ہے نانک! جے من وچ سچا سانئی وسّ پئے تاں سارے کوجھے دکھّ لہِ جاندے ہن ۔۔2۔۔
پؤڑی ۔۔
پربھو دا نام سمریاں کروڑاں پاپ سارے دے سارے ناس ہو جاندے ہن۔
پربھو دی سفتِ-سالاہ کیتیاں من-اچھت پھل پائیدے ہن۔
جمن توں مرن تک دے سارے سہم کٹے جاندے ہن تے اٹلّ سچی پدوی مل جاندی ہے۔
(پر) پربھو دے چرناں وچ سمائی تاں ہی ہندی ہے جے دھروں متھے تے بھاگ لکھیا ہووے۔
(اس واستے) ہے نانک! (پربھو اگے ارداس کر کِ) ہے پربھو! میہر کر، مینوں (پاپاں توں) بچا لے، میں تیتھوں کربان ہاں ۔۔5۔۔
سلوک ۔۔
گھر دیاں بیئنت سجاوٹاں، من وچ چاؤ ملھار، سوادلے پدارتھاں دے چسکے-(اہناں وچ لگّ کے)
ہے نانک! جو منکھّ کدے پرماتما نوں یاد نہیں کردے، اہ (مانو) وشٹے دے کیڑے ہن ۔۔1۔۔
بڑی سج-دھج ہووے، ہریک شے (ملی) ہووے، ہردے وچ (اہناں دنیاوی پدارتھاں دی) مہبتِ تے کھچّ ہووے-اہناں دے کارن،
ہے نانک! جس نوں سائیں (دی یاد) بھلّ گئی ہے اہ سریر (مانو) سواہ (ہی) ہے ۔۔2۔۔
پؤڑی ۔۔
جے سوہنی سیج ملی ہووے، انیکاں سکھ ہون، سبھ کسم دے سوادلے بھوگ بھوگن نوں ہون۔
جے موتی ہیریاں نال جڑے ہوئے سونے دے گھر ہون جنھاں وچ چندن دی سگندھی ہووے۔
جے منکھّ من-منیاں موجاں ماندا ہووے، تے کوئی چنتا جھورا ناہ ہووے،
(پر اہ سبھ کجھ ہندیاں) جے (اہ داتاں دین والا) اہ پربھو من وچ یاد نہیں ہے تاں (اہ بھوگ بھوگن والیاں نوں) گند دے کیڑے جانو،
(کیونکِ) پربھو دے نام توں بنا شانتی نہیں ملدی، ہور کسے تراں بھی من دھیرج نہیں پھڑدا ۔۔6۔۔
سلوک ۔۔
ہے نانک! پربھو دا پریمی پربھو دے سوہنے چرناں نال جڑن دی کھچّ وچ دسیں پاسیں بھوندا ہے،
چھل-روپ مایا (دا کھہڑا) چھڈدا ہے تے (بھالدیاں بھالدیاں اس نوں) آنند-روپد سادھ سنگتِ پراپت ہندی ہے (جتھے اس نوں پربھو دی سفتِ-سالاہ سنن دا اوسر ملدا ہے) ॥1۔۔
میرے من وچ سانئی (دی یاد) ہے، میں مونہوں اس دا نام اچاردا ہاں تے سارے جگت وچ چکر لاؤندا ہاں (کِ کتے اس دی سفتِ-سالاہ سن سکاں)
ہے نانک! (جگت والے) سارے وکھاوے مینوں ناسونت دسّ رہے ہن۔ اس دی سدا-تھر رہن والی سوبھا سن کے میں جیؤ پیندا ہاں ۔۔2۔۔
پؤڑی ۔۔
جے کوئی منکھّ ٹٹی ہوئی کلی وچ رہندا ہووے، اس دے کپڑے سارے پاٹے ہوئے ہون،
ناہ اس دی اچی جاتِ ہووے، ناہ کوئی ازت آدر کردا ہووے، تے اہ اجاڑ وچ بھٹکدا ہووے (بھاو، کتے ازت آدر ناہ ہون کرکے اس دے بھا دی ہر پاسے اجاڑ ہی ہووے)۔
کوئی اس دا متر پیارا ناہ ہووے، ناہ دھن ہی ہووے، ناہ روپ ہی ہووے، تے کوئی ساک سین بھی ناہ ہووے،
(اجیہا نتھاواں ہندیاں بھی) جے اس دا من پربھو دے نام وچ بھجا ہویا ہے تاں اس نوں ساری دھرتی دا راجا سمجھو۔
اس منکھّ دے چرناں دی دھوڑی لے کے من وکاراں توں بچدا ہے اتے پرماتما پرسنّ ہندا ہے ۔۔7۔۔
سلوک ۔۔
انیکاں چوج تماشے، راج دیاں موجاں، سندرتا، (سر تے) چھتر چؤر، تے بیٹھن نوں شاہی تخت-
اہناں پدارتھاں وچ، ہے نانک! انھے مورکھ اگیانی بندے ہی مست ہندے ہن، مایا دے اہ کوتک تاں سپنے دیاں چیزاں (سمان) ہن ۔۔1۔۔
(اہ اؤں ہے جویں) سپنے وچ ساریاں موجاں مانیاں، اہناں دے موہ نے کھچّ پا لئی (پر جدوں جاگ آئی تاں پلے کجھ بھی ناہ رہا)
ہے نانک! جے پربھو دے نام توں وانجے رہے تاں سوہنی مایا دھوکھا ہی ہے ۔۔2۔۔
پؤڑی ۔۔
مورکھ منکھّ نے سپنے نال پیار پایا ہویا ہے۔
اس راج تے رساں دے بھوگاں وچ پربھو نوں وسار کے جاگدا ہی برڑا رہا ہے۔
دنیا دے دھندھے وچ بھٹکدے دی ساری ہی امر بیت جاندی ہے،
پر مایا وچ موہے ہوئے دے کمّ مکن وچ نہیں آؤندے۔
وچارے جیو دے بھی کی وسّ؟ اس پربھو نے آپ ہی اس نوں بھلیکھے وچ پایا ہویا ہے ۔۔8۔۔
سلوک ۔۔
جے سرگ ورگے دیس وچ وسدے ہون، جے ساری دھرتی نوں جتّ لین،
پر، ہے نانک! جے جگت دے رکھک پربھو نوں وسار دین، تاں اہ منکھّ (مانو) جنگل وچ بھٹک رہے ہن ۔۔1۔۔
جگت دے کروڑاں چوج تماشیاں دے کارن جے پربھو دا نام چتّ وچ (یاد) ناہ رہے،
تاں ہے نانک! اہ تھاں اجاڑ سمجھو، اہ تھاں بھیانک نرک دے برابر ہے ۔۔2۔۔
پؤڑی ۔۔
بڑے ڈراؤنے جنگل نوں جیواں نے شہر کر کے منّ لیا ہے،
اہناں ناسونت پدارتھاں نوں ویکھ کے سدا ٹکے رہن والے سمجھ لیا ہے۔