਾਰੁ ॥

andhulai naam visaariaa manamukh andh gubaar |

(آتمک روشنی ولوں) اس انھے نے پربھو دا نام وساریا ہے، آپنے من دے پچھے ترن والے نوں (جیون-پندھن وچ) گھپّ ہنیرا ہی ہنیرا رہندا ہے۔

ਆਵਣੁ ਜਾਣੁ ਨ ਚੁਕਈ ਮਰਿ ਜਨਮੈ ਹੋਇ ਖੁਆਰੁ ॥੩॥

aavan jaan na chukee mar janamai hoe khuaar |3|

اس دا جنم مرن دا گیڑ نہیں مکدا اہ نتّ جمدا ہے مردا ہے، جمدا ہے، مردا ہے تے خوار ہندا رہندا ہے ۔۔3۔۔

ਚੰਦਨੁ ਮੋਲਿ ਅਣਾਇਆ ਕੁੰਗੂ ਮਾਂਗ ਸੰਧੂਰੁ ॥

chandan mol anaaeaa kungoo maang sandhoor |

(کسے استری نے آپنے پتی نوں پرسنّ کرن لئی آپنے سریرک شنگار واستے) چندن ملّ منگایا، کیسر منگایا، سر دے کیساں دے چیر سندر بنان لئی سندھور منگایا۔

ਚੋਆ ਚੰਦਨੁ ਬਹੁ ਘਣਾ ਪਾਨਾ ਨਾਲਿ ਕਪੂਰੁ ॥

choaa chandan bahu ghanaa paanaa naal kapoor |

اتر چندن تے ہور سگندھیاں منگائیاں، پان منگائے تے کپور منگایا۔

ਜੇ ਧਨ ਕੰਤਿ ਨ ਭਾਵਈ ਤ ਸਭਿ ਅਡੰਬਰ ਕੂੜੁ ॥੪॥

je dhan kant na bhaavee ta sabh addanbar koorr |4|

پر جے اہ استری پتی نوں (پھر بھی) چنگی ن لگی، تاں اس دے اہ وکھاوے دے سارے ادم وئرتھ گئے (اہی ہال جیو-استری دا ہے، پتی-پربھو وکھاوے دے دھارمک ادماں نال نہیں ریجھدا) ॥4۔۔

ਸਭਿ ਰਸ ਭੋਗਣ ਬਾਦਿ ਹਹਿ ਸਭਿ ਸੀਗਾਰ ਵਿਕਾਰ ॥

sabh ras bhogan baad heh sabh seegaar vikaar |

اجیہے منکھّ دے سارے سندر پدارتھ ورتنے وئرتھ چلے جاندے ہن (کیونکِ پدارتھاں نوں بھوگن والا سریر تاں انت سواہ ہو جاندا ہے) ساریاں سریرک سجاوٹاں بھی بے-کار ہی جاندیاں ہن۔

ਜਬ ਲਗੁ ਸਬਦਿ ਨ ਭੇਦੀਐ ਕਿਉ ਸੋਹੈ ਗੁਰਦੁਆਰਿ ॥

jab lag sabad na bhedeeai kiau sohai guraduaar |

جد تک منکھّ دا من گرو دے شبد (-تیر) نال وجھدا نہیں، تد تک گرو دے در تے سوبھا نہیں ملدی۔

ਨਾਨਕ ਧੰਨੁ ਸੁਹਾਗਣੀ ਜਿਨ ਸਹ ਨਾਲਿ ਪਿਆਰੁ ॥੫॥੧੩॥

naanak dhan suhaaganee jin sah naal piaar |5|13|

ہے نانک! اہی بھاگاں والیاں جیو-استریاں مبارک ہن جنھاں دا پربھو-پتیو نال پریم بنیا رہندا ہے ۔۔5۔۔13۔۔

ਸਿਰੀਰਾਗੁ ਮਹਲਾ ੧ ॥

sireeraag mahalaa 1 |

سریراگُ مہلا 1 ۔۔

ਸੁੰਞੀ ਦੇਹ ਡਰਾਵਣੀ ਜਾ ਜੀਉ ਵਿਚਹੁ ਜਾਇ ॥

sunyee deh ddaraavanee jaa jeeo vichahu jaae |

جدوں جند سریر وچوں نکل جاندی ہے، تاں اہ سریر اجڑ جاندا ہے، اس توں ڈر لگن لگّ پیندا ہے۔

ਭਾਹਿ ਬਲੰਦੀ ਵਿਝਵੀ ਧੂਉ ਨ ਨਿਕਸਿਓ ਕਾਇ ॥

bhaeh balandee vijhavee dhooau na nikasio kaae |

جیہڑی جیون-اگنی (پہلاں اس وچ) بلدی سی اہ بجھّ جاندی ہے (جیون-ستیا مکّ جاندی ہے)، کوئی بھی ساہ نہیں آؤندا جاندا۔

ਪੰਚੇ ਰੁੰਨੇ ਦੁਖਿ ਭਰੇ ਬਿਨਸੇ ਦੂਜੈ ਭਾਇ ॥੧॥

panche rune dukh bhare binase doojai bhaae |1|

(اکھاں کنّ آدک) جیہڑے پنج گیان-اندرے (پر-تن نندا آدک) مائک موہ وچ ہی ناس ہندے رہے، اہ وی دکھی ہو ہو کے روئے (بھاو، نکارے ہو جان تے مجبور ہو گئے) ॥1۔۔

ਮੂੜੇ ਰਾਮੁ ਜਪਹੁ ਗੁਣ ਸਾਰਿ ॥

moorre raam japahu gun saar |

ہے مورکھ جیو! (اس انتلی دشا نوں ساہمنے لیا کے) پرماتما دے گن چیتے کر، پربھو دا نام جپ۔

ਹਉਮੈ ਮਮਤਾ ਮੋਹਣੀ ਸਭ ਮੁਠੀ ਅਹੰਕਾਰਿ ॥੧॥ ਰਹਾਉ ॥

haumai mamataa mohanee sabh mutthee ahankaar |1| rahaau |

ساری سرشٹی (غافل ہو کے) موہنی مایا دی ممتا وچ ہؤمے وچ تے اہنکار وچ ٹھگی جا رہی ہے ۔۔1۔۔ رہاؤ ۔۔

ਜਿਨੀ ਨਾਮੁ ਵਿਸਾਰਿਆ ਦੂਜੀ ਕਾਰੈ ਲਗਿ ॥

jinee naam visaariaa doojee kaarai lag |

جنھاں بندیاں نے ہور ہور نری دنیاوی کار وچ لگّ کے پرماتما دا نام بھلا دتا ہے،

ਦੁਬਿਧਾ ਲਾਗੇ ਪਚਿ ਮੁਏ ਅੰਤਰਿ ਤ੍ਰਿਸਨਾ ਅਗਿ ॥

dubidhaa laage pach mue antar trisanaa ag |

اہ سدا میر-تیر وچ پھسے رہے، اہناں دے اندر ترشنا دی اگّ بھڑکدی رہی، جس وچ کھجھّ سڑ کے اہ آتمک موت مر گئے۔

ਗੁਰਿ ਰਾਖੇ ਸੇ ਉਬਰੇ ਹੋਰਿ ਮੁਠੀ ਧੰਧੈ ਠਗਿ ॥੨॥

gur raakhe se ubare hor mutthee dhandhai tthag |2|

جنھاں دی راکھی گرو نے کیتی، اہ ترشنا-اگن توں بچّ گئے، باکی سبھناں نوں دنیا دے کھلجگن-ٹھگگ نے ٹھگّ لیا ۔۔2۔۔

ਮੁਈ ਪਰੀਤਿ ਪਿਆਰੁ ਗਇਆ ਮੁਆ ਵੈਰੁ ਵਿਰੋਧੁ ॥

muee pareet piaar geaa muaa vair virodh |

اس دی دنیاوی پریت مکّ جاندی ہے اس دا مائک پدارتھاں نال پیار ختم ہو جاندا ہے، اس دا کسے نال ویر-ورودھ نہیں رہِ جاندا۔

ਧੰਧਾ ਥਕਾ ਹਉ ਮੁਈ ਮਮਤਾ ਮਾਇਆ ਕ੍ਰੋਧੁ ॥

dhandhaa thakaa hau muee mamataa maaeaa krodh |

اس دی مایا والی دوڑ-بھجّ مکّ جاندی ہے، ہؤمے مر جاندی ہے، مایا دی ممتا ختم ہو جاندی ہے، تے کرودھ وی مر جاندا ہے۔

ਕਰਮਿ ਮਿਲੈ ਸਚੁ ਪਾਈਐ ਗੁਰਮੁਖਿ ਸਦਾ ਨਿਰੋਧੁ ॥੩॥

karam milai sach paaeeai guramukh sadaa nirodh |3|

پر جو گرمکھِ گیان-اندریاں نوں سدا روک کے رکھدا ہے اس نوں پربھو دی کرپا نال اس پربھو دا ملاپ ہو جاندا ہے ۔۔3۔۔

ਸਚੀ ਕਾਰੈ ਸਚੁ ਮਿਲੈ ਗੁਰਮਤਿ ਪਲੈ ਪਾਇ ॥

sachee kaarai sach milai guramat palai paae |

جیہڑا منکھّ (سمرن دی) سدا-ٹکی رہن والی کار وچ لگا رہندا ہے اس نوں سدا-تھر پربھو مل پیندا ہے، اس نوں گرو دی سکھیا پراپت ہو جاندی ہے۔

ਸੋ ਨਰੁ ਜੰਮੈ ਨਾ ਮਰੈ ਨਾ ਆਵੈ ਨਾ ਜਾਇ ॥

so nar jamai naa marai naa aavai naa jaae |

اہ منکھّ مڑ مڑ جمدا مردا نہیں رہندا، اہ جنم مرن دے گیڑ توں بچّ جاندا ہے۔

ਨਾਨਕ ਦਰਿ ਪਰਧਾਨੁ ਸੋ ਦਰਗਹਿ ਪੈਧਾ ਜਾਇ ॥੪॥੧੪॥

naanak dar paradhaan so darageh paidhaa jaae |4|14|

ہے نانک! اہ منکھّ پربھو دے در تے سرخرو ہندا ہے، اہ پربھو دی ہزوری وچ سروپا لے کے جاندا ہے ۔۔4۔۔14۔۔

ਸਿਰੀਰਾਗੁ ਮਹਲ ੧ ॥

sireeraag mahal 1 |

سریراگُ مہلا 1 ۔۔

ਤਨੁ ਜਲਿ ਬਲਿ ਮਾਟੀ ਭਇਆ ਮਨੁ ਮਾਇਆ ਮੋਹਿ ਮਨੂਰੁ ॥

tan jal bal maattee bheaa man maaeaa mohi manoor |

(جس نے نام نہیں سمریا، اس دا) سریر (وکاراں وچ ہی) سڑ بل کے مٹی ہو جاندا ہے (رل جاندا ہے)، اس دا من مایا دے موہ وچ (پھس کے، مانو) سڑیا ہویا لوہا بن جاندا ہے۔