ہے میرے من! جس پربھو پاسوں توں سارے سکھ پا رہا ہیں، اس نوں سدا ہی دوویں ہتھ جوڑ کے (پوری نمرتا نال) سمریا کر۔
ہے ہری! (آپنے) داس نانک نوں اک خیر پا کِ تیرے چرن میرے ہردے وچ سدا ہی وسدے رہن ۔۔4۔۔3۔۔
گونڈ مہلا 4 ۔۔
ہے من! (جگت وچ) جتنے بھی شاہ بادشاہ امیر سردار چودھری (دسدے ہن) اہ سارے ناسونت ہن، (اہو جہے) مایا دے پیار نوں جھوٹھا سمجھ۔
سرف پرماتما ہی ناس-رہت ہے، سدا کائم رہن والا ہے، اٹلّ ہے۔ ہے میرے من! اس پرماتما دا نام جپیا کر، تاہیئیں کبول ہووینگا ۔۔1۔۔
ہے میرے من! سدا پربھو دا نام سمریا کر، اہی اٹلّ آسرا ہے۔
جیہڑا منکھّ گرو دے بچناں اتے تر کے پربھو دے چرناں وچ نواس ہاسل کر لیندا ہے، اس منکھّ دے آتمک بل جتنا ہور کسے دا بل نہیں ۔۔1۔۔ رہاؤ ۔۔
ہے میرے من! (دنیا وچ) جتنے بھی دھن والے، اچی کل والے، زمیناں دے مالک دسّ رہے ہن، اہ سارے ناس ہو جانگے، (اہناں دا وڈپن اؤں ہی کچا ہے) جویں کسمبھے دا رنگ کچا ہے۔
ہے میرے من! اس پرماتما نوں سدا سمر، جو سدا کائم رہن والا ہے، جو مایا دے پربھاو توں پرے ہے، اتے جس دی راہیں توں پربھو دی ہزوری وچ آدر ہاسل کرینگا ۔۔2۔۔
(ہے من! ساڈے دیس وچ) براہمن، کھتری، ویش، شودر-اہ چار (پرسدھّ) ورن ہن، (برہمچرج، گرہست، وانپرست، سنیاس-اہ) چار آشرم (پرسدھّ) ہن۔ اہناں وچوں جیہڑا بھی منکھّ پربھو دا نام سمردا ہے، اہی (سبھ توں) سریشٹ ہے (جاتی آدک کرکے نہیں)۔
جویں چندن دے نیڑے وچارا ارنڈ وسدا ہے (تے سگندھت ہو جاندا ہے) تویں سادھ سنگتِ وچ مل کے وکاری بھی (پوترّ ہو کے) کبول ہو جاندا ہے ۔۔3۔۔
ہے من! جس منکھّ دے ہردے وچ پرماتما آ وسدا ہے، اہ منکھّ ہور سبھناں منکھاں نالوں اچا ہو جاندا ہے، سچا ہو جاندا ہے۔
(ہے بھائی!) داس نانک اس منکھاں دے چرن دھوندا ہے، جیہڑا پربھو دا سیوک ہے پربھو دا بھگت ہے، بھاویں اہ جاتی ولوں نیچ ہی (گنیا جاندا) ہے ۔۔4۔۔4۔۔
گونڈ مہلا 4 ۔۔
ہے میرے من! پرماتما ہریک دے دل دی جانن والا ہے، ہریک تھاں وچ موجود ہے، (ہریک جیو دے اندر ویاپک ہو کے) جہو جہا کمّ (کسے جیو پاسوں) کراندا ہے، اہو جہا کمّ ہی جیو کردا ہے۔
ہے من! اہو جہی تاکت والے پربھو نوں سدا سمردا رہُ، اہ تینوں ہریک (دکھّ-کلیش) توں بچا سکدا ہے ۔۔1۔۔
ہے میرے من! سدا پربھو دا نام جپنا چاہیدا ہے، اچارنا چاہیدا ہے۔
(جدوں) پرماتما توں بنا (ہور) کوئی ناہ مار سکدا ہے ناہ جوال سکدا ہے، تاں پھر، ہے میرے من! (کسے تراں دا) چنتا-فکر نہیں کرنا چاہیدا ۔۔1۔۔ رہاؤ ۔۔
ہے من! اہ سارا دسدا جگت کرتار نے آپ بنایا ہے، اس جگت وچ اس نے آپ ہی آپنی جوتی رکھی ہوئی ہے۔
(سبھ جیواں وچ اہ) کرتار آپ ہی بول رہا ہے۔ (ہریک جیو نوں) اہ پربھو آپ ہی بولن دی ستیا دے رہا ہے۔ پورے گرو نے (مینوں ہر تھاں) اہ اکّ پربھو ہی وکھا دتا ہے ۔۔2۔۔
ہے من! (ہریک جیو دے) اندر پربھو آپ ہی انگ-سنگ وسدا ہے، باہر سارے جگت وچ بھی پربھو ہی ہر تھاں وسدا ہے۔ دسّ! ہے من! اس (سرب-ویاپک) پاسوں کیہڑا لکاؤ کیتا جا سکدا ہے؟
میرے من! اس پربھو دی سیوا بھگتی نرچھل ہو کے کرنی چاہیدی ہے، تاں ہی (اس پاسوں) سارے سکھ ہاسل کر سکیدے ہن ۔۔3۔۔
ہے میرے من! جس پرماتما دے وسّ وچ ہریک چیز ہے، اہ سبھناں والوں وڈا ہے، سدا ہی اس دا دھیان دھرنا چاہیدا ہے۔
ہے داس نانک! (آکھ-ہے من!) اہ پرماتما سدا تیرے نال وسدا ہے، اس دا سدا دھیان دھریا کر، تینوں اہ (ہریک دکھّ-کلیش توں) بچان والا ہے ۔۔4۔۔5۔۔
گونڈ مہلا 4 ۔۔
(ہے سہیلیئے! اس پریم دے تیر دے کارن ہن) میرا من پرماتما دے درشن واستے (اؤں) لچھ رہا ہے جویں پانی توں بنا تہایا منکھّ ۔۔1۔۔
ہے بھائی! پرماتما دا پیار میرے من وچ تیر وانگ لگا ہویا ہے۔
(اس پریم-تیرم دے کارن پیدا ہوئی) میرے من دی اندرلی پیڑ-ویدنا میرا ہری میرا پربھو ہی جاندا ہے ۔۔1۔۔ رہاؤ ۔۔
ہے سہیلیئے! ہن جے کوئی منکھّ مینوں میرے پریتم پربھو دی کوئی گلّ سناوے (تاں مینوں اؤں لگدا ہے کِ) اہ منکھّ میرا بھرا ہے میرا ویر ہے ۔۔2۔۔