گؤڑی مہلا 5 ۔۔
(ہے بھائی! جے اس بھگوان دا آسرا من وچ پکا کرنا ہے، تاں) گرو دا شبد (آپنے) من وچ ٹکائی رکھّ۔
(گر-شبد دی سہائتا نال بھگوان دا) نام سمر، تیرے سارے چنتا-فکر دور ہو جانگے ۔۔1۔۔
(ہے بھائی!) بھگوان توں بنا (جیواں دا) ہور کوئی آسرا نہیں ہے۔
اہ بھگوان ہی (جیواں نوں) ماردا ہے، اہ بھگوان ہی (جیواں نوں) پالدا ہے ۔۔1۔۔ رہاؤ ۔۔
(ہے بھائی! جے بھگوان دا آسرا لینا ہے، تاں) آپنے ہردے وچ دل وچ گرو دے چرن وسا (بھاو، نمترا نال گرو دی سرن پؤ)۔
(گرو دے دسے راہ اتے تر کے پرماتما دا نام) جپ کے توں (ترشنا دی) اگّ دے سمندر توں پار لنگھ جائینگا ۔۔2۔۔
(ہے بھائی! گرو دا شبد ہی گرو دی مورتِ ہے، گرو دا سروپ ہے) گرو دے شبد نال آپنی سرت جوڑ،
توں اس لوک وچ تے پرلوک وچ آدر ہاسل کرینگا ۔۔3۔۔
ہے نانک! جیہڑا منکھّ ہور سارے آسرے چھڈّ کے گرو دی سرن آؤندا ہے،
اس دے سارے چنتا-فکر مکّ جاندے ہن، اہ آتمک آنند ماندا ہے ۔۔4۔۔61۔۔130۔۔
گؤڑی مہلا 5 ۔۔
(ہے بھائی! اس گوبند دی بانی جپ) جس دا سمرن کیتیاں ہریک کسم دا دکھّ دور ہو جاندا ہے،
(تے بانی دی برکتِ نال) پرماتما دا امولک نام من وچ آ وسدا ہے ۔۔1۔۔
ہے میرے من! پرماتما دی سفت-سالاہ دی بانی دا اچارن کر۔
(اس بانی دی راہیں ہی) سنت جن آپنی جیبھ نال پرماتما دے گن گاندے ہن ۔۔1۔۔ رہاؤ ۔۔
(ہے بھائی!) جس دے برابر دا ہور کوئی نہیں ہے، (اس گوبند دی سفت-سالاہ کردا رہُ)،
جس دی مہر دی نگاہ نال سدا آتمک آنند ملدا ہے ۔۔2۔۔
(ہے بھائی! اس) اکّ گوبند نوں آپنا سجن متر ساتھی بنا،
تے اس ہری دی سفت-سالاہ دے اکھر (سنسکار) آپنے من وچ اکر لے ۔۔3۔۔
(ہے بھائی! سارے جگت دا اہ) مالک ہر تھاں ویاپک ہے،
تے ہریک دے دل دی جاندا ہے، نانک (بھی) اس انترجامی سوامی دے گن گاندا ہے ۔۔4۔۔62۔۔131۔۔
گؤڑی مہلا 5 ۔۔
(ہے بھائی!) سارا سنسار (کسے ن کسے) ڈر-سہم دے ہیٹھ دبیا رہندا ہے۔
سرف اس منکھّ اتے (کوئی) ڈر آپنا زور نہیں پا سکدا جس نوں (پرماتما دا) نام (جیون واستے) سہارا ملیا ہویا ہے ۔۔1۔۔
ہے پربھو! تیری سرن پیاں (تیرا پلا پھڑیاں) کوئی ڈر آپنا زور نہیں پا سکدا۔
(کیونکِ پھر اہ نشچا بن جاندا ہے کِ) اہی کمّ کیتا جا سکدا ہے جو (ہے پربھو!) تینوں چنگا لگدا ہے ۔۔1۔۔ رہاؤ ۔۔
دکھّ منن وچ جاں خشی منان وچ (سنساری جیو واستے ڈر-سہم دا) آؤنا جانا بنیا رہندا ہے۔
سرف اس منکھّ نے (ٹکواں) آتمک آنند پراپت کیتا ہے جیہڑا پربھو نوں پیارا لگدا ہے (جو پربھو دی رزا وچ تردا ہے) ॥2۔۔
(ہے بھائی! اہ سنسار ترشنا دی) اگّ دا سمندر ہے (اس وچ جیواں اتے) مایا آپنا بہت زور پائی رکھدی ہے۔
جنھاں (وڈ-بھاگیاں) نوں ستگورو مل پیندا ہے، اہ (اس اگنِ-ساگر وچ وچردے ہوئے بھی انتر-آتمے) ٹھنڈے-ٹھارے ٹکے رہندے ہن ۔۔3۔۔
بچان دی تاکت رکھن والا پرماتما آپ ہی بچاندا ہے۔
(پر) ہے نانک! (ڈر-سہم توں بچن لئی، اگنِ-ساگر دے وکاراں دے سیک توں بچن لئی) جیواں وچاریاں دی کیہ پانیاں ہے؟ (اس واستے اس پرماتما دا پلا پھڑی رکھّ) ॥4۔۔63۔۔132۔۔
گؤڑی مہلا 5 ۔۔
(ہے پاربرہم پربھو!) تیری مہر نال ہی (تیرا) نام جپیا جا سکدا ہے۔
تیری کرپا نال ہی تیری درگاہ وچ (جیو نوں) ازت مل سکدی ہے ۔۔1۔۔
ہے پاربرہم پربھو! تیتھوں بنا (جیواں دا ہور) کوئی (آسرا) نہیں ہے۔
تیری کرپا نال ہی (جیو نوں) سدا لئی آتمک آنند مل سکدا ہے ۔۔1۔۔ رہاؤ ۔۔
(ہے پاربرہم پربھو!) جے توں (جیو دے) من وچ آ وسیں تاں (جیو نوں کوئی) دکھّ پوہ نہیں سکدا۔
تیری مہر نال جیو دی بھٹکنا دور ہو جاندی ہے، جیو دا ڈر-سہم بھجّ جاندا ہے ۔۔2۔۔
ہے پاربرہم پربھو! ہے بیئنت پربھو! ہے جگت دے مالک پربھو!
ہے سارے جیواں دے دل دی جانن والے پربھو! ॥3۔۔
(جے تیری مہر ہووے تاں ہی) میں آپنے گرو اگے (اہ) ارداس کر سکدا ہاں،
کِ مینوں نانک نوں پربھو دا نام ملے (نانک واستے نام ہی) سدا کائم رہن والا سرمایا ہے ۔۔4۔۔64۔۔133۔۔
گؤڑی مہلا 5 ۔۔
(ہے بھائی!) جویں دانیاں توں بنا خالی توہ (کسے کمّ نہیں آؤندے۔)
(اسے تراں) اہ مونہ سننجے ہن جو پرماتما دا نام جپن توں بنا ہن ۔۔1۔۔
ہے پرانی! سدا پرماتما دا نام سمردے رہو۔
پرماتما دے نام توں بنا اہ سریر جو آخر پرایا ہو جاندا ہے (جو موت آؤن تے چھڈنا پیندا ہے) پھٹکار-جوگا (کہا جاندا) ہے ۔۔1۔۔ رہاؤ ۔۔
(ہے بھائی!) پرماتما دا نام جپن توں بنا کسے متھے اتے بھاگ نہیں کھلھدا۔
خسم توں بنا (استری دا) سہاگ نہیں ہو سکدا ۔۔2۔۔
(ہے بھائی!) جیہڑا منکھّ پرماتما دا نام بھلا کے ہور ہور سواد وچ رجھدا ہے،
اس دی کوئی آس سرے نہیں چڑھدی ۔۔3۔۔
ہے پربھو! مہر کر کے توں جس منکھّ نوں آپنے نام دی دات بخشدا ہیں،
ہے نانک! (آکھ-) اہی دن رات تیرا نام جپدا ہے ۔۔4۔۔65۔۔134۔۔